پارتيانىڭ باسشىلىعىنا تاباندى بولىپ، جاڭا داۋىردەگى حالىق قۇرىلتايى قىزمەتىنىڭ ورەسىن جاپپاي جوعارىلاتايىق

日期:2019年09月19日
来源:新疆日报
【字体:

 اۆتونوميالى رايوندىق حالىق قۇرىلتايى تۇراقتى كوميتەتى جەرگىلىكتى حالىق قۇرىلتايلارىندا تۇراقتى كوميتەت قۇرىلعاندىعىنىڭ 40 جىلدىعىن ەسكە ءتۇسىرۋ اڭگىمە ءماجىلىسىن وتكىزدى

 پارتيانىڭ باسشىلىعىنا تاباندى بولىپ، جاڭا داۋىردەگى حالىق قۇرىلتايى قىزمەتىنىڭ ورەسىن جاپپاي جوعارىلاتايىق

 9 - ايدىڭ 17 - كۇنى اۆتونوميالى رايوندىق حالىق قۇرىلتايى تۇراقتى كوميتەتى جەرگىلىكتى حالىق قۇرىلتايلارىندا تۇراقتى كوميتەت قۇرىلعاندىعىنىڭ 40 جىلدىعىن ەسكە ءتۇسىرۋ اڭگىمە ءماجىلىسىن وتكىزدى. اڭگىمە ءماجىلىس شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، 40 جىلدان بەرى رايونىمىزداعى ءار دارەجەلى حالىق قۇرىلتايلارىنىڭ جانە ولاردىڭ تۇراقتى كوميتەتتەرىنىڭ قىزمەت ناتيجەسى مەن تاجىريبەسىن قورىتىندىلاپ، جاڭا داۋىردەگى حالىق قۇرىلتايى قىزمەتىنىڭ ورەسىن جاپپاي جوعارىلاتتى.

اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن ماجىلىسكە قاتىناستى ءارى ءسوز سويلەدى.

شاۋكەت يمىن مىنالاردى اتاپ كورسەتتى: 40 جىلدان بەرى، اۆتونوميالى رايوندىق پارتكومنىڭ پارمەندى باسشىلىعىندا، بۇكىل رايونداعى ءار دارەجەلى حالىق قۇرىلتايلارى جانە ولاردىڭ تۇراقتى كوميتەتتەرى پارتيا باسشىلىعىنىڭ، حالىقتىڭ ءوز - وزىنە قوجايىن بولۋىنىڭ، مەملەكەتتى زاڭمەن جونگە سالۋدىڭ ورگانيكالى بىرلىگىنە تاباندى بولىپ، نەگىزگى زاڭ مەن زاڭدار بەرگەن ءتۇرلى قىزمەت ۇقىقتارىن مۇقيات اتقارىپ، ىزدەنۋ بارىسىندا العا ىلگەرىلەپ، جاڭالىق اشۋ بارىسىندا جوعارىلاپ، ارناعا ءتۇسىرۋ بارىسىندا كۇشەيتىپ، داۋىرمەن بىرگە تەڭ قادام باسىپ، رەفورمامەن بىردەي جيىلىكتى ساقتاپ، امالياتپەن بىرگە دامىپ، شينجياڭنىڭ جاراسىمدىلىعى، ورنىقتىلىعى، ەكونوميكاسىنىڭ دامۋى، حالىقتىڭ باقىتى، قوعامنىڭ العا باسۋى ءۇشىن ماڭىزدى ۇلەس قوستى.

