”ەستۋگە قاراعاندا، شارۋاشىلىق قۇرۋ كەپىل قارىز اقشاسىنىڭ مولشەرى جوعارىلاپتى، جەكەلەردىڭ الۋعا بولاتىن ەڭ جوعارى قارىز اقشاسىنىڭ مولشەرى 150 مىڭ يۋانعا جەتىپتى، بۇل مەن ءۇشىن، راسىندا، جاقسى حابار بولدى“. 5 - ايدىڭ 23 - كۇنى سانجى كاسىپتىك - تەحنيكالىق شۋەيۋانىنىڭ ستۋدەنتتەردىڭ جاڭالىق اشۋىن، شارۋاشىلىق قۇرۋىن جەتىلدىرۋ بازاسىنداعى يۋەگۇڭفاڭ ستۋدياسىنىڭ جاۋاپتىسى جاڭ ميڭشۋان وسىلاي، - دەدى.
جاڭ ميڭشۋان سانجى كاسىپتىك - تەحنيكالىق شۋەيۋانىنىڭ وقۋشىسى، وقۋ بىتىرۋىنە ءالى ءبىر جىل بار بولسا دا، ءبىراق مەكتەپ اۋلاسىندا ونىڭ اتى شىعا باستاعان. مۋزيكاعا اۋەستەنەتىندىكتەن، 2018 - جىلى ول مەكتەپتىڭ جاڭالىق اشۋدى، شارۋاشىلىق قۇرۋدى جەتىلدىرۋ بازاسىنداعى مۇعالىمنىڭ كومەگىمەن مۋزيكا ستۋدياسىن اشىپ، قازىرگە دەيىن 30 نەشە رەت كونسەرت قابىلدادى. بيىل ول ستۋديانىڭ كولەمىن ونان ارى كەڭەيتۋدى ويلاستىرعان، ءبىراق قارجى جەتپەي قينالىپ تۇرعان كەزىندە، جاڭالىق اشۋدى، شارۋاشىلىق قۇرۋدى جەتىلدىرۋ بازاسىنداعى مۇعالىم وعان شارۋاشىلىق قۇرۋ كەپىل قارىز اقشا مولشەرى جوعارىلاعان قۋانىشتى حاباردى جەتكىزەدى.
بيىل رايونىمىز شارۋاشىلىق قۇرۋدى سۇيەمەلدەۋ ساياساتتارىن جالپى بەتتىك تياناقتاندىرىپ، شارۋاشىلىق قۇرۋشىلاردىڭ شارۋاشىلىق قۇرۋ قابىلەتىن جوعارىلاتىپ، شارۋاشىلىق قۇرۋ ورتاسىن قالىپتاستىرۋ جاعىنا كۇش سالىپ، شارۋاشىلىق قۇرۋ كەپىل قارىز اقشا جانە ءوسىمى الدىن الا تولەنگەن نەسيە ساياساتىن اناعۇرلىم كەمەلدەندىرىپ، جەكەلەرگە بەرىلەتىن شارۋاشىلىق قۇرۋ كەپىل قارىز اقشاسىنىڭ مولشەرىن 100 مىڭ يۋاننان 150 مىڭ يۋانعا، ەڭبەك شوعىرلانعان شاعىن، ۇساق كاسىپورىنداردىڭ الۋعا بولاتىن قارىز اقشا مولشەرىن 2 ميلليون يۋاننان 3 ميلليون يۋانعا دەيىن جوعارىلاتىپ، شارۋاشىلىق قۇرۋشى شوعىردىڭ جانە شاعىن، ۇساق كاسىپورىنداردىڭ قارجى توپتاۋى قيىن بولۋ ماسەلەسىن ءونىمدى شەشتى.
شارۋاشىلىق قۇرۋ كەپىل قارىز اقشاسى، سالىق اقىسىن ازايتۋ، كەشىرىم ەتۋ، قوعامدىق قامسىزداندىرۋ قوسىمشا قاراجاتى، شارۋاشىلىق قۇرۋعا باۋلۋ قوسىمشا قاراجاتى سياقتى ساياسات ”كەشەندى شارالارى“نىڭ تۇرتكى بولۋىندا، رايونىمىزدىڭ شارۋاشىلىق قۇرۋ ارقىلى جۇمىستانۋدى جەتەكتەۋدەگى ەسەلەپ ارتۋ ونىمدىلىگى العاشقى ادىمدا كورنەكتىلەندى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ ساناعىنا قاراعاندا، 4 - ايعا دەيىن، بيىل تۇتاس رايوندا تىڭنان 22 مىڭ 600 شارۋاشىلىق قۇرۋشى كوبەيىپ، جىلدىق نىسانا مىندەتتىڭ ％75.3ى ورىندالعان؛ 41 مىڭ 800 ادامنىڭ جۇمىستانۋىنا تۇرتكى بولىپ، جىلدىق نىسانا مىندەتتىڭ ％46.4ى ورىندالعان. مۇنىڭ ىشىندە، جەكە ونەركاسىپ - ساۋدا تيجاراتى بويىنشا 20 مىڭ 300 ادام شارۋاشىلىق قۇرعان، 1400 ادام ورتا، شاعىن، ۇساق كاسىپورىن قۇرعان، 200 ادام ينتەرنەتتە شارۋاشىلىق قۇرعان، باسقا تۇرلەر بويىنشا 700 ادام شارۋاشىلىق قۇرعان.
