بۇراتالا وبلىسى: ساپالى وقۋ - اعارتۋدان سان مىڭداعان وتباسىن يگىلىكتەندىردى
− نازاردى نەگىزگى تاقىرىپقا، نەگىزگى جەلىگە شوعىرلاندىرىپ، رەتتەۋ - تۇزەتۋدى يگەرۋ جەلىلەس حابارى
”بۇرىن كلاستا وقۋشى ىعى - جىعى كوپ، ارتقى قاتاردا وتىرعاندا دوسكاداعى جازۋ انىق كورىنبەيتىن، قازىر كلاستار كەڭ دە جارىق، ەلەكتروندى وقىتۋ جابدىقتارى دا بار، جاڭا ورتادا ۇيرەنۋدى ۇناتامىن“. 11 - ايدىڭ 7 - كۇنى جىڭ اۋدانى تاقيا قالاشىعى 2 - باستاۋىش مەكتەبىنىڭ 6 - جىلدىق وقۋشىسى لي جيا - ي قۋانا وسىلاي دەدى.
تاقيا قالاشىعى جىڭ اۋدانىنداعى جان سانى ەڭ كوپ اۋىل - قالاشىق، لي جيا - ي بۇرىن وقىعان تاقيا قالاشىعى 1 - باستاۋىش مەكتەبى وسى قالاشىقتاعى بىردەن - ءبىر باستاۋىش مەكتەپ بولاتىن، وندا 45 وقۋشىدان اسقان ”ءىرى كلاس“ ماسەلەسى كورنەكتى، بۇقارانىڭ اڭىسى كۇشتى ەدى.
2 - توپتاعى نەگىزگى تاقىرىپتىق تاربيە ورىستەتىلگەننەن بەرى، جىڭ اۋدانى وسى ماسەلەنى بۇقارانىڭ مۇددەسىن ەلەپ - ەسكەرمەۋ جانە وعان زيان جەتكىزۋ ماسەلەلەرىن ارناۋلى رەتتەۋ - وڭاۋعا ەنگىزىپ، بەلسەنە رەتتەۋ - تۇزەتۋ جۇرگىزىپ، تاقيا قالاشىعى 2 - باستاۋىش مەكتەبىن جەدەل سالىپ، كلاستارعا تۇتاستىرۋ، مەكتەپتىڭ وپتيكالىق كابەل جەلىسى، مەكتەپ اسحاناسى سياقتى نەگىزدىك قۇرىلعىلار قۇرىلىسىن تەز اياقتاتتى، سونداي - اق ”ەمتيحان الماۋ، جاقىن ماڭايدان قابىلداۋ، اۋماقتاردى ءبولۋ، ءبىر تۇتاس جوسپارلاپ تەڭ ءمان بەرۋ“ پرينسيبىنە ساي، وقىتۋ رايونىن لايىقتى ءبولدى. 10 - ايدىڭ 8 - كۇنى بۇل مەكتەپ رەسمي قولدانىسقا ءتۇسىپ، ىسكە قوسىلدى.
ونەگە ورناتىپ ادام تاربيەلەۋ ءتۇبىرلى مىندەتىمەن تىعىز بايلانىستىرىپ، بۇراتالا موڭعۇل اۆتونوميالى وبلىسىنىڭ وقۋ - اعارتۋ سالاسىنداعى پارتيا ۇيىمدارى نەگىزگى تاقىرىپتىق تاربيە بارىسىندا ۇيرەنۋ مەن ىستەۋدى بىرلەستىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋدى، دايەكتىلەندىرۋدى ءتۇبىرلى مىندەت ەتىپ، پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ىلەسە ۇيرەنىپ، دايەكتىلەندىرىپ، باس شۋجي شي جينپيڭنىڭ وقۋ - اعارتۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، بۇقارانىڭ ”وقۋ - اعارتۋعا تالاپ - تىلەكتەرىن“ ىشكەرىلەي تەكسەرىپ - زەرتتەپ، وقۋ - اعارتۋ بايلىعىنىڭ دامۋىنداعى بىركەلكىسىزدىك، وقىتۋشىلار قوسىنى قۇرىلىمىنداعى ۇيلەسىمسىزدىك سياقتى كوپتەگەن ماسەلەلەردى اداقتاپ، پارمەندى شارالار قولدانىپ جەدەلدەتە شەشىپ، وقۋ - اعارتۋ سالاسىنىڭ دامۋداعى ولقىلىقتارىن كۇش سالا تولىقتادى. وقۋ - اعارتۋدى دامىتۋدى قامتاماسىزداندىرۋ قارجىسىن قۇرىپ، وبلىس، اۋدان (قالا) ەكى دارەجەلى قازىنادان جىلىنا 29 ميلليون 500 مىڭ يۋان قارجى قوسۋدى بەلگىلەپ، تىرەكتى وقىتۋشىلاردى باۋلۋ، وقۋ - وقىتۋدى ينفورماتسيالاندىرۋ، وقۋ - وقىتۋدى، وقىتۋدى زەرتتەۋدى جوعارىلاتۋ جوسپارىن ءتۇيىندى ىلگەرىلەتتى. سونىمەن بىرگە، وقۋ - اعارتۋ بايلىعىن عىلمي، ۇيلەسىمدى جايعاستىرۋ سياقتى تاسىلدەر ارقىلى مەكتەپتەردىڭ ورنالاسۋىن رەتتەۋدى ورنىقتى ىلگەرىلەتىپ، وڭىرلىك مىندەتتى وقۋ - اعارتۋدىڭ بىركەلكى دامۋىن ىلگەرىلەتتى.
