5 - ايدىڭ 17 - كۇنى تۇستەن بۇرىن اۆتونوميالى رايوندىق ساياسي كەڭەس 12 - كەزەكتى كوميتەتى تۇراقتى كوميتەتىنىڭ 6 - ءماجىلىسى ءتۇرلى كەڭەستىك تارتىپتەرىن ورىنداپ ۇرىمجىدە جابىلدى. ءماجىلىس «ساياسي كەڭەس شينجياڭ ۇيعۇر اۆتونوميالى رايوندىق 12 - كەزەكتى كوميتەتى تۇراقتى كوميتەتىنىڭ باس نىسانانى مىقتاپ يگەرىپ، شينجياڭ جالپى جاعدايىنىڭ ۇزدىكسىز جاقسارۋىنا دەم بەرۋ جونىندەگى قاۋلىسى»ن قاراپ ماقۇلدادى. اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ءماجىلىستى باسقاردى ءارى ءسوز سويلەدى.
نۇرلان ءابىلماجىن مىنالاردى باسا دارىپتەدى: تۇتاس رايونداعى ءار دارەجەلى ساياسي كەڭەس ۇيىمدارى، ساياسي كەڭەسكە قاتىناسقان ورىندار جانە ءار ۇلت، ءار سالا مۇشەلەرى يدەيالىق قارۋلانۋدى كۇشەيتىپ، وسكەلەڭ ساياسي سانالىلىقپەن شي جينپيڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ حالىق ساياسي كەڭەسى قىزمەتىن كۇشەيتۋ جانە جاقسارتۋ جونىندەگى ماڭىزدى يدەيالارىن ۇيرەنۋدىڭ، زەرتتەۋ - تالقىلاۋدىڭ جەتىستىكتەرىن ۇزدىكسىز بەكەمدەپ، تەرەڭدەتىپ، ۇيرەنۋ ارقىلى وزىنە سەنىمگە جانە سانالىلىققا قول جەتكىزىپ، ۇيرەنۋ ارقىلى ادالدىقپەن جاۋاپكەرشىلىك ارقالاپ، ۇيرەنۋ ارقىلى ساياسي كەڭەس ادامدارىنىڭ رۋحىن، ايبىنىن، كەلبەتىن ايگىلەۋ كەرەك. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن ىشكەرىلەي ۇيرەنىپ، دايەكتىلەندىرىپ، ”ءتورت تانىم“دى بەرىك ورناتىپ، ”ءتورت سەنىم“دى بەكەمدەپ، ”ەكىنى قورعاۋ“دى باتىلدىقپەن ورىنداپ، ساياسي تۇرعىدا، ساياسي باعداردا، ساياسي پرينسيپتە، ساياسي جولدا شي جينپيڭ جولداستى ۇيتقى ەتكەن پارتيا ورتالىق كوميتەتىمەن قاشاندا وسكەلەڭ ءبىر اۋىزدىلىقتى ساقتاۋ كەرەك.
نۇرلان ءابىلماجىن مىنالاردى باسا دارىپتەدى: نازاردى باس نىساناعا شوعىرلاندىرىپ، شينجياڭنىڭ جالپى جاعدايىنىڭ ۇزدىكسىز جاقسارۋىن ىلگەرىلەتۋدى ارقاۋ ەتە وتىرىپ مىندەت اتقارۋ، جاۋاپكەرشىلىكتى ادا ەتۋ كەرەك. قوعامنىڭ جاراسىمدىلىعىن، ورنىقتىلىعىن قورعاۋدىڭ نەگىزدىك قىزمەتىن تىڭعىلىقتى، ويداعىداي ىستەپ، لاڭكەستىككە قارسى تۇرىپ، ورنىقتىلىقتى قورعاۋدىڭ ءبىرىنشى شەبىندە تاباندىلىقپەن تۇرۋ كەرەك. پارتيانىڭ ۇلت، ءدىن ساياساتىن جاپپاي دايەكتىلەندىرىپ، ۇلتتار ىنتىماعىن قورعاۋدىڭ جانە دىندەردىڭ جاراسىمدىلىعىن جەبەۋدىڭ ءبىرىنشى شەبىندە بۇلجىماي تاباندىلىقپەن تۇرۋ كەرەك. كەدەيلىكتەن ارىلتۋدان قامال الۋعا جانە ەكونوميكانى دامىتۋعا دەم بەرىپ، حالىق قالاۋىنا قول جەتكىزۋدىڭ، كۇش بىرىكتىرۋدىڭ ءبىرىنشى شەبىندە تاباندىلىقپەن تۇرىپ، ءار ۇلت بۇقاراسىن شىن جۇرەكتەن پارتياعا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە جەتەكتەۋ كەرەك.
نۇرلