سانجى وبلىسى قالا باسقارۋ ۇلگىسىندە جاڭالىق اشىپ، حالىقتى ۋايىمىنان ارىلتتى

ءمالى باسقارماسى تاپسىرىس بەردى، تاراۋلار تاپسىرىستى قابىلدادى

سانجى وبلىسى قالا باسقارۋ ۇلگىسىندە جاڭالىق اشىپ، حالىقتى ۋايىمىنان ارىلتتى

6 - ايدىڭ 4 - كۇنى تۇستەن بۇرىن فۋكاڭ قالاسى فۋشين ءمالى باسقارماسى اۋماعىنىڭ تۇرعىنى شۋە پيڭ جولدا جەر استى سۋ جولىنىڭ ءبىر قاقپاعى جوق ەكەنىن، ادامدار مەن ماشينالاردىڭ ارلى - بەرلى قايشالىسىپ، ەرەكشە قاتەرى بار ەكەندىگىن كورىپ، دەرەۋ فۋشين ءمالى باسقارماسى جالپىلىق زاڭ اتقارۋ ورتالىعىنىڭ قىزمەت وتەۋ ىستىق لەنياسى ”3365800“گە تەلەفون سوقتى.

فۋشين ءمالىسى جالپىلىق زاڭ اتقارۋ ورتالىعى تەلەفوندى العان سوڭ، دەرەۋ قاتىستى تاراۋلاردىڭ ادامدارىن تىزگىن ۇشىمەن ايتىلعان جەرگە بارۋعا سايكەستىرىپ، جارتى ساعاتقا جەتپەيتىن ۋاقىتتا قاقپاقتى اۋىستىرىپ ۇلگىردى.بيىل جىل باسىنان بەرى، سانجى حۇيزۋ اۆتونوميالى وبلىسى ءمالى باسقارمالارىنىڭ باسقارۋ ءتۇزىلىسى رەفورماسىن سەرپىلىس ءتۇيىنى ەتىپ، بۇكىل وبلىستا ”ءمالى باسقارماسى تاپسىرىس بەرەتىن، تاراۋلار تاپسىرىستى قابىلداپ الاتىن“ قىزمەت مەحانيزمىن جالپىلاستىرىپ، نەگىزگى ساتىدا ”ءبىر ەسىكتەن“ قابىلداۋدى، ”ءبىر تاپسىرىسپەن“ جۇمىلدىرۋدى، ”ءبىر جۇمىس توبىمەن“ زاڭ اتقارۋدى جۇزەگە اسىرۋدى ىلگەرىلەتىپ، ءمالى باسقارماسى ”كورسە دە باسقارا الماۋ“، تاراۋلار “باسقارا العانىمەن كورمەۋ“ سىندى جونگە سالۋداعى قيىن ءتۇيىندى كۇش سالا شەشتى.

”قازىر بىزدە بازار باقىلاۋ - باسقارۋ مەكەمەسى، تۇرعىن ءۇي جانە قالا، اۋىل قۇرىلىسى مەكەمەسى، قورشاعان ورتانى قورعاۋ مەكەمەسى سياقتى ورىنداردان 5 زاڭ اتقارۋشى تۇرادى، تۇرعىنداردىڭ ماسەلەسىن ءبىر جاقتى ەتۋمەن بىرگە، مالىدە مەرزىمدى ۋاقىتپەن شارلاپ تەكسەرىپ، وتباسىلارىن ارالاپ، بۇقارانىڭ ءتول مۇددەسىنە قاتىستى ماسەلەلەردى شەشەدى“، - دەيدى فۋشين ءمالىسى جالپىلىق زاڭ اتقارۋ ورتالىعىنىڭ مەڭگەرۋشىسى رىن جيانجۇن، ”تاپسىرىس بەرۋ، تاپسىرىستى قابىلداپ الۋ“ قىزمەت مەحانيزمى اتقارىلعاننان بەرى، بۇل قىزمەت مەحانيزمىنىڭ جوعارى ونىمدىلىگىن سەزىنگەن تۇرعىندار مولايا تۇسكەن.

جۋىقتا سانجى قالاسىنداعى بەلگىلى شاعىن اۋماقتىڭ ءبىر ليفتىنەن كىنارات شىعىپ، الەۋمەتتىك اۋماق تۇراقتاندىرعان سوڭ، نەگىزگى ساتى پارتيا قۇرىلىسىنىڭ زەردەلى باسقارۋ جۇيەسى ارقىلى ”جوعارعى ورىننىڭ شەشۋىنە جولداۋدى“ تاڭدادى، ءمالى باسقارماسىنىڭ جالپىلىق زاڭ اتقارۋ ورتالىعى جەلىدە تاپسىرىس بەرىپ، شۇعىل جاعدايعا توتەپ بەرۋ - باسقارۋ، بازار باقىلاۋ، تۇرعىن ءۇي باسقارۋ سياقتى تاراۋلار ليفت جوندەيتىن 4 بىلىكتى سەرىكتەستىكپەن بىرلەسىپ، شاعىن اۋماقتاعى 14 بيىك عيماراتتاعى 44 ليفتكە جان - جاقتى تەكسەرۋ - جوندەۋ جۇمىستارىن جۇرگىزدى.

