شينجياڭ ۇيعۇر اۆتونوميالى رايوندىق ساۋدا ىستەرى مەڭگەرمەسىنەن ۇعىسۋىنشا، 2019 - جىلعى جۇڭگو حالىقارالىق قىزمەت وتەۋ ساۋدا - ساتىق جينالىسى 5 - ايدىڭ 28 - كۇنى بەيجيڭدە اشىلعان. شينجياڭ ۇيعۇر اۆتونوميالى رايوننىڭ قاتىستى تاراۋلارىنان جانە 38 كاسىپورىننان ۇيىمداسقان شينجياڭ ۋاكىلدەر ۇيىرمەسى جينالىسقا قاتىناسقان.
بيىلدان باستاپ جۇڭگو (بەيجيڭ) حالىقارالىق قىزمەت وتەۋ ساۋدا - ساتىق جينالىسى جۇڭگو حالىقارالىق قىزمەت وتەۋ ساۋدا - ساتىق جينالىسى دەپ وزگەرتىلدى، جىلىنا ءبىر رەت وتكىزىلەدى، اۋەلگىدەي قىسقارتىلىپ «بەيجيڭ ساۋدا - ساتىق جينالىسى» دەلىنەدى. وسى كەزەكتى بەيجيڭ ساۋدا - ساتىق جينالىسى «ەسىك اشۋ، جاڭالىق اشۋ، اقىل - پاراسات، توعىسۋدى» نەگىزگى تاقىرىپ ەتىپ، عىلىم - تەحنيكا، مادەنيەت، سالاماتتىق، ساۋدا ىستەرى سياقتى قىزمەت وتەۋ سالالارىن ءتۇيىن ەتىپ، كورمە، ساۋدا تۇعىرىن قۇردى. 130 مەملەكەت پەن رايوننان كەلگەن كاسىپورىندار مەن قۇرىلىمدار 12 قىزمەت وتەۋ ساۋدا - ساتىق سالاسىندا كورمە وتكىزىپ، سەلبەستىك جايلى اقىلداسادى.
شينجياڭنىڭ كورمە ورنى تۇرتپەلى كەڭ ەكران، كوپ تۇيىندە ءوزارا ىقپالداستىق فورماسى ارقىلى جىبەك جولى ەكونوميكالىق بەلدەۋى وزەكتى رايون قۇرىلىسى، عىلىم - تەحنيكالىق جاڭالىق اشۋ، ەلەكتروندى ساۋدا جانە ەلەكتروندى ساۋدا ارقىلى كەدەيلەردى دالمە - ءدال سۇيەمەلدەۋ سياقتى جاقتارداعى مازمۇنداردى ءتۇيىندى تۇردە كورسەتتى.
جاقىنعى جىلداردان بەرى، شينجياڭدا ءبىر توپ ينفورماتسيا تەحنيكاسى، مادەنيەت، ەرەكشە جۇڭگوشا ءدارى - دارمەك سياقتى سالادا قىزمەت وتەۋ ساۋدا كاسىپورىندارى جارىققا شىقتى. 2018 - جىلى شينجياڭدا قىزمەت وتەۋ ساۋدا يمپورت - ەكسپورت جالپى سوماسى 3 ميلليارد 510 ميلليون دوللار بولىپ، ۇقساس مەزگىلدەگىدەن 19.4 پايىز جوعارىلادى
