5 - ايدىڭ 30 - كۇنى اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتى 54 - رەتكى مەڭگەرۋشىلەر ءماجىلىسىن وتكىزىپ، قاتىستى تاراۋلاردىڭ اۆتونوميالى رايوندىق حالىق قۇرىلتايى تۇراقتى كوميتەتى قۇرامىنداعىلاردىڭ تۇراقتى كوميتەتتىڭ 10 - رەتكى ءماجىلىسىنىڭ ءتۇرلى كەڭەس تاقىرىپتارىن قاراۋ جاعدايى جونىندەگى مالىمەتىن تىڭدادى.اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن ءماجىلىستى باسقاردى.
ءماجىلىس تۇراقتى كوميتەت قۇرامىنداعىلاردىڭ «شينجياڭ ۇيعۇر اۆتونوميالى رايوندىق حالىق قۇرىلتايى تۇراقتى كوميتەتىنىڭ اۆتونوميالى رايوندىق حالىق ۇكىمەتىنىڭ قۇرىلىم رەفورماسىنداعى اۆتونوميالى رايوننىڭ جەرگىلىكتى زاڭ ەرەجەلەرىندە بەلگىلەنگەن اكىمشىلىك ورگانداردىڭ قىزمەت مىندەتىن رەتتەۋگە ساياتىن ماسەلەلەر جونىندەگى قارارىن (جوبا نۇسقا)» قاراۋ جاعدايىن، «بۇراتالا موڭعۇل اۆتونوميالى وبلىستىق 14 - كەزەكتى حالىق قۇرىلتايى 3 - ءماجىلىسىنىڭ <بۇراتالا موڭعۇل اۆتونوميالى وبلىسى اراسان شينجياڭ سولتۇستىك سالاماندىراسى جاراتىلىستىق قورىعىن باسقارۋ ەرەجەسى>نە وزگەرىس ەنگىزۋ جونىندەگى قارارى»ن، «بايىنعولين موڭعۇل اۆتونوميالى وبلىستىق 14 - كەزەكتى حالىق قۇرىلتايى 3 - ءماجىلىسىنىڭ <بايىنعولين موڭعۇل اۆتونوميالى وبلىسىنىڭ تارىم توراڭعى مەملەكەت دارەجەلى جاراتىلىستىق قورىعىن باسقارۋ ەرەجەسى>نە، <بايىنبۇلاق جايلىم ەكولوگياسىن قورعاۋ ەرەجەسى>نە وزگەرىس ەنگىزۋ جونىندەگى قارارى»ن، «باركول قازاق اۆتونوميالى اۋداندىق حالىق قۇرىلتايىنىڭ <باركول قازاق اۆتونوميالى اۋدانىنىڭ شۇراتتى قورعاۋ ەرەجەسى>نە وزگەرىس ەنگىزۋ جونىندەگى قارارى»ن تەكسەرۋ جاعدايىن، اۆتونوميالى رايوندىق حالىق ۇكىمەتىنىڭ 2019 - جىلعى اۆتونوميالى رايوننىڭ ءوز دارەجەسىندەگى مەجە ەسەبىن رەتتەۋ جوباسىن (جوبا نۇسقا) جانە اۆتونوميالى رايوندىق حالىق قۇرىلتايى قازىنا - ەكونوميكا كوميتەتىنىڭ 2019 - جىلعى اۆتونوميالى رايوننىڭ ءوز دارەجەسىندەگى مەجە ەسەبىن رەتتەۋ جوباسىن (جوبا نۇسقا) تەكسەرۋ بايانداماسىن قاراۋ جاعدايىن، كادرلاردى مىندەتكە تاعايىنداۋ، مىندەتتەن قالدىرۋ كەڭەستىك جوباسىن قاراۋ جاعدايىن تىڭدادى، جوعارىداعى كەڭەستىك ءتارتىپ (جوبا نۇسقا) سياقتىلاردى جالپى ماجىلىستە داۋىسقا سالۋعا ۇسىنۋدى ۇيعاردى.
ءماجىلىس تۇراقتى كوميتەت قۇرامىنداعىلاردىڭ «ىلە قازاق اۆتونوميالى وبلىسىنىڭ اۋىل - قىستاقتاردى تازارتۋ ەرەجەسى»ن تەكسەرۋ جاعدايىن تىڭدادى، تۇراقتى كوميتەت قۇرامىنداعىلاردىڭ قاراۋ پىكىرى بويىنشا وسى «ەرەجە»نى ىشكەرىلەي تەكسەرىپ، زەرتتەپ، دالەلدەپ جانە وزگەرىس ەنگىزىپ، كەمەلدەندىرىپ، تۇراقتى كوميتەتتىڭ الداعى ماجىلىستەرىندە قاراۋعا ۇسىنۋدى ۇيعاردى.
ءماجىلىس تاعى تۇراقتى كوميتەت قۇرامىنداعىلاردىڭ اۆتونوميالى رايوندىق حالىق ۇكىمەتىنىڭ اۆتونوميالى رايوننىڭ مەكتەپكە دەيىنگى تاربيە قىزمەتى جاعدايى جونىندەگى بايانداماسىن قاراۋ جاعدايىن، «شينجياڭ ۇيعۇر اۆتونوميالى رايونىنىڭ شەكارا باسقارۋ ەرەجەسى»ن اتقارۋ جاعدايىن تەكسەرۋ جونىندەگى باياندامانى، «جۇڭحۋا حالىق رەسپۋبليكاسىنىڭ ساناق زاڭى»ن جانە «شينجياڭ ۇيعۇر اۆتونوميالى رايونىنىڭ ساناق باسقارۋ ەرەجەسى»ن اتقارۋ جاعدايىن تەكسەرۋ جونىندەگى باياندامانى، «شينجياڭ ۇيعۇر اۆتونوميالى رايونىنىڭ جۇمىسشى - قىزمەتشىلەردىڭ ەڭبەك ۇقىق - مۇددەسىن قامتاماسىزداندىرۋ ەرەجەسى»ن اتقارۋ جاعدايىن تەكسەرۋ جونىندەگى باياندامانى قاراۋ جاعدايىن تىڭدادى، تۇراقتى كوميتەت قۇرامىنداعىلاردىڭ قاراۋ پىكىرىن جيناپ، رەتتەپ، ءتارتىپ بويىنشا ۇكىمەتتىڭ اقىلداسىپ ءبىر جايلى ەتۋىنە تاپسىرۋدى ۇيعاردى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى جۋ حايلۇن، دۇڭ شينگۋاڭ، باداي، گۇلشات ابدىقادىر، مانەن زەينەل ماجىلىسكە قاتىناستى.
اۆتونوميالى رايوننىڭ ورىنباسار ءتوراعاسى جاۋ چيڭ، اۆتونوميالى رايوندىق جوعارى حالىق سوتى مەكەمەسىنىڭ باستىعى باھارگۇل سامەت، اۆتونوميالى رايوندىق حالىق پروكۋراتۋراسىنىڭ باس پروكۋرورى لي يۇڭجۇن، اۆتونوميالى رايوندىق باقىلاۋ - تەكسەرۋ كوميتەتىنىڭ قاتىستى جاۋاپتىسى قاتارلىلار ماجىلىسكە سىرتتاي قاتىناستى.