ۇعىسۋىمىزشا، ”تاپسىرىس بەرۋ، تاپسىرىستى قابىلداپ الۋ“ قىزمەت مەحانيزمىن اتقارۋدا، بۇقارا تىلەك - تالابىن جالپىلىق زاڭ اتقارۋ ورتالىعىنا مالىمدەسە بولعانى، تاپسىرىس بەرۋ، تاپسىرىس قابىلداۋ الۋ بويىنشا جۇمىلدىرۋ كەڭسەسى رەتىندە ورتالىق ماسەلەنىڭ قيىن - وڭايلىعى، سيپاتىنىڭ ءتۇرى بويىنشا، تاپسىرىس قاينارىن شۇعىل جاعداي تاپسىرىسى، كادىمگى تاپسىرىس، ءتۇيىندى تاپسىرىس سىندى 3 تۇرگە بولەدى، سونداي - اق ءار تۇردەگى تاپسىرىستىڭ ورىندالۋ ۋاقىت شەگىن بەلگىلەپ، تاپسىرىس بەرۋدىڭ، قابىلداپ الۋدىڭ اناعۇرلىم تەز، اناعۇرلىم ءدال، اناعۇرلىم باعىتتامالى بولۋىنا مۇمكىندىك جاسايدى ەكەن.

تاپسىرىس بەرۋدىڭ جوعارى ءونىمدى بولۋىنا، تاپسىرىس قابىلداۋدىڭ ساپالى بولۋىنا شىنايى كەپىلدىك ەتۋ ءۇشىن، سانجى وبلىسى نەگىزگى ساتى پارتيا قۇرىلىسىنىڭ زەردەلى باسقارۋ جۇيەسىنە سۇيەنىپ، ”تاپسىرىس بەرۋ، تاپسىرىستى قابىلداپ الۋ“ مودۋلىن اشىپ، جەلىدە تاپسىرىس بەرۋ جانە جەلىدە تاپسىرىس قابىلداۋ جۇرگىزدى، مۇندا جالپىلىق زاڭ اتقارۋ ورتالىعى جالپى بارىستى قاداعالاپ، زەردەلى باسقارىپ وتىرادى، اڭىس ەتۋ ارناسى، تۇراقتاندىرۋ ۋاقىتى، تاپسىرىس بەرۋ ءتۇرى، ءبىر جاقتى ەتۋ ءتاسىلى، ءبىر جاقتى ەتۋ ناتيجەسى جانە بۇقارانىڭ رازىلىعى سياقتىلار ەگجەي - تەگجەيلى كورىنىپ تۇرادى.

قازىرگە دەيىن، بۇكىل وبلىستا ”تاپسىرىس بەرۋ، تاپسىرىستى قابىلداۋ“ مەحانيزمىن اتقارعان 14 ءمالى (قالاشىق) ءبىر تۇتاس، ولشەمدى ءتارتىپتىڭ جەتەكشىلىگىندە، جيىنى 486 تاپسىرىس بەرىپ، جونگە سالۋداعى 396 قيىن ماسەلەنى شەشىپ، 90 ماسەلەنى شەكتى ۋاقىتتا شەشۋگە بۇيىرىپ، تاپسىرىستىڭ ورىندالۋ مولشەرى %81.48كە جەتتى، ءوز بىلگەنىنشە قۇرىلىس سالىپ الۋ، جولدى يەلەپ ساۋدا جاساۋ، قۇرىلعىلاردىڭ كونەرۋى، قورشاعان ورتانىڭ ارام، رەتسىز، ناشار بولۋى سياقتى بۇقارانىڭ جانىنداعى كوڭىل كەيىتەتىن ىستەر ءونىمدى ءبىر جاقتى ەتىلدى.

”زەردەلى پارتيا قۇرىلىسى جۇيەسى ارقىلى تاپسىرىس بەرۋ، تاپسىرىستى قابىلداپ الۋ ارادا ساندى مالىمەتتەر عانا جۇرەتىن جوعارى ونىمدىلىكتى، قولايلىلىقتى جۇزەگە اسىرىپ، بۇقارانىڭ ۇكىمەت تاراۋلارىنىڭ ءىس ءبىتىرۋ ونىمدىلىگى مەن قىزمەت وتەۋ ساپاسىنىڭ جوعارىلاۋىن شىنايى سەزىنۋىنە مۇمكىندىك جاسادى“، - دەيدى سانجى قالاسى جيانگو جولى ءمالىسى جالپىلىق زاڭ اتقارۋ ورتالىعىنىڭ مەڭگەرۋشىسى لي شياۋنان.