اۆتونوميالى رايوندىق پارتكومنىڭ بەكىتۋىمەن 5 - ايدىڭ 24 - كۇنى تۇستەن كەيىن اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى حالىق تۇرمىسى سالاسىنداعى ارناۋلى رەتتەۋ - جونگە سالۋ قىزمەتىن ىلگەرىلەتۋ ءماجىلىسىن اشتى. ءماجىلىس باس شۋجي شي جينپيڭنىڭ بۇقارانىڭ جانىنداعى شىرىكتەسۋ جانە ستيل ماسەلەلەرىن رەتتەۋ - جونگە سالۋ جونىندەگى ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، حالىق تۇرمىسى سالاسىنداعى ارناۋلى رەتتەۋ - جونگە سالۋ قىزمەتى جونىندە تاعى دا ورنالاستىرۋ جاسادى، تاعى دا جايعاستىردى. اۆتونوميالى رايوندىق پارتكومنىڭ تۇراقتى مۇشەسى، ءتارتىپ تەكسەرۋ كوميتەتىنىڭ شۋجيى، باقىلاۋ - تەكسەرۋ كوميتەتىنىڭ مەڭگەرۋشىسى ياڭ شين ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: ءارقايسى قاتىستى فۋنكتسيالىق تاراۋلاردىڭ پارتيا باسشىلىق گرۋپپالارى (پارتكوم) جانە وكىلەتتى ءتارتىپ تەكسەرۋ، باقىلاۋ - تەكسەرۋ گرۋپپالارى ساياسي دەڭگەيدى شىن مانىندە جوعارىلاتىپ، ءار ءتۇرلى ءادىس - امال قولدانىپ، ۇستىنەن وڭاۋ مەن تۇبىرىنەن وڭاۋدى ۇشتاستىرىپ، ارناۋلى رەتتەۋ - جونگە سالۋ قىزمەتىن كۇش سالا ويداعىداي يگەرۋ كەرەك.
ءماجىلىس مىنالاردى باسا دارىپتەدى: ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى ماسەلەنى باعدار ەتۋدەن جازباي، ءار دارەجەلى فۋنكتسيالىق تاراۋلاردىڭ باقىلاۋ - باسقارۋ بورىشىن وتەۋ جانە ءتارتىپ تەكسەرۋ، باقىلاۋ - تەكسەرۋ ورگاندارىنىڭ باقىلاۋ جاۋاپكەرشىلىگىن وتەۋ ماسەلەلەرىن ءتۇيىندى تۇردە رەتتەپ - جونگە سالىپ، حالىق تۇرمىسى سالاسىندا ورىن تەپكەن قياناتشىلدىق، يەمدەنىپ الۋ، جالعان مالىمدەپ الداپ الۋ، الىپ قالىپ باسقاعا ىستەتۋ سياقتى شىرىكتەسۋ ماسەلەلەرىنە، حالىق تۇرمىسى قىزمەتىندەگى فورماشىلدىق، تورەشىلدىك سياقتى ستيل ماسەلەلەرىنە نازار اۋدارۋ كەرەك. ارىز - شاعىم، مالىمدەۋ، شارلاۋ، شارلاپ تەكسەرۋ، بۇقارالىق قىزمەتكە قۋزاپ جەتەكشىلىك ەتۋ سياقتى تاسىلدەردى تولىق پايدالانىپ، ماسەلە دەرەك كوزدەرى مەن ارنالارىن كەڭەيتىپ، دەلو ارقىلى تۇزەتۋدى مىقتى يگەرىپ، جازالاۋ، جونگە سالۋ تابىستارىن ساقتانۋ تابىستارىنا اينالدىرۋ كەرەك.
ءماجىلىس مىنالاردى تالاپ ەتتى: ءارقايسى قاتىستى فۋنكتسيالىق تاراۋلاردىڭ پارتيا باسشىلىق گرۋپپالارى (پارتكوم) حالىق تۇرمىسى سالاسىنداعى ارناۋلى رەتتەۋ - جونگە سالۋ قىزمەتىن ورىستەتۋدىڭ تۇلعالىق جاۋاپكەرشىلىگىن ۇستىنە الۋى، وكىلەتتى ءتارتىپ تەكسەرۋ، باقىلاۋ - تەكسەرۋ گرۋپپالارى ”كامەرالىق“ رولدى ويداعىداي ساۋلەلەندىرىپ، وزدەرى تۇرعان تاراۋلار مەن جالپىلىق باقىلاۋشى ورىنداردىڭ پارتيا باسشىلىق گرۋپپاسىنىڭ (پارتكوم) بورىشتى وتەۋ جاعدايىنا باقىلاۋدى كۇشەيتۋ كەرەك.
