تارىم وزەنى الابى سۋ يگىلىگى كوميتەتىنىڭ 22 - رەتكى ءماجىلىسى جانە وزەن الابىنداعى وزەن، كول باستىعى ءتۇزىمى بىرىككەن ءماجىلىسى اشىلدى
10 - ايدىڭ 31 - كۇنى اۆتونوميالى رايوندىق پارتكومنىڭ ورىنباسار شۋجيى، تارىم وزەنى الابى سۋ يگىلىگى كوميتەتىنىڭ مەڭگەرۋشىسى لي پىڭشين اقسۋ قالاسىندا تارىم وزەنى الابى سۋ يگىلىگى كوميتەتىنىڭ 22 - رەتكى ءماجىلىسىن جانە وزەن الابىنداعى وزەن، كول باستىعى ءتۇزىمى بىرىككەن ءماجىلىسىن باسقارىپ اشتى. لي پىڭشين بىلاي دەپ باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، باس شۋجي شي جينپيڭنىڭ سۋدى تىزگىندەۋ جونىندەگى ماڭىزدى بايىمداۋىنىڭ رۋحىن مۇقيات ۇيرەنىپ، دايەكتىلەندىرىپ، باس نىسانانى مىقتاپ ارقاۋ ەتىپ، وزەن، كول باستىعى ءتۇزىمىن ىشكەرىلەي تەرەڭدەتۋدى وراي ەتىپ، ءبىر تۇتاس جوسپارلاۋعا، سايكەستىرۋگە قىزمەت وتەۋدى كورنەكتىلەندىرىپ، بىرگە قۇرۋ، بىرگە باسقارۋ، تەڭ يگىلىكتەنۋدى كۇشەيتىپ، تارىم وزەنى الابىن باسقارۋ، قورعاۋ ورەسىن تىڭ ساتىعا كوتەرۋدى شىنايى ىلگەرىلەتۋ كەرەك.
ءماجىلىس مىنانى باسا دارىپتەدى: سۋدى جونگە سالۋ كوزقاراسىنا بۇرىلىس جاساپ، باسقارۋ يدەياسىن جاڭالاپ، جوعارعى اعار، ورتا اعار، تومەنگى اعاردى ءبىر تۇتاس جوسپارلاۋدى كوزدە ۇستاي وتىرىپ، وندىرىسكە، تۇرمىسقا، ەكولوگياعا پايدالانىلاتىن سۋدى ءبىر تۇتاس جوسپارلاپ، وزەن الابىن جونگە سالۋ ينجەنەرياسىنداعى ولقىلىقتاردى تولىقتاپ، وزەن الابى سۋ يگىلىگىن باقىلاۋ - باسقارۋدى جاپپاي كۇشەيتىپ، جاپپاي قورعاۋدى بىرگە ويداعىداي يگەرىپ، جاپپاي جونگە سالۋدى سەلبەسىپ ىلگەرىلەتۋ كەرەك. ەڭ قاتاڭ سۋ بايلىعىن باسقارۋ ءتۇزىمىن تياناقتاندىرىپ، اۋىل شارۋاشىلىعىنىڭ، ونەركاسىپتىڭ جانە قالانىڭ سۋ ۇنەمدەۋىن، سونداي - اق وزەن الابىنىڭ سۋ بايلىعىن ءبىر تۇتاس باسقارۋدى كۇش سالا ىلگەرىلەتىپ، سۋ ىستەتۋ تاسىلىندە تەجەمسىزدىكتەن ۇنەمشىلدىككە، شوعىرلىلىققا قاراي بۇرىلىس جاساۋدى ىلگەرىلەتۋ كەرەك. وزەن - كولدەردىڭ كورنەكتى ماسەلەلەرىن ارناۋلى رەتتەۋ - وڭاۋ، جاعالاۋدى قورعاۋ جانە پايدالانۋ جوباسىن جاساۋ، وزەن الابى ەكولوگياسىن جۇيەلى قورعاۋ، قالپىنا