6 - ايدىڭ 16 - كۇنى تۇستەن بۇرىن اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى شينجياڭ ءتارتىپ تەكسەرۋ، باقىلاۋ - تەكسەرۋ شۋەيۋانىنىڭ ماڭدايشالىعىن استى ءارى بۇكىل رايونىمىزداعى ءتارتىپ تەكسەرۋ، باقىلاۋ - تەكسەرۋ جۇيەسىنىڭ 1 - مەرزىمدىك باسشى كادرلار ارناۋلى تاقىرىپتىق كۋرسىن وتكىزدى. اۆتونوميالى رايوندىق پارتكومنىڭ تۇراقتى مۇشەسى، ءتارتىپ تەكسەرۋ كوميتەتىنىڭ شۋجيى، باقىلاۋ - تەكسەرۋ كوميتەتىنىڭ مەڭگەرۋشىسى ياڭ شين ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: شينجياڭ ءتارتىپ تەكسەرۋ، باقىلاۋ - تەكسەرۋ شۋەيۋانى ءارى بۇكىل رايونىمىزداعى ءتارتىپ تەكسەرۋ، باقىلاۋ - تەكسەرۋ كادرلارىنىڭ ساياسي جاقتان شىڭدالاتىن ”پارتيا مەكتەبى“، ءارى كاسىپتىك تاربيەلەۋ بازاسى، ءسوز جوق، ساياسيدى دارىپتەۋ مەن كاسىپتى دارىپتەۋدى ”ەكى جاقتان يگەرۋ“گە تاباندى بولىپ، ساياسي بەتالىستى بەكەمدەپ، نەگىزدىك تاربيەنى مىقتاپ يگەرۋ كەرەك.
ءماجىلىس مىنالاردى باسا دارىپتەدى: ساياسي نازاريالىق تاربيەلەۋدى باستان - اياق ماڭداي الدى ساياسي مىندەت ەتىپ، پارتيانىڭ جاسامپاز نازارياسى، اسىرەسە، شي جينپيڭنىڭ جاڭا ءداۋىر جۇڭگوشا سوتسياليزم يدەياسى تاربيەسىن ۇزبەي تەرەڭدەتىپ، قالىڭ ءتارتىپ تەكسەرۋ، باقىلاۋ - تەكسەرۋ كادرلارىن پارتيالىلىق جەتىلىمدى شىڭداپ، ساياسي تاباندىلىقتى، ءتارتىپ تاباندىلىعىن، ءمورال تاباندىلىعىن، شىرىكتەسۋدى شەكتەۋ تاباندىلىعىن ۇزبەي كۇشەيتۋگە جەتەكتەۋ كەرەك.
ءماجىلىس مىنالاردى تالاپ ەتتى: تاربيەلەۋ، جەتىلدىرۋ ارقىلى ءتارتىپ تەكسەرۋ، باقىلاۋ - تەكسەرۋ كادرلارىنىڭ شارتسىز ادال بولاتىن ساياسي قاسيەتىن شىڭداپ، ولاردى ءتارتىپ پەن زاڭعا بىردەي جەتىك مايتالمانعا اينالدىرىپ، پارتيانى جاپپاي قاتاڭ جونگە سالۋدىڭ ىشكەرىلەي دامۋىن ىلگەرىلەتۋگە، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا پارمەندى كەپىلدىك ازىرلەۋ كەرەك.
ماجىلىستە شينجياڭ ءتارتىپ تەكسەرۋ، باقىلاۋ - تەكسەرۋ شۋەيۋانىنا ماڭدايشالىق اسىلدى ءارى «شينجياڭ ۇيعۇر اۆتونوميالى رايوننىڭ ءتارتىپ تەكسەرۋ، باقىلاۋ - تەكسەرۋ كادرلارىن تاربيەلەۋدىڭ 3 جىلدىق جوباسى (2021 − 2019)» جانە «2019 - جىلعى بۇكىل رايونداعى ءتارتىپ تەكسەرۋ، باقىلاۋ - تەكسەرۋ كادرلارىن جالپى بەتتىك تاربيەلەۋ جوسپارى» جونىندە تۇسىنىك جاسالدى.
