اۆتونوميالى رايوننىڭ ساياحات ارقىلى شينجياڭعا كومەكتەسۋ قىزمەتى جونىندەگى اڭگىمە ءماجىلىسى اشىلدى

ساياحات ارقىلى شينجياڭعا كومەكتەسۋ قىزمەتىنىڭ تىڭ ناتيجەگە قول جەتكىزۋىن تىڭعىلىقتى ىلگەرىلەتەيىك

日期:2019年05月20日
来源:新疆日报
【字体:

5 - ايدىڭ 17 - كۇنى اۆتونوميالى رايوننىڭ ساياحات ارقىلى شينجياڭعا كومەكتەسۋ قىزمەتى جونىندەگى اڭگىمە ءماجىلىسى ۇرىمجىدە اشىلدى. ءماجىلىس شي جينپيڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن مۇقيات دايەكتىلەندىرىپ، تياناقتاندىرىپ، 6 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ جانە اۆتونوميالى رايونىنىڭ ساياحاتتى دامىتۋ جونىندەگى ءماجىلىسىنىڭ رۋحىن دايەكتىلەندىرىپ، تياناقتاندىرىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، اۆتونوميالى رايوندىق پارتكومنىڭ ”1 + 3 + 3 + رەفورما، ەسىك اشۋ“ قىزمەت ورنالاستىرۋى بويىنشا، 2018 - جىلعى ساياحات ارقىلى شينجياڭعا كومەكتەسۋ قىزمەتىن قورىتىندىلاپ، 2019 - جىلعى قىزمەت مىندەتتەرىن اقىلداستى.

اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ءماجىلىستى باسقاردى، اۆتونوميالى رايوندىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى جي جىڭ ماجىلىسكە قاتىناستى ءارى ءسوز سويلەدى.

ءماجىلىس مىنالاردى باسا دارىپتەدى: ساياحات ارقىلى شينجياڭعا كومەكتەسۋ قىزمەتىنىڭ تىڭ ناتيجەگە قول جەتكىزۋىن تىڭعىلىقتى ىلگەرىلەتۋ كەرەك. شينجياڭعا كومەكتەسۋ قىزمەتىنىڭ ءارقايسى الدىڭعى شەپ قولباسشىلىق شتاپتارى كومەك قابىلدايتىن جەرلەردىڭ جوعارى باستامادا، جوعارى دەڭگەيدە، جوعارى ولشەمدە ءار دارەجەلى، ءار ءتۇرلى ساياحات دامۋ جوبالارىن جاساۋىنا كومەكتەسىپ، عىلمي جوبا جۇيەسىن قالىپتاستىرۋى؛ ساياحات ونىمدەرىن جوبالاۋىنا كومەكتەسىپ، ەرەكشە ساياحات ماركاسىن جاراتىپ، سارا بۇيىم ساياحات جەلىسىن جوبالاپ، ساياحاتتىڭ ىشكى ءمانىن جوعارىلاتىپ، ساياحات تاۋارلارىن اشۋى؛ بازار ساۋداسىنا ءورىس اشۋعا كومەكتەسىپ، شينجياڭعا كومەكتەسەتىن ولكە، قالالاردان شينجياڭعا ساياحاتتاي كەلەتىن ادام سانىن بارىنشا جوعارىلاتۋى؛ دارىندىلاردى باۋلۋدى كۇشەيتۋگە كومەكتەسىپ، كومەك قابىلدايتىن جەرلەردىڭ شۇعىل قاجەت بولىپ وتىرعان ءبىر توپ ساياحات دارىندىلارىن باۋلۋىنا، ەنگىزۋىنە قولداۋ كورسەتۋ كەرەك.

ءماجىلىس مىنالاردى تالاپ ەتتى: ءار دارەجەلى پارتكومدار مەن ۇكىمەتتەر جانە قاتىستى تاراۋلار ساياحات ارقىلى شينجياڭدى گۇلدەندىرۋ ستراتەگياسىن اتقارۋدىڭ تۇلعالىق جاۋاپكەرشىلىگىن ادا ەتىپ، ۇيىمدىق قامتاماسىز ەتۋدى كۇشەيتىپ، ءار جاقتىڭ قولداۋىنا يە بولىپ، تاماشا راي قالىپتاستىرىپ، ساياحات ارقىلى شينجياڭعا كومەكتەسۋ قىزمەتىن ىلگەرىلەتۋگە پارمەندى كەپىل ازىرلەۋ كەرەك.