ەسىك اشۋدىڭ شىعىس جەلىمەن دامۋدىڭ جەلكەنىن جايامىز
− ءتوراعا شي جينپيڭنىڭ 2 - كەزەكتى جۇڭگو حالىقارالىق يمپورت كورمەسىنىڭ اشىلۋ سالتىنداعى ارقاۋ ءسوزى رايونىمىزدا قىزۋ اڭىس قوزعادى
ءتوراعا شي جينپيڭنىڭ 2 - كەزەكتى جۇڭگو حالىقارالىق يمپورت كورمەسىنىڭ اشىلۋ سالتىنداعى ارقاۋ ءسوزى رايونىمىزدا قىزۋ اڭىس قوزعادى. كوپشىلىك جاپا - تارماعاي مىنانى ءبىلدىرىستى: ”ءبىر بەلدەۋ، ءبىر جول“ قۇرىلىسىنىڭ ماڭىزدى ورايىن مىقتى يگەرىپ، ناقتى ارەكەتىمىز ارقىلى رەفورمانى جەبەپ، دامۋدى جەبەپ، جاڭالىق اشۋدى جەبەپ، شينجياڭنىڭ اناعۇرلىم جوعارى دەڭگەيدە سىرتقا ەسىك اشۋىن ۇزدىكسىز ىلگەرىلەتىپ، ەسىك اشۋدىڭ شىعىس جەلىمەن جوعارى ساپالى دامۋدىڭ جەلكەنىن جايۋىمىز كەرەك.
ءتوراعا شي جينپيڭنىڭ ارقاۋ سوزىندە اشىق سەلبەسەتىن، اشىق جاڭالىق اشاتىن جانە اشىق بىرگە يگىلىكتەنەتىن دۇنيە ءجۇزى ەكونوميكاسىن بىرگە قۇرۋدى العا قويۋى دۇنيە جۇزىنە ەسىك اشۋدىڭ كۇشتى سيگنالىن تاعى دا جەتكىزدى. اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ شۋجيى، مەڭگەرمە باستىعى رۇڭ جۇن بىلاي دەدى: ءبىز شينجياڭنىڭ سىرتقا ەسىك اشۋىنىڭ ءىس جۇزىندىك جاعدايىن تياناق ەتىپ، مىندەتتى تۇرلەر بويىنشا جىكتەپ، دايەكتىلەندىرۋدى، تياناقتاندىرۋدى مىقتى يگەرەمىز. نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرۋعا تاباندى بولۋ العى شارتىندا، ىشكە - سىرتقا ەسىك اشۋ اياق الىسىن تەزدەتۋ ارقىلى شىعىسپەن بىرلەسىپ باتىسقا شىعارۋ سىندى حالىقارالىق ساۋدا ءىرى وتكەلىن اشىپ، جىبەك جولى ەكونوميكالىق بەلدەۋى وزەكتى رايون قۇرىلىسىن جەدەلدەتىپ، ەكونوميكانىڭ دامۋ قۇرىلىمىنا بۇرىلىس جاساپ، شار تاراپقا ەسىك اشۋ جاڭا جەلىسىن قۇرىپ، شينجياڭنىڭ مەملەكەتتىڭ ەسىك اشۋ جۇيەسىمەن توعىسۋىنا جاڭا قوزعاۋشى كۇش قوسامىز.