بۇراتالا موڭعۇل اۆتونوميالى وبلىستىق پارتكومنىڭ تۇراقتى مۇشەسى، وبلىستىڭ ورىنباسار باستىعى زىڭ جيان بىلاي دەپ تانىستىردى: بۇراتالا وبلىسى الدەقاشان 40 ميلليون يۋان دايىنداپ، ۇكىمەت باسقارۋىنداعى 2 بالاباقشانى جاڭادان سالدى، ءبىر ميلليون 300 مىڭ يۋان قارجى قوسىپ، حالىق باسقارۋىنداعى 3 بالاباقشاعا تيىمدىلىك جەتكىزۋ سيپاتىنداعى حالىقتىق بالاباقشا ەتىپ قۇرىپ شىعۋدى تاپسىرىپ، بۇدان 1456 بالا يگىلىكتەنىپ، بۇقارا اڭىس ەتكەن بالالاردىڭ بالاباقشاعا ءتۇسۋى قيىن بولۋ، بالاباقشاعا كىرۋ اقىسى قىمبات بولۋ ماسەلەلەرى شەشىلدى.
نەگىزگى تاقىرىپتىق تاربيە بارىسىندا، بۇراتالا وبلىسىندا ساپالى وقۋشى قاينارىنىڭ ازايۋى ءبىرشاما كورنەكتى بولۋ ماسەلەسىنە مەڭزەس، بۇراتالا قالالىق جوعارى دارەجەلى ورتا مەكتەپ پارتيا باس ياچەيكاسى جاڭا وقۋ ماۋسىمىندا ”تۇقىم سەبەتىن وقىتۋشى“ باۋلۋ جوسپارىن بەلگىلەدى. پارتيالى 5 وقىتۋشىنى حۋاجۇڭ پەداگوگيكالىق داشۋەسىنە قاراستى 1 - ورتا مەكتەبىنىڭ باس مەكتەبىنە قىزمەت ورنىندا جارتى جىل ىلەسە ۇيرەنۋگە تاڭداپ جىبەردى، ولار وقىتۋ امالياتىن ۇيرەنىپ، سارالاۋدان ءوتىپ، باسەكەگە ءتۇسىپ، ابدەن ۇيرەنگەن سوڭ قايتىپ كەلىپ، مەكتەپتىڭ پاندەر باسەكەسى باس جاتتىقتىرۋشىسى مىندەتىن اتقاردى. سونىمەن بىرگە، ”اقىل - پاراسات ەنگىزۋ، دارىندى ەنگىزۋ“ شاراسىن اتقارىپ، شينجياڭ ءىشى - سىرتىنداعى تاڭداۋلى پەنسيونەر وقىتۋشىلاردان 20 ادامدى ۇسىنىس ەتىپ، وقۋ - وقىتۋعا، وقىتۋدى زەرتتەۋگە جەتەكشىلىك جاسادى. مەكتەپ پارتيا باس ياچەيكاسىنىڭ شۋجيى لي شياۋپيڭ بىلاي دەدى: ”مەكتەپ 3 جىل ىشىندە ورتا جاس، جاس وقىتۋشىلاردى يدەيادا وزىق، كاسىپكە جەتىك وقۋ - وقىتۋ شەبەرلەرىنە نەمەسە پاندەردىڭ تىرەكتى جەتەكشىلەرىنە اينالدىرىپ، مەكتەپتىڭ ۇزدىكسىز ساپالى دامۋىنا كۇش قوسۋدى جوسپارلاپ وتىر“.
ساياحات وڭىرلەرىنىڭ ەسىك بەلەتى اقىسىز بولۋ، ەمدەلۋدە بوگەتسىز بولۋ، اۆتوبۋزعا تۇسكەندە بەلەت الماۋ... وقىتۋشىلارعا جاسالاتىن مامىلەنى جوعارىلاتۋدى توڭىرەكتەي، بۇكىل قوعامدا وقىتۋشىلاردى قۇرمەتتەپ، وقۋ - اعارتۋعا ءمان بەرەتىن راي قالىپتاستىرۋ ءۇشىن، بۇراتالا وبلىسى 2 - توپتاعى نەگىزگى تاقىرىپتىق تاربيە باستالا سالىسىمەن تۇزەتىپ، قاتىستى ورىندار سەلبەسىپ، وقىتۋشىلارعا كوپ رەت ”مول سي“ تارتۋ ەتتى. سونىمەن بىرگە، جوعارىعا شىعا الاتىن، تومەن تۇسە الاتىن، كىرە الاتىن، شىعا الاتىن باسەكەلىك ادام ىستەتۋ مەحانيزمىن ورناتىپ، وقىتۋشىلاردى تەكسەرۋ - باعالاۋ، باعالاۋ ءتۇزىمى سياقتىلاردى بىرتىندەپ ساپالىلاندىرىپ، كەمەلدەندىرىپ، بۇراتالا وبلىسىنداعى 11 مىڭنان استام وقىتۋشىنىڭ نەگىزگى تاقىرىپتىق تاربيە الا كەلگەن وزگەرىستەردى تەرەڭىنەن سەزىنىپ، پارتيا ءۇشىن ادام تاربيەلەۋ، وتان ءۇشىن دارىندى تاربيەلەۋ، وقۋ - اعارتۋ ىستەرىنە ءومىرىن ارناۋداي بورىشتىلىق سەزىمىن، جاۋاپكەرشىلىك سەزىمىن، داڭق سەزىمىن اناعۇرلىم كۇشەيتىپ، حالىق رازى بولاتىن وقۋ - اعارتۋ جۇرگىزۋ جولىندا ومىرشەڭدىك كۇش قوسىپ، قوزعاۋشى كۇشىن نىعايتتى.