قازىر جاڭالىق اشۋ، شارۋاشىلىق قۇرۋ تانىمى داشۋە اۋلاسىنا ىشكەرىلەپ ەنىپ، ستۋدەنتتەر شوعىرىنىڭ جاڭالىق اشۋعا، شارۋاشىلىق قۇرۋعا ات سالىسۋ تانىمى كۇشەيىپ، قىزعىندىلىعى بارىنشا جوعارىلاپ، جاڭالىق اشۋدىڭ، شارۋاشىلىق قۇرۋدىڭ جالىندى قوسىنىنا بىرتىندەپ اينالدى. سانجى كاسىپتىك تەحنيكالىق شۋەيۋانى جاڭالىق اشۋ، شارۋاشىلىق قۇرۋ ورتالىعىنىڭ ورىنباسار مەڭگەرۋشىسى ليۋ پىڭفيدىڭ تانىستىرۋىنشا، بۇل شۋەيۋاننىڭ جاڭالىق اشۋدى، شارۋاشىلىق قۇرۋدى جەتىلدىرۋ بازاسى 2017 - جىلى قۇرىلعاننان بەرى، جيىنى 200 نەشە وقۋشىنىڭ شارۋاشىلىق قۇرۋعا قاتىناسۋىنا جاردەمدەسكەن، 30 شارۋاشىلىق قۇرۋ نىسانىن ورىنداعان. وسى شۋەيۋاننان بيىل وقۋ تاۋىساتىن وقۋشى تۇرسۇنمامەت نۇرمامەت تىركەۋگە الدىرىپ سەرىكتەستىك قۇرىپ، باستىسى، ساياحات ونىمدەرىن ساتۋمەن شۇعىلدانىپ، 5 وقۋشىنى سەرىكتەستىكتە پراكتيكا ىستەۋگە قابىلداعان.
”شارۋاشىلىق قۇرۋشىلاردىڭ اراسىندا، جوعارى مەكتەپتەن وقۋ تاۋىسقاندار ءبىرشاما تەبىندى شوعىر“. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى جۇمىستانۋدى جەبەۋ باسقارماسىنىڭ قاتىستى جاۋاپتىسىنىڭ تانىستىرۋىنا قاراعاندا، رايونىمىزدىڭ جۇمىستانۋدى، شارۋاشىلىق قۇرۋدى سۇيەمەلدەيتىن قاتىستى ساياساتتارىنا نەگىزدەلگەندە، جوعارى مەكتەپتەن وقۋ تاۋىسقاندار شاعىن، ۇساق كاسىپورىن قۇرسا نەمەسە جەكەلىك تيجاراتپەن شۇعىلدانسا، 3 جىل ىشىندە باسقارۋ تۇرىندەگى، تىركەۋگە الدىرۋ تۇرىندەگى جانە كۋالىك - انىقتاما تۇرىندەگى قاتىستى اكىمشىلىك ىستەر سيپاتتى الىناتىن اقىلار كەشىرىم ەتىلەدى؛ ەلەكتروندىق ساۋدا سايتى تۇعىرىندا ينتەرنەت دۇكەنىن اشۋ سياقتى ينتەرنەتتە شارۋاشىلىق قۇرۋشىلار شارۋاشىلىق قۇرۋعا جەتەكشىلىك ەتۋ، شارۋاشىلىق قۇرۋعا باۋلۋ كومەك قاراجاتى، شارۋاشىلىق قۇرۋ كەپىل قارىز اقشاسى جانە ءوسىمى الدىن الا تولەنگەن نەسيە، سالىق اقىسىن ازايتۋ، كەشىرىم ەتۋ سياقتى شارۋاشىلىق قۇرۋدى سۇيەمەلدەۋ ساياساتتارىنان يگىلىكتەنەدى ەكەن.