ءۇرىمجى كەدەنىنىڭ باستىعى ديڭ جيباۋ بىلاي دەدى: ”ءبىز حالىقارالىق كەدەنمەن سەلبەستىككە سۇيەنە وتىرىپ، ەكى جاقتى، كوپ جاقتى حالىقارالىق سەلبەستىكتى تەرەڭدەتىپ، ورتا ازيا ەلدەرىمەن ءار ءتۇرلى تاۋاردى تەكسەرۋ، كارەنتيندەۋ جانە ولشەۋ ولشەمىن بەلگىلەۋگە ىرىقتى تۇردە ىشكەرىلەي قاتىناسىپ، شينجياڭعا تاماشا شارۋاشىلىق - ساۋدا ورتاسىن جاسايمىز، يمپورتتى كەڭەيتۋگە ۇلەس قوسامىز. سونىمەن قاتار، شينجياڭنىڭ ءىس جۇزىندىك جاعدايىمەن ۇشتاستىرىپ، شوعىرلى قۇراۋ، شوعىرلى تاسىمالداۋ، TIR تاسىمالى سياقتى كەدەننەن وتكىزۋدى قولايلىلاستىرۋ شارالارىنىڭ تياناقتانىپءونىم بەرۋىن ىلگەرىلەتەمىز ءارى اۆتونوميالى رايوننىڭ ’ءبىر پورت، ەكى رايون، 5 ۇلكەن ورتالىق، شەكارا وتكەلى ەكونوميكالىق بەلدەۋى‘ قۇرىلىسىن ارقاۋ ەتىپ، شەكارا بويىنداعى تۇرعىنداردىڭ ءوزارا ساۋداسىنىڭ، جۇڭگو - قازاقستان قورعاس حالىقارالىق شەكارالىق سەلبەستىك ورتالىعىنىڭ، اۋىل شارۋاشىلىعى ونىمدەرىن كەدەننەن تەز وتكىزۋ ’جاسىل وتكەلى‘نىڭ جاڭالىق اشا دامۋىن ىلگەرىلەتەمىز“.
جۇڭگو - قازاقستان قورعاس حالىقارالىق شەكارالىق سەلبەستىك ورتالىعى − جۇڭگو مەن قازاقستان ەكى جاقتىڭ اۋىس - كۇيىس، سەلبەستىكتى تەرەڭدەتۋىنىڭ، ”قول ۇستاسۋ“عا تاباندى بولۋىنىڭ جاندى بەينەسى. الدىڭعى 3 توقساندا، سەلبەستىك ورتالىعىندا شەكارادان شىققان - كىرگەن ادام سانى 4 ميلليون 696 مىڭ 200گە (رەت) جەتىپ، سايكەس مەزگىلدەگىدەن ％5.55 ارتتى. قورعاس ەكونوميكالىق اشۋ رايونى باسقارۋ كوميتەتى شەكارا وتكەلىن باسقارۋ مەكەمەسىنەن مەي چيديڭ بىلاي دەدى: ءبىز ۇزدىكسىز تۇردە ءتوراعا شي جينپيڭنىڭ تالابىنا ساي، قازاقستان جاقپەن ساياساتتىق قارىم - قاتىناس، اۋىس - كۇيىستى كۇشەيتىپ، الدىمەن جۇرگىزۋ، الدىمەن سىناۋ ساياساتىنىڭ باسىمدىعىن ساۋلەلەندىرىپ، شينجياڭنىڭ جىبەك جولى ەكونوميكالىق بەلدەۋىنىڭ وزەكتى رايونىن قۇرۋىنا ۇلەس قوسامىز.
