تارباعاتاي ايماعى دالمە - ءدال كۇش سالىپ، ساياحاتتى دامىتۋداعى بوگەتتەردى تالقانداۋعا كۇش سالدى
− نازاردى نەگىزگى تاقىرىپقا، نەگىزگى جەلىگە شوعىرلاندىرىپ، رەتتەۋ - تۇزەتۋدى يگەرۋ جەلىلەس حابارى
”اراسان كورىنىس وڭىرىندە وزگەرىس زور، ويلى - شۇڭقىر جولدار تەگىستەلدى، قونالقى ورىندارى اسا قولايلى، قۇرىلعىلارى دا كەمەلدى.ءبىز راقاتتانا ءلاززات الىپ، قۇمارىمىز قانعانشا سەيىلدەدىك“، - دەدى 11 - ايدىڭ 2 - كۇنى ساۋان اۋدانىنىڭ اراسان كورىنىس وڭىرىندە سەيىل - سەرۋەن قۇرىپ جۇرگەن ساياحاتشى گاۋ يۋانحاڭ.
2 - توپتاعى ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى ورىستەتىلگەننەن بەرى، تارباعاتاي ايماعىنداعى مادەنيەت، ساياحات تاراۋلارى كورىنىس وڭىرلەرىنە، سالا ورىندارىنا، ساياحات كاسىپورىندارىنا ىشكەرىلەي بارىپ تەكسەرۋ - زەرتتەۋ جۇرگىزىپ، ءىس جۇزىندىككە ۇشتاستىرىپ، پارىقتاردى تاۋىپ، ولقىلىقتاردى تولىقتاپ، ساياحاتتىڭ دامۋىنا تۇساۋ بولىپ وتىرعان تەرەڭ قاتپارداعى ماسەلەلەردى ىشكەرىلەي اداقتادى. كورىنىس ادەمى بولعانىمەن، وعان باراتىن جولدىڭ قيىندىعى، قۇرىلعىلاردىڭ كەمەلسىزدىگى، قونالقى شارت - جاعدايىنىڭ ءجونسال بولۋى، ساياحاتتىڭ قاۋىرت كەزىندە ”ءبىر جاتار ورىن تابۋدىڭ قيىنعا سوعۋى“ سياقتى ماسەلەلەرگە مەڭزەس، تۇرلەر بويىنشا ماسەلەلەر ءتىزىمىن جاساپ، تىنباي رەتتەپ - تۇزەتىپ، تارباعاتاي ايماعىنىڭ ساياحاتقا قىزمەت وتەۋ ساپاسى مەن ورەسىن ۇزدىكسىز جوعارىلاتتى.
اراسان كورىنىس ءوڭىرى ساۋان اۋدان قالاشىعىنان 60 كيلومەتر شالعايدا. اراسان كورىنىس وڭىرىندە قىزمەت وتەۋ اۋماعىنان دەمالىس اۋماعىنا دەيىنگى 7 كيلومەتر جول تالاي جىلدار بويى جوندەۋسىز قالعان، جول بەتى ويلى - شۇڭقىر، بەلگى تاقتالارى كەتىلىپ، قورعانۋ قۇرىلعىلارى جەتەرسىز بولىپ، ءىشىنارا جولدار وپىرىلىپ، ساۋان اۋدانىنىڭ ساياحات كاسىبىنىڭ دامۋىنداعى تۇساۋعا اينالعان ەدى.
تارباعاتاي ايماعى دالمە - ءدال كۇش سالىپ، بوگەتتەردى تالقانداۋعا كۇش سالىپ، اراسان كورىنىس وڭىرىندەگى قىزمەت وتەۋ اۋماعىنان دەمالىس اۋماعىنا دەيىنگى جولدى جوندەۋدى جەدەلدەتۋگە بەل بۋدى، 10 - ايدىڭ 1 - كۇنى وسى جول بولىگىندە اۆتوكولىك ءساتتى قاتىنادى. مەملەكەت مەرەكەسى كەزىندە كۇنىنە ورتا ەسەپپەن 2000نان استام ادام - رەت ساياحاتشى قابىلدادى. كورىنىس وڭىرىندەگى الەۋمەتتىك قىزمەت وتەۋ قۇرىلعىلارىن كۇش سالا كەمەلدەندىرىپ، كورىنىس وڭىرىندەگى جاڭادان سالىنعان حابار بايلانىس بازاسى، اۆتوكولىك تۇراعى الاڭى سياقتى ورىنداردا ساياحاتشىلاردىڭ جانعا جايلى سەزىنۋى، رازى - حوش بولۋ سالىستىرماسى بارىنشا جوعارىلادى.
