2 - كەزەكتى جۇڭگو حالىقارالىق يمپورت كورمەسى 11 - ايدىڭ 10 - كۇنى جابىلدى. وسى كەزەكتى يمپورت كورمەسىندە كورمەگە قاتىناسقان شينجياڭ ساۋدا ۇيىرمەسى سەلبەستىك جايلى اقىلداسۋدا، ساۋدا ورايىن قاراستىرۋدا قوماقتى تابىسقا قول جەتكىزدى.
وسى كەزەكتى يمپورت كورمەسىندە شينجياڭ ساۋدا ۇيىرمەسىنىڭ ەل ءىشى - سىرتىنداعى ساۋداگەرلەرمەن سەلبەسۋ كولەمى كەڭ بولدى، ءداستۇرلى ساۋدادان سىرت، نەگىزدىك قۇرىلعى، تەحنيكالىق جابدىق، قىزمەت وتەۋ ساۋداسى، ەمدەۋ اسپاپتارى سياقتى سالالارداعى سەلبەستىكتەردە دە ورلەۋ اۋقىمى جارىققا شىقتى.
وسى كەزەكتى يمپورت كورمەسىندە ”بەيزاتتىق مادەنيەت مۇرالارى جانە جۇڭحۋانىڭ تاريحى ۇزاق دۇكەندەرى“ مادەنيەتىن ايگىلەۋ نىساندارى تۇڭعىش رەت قويىلدى، شينجياڭ كورمەگە قويعان اتلاس تورعىن، ۇلت اسپاپتارى، كەستە، قارعاشالاپ جامالعان فارفور بۇيىمدار سياقتى بەيزاتتىق مادەنيەت مۇرالارى نىسانى ەل ءىشى - سىرتى ساۋداگەرلەرىنىڭ نازارىن اۋداردى جانە قىزىقتىردى. فارفور بۇيىمداردى قارعاشالاپ جاماۋ شەبەرلىك ونەرى كورمە ورنىنىڭ جاۋاپتىسى يان پىڭلي: ”كوپتەگەن ەل ءىشى - سىرتى ساۋداگەرلەرى فارفور بۇيىمداردى قارعاشالاپ جاماۋ شەبەرلىك ونەرىنە قاتتى قىزىعىپ، بىزگە ساۋدالىق سەلبەستىك جانە مادەنيەت اۋىس - كۇيىس ورايىن ازىرلەدى. يمپورت كورمەسى سىندى تۇعىردا شينجياڭنىڭ بەيزاتتىق مادەنيەت مۇرالارىن جالپىلاستىرا العانىمىزدى ماقتانىش سەزىنەمىز“، - دەدى.
ۇعىسۋعا قاراعاندا، 2 - كەزەكتى يمپورت كورمەسىنە قاتىناسقان كاسىپورىنداردىڭ كولەم، ساپا، كورمە جايعاستىرۋ ورەسى سياقتى جاقتارىندا دەرلىك تۇڭعىش كەزەكتى يمپورت كورمەسىنە سالىستىرعاندا تىڭ ناتيجەلەر جاراتىلعان. العاشقى ساناققا نەگىزدەلگەندە، 2 - كەزەكتى يمپورت كورمەسى كەزىندە جالپى 181 مەملەكەت، رايون جانە حالىقارالىق ۇيىم كورمەگە قاتىناسقان، 3800دەن استام كاسىپورىن كاسىپورىندار كورمەسىنە قاتىناسقان، تىركەلگەن كاسىپتىك كورەرمەن 500 مىڭنان اسقان، مۇندا شەكارا سىرتىنداعى 7000 نەشە ساتىپ الۋشى كاسىپورىن قامتىلىپ، تۇڭعىش كەزەكتى كورمەدەن الدەقايدا اسىپ تۇسكەن.
كاسىپورىن جونىنەن العاندا، يمپورت كورمەسى اكەلگەن ورايلار اناعۇرلىم كوپ نەگىزدى بولدى. يمپورت كورمەسى كەزىندە، شينجياڭ جاڭا جىبەك جولى حالىقارالىق جىلقى شارۋاشىلىعى شەكتى جاۋاپكەرشىلىك سەرىكتەستىگىنىڭ كاسىپ ديرەكتورى جي جيانكاڭ ازىق - تۇلىك جانە اۋىل شارۋاشىلىعى ونىمدەرى كورمە زالىن مۇقيات ەكسكۋرسيالاپ شىقتى. ول تىلشىگە سەرىكتەستىكتىڭ يمپورت ونىمدەرى، باستىسى، ازىق - تۇلىك جانە اۋىل شارۋاشىلىعى ونىمدەرى ەكەندىگىن ايتتى، وسى رەت كورمەگە قاتىناسقان ول شەتەلدىڭ كوپتەگەن ازىق - تۇلىك ينفورماتسيالارىن جيناپ الدى. ”ازىق - تۇلىك تۇرلەرى اناعۇرلىم كوپ تۇرلىلەنگەن، تەك سۇرلەنگەن سان ەتىنىڭ ءوزى سان الۋان ءتۇرلى، ءبىز مۇقيات زەرتتەپ ۇيرەنۋىمىز كەرەك، الداعى جەردە اناعۇرلىم مۇقيات جىكتەپ، بازار اشىپ، تۇتىنۋشىلاردىڭ قاجەتىنە قاراي ءونىم قۇرىلىمىن رەتتەيمىز“، - دەدى جي جيانكاڭ.