سىرتقا ەسىك اشۋدى ۇزدىكسىز كەڭەيتۋ بارىسىندا، شينجياڭنىڭ كوپتەگەن كاسىپورىندارى ”سىرتقا شىعارۋ“دىڭ يگىلىگىنەن كەنەلدى ءارى ەسىك اشۋ بارىسىندا وزدەرىنىڭ باسەكەلىك قۋاتىن جوعارىلاتتى. شينجياڭ حۋاليڭ ونەركاسىپ - ساۋدا (توبى) شەكتى سەرىكتەستىگى گرۋزيادا ىركەس - تىركەس قارجى قوسىپ، حۋاليڭ ەركىن ونەركاسىپ باقشا رايونى، حۋاليڭ حالىقارالىق ەكونوميكالىق ەرەكشە رايونى سياقتىلاردى قۇرىپ، گرۋزيا باساس بانكەسى سياقتى نىسانداردى ساتىپ الدى. وسى سەرىكتەستىكتىڭ پارتكوم شۋجيى گو شياڭياڭ بىلاي دەدى: بولاشاقتا شينجياڭنىڭ جىبەك جولى ەكونوميكالىق بەلدەۋىنىڭ وزەكتى رايونى بولۋ باسىمدىعىن تياناق ەتىپ، مەملەكەتتىڭ سىرتقا ەسىكتى ايقارا اشۋ جانە حالىقتىق كاسىپورىنداردى كۇش سالا سۇيەمەلدەۋى سىندى ابزال ساياساتىنا سۇيەنىپ، ەكى باقشا رايونىن قارا تەڭىز بويى وڭىرىندەگى ەڭ ۇلكەن حالىقارالىق ساۋدا اينالىم تۇعىرى ەتىپ قۇرىپ، ”ءبىر بەلدەۋ، ءبىر جول“دى بىرگە قۇرۋدىڭ جوعارى ساپالى دامۋىن ىلگەرىلەتۋگە ۇلەس قوسىپ، حالىقارالىق ساحنادا جۇڭگو كاسىپورىندارىنىڭ تاماشا وبرازىن اناعۇرلىم جاقسى ايگىلەيمىز.
تاماشا شارۋاشىلىق - ساۋدا ورتاسى − كاسىپورىن ءومىر سۇرەتىن، داميتىن ءورىس. قازىر اناعۇرلىم اشىق پوزيتسيا مەن ابزال شارۋاشىلىق - ساۋدا ورتاسى ءتىپتى كوپ كاسىپورىنداردى شينجياڭ سىندى قۇنارلى توپىراقتا قارجى قوسىپ شوعىرلانۋعا باۋراۋدا. شانشيلىق كاسىپورىنشى لي جۇيدۇڭ شينجياڭدا قارجى قوسىپ اقسۋ حىڭتۇڭ جەمىس - جيدەك شارۋاشىلىعى شەكتى سەرىكتەستىگىن قۇردى. ول بىلاي دەدى: ”كاسىپورىننىڭ حالىقارالىق بازارداعى ساتۋ سوماسىن جىلىنا ورتا ەسەپپەن ％50تىك ارتۋ جىلدامدىعىن ساقتاۋى شينجياڭنىڭ سىرتقا ەسىك اشۋ باسىمدىعى مەن تاماشا شارۋاشىلىق - ساۋدا ورتاسىنىڭ ارقاسى. الداعى ۋاقىتتا ءبىز دامۋ سەنىمىن ۇزدىكسىز بەكەمدەپ، زەيىن - زەردەنى شوعىرلاندىرا جاڭالىق اشىپ، جاڭالىق جاساپ، كاسىپورىندى تىڭعىلىقتى باسقارامىز“.
ءتۇرلى بۇيىمدار، ازىق - تۇلىك، قولونەر بۇيىمدارى، اۆتوموبيل سياقتى جەر شارىنىڭ جەر - جەرىندەگى بۇيىمدار دامىعان ستەرەولدى قاتىناس جەلىسى ارقىلى جۇڭگو ىشكى قۇرلىعىنىڭ تۇكپىرىندەگى شينجياڭعا توقتاۋسىز جەتىپ جاتىر. 50 جاستاعى ءۇرىمجى قالاسىنىڭ تۇرعىنى لي گوچياڭ بىلاي دەدى: ”ءبىز رەفورما جاساۋدىڭ، ەسىك اشۋدىڭ يگىلىگىن كورۋشىلەرمىز، ۇيىمىزدەگى كوپتەگەن دۇنيەلەر يمپورت ەتىلگەن ونىمدەر. ءتوراعا شي جينپيڭ جۇڭگونىڭ اشىلعان قاقپاسىنىڭ بارعان سايىن ايقارا اشىلاتىندىعىن ايتتى، تۇرمىسىمىزدىڭ رەفورما جاساۋعا، ەسىك اشۋعا جانە ’ءبىر بەلدەۋ، ءبىر جول‘ قۇرىلىسىنا ىلەسە بارعان سايىن كوركەم بولاتىندىعىنا سەنەمىن“.
