شينجياڭ ۇيعۇر اۆتونوميالى رايوندىق تابيعي بايلىق قاينارى مەڭگەرمەسىنەن ۇعىسۋىنشا، بيىل 4 – ايعا دەيىن 9 كومىر كەن بارلاۋ ۇقىعى اشىق وتكەرمەلەنگەن سوڭ، جۋىردا شينجياڭدا مىس ـ نيكەل، قورعاسىن - مىرىش، مايلى تاقتا تاس، جەر جىلۋى قاتارلى كومىردەن باسقا 8 كەن بارلاۋ ۇقىعى اشىق وتكەرمەلەنگەن، وتكەرلەمەنگەن جەر كولەمى 3167.8 شارشى كيلومەتر، باستاپقى جالپى باعاسى 845 ميلليون 490 مىڭ يۋان.
جاقىنعى جىلداردان بەرى، شينجياڭداعى تيانشاننىڭ تەرىستىگى مەن تۇستىگىندە كەن بارلاۋ تەبىنى ارتا ءتۇستى، بۇكىل ەلىمىزگە ماڭىزدى ىقپال ەتەتىن كولەمدى جانە اسقان كولەمدى 10 كەن ورنىن قالىپتاستىردى. وتكەن جىلى، شينجياڭ ۇيعۇر اۆتونوميالى رايوندىق قازىنا قارجى شىعارعان باتىس كۇنلۇن ماركانسۋ مارگانەتس كەنىن بارلاۋ اترەتى ۇلكەن تابىسقا قول جەتكىزدى، مۇندا مۋحۋ كەن رايونىندا تەرەڭنەن بۇرعىلاپ تەكسەرۋ ارقىلى اشىلعان مارگانەتس كەنىنىڭ تىڭنان قوسىلعان مولشەرى 7 ميلليون 490 مىڭ توننادان ارتتى، ماركانسۋ وڭىرىندە جيىنى 50 ميلليون توننادان ارتىق مارگەنەتس كەن رۋداسىنىڭ بايلىق قاينارى تابىلىپ، قۇرامى ورتا ەسەپپەن 30 پايىزدان جوعارى بولعان، شينجياڭداعى ەڭ ۇلكەن مارگەنەتس كەن بايلىعىن اشۋ بازاسىنا اينالدى.
بيىل سوڭعى جارىم جىلدا، شينجياڭ ۇيعۇر اۆتونوميالى رايوندىق تابيعي بايلىق قاينارى مەڭگەرمەسى جالعاستى تاڭداۋ، سونداي – اق مەزگىلگە ءبولىپ بەكىتۋ ارقىلى اشىق وتكەرمەلەۋ ءتاسىلى ارقىلى كومىر كەن، جانە كومىر كەنگە جاتپايتىن باسقا دا كەندەردىڭ بارلاۋ ۇقىعىن وتكەرمەلەيدى. قازىرگى اشىق وتكەرمەلەنۋ ۇستىندەگى جانە وسىدان كەيىن وتكەرمەلەنۋگە جوسپارلانعان كەن بارلاۋ ۇقىعىنداعى كەن بارلاۋ جەر كولەمى نەگىزىنەن شينجياڭداعى تابيعي بايلىق قاينارىن قورعايتىن جانە بەلگىلەنگەن ەكولوگيالىق قورعاۋ قىزىل سىزىعىنىڭ ىشىندە ەمەس.