كەلتىرۋ، تارىم وزەنى الابى ەكولوگيالىق سۋ جەتكىزۋ سياقتىلاردى ءتۇيىن ەتىپ، وزەن الابىنىڭ ەكولوگياسىن قورعاۋدى ۇزدىكسىز ويداعىداي يگەرۋ كەرەك. وزەن الابىنىڭ نەگىزگى اعارىن تىزگىندەۋ سيپاتتى ينجەنەريا قۇرىلىسىن ىلگەرىلەتىپ، تاسقىننان ساقتانۋ، اپات زيانىن ازايتۋ جۇيەسىن كەمەلدەندىرۋدى جەدەلدەتىپ، اۋىل - قىستاقتاردىڭ سۋ يگىلىگىن كوركەيتۋ نەگىزىن بەكەمدەۋگە كۇش سالىپ، ءتۇيىندى نىسانداردىڭ العاشقى كەزەڭدىك قىزمەتىن مىقتى يگەرىپ، تاسقىن، قۋاڭشىلىق اپاتىنان جالپىلىق ساقتانۋ، تىزگىندەۋ قابىلەتىن جاپپاي جوعارىلاتۋ كەرەك. وزەن الابىن باسقارۋ تۇزىلىسىنە، مەحانيزمىنە رەفورما جاساپ، ناقتى، ءونىمدى، كادەگە جارايتىن باقىلاۋ - باسقارۋ مەحانيزمىن ورناتىپ، ”كۇشەيتۋ، باقىلاۋ، باسقارۋ“ قىزمەتىنىڭ قۋاتىن ۇزدىكسىىز جوعارىلاتۋ كەرەك.
ءماجىلىس مىنانى تالاپ ەتتى: ءارقايسى مۇشە ورىندار، وزەن الابىنداعى جەر - جەر، تاراۋلار جاۋاپكەرشىلىكتى شىنايى ارقالاپ، ءبىر تۇتاس جوسپارلاۋدى، سايكەستىرۋدى كۇشەيتىپ، ءبىر تۇتاس جوسپارلاپ، ءبىر تۇتاس ورنالاستىرىپ، ءبىر تۇتاس باسقارىپ، تارىم وزەنىن شىنايى ويداعىداي قورعاۋ، ويداعىداي باسقارۋ، ويداعىداي پايدالانۋ كەرەك.
ماجىلىستەن ىلگەرى، لي پىڭشين تارىم وزەنىنىڭ نەگىزگى اعارىنداعى بۇگۇردەن شايار وزەنىنە دەيىنگى بولىگىنە بارىپ، ارالاپ تەكسەرۋ جۇرگىزدى. بۇگۇر اۋدانىنىڭ جاڭا بازار كوپىرىندەگى وزەن بولىگىندە، شايار اۋدانىنىڭ كوكشول وزەنى بولىگىندە ەكولوگيالىق سۋ جەتكىزۋ جاعدايىن ارالاپ تەكسەردى ءارى ”زەردەلى تارىم وزەنى“ وزەن الابىن جالپى بەتتىك وڭاۋدى باسقارۋ جۇيەسى ارقىلى تارىم وزەنىندەگى ماڭىزدى سۋ يگىلىگى ينجەنەرياسىنىڭ اينالىمىنا، ماڭىزدى وزەن ارناسىنىڭ قيما بەتىنە جانە تەتىما كولىنە ءدال ۋاعىندا الىس ارالىقتان تەكسەرۋ جۇرگىزدى. شايار اۋدانىنىڭ نۇرباق اۋىلىندا وسى اۋدانداعى 500 مىڭ مۋ جوعارى ءونىمدى سۋ ۇنەمدەۋدەن، كىرىستى ارتتىرۋدان ۇلگى كورسەتەتىن نىسانداردىڭ اياق الىسىن سول ورىندا تەكسەردى.
اۆتونوميالى رايون باسشىلارىنان دۇڭ شينگۋاڭ، جاۋ چيڭ ماجىلىسكە قاتىناستى ءارى جوعارىدا اتالعان قيمىلدارعا قاتىناستى.
