اۆتونوميالى رايوندىق قوعامدىق عىلىمدار نازاريا سالاسى اڭگىمە ءماجىلىس اشتى
جاڭا جۇڭگو قۇرىلعان 70 جىلداعى شۇعىلالى تابىستاردى ىشكەرىلەي ۇگىتتەيىك
9 - ايدىڭ 18 - كۇنى اۆتونوميالى رايوندىق قوعامدىق عىلىمدار نازاريا سالاسى ”شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنىپ، دايەكتىلەندىرىپ، جاڭا جۇڭگو قۇرىلعان 70 جىلداعى شۇعىلالى تابىستاردى ىشكەرىلەي ۇگىتتەيىك“ دەگەن تاقىرىپتا اڭگىمە ءماجىلىس اشىپ، جاڭا جۇڭگو قۇرىلعان 70 جىلدان بەرگى شۇعىلالى بارىستى، ۇلى تابىستى جانە ءساتتى تاجىريبەلەردى قورىتىندىلاپ، ۇگىتتەپ، تۇتاس رايونداعى ءار كاسىپتىڭ، ءار سالانىڭ ۇنامدى ۇگىتىن ۇزدىكسىز كۇشەيتۋدى ىلگەرىلەتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن ويداعىداي جازۋعا قۋاتتى رۋحاني كۇش ۇيىستىردى.
اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى تيان ۋىن اڭگىمە ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: جاڭا جۇڭگو قۇرىلعان 70 جىلدان بەرى، شينجياڭ ۇلى وتانمەن تەڭ قادامدا العا ىلگەرىلەدى، اسىرەسە، پارتيا 18 - قۇرىلتايىنان بەرى شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، شينجياڭ جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن باتىل دايەكتىلەندىردى. ەكونوميكا وركەندەگەن، قوعام ورنىقتى، ۇلتتار ىنتىماقتى، شەكارا قورعانىسى بەكەمدەلگەن، حالىق تۇرمىسى كۇن سايىن جاقسارعان اسا تاماشا جاعداي جارىققا شىقتى. ءبىز زور كۇشپەن ”كوممۋنيستىك پارتيا جاقسى“، ”ۇلى وتانىمىز جاقسى“، ”جۇڭگوشا سوتسياليزم جاقسى“، ”جاڭا داۋىردەگى پارتيانىڭ شينجياڭدى جونگە سالۋ جالپى جوباسى جاقسى“ دەگەندى اسقاقتاتا شىرقاپ، شينجياڭداعى ءار ۇلت كادر - بۇقاراسىن ۇزدىكسىز تۇردە ”ءتورت تانىم“دى، ”ءتورت سەنىم“دى، ”بەستى شىنايى مويىنداۋ“دى كۇشەيتۋگە باستاپ، ”كورىكتى شينجياڭ قۇرىپ، وتان ارمانىن بىرگە جۇزەگە اسىرۋ“عا ايبىندى كۇش ۇيىستىرۋىمىز كەرەك. تۇتاس رايونداعى قوعامدىق عىلىمدار سالاسى مەن قالىڭ قوعامدىق عىلىمدار نازاريا قىزمەتكەرلەرى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە جاڭا داۋىردەگى پارتيانىڭ شينجياڭدى جونگە سالۋ جالپى جوباسىن سانالىلىقپەن زەرتتەۋدى، ءتۇسىندىرۋدى ماڭداي الدى ساياسي مىندەت ەتىپ، پارتيانىڭ جاسامپاز نازارياسىن جۇرت جۇرەگىنە تەرەڭ ۇيالاتۋدى ىلگەرىلەتۋ كەرەك.
