2 - كەزەكتى جۇڭگو شينجياڭ ەرەكشە جەمىس ونىمدەرى كورمەسى جابىلدى
50 نەشە تۇرپاتتاعى 700 ءتۇرلى ءونىم كورمەگە قويىلىپ ساتىلدى، كەلىسىم جاساسقان قارجى سوماسى 5 ميلليارد 127 ميلليون يۋان بولدى
ءتىلشىمىز شى شين 11 - ايدىڭ 10 - كۇنى گۋاڭجوۋدان حابارلايدى. 11 - ايدىڭ 10 - كۇنى 2 - كەزەكتى جۇڭگو شينجياڭ ەرەكشە جەمىس ونىمدەرى كورمەسى گۋاڭجوۋدا جابىلدى. وسى كەزەكتى كورمەدە، شينجياڭنىڭ مول تابيعي بايلىعى، اسىرەسە، ورمان - جەمىس شارۋاشىلىعى وزىنە ءتان ەرەكشە باۋراۋ كۇشىن تولىق ايگىلەدى. بيىل 5 - ايدان باستاپ دايىندىق كورگەننەن بەرى جاساسقان نىسان كەلىسىم سوماسى 5 ميلليارد 127 ميلليون يۋان بولدى، مۇنىڭ ىشىندە جاساسقان توقتام سوماسى 3 ميلليارد 766 ميلليون يۋان، نيەت كەلىسىم سوماسى ءبىر ميلليارد 361 ميلليون يۋان بولدى.
”كورىكتى شينجياڭ . ءيىسى اڭقىعان جەمىس“تى نەگىزگى تاقىرىپ ەتكەن وسى كەزەكتى كورمەنى مەملەكەتتىك ورمان شارۋاشىلىعى جانە جايلىم مەكەمەسى، اۆتونوميالى رايوندىق حالىق ۇكىمەتى جانە گۇاڭدۇڭ ولكەلىك حالىق ۇكىمەتى بىرلەسىپ وتكىزگەن. تۇڭعىش رەت جۇڭحۋا حالىق رەسپۋبليكاسىنىڭ قۇرىلعاندىعىنىڭ 70 جىلدىعىن قۇتتىقتاۋ، ”شينجياڭ جاقسى جەر“، ”ءبىر بەلدەۋ، ءبىر جول“ جىبەك جولى ەكونوميكا بەلدەۋ وزەكتى رايون قۇرىلىسى، ”شارۋالار مول ءونىم مەرەكەسى“ سياقتى مازمۇندار ەنگىزىلىپ، كورمەنىڭ داۋىرلىك تىنىسى مەن ومىرشەڭدىك كۇشىن اسىرا ءتۇستى.
اۆتونوميالى رايوندىق ورمان شارۋاشىلىعى جانە جايلىم مەكەمەسىنىڭ ورىنباسار باستىعى شۇي حۇڭشيڭ بىلاي دەپ تانىستىردى: بۇل كەزەكتى كورمە 3 ”تۇڭعىشتى“ اشتى: تۇڭعىش رەت مەملەكەت دارەجەلى ورمان شارۋاشىلىعى ءتۇيىندى كورمەسى قاتارىنا ەنگىزىلدى، تۇڭعىش رەت وزگە ولكە، اۆتونوميالى رايون، قالالاردى كورمەگە قاتىناسۋعا شاقىردى، تۇڭعىش رەت 2019 - جىلعى جۇڭگو بەيجيڭ دۇنيە جۇزىلىك باۋ - باقشا كورمەسى سىندى تۇعىر ارقىلى ءارقايسى ولكە، اۆتونوميالى رايون، قالالارعا ۇگىتتەپ، تانىستىرىپ، شينجياڭنىڭ جانە ءارقايسى ولكە، اۆتونوميالى رايون، قالالاردىڭ ەرەكشە ورمان - جەمىس سياقتى اۋىل شارۋاشىلىق ونىمدەرىن تابىسپەن ايگىلەپ، ”شينجياڭ جاقسى جەر“ ساياحات تانىمال ماركاسى مەن شينجياڭ ورمان - جەمىس ونىمدەرىنىڭ ساپاسىن جوعارىلاتىپ، ونىمدىلىگىن ارتتىرۋ ينجەنەرياسىنىڭ تابىسىن تولىق ايگىلەپ، ءارقايسى ولكە، اۆتونوميالى رايون، قالالارمەن اۋىس - كۇيىس سەلبەستىگىن نىعايتىپ، كورمەگە قاتىناسقانداردىڭ جانە ءار جاقتىڭ جوعارى باعاسى مەن القاۋىن الىپ، كوزدەگەن نىساناعا جانە ونىمدىلىككە قول جەتكىزدى.