ۇيرەنۋ مەن ىستەۋدى ۇشتاستىرىپ، تەكسەرۋ مەن تۇزەتۋدى ساباقتاستىردى. نەگىزگى تاقىرىپتىق تاربيەسى بارىسىندا تارباعاتاي ايماعى ىلگەرىندى - كەيىندى ءدوربىلجىن اۋدانىنىڭ جابايى جەمىس ورمانى كورىنىس ءوڭىرى، شيحۋدىڭ فوشان مەملەكەتتىك ورمان باقشاسى، ساۋان اۋدانىنىڭ اراسان كورىنىس ءوڭىرى، ۇلۋجان سياقتى ايگىلى كورىنىس وڭىرلەرىنىڭ نەگىزدىك قۇرىلعىلارى مەن قىزمەت وتەۋ سايكەستى قۇرىلعىلارى جاعدايىنا ءبىر - بىرلەپ تەكسەرۋ - زەرتتەۋ جۇرگىزىپ، تۇگەلدەي اداقتاپ، بايقالعان ماسەلەلەردى بىلگەن زاماتتا - اق جەدەل تۇزەتىپ، تاباندا اتقارىپ، تاباندا تۇزەتتى.
ەگىنشى - مالشىلاردىڭ حالىقتىق تۇسەلحانانى دامىتۋىنىڭ جالاڭ - جاداعايلىعىنا، كىرىستى ارتتىرۋ ارناسىن ءتىپتى دە كەڭەيتۋ قاجەتتىلىگى ماسەلەلەرىنە مەڭزەس، تارباعاتاي ايماعى ”ساياحات + اۋىل - قىستاق كاسىپ سالاسى“ ۇلگىسى جونىندە ىزدەنىس جاساپ، ەگىنشى - مالشىلاردى ەرەكشە اس - سۋ، اۋىل - قىستاق ساياحاتى، ءتول كەشىرمە ساياحاتى سياقتىلارعا جەتەكتەپ، ساياحات حالىقتىق تۇسەلحاناسىن دامىتۋدى ىلگەرىلەتتى. كەزەكتە تارباعاتاي ايماعى حالىقتىق تۇسەلحانا سانىن 850گە، توسەك ورىندى 3867گە جەتكىزدى.
مالشىلار تاعامىنان ءدام تاتىپ، حالىقتىق تۇسەلحانادا تۇنەپ، مالشىلاردىڭ تۇرمىسىن باستان كەشىردى... تولى اۋدانى S318 ولكە تاس جولىنداعى ساياحات تۇيىندەرىن تىرەك ەتىپ، كۇپ اۋىلىندا قازاقشا حالىقتىق تۇسەلحانا، سالت - سانا، ءوز كولىگىمەن ساياحاتتاۋ بازاسىن قۇرىپ، ەرەكشەلىككە يە حالىقتىق تۇسەلحانا سالىپ، قىرۋار ساياحاتشىنى باۋراپ، سول ماڭداعى شارۋالاردىڭ دا ”ساياحات اسى“نان اۋىز تيۋىنە باستاماشىلىق ەتتى.
وسى بازانىڭ جاۋاپتىسى جوۋ جيانسىن بىلاي دەدى: ”اۋىل - قىستاقتى كوركەيتۋ + ءوز كولىگىمەن ساياحاتتاۋ + ەرەكشە حالىقتىق تۇسەلحانا، ءبىزدىڭ جارقىن تانىسقىمىزعا اينالدى، بۇل كوركەم اۋىل - قىستاققا تۇتاستىراتىن جول بولىپ قانا قالماستان، ەگىنشى - مالشى بۇقاراسىن كىرىستى ارتتىرىپ اۋقاتتاندىراتىن جول“.
تارباعاتاي ايماقتىق مادەنيەت - دەنە تاربيە، راديو - تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى چاي حۇڭحۋا بىلاي دەدى: نەگىزگى تاقىرىپتىق تاربيەسى بارىسىندا جيىنى 57 ماسەلەنى سالالاپ شىقتىق، مۇندا 23 ماسەلەنى ءبىر جاعىنان ۇيرەنىپ، ءبىرجاعىنان تۇزەتتىك. كەلەسى قادامدا ساياحات حالىقتىق تۇسەلحاناسى مەن كەدەيلىكتەن ارىلتۋدان قامال الۋدى، اۋىل - قىستاقتى كوركەيتۋدى تىعىز ۇشتاستىرىپ، تاماقتانۋ، جاتىن ورىن، كۇتىنۋ، ساياحاتتاۋ، زات ساتىپ الۋ، كوڭىل اشۋ ونىمدەرىن قالىپتاستىرۋدى جەدەلدەتىپ، ساياحات كاسىبى تىزبەگىن ۇزارتىپ، ”ماي بوياۋلى سۋرەتتەي تارباعاتاي“ ساياحات ماركاسىن جاڭعىرتامىز.