شاۋكەت يمىن مىنالاردى باسا دارىپتەدى: بۇكىل رايونداعى ءار دارەجەلى حالىق قۇرىلتايلارى جانە ولاردىڭ تۇراقتى كوميتەتتەرى زاڭ بويىنشا مىندەتتەرىن اتقارۋدا كورنەكتى ناتيجەلەرگە قول جەتكىزۋمەن بىرگە، حالىق قۇرىلتايى قىزمەتىنىڭ زاڭدىلىعى جونىندەگى تانىمدى بىرتىندەپ تەرەڭدەتىپ، جەرگىلىكتى ورىننىڭ ەرەكشەلىگىن ايگىلەيتىن قىمباتتى تاجىريبەلەر توپتادى، بۇل ماڭىزدى تاجىريبەلەر ءبىزدىڭ قىمباتتى بايلىعىمىز. بۇدان بىلايعى قىزمەتتەردە ءبىز وسكەلەڭ ساياسي جاۋاپكەرشىلىك سەزىممەن جانە تاريحي بورىشتىلىق سەزىممەن 40 جىلدان بەرگى رايونىمىزدىڭ حالىق قۇرىلتايى قىزمەتىندە توپتالعان تابىستى تاجىريبەلەرگە تاباندى بولىپ جانە ونى كەمەلدەندىرىپ، حالىق قۇرىلتايى ءتۇزىمىنىڭ امالياتتىق ەرەكشەلىگىن، داۋىرلىك ەرەكشەلىگىن ۇزدىكسىز بايىتۋىمىز جانە كەڭەيتۋىمىز كەرەك. بۇكىل رايونداعى ءار دارەجەلى حالىق قۇرىلتايلارى جانە ولاردىڭ تۇراقتى كوميتەتتەرى شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن حالىق قۇرىلتايى قىزمەتىنە جەتەكشىلىك ەتۋگە تاباندى بولىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، باستان - اياق پارتيانىڭ حالىق قۇرىلتايى قىزمەتىنە جاپپاي باسشىلىعىنا تاباندى بولىپ، تۋى ايقىن تۇردە ساياسيدى دارىپتەپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن قاز - قالپىندا دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ قىزمەت ورنالاستىرۋلارىن دايەكتىلەندىرىپ، تياناقتاندىرىپ، نۇسقاۋ سۇراۋ، مالىمەت بەرۋ ءتۇزىمىن قاتاڭ اتقارۋى؛ حالىق قۇرىلتايىنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ بارىسىنداعى جاۋاپكەرشىلىگىن، بورىشىن جاقسى اتقارىپ، زاڭ شىعارۋ قىزمەتى ورەسىن جوعارىلاتىپ، باقىلاۋ قىزمەتىنىڭ ناقتى ونىمدىلىگىن كۇشەيتىپ، ۋاكىلدەردىڭ رولىن تولىق ساۋلەلەندىرۋى؛ ءار دارەجەلى حالىق قۇرىلتايلارىنىڭ جانە ولاردىڭ تۇراقتى كوميتەتتەرىنىڭ وزىندىك قۇرىلىسىن جاپپاي كۇشەيتىپ، جاڭا داۋىردەگى اۆتونوميالى رايوننىڭ حالىق قۇرىلتايى قىزمەتىندە جاڭا جاعدايدى كۇش سالا اشۋى كەرەك.

ماجىلىستە 40 جىلدان بەرگى رايونىمىزدىڭ حالىق قۇرىلتايى قىزمەتىنە ماڭىزدى ۇلەس قوسقان وزات كوللەكتيۆتەر مەن وزات جەكەلەر ماداقتالىپ - سيلاندى. اۆتونوميالى رايوندىق حالىق قۇرىلتايى زاڭ - ءتۇزىم كوميتەتى جانە ىلە قازاق اۆتونوميالى وبلىستىق، ءۇرىمجى قالالىق، سانجى حۇيزۋ اۆتونوميالى وبلىستىق، بايىنعولين موڭعۇل اۆتونوميالى وبلىستىق، شىحىزى قالالىق، موري قازاق اۆتونوميالى اۋداندىق، ءپىشان اۋداندىق حالىق قۇرىلتايلارىنىڭ تۇراقتى كوميتەتتەرى اۋىس - كۇيىس جاساپ، لەبىز ءبىلدىردى.

اۆتونوميالى رايون باسشىلارىنان گۇلشات ءابدىقادىر، مانەن زەينەل، سو يۋە، جاۋ چۇڭجيۋ، اۆتونوميالى رايوندىق حالىق پروكۋراتۋراسىنىڭ باس پروكۋرورى لي يۇڭجۇن، اۆتونوميالى رايوندىق باقىلاۋ - تەكسەرۋ كوميتەتى، اۆتونوميالى رايوندىق جوعارى حالىق سوتى مەكەمەسى سياقتى قاتىستى ورىنداردىڭ جاۋاپتى جولداستارى ماجىلىسكە قاتىناستى.