تۇڭعىش كەزەكتى كورمەمەن سالىستىرعاندا، وسى كەزەكتى كورمەنىڭ كورمە اۋماعىنىڭ كولەمى ءبىر ەسەگە جۋىق كەڭەيدى، بۇكىل ەلدەگى 21 ولكە، قالا، اۆتونوميالى رايون، شينجياڭ ءوندىرىس - قۇرىلىس بيڭتۋانى، 470 كاسىپورىن، سەلبەستىك ۇيىمدار 50 نەشە تۇرپاتتاعى 700 ءتۇرلى ءونىمىن كورمەگە قويدى، ساتتى، مۇنىڭ ىشىندە تەك تاڭداۋلى ونىمدەر كورمە اۋماعىندا 310نان استام ءتۇرلى ءونىم بولىپ، سانى ءبىر ەسەدەن ارتىق ارتتى.
الدىڭعى كەزەك كورمەنىڭ قيمىل - نىساندارىن جالعاستىرۋمەن بىرگە، شينجياڭنىڭ ورمان - جەمىستەرىنىڭ نەگىزگى وندىرىلەتىن ورنى − قاشقار، حوتان، اقسۋ ايماقتارىنىڭ جانە بايىنعولين موڭعۇل اۆتونوميالى وبلىسىنىڭ 4 مايدان وزىندىك ەرەكشەلىككە يە تانىستىرۋ جينالىسىن وتكىزۋىن ورنالاستىردى.
كورمە كەزىندە، اۆتونوميالى رايوندىق ورمان شارۋاشىلىعى جانە جايلىم مەكەمەسى جۇڭگو قالا ساۋدا تور تۇيىندەرى قۇرىلىسىن باسقارۋ بىرلەستىگىمەن سەلبەستىك جاساسۋ جونىندەگى جۇلگەلىك كەلىسىمگە قول قويىپ، قالا ساۋدا تور تۇيىندەرى قۇرىلىسىن باسقارۋ بىرلەستىگىنىڭ بۇكىل ەلدە ساتۋ تور تۇيىندەرى ارقىلى شينجياڭ ورمان - جەمىس ونىمدەرىنىڭ ساتۋ ارناسىن كەڭەيتىپ، شينجياڭنىڭ ورمان - جەمىس شارۋاشىلىعىنىڭ دامۋىنا تىڭ قوزعاۋشى كۇش ۇستەدى.
شينجياڭ ەرەكشە جەمىس ونىمدەرى (گۋاڭجوۋ) ساۋدا جارمەنكەسى 2009 - جىلدان باستاپ وتكىزىلىپ، 2018 - جىلى جۇڭگو شينجياڭ ەرەكشە جەمىس ونىمدەرى كورمەسى دەڭگەيىنە كوتەرىلدى، الدىڭعى كەزەكتى كورمەدە جالپى قول قويىسقان كەلىسىم سوماسى 38 ميلليارد 700 ميلليون يۋان بولىپ، ساتىلىم سوماسى 46 ميلليون يۋاننان اسقان.
