2 - ايدىڭ 6 - كۇنى شينجياڭنان حۋبەيعا كومەككە باراتىن 3 - توپتاعى ەمدەۋ اترەتىنىڭ 142 مۇشەسى ىندەتتەن ساقتانۋ - تىزگىندەۋ قىزمەتىن ورىستەتۋ ءۇشىن ۇرىمجىدەن ۋحانعا ۇشاقپەن اتتاندى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى، اۆتونوميالى رايوننىڭ جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ ورىنباسار باستىعى شوكىرات زاكىر ءۇرىمجى ديوپۋ حالىقارالىق اۋەجايىنا بارىپ اتتاندىردى.
2 - ايدىڭ 6 - كۇنى ساعات 19 مولشەرىندە ەمدەۋ اترەتىنىڭ مۇشەلەرى اۋەجايدىڭ T3 تەرمينال عيماراتىنىڭ ۇلكەن زالىندا قاتارعا تۇرىپ، جينالىپ، اتتانۋعا ساقاداي سايلاندى. كوپشىلىك زور سەنىممەن، جالىندى جىگەرمەن سەنىمدى بەكەمدەپ، پارتيانىڭ قولباسشىلىعىنا قۇلاق اسىپ، بورىشتى ادا ەتىپ، باتىلدىقپەن سايىسىپ جەڭىسكە جەتۋ، حالىق بۇقاراسىنىڭ ءومىرى مەن دەنساۋلىعىن قورعاۋ ءۇشىن ەڭ زور قۇلشىنىس كورسەتۋگە سەرت بەرەتىندىكتەرىن ءبىلدىردى. ۇعىسۋعا قاراعاندا، وسى رەت اتتانعان 142 مۇشەنىڭ ءبارى اۆتونوميالى رايوندىق حالىق شيپاحاناسىنان كەلگەن، ولاردىڭ 78ى پارتيا مۇشەسى ەكەن. ەمدەۋ اترەتىنىڭ قۇرامىندا ارتقى شەپتى قامتاماسىز ەتۋدەن سىرت، 75 سەسترا، 60 شيپاگەر بار بولىپ، بۇلار تىنىس الۋ، سالماقتى ناۋقاستار مەديتسيناسى، جۇعىمدالۋ، شيپاحانادا جۇعىمدالۋ، ناركوزداۋ سياقتى 15 كاسىپتى قامتيدى ەكەن.
شوكىرات زاكىر اۆتونوميالى رايوندىق پارتكوم مەن ۇكىمەت اتىنان ەمدەۋ اترەتىنىڭ بارلىق مۇشەسىنە وسكەلەڭ قۇرمەت ءبىلدىردى جانە شىن جۇرەكتەن العىس ايتتى ءارى مۇشەلەر ارقىلى ىندەتتەن ساقتانۋ - تىزگىندەۋ قۇتقارۋدىڭ ءبىرىنشى شەبىندە شايقاس جاساپ جاتقان قالىڭ ەمدەۋ قىزمەتكەرلەرىنەن شىنايى حال سۇرادى. ول بىلاي دەدى: قازىر ىندەتتەن ساقتانۋ - تىزگىندەۋ شەشۋشى مەزگىلدە تۇر، شينجياڭنان حۋبەيعا كومەككە باراتىن 3 - توپتاعى ەمدەۋ اترەتى ۋحانعا كومەككە بارىپ، ىندەتتەن ساقتانۋ - تىزگىندەۋ قىزمەتىنە قاتىناسادى، بۇل باس شۋجي شي جينپيڭنىڭ ”ىندەت − بۇيرىق، ساقتانۋ - تىزگىندەۋ − جاۋاپكەرشىلىك“ دەگەنىن امالياتتا ايگىلەۋدىڭ ءىس جۇزىندىك ارەكەتى، بۇل وسكەلەڭ سانالى كەلەلى جاعداي تانىمى مەن وكىنىشسىز ۇلەس قوسۋ رۋحىن بەينەلەيدى، شينجياڭداعى 25 ميلليون ءار ۇلت بۇقاراسىنىڭ ابىرويى مەن ماقتانىشى.
شوكىرات زاكىر بىلاي دەدى: كوپشىلىك باس شۋجي شي جينپيڭنىڭ ىندەتتەن ساقتانۋ - تىزگىندەۋ قىزمەتى جونىندەگى ماڭىزدى ءسوزىنىڭ جانە ماڭىزدى نۇسقاۋىنىڭ رۋحىن، سونداي - اق پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويىپ، اجالعا اراشاشى، جارالىعا مەدەت بولاتىن، شەكسىز سۇيىسپەنشىلىك سيلايتىن كاسىپتىك رۋحپەن، شينجياڭداعى ءار ۇلت بۇقاراسىنىڭ حۋبەي حالقىمەن بەينەت پەن زەينەتتە بىرگە بولاتىن باۋىرلاستىق سۇيىسپەنشىلىگىمەن، شينجياڭداعى ەمدەۋ قىزمەتكەرلەرىنىڭ كۇرەسكەرلىك رۋحىمەن، كاسىپتىك مورالىمەن جانە جەتىك تەحنيكاسىمەن بار مىندەت جاۋاپكەرشىلىگىن وتەپ، ەمدەۋ قۇتقارۋ مىندەتىن جوعارى ساپامەن ورىنداپ، بۇكىل ەلدىڭ ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتۋىنە بەلسەنە ۇلەس قوسۋى كەرەك.
شوكىرات زاكىر بىلاي دەدى: كومەككە يە بولاتىن جەرگە بارعاننان كەيىن، سىزدەردىڭ حاۋىپسىزدىككە ءمان بەرىپ، جەكەلىك ساقتانۋدى كۇشەيتىپ، ءوز اماندىقتارىڭىزعا شىنايى كەپىلدىك ەتىپ، الدىڭعى شەپ پەن ارتقى شەپتىڭ تىلدەسۋىن، سايكەستىگىن كۇشەيتۋلەرىڭىزدى، باتىل تۇردە بۇيرىققا بويسۇنىپ، قولباسشىلىققا قۇلاق اسىپ، ءتارتىپتى ساقتاپ، جۇمىسقا جەدەل كىرىسىپ، عىلمي قۇتقارۋ - ەمدەۋ جۇرگىزۋلەرىڭىزدى ءۇمىت ەتەمىن. اۆتونوميالى رايوندىق پارتكوم مەن ۇكىمەت، سونداي - اق بۇكىل شينجياڭ حالقى قاشاندا سىزدەردىڭ بەرىك تىرەكتەرىڭىز، سىزدەردىڭ امان - ەسەن جەڭىسپەن ورالۋلارىڭىزدى كۇتەمىز.
اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى تيان ۋىن اتتاندىرۋ سالتىن باسقاردى.
