قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسى ورىستەتىلگەننەن بەرى، اۆتونوميالى رايوندىق جوعارى حالىق سوت مەكەمەسى بۇرىن - سوڭدى 9 توپتا قىزمەت گرۋپپالارىن بۇكىل رايونىمىزدىڭ جەر - جەرىندەگى بولىمشە سوت مەكەمەلەرىنە، ورتا حالىق سوت مەكەمەلەرىنە جىبەرىپ، قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسى قىزمەتىنىڭ ورىستەتىلۋىن تەكسەرۋدى، جەتەكشىلىك ەتۋدى، باقىلاۋدى كۇشەيتۋ ارقىلى رايونىمىزداعى سوت مەكەمەسى جۇيەسىندە قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىنىڭ تەرەڭدەي دامۋىن ىلگەرىلەتتى.
بيىل 4 - ايدا بۇكىل رايونىمىزداعى سوت مەكەمەلەرىنىڭ قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىندە ورىن تەۋىپ وتىرعان كورنەكتى ماسەلەلەرگە مەڭزەس، اۆتونوميالى رايوندىق جوعارى حالىق سوتى مەكەمەسى نازاردى قارا، سۇرقيا كۇشتەردىڭ قىلمىستىق ماسەلەلەرىنە شوعىرلاندىرىپ، 13 رەتتەۋ - تۇزەتۋ شاراسىن جاريالادى. ءبىر ايدان ارتىق ۋاقىتتان بەرى، بۇكىل رايونىمىزداعى سوت مەكەمەلەرى نازاردى قارا، سۇرقيا كۇشتەردىڭ قىلمىسى كورنەكتى ءتۇيىندى وڭىرلەرگە، كاسىپتەرگە جانە سالالارعا شوعىرلاندىردى؛ نازاردى قوعام ورنىقتىلىعىنا تىكەلەي ىقپال جەتكىزەتىن قارا، سۇرقيا كۇشتەردىڭ قىلمىسىنا شوعىرلاندىردى؛ نازاردى قارا، سۇرقيا كۇشتەردىڭ ارتىنداعى ”قارىم - قاتىناس تورى“نا جانە “باسقالقا“سىنا شوعىرلاندىرىپ، قارا كۇشتەرگە، سۇرقيا كۇشتەرگە ساياتىن ءبىر توپ قىلمىستىق دەلولاردى قاراپ، ۇيىمداستىرۋشىلارىن، اتاماندارىن جانە تىرەكتى مۇشەلەرىن زاڭ بويىنشا قاتاڭ جازالادى، باتىلدىقپەن دەرەۋ تەرگەپ، قاتاڭ سوتتادى، قىلمىستى ەلەمەنتتەرگە تيتتەي دە وراي بەرمەدى.
بۇكىل رايونىمىزداعى سوت مەكەمەلەرىنىڭ قارا كۇشتەرگە، سۇرقيا كۇشتەرگە ساياتىن دەلولاردى سوتتاۋ ساپاسىن، ونىمدىلىگىن جوعارىلاتۋ ءۇشىن، اۆتونوميالى رايوندىق جوعارى حالىق سوتى مەكەمەسى قىزمەت گرۋپپالارىن جىبەرىپ، دوكلاتتى تىڭداۋ، دەلو ماتەريالدارىن وقۋ، ءبىرىنشى شەپتەگى سۋديالارمەن پىكىرلەسۋ سياقتى تاسىلدەردەن پايدالانىپ باقىلاۋ، تەكسەرۋ جۇرگىزىپ، ناقتى دەلولارعا مەڭزەس، مىندەتكە العان اداممەن اڭگىمەلەسىپ، كاسىپتىك جاقتان جەتەكشىلىك ەتتى؛ قاراۋ بارىسىندا ورىن تەۋىپ وتىرعان ماسەلەلەرگە مەڭزەس، ءار دارەجەلى سوت مەكەمەلەرىمەن ىشكەرىلەي تالقى وتكىزدى جانە اۋىس - ءتۇيىس جاساستى، سونداي - اق ورەلى پىكىر جانە ۇسىنىس بەرىپ، قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىنىڭ ءتۇرلى ورنالاستىرۋلارىنىڭ ناقتاپ تياناقتاندىرىلۋىنا شىنايى كەپىلدىك ەتتى.
5 - ايدىڭ 14 - كۇنىنەن 5 - ايدىڭ 17 - كۇنىنە دەيىن اۆتونوميالى رايوندىق جوعارى حالىق سوتى مەكەمەسى 14 ايماقتاعى (وبلىس)، قالاداعى بولىمشە مەكەمەلەرىنىڭ جانە ورتا حالىق سوتى مەكەمەلەرىنىڭ قاتىستى جاۋاپتىلارىن شاقىرىپ، قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسى قىزمەتىنىڭ ىلگەرىلەۋ جاعدايىن شوعىرلى تىڭدادى ءارى ءبىر - بىردەن باعالاپ، مىندەتتەردى ايقىنداپ، تياناقتاندىرۋعا قۋزادى، كەلەسى قادامداعى قىزمەتتەرگە تاعى دا جۇمىلدىردى، قايتالاي ورنالاستىرۋ جاسادى. اۆتونوميالى رايوندىق جوعارى حالىق سوتى مەكەمەسى بۇكىل رايونىمىزداعى سوت مەكەمەلەرىنەن ساياسي دەڭگەيدى ۇزدىكسىز جوعارىلاتىپ، ساياسي جاۋاپكەرشىلىكتى بەكەمدەپ، كۇرەسكەرلىك رۋحتى كۇشەيتىپ، قيىندىقتاردى جەڭىپ، قامال الۋعا باتىلدىق ەتىپ، قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسى سىندى قيان - كەسكى شايقاستا باتىلدىقپەن جەڭىسكە جەتۋدى تالاپ ەتتى.
ءار دارەجەلى سوت مەكەمەلەرى مىنالاردى ءبىلدىردى: وسكەلەڭ ساياسي سانامەن جانە جاۋاپكەرشىلىكپەن قارا كۇشتەرگە، سۇرقيا كۇشتەرگە ساياتىن دەلولاردى سوتتاۋ قىزمەتىنە بار كۇشپەن كىرىسىپ، قارا، سۇرقيا كۇشتەرمەن جانە ولاردىڭ ارتىنداعى ”قارىم - قاتىناس تورى“مەن، ”باسقالقا“سىمەن تاباندىلىقپەن، باتىلدىقپەن كۇرەس جۇرگىزەمىز. فۋنكتسيالىق رولدى تولىق ساۋلەلەندىرىپ، قارالىپ جاتقان نەمەسە الدا سوتتاۋ ساتىسىنا وتەتىن دەلولارعا قاراتا، زاڭمەن جونگە سالۋ ويلامىنا جانە زاڭمەن جونگە سالۋ تاسىلىنە تاباندى بولىپ، شىندىقتى دالەل، زاڭدى ولشەم ەتىپ، شىندىق وتكەلىن، دالەل - سىپات وتكەلىن، ءتارتىپ وتكەلىن، زاڭدى قولدانۋ وتكەلىن جانە كەسىم - ۇكىم حۇجاتى وتكەلىن مىقتاپ يگەرىپ، دەلو اشۋ ساپاسى مەن ونىمدىلىگىن بىردەي جوعارىلاتۋعا كەپىلدىك ەتەمىز.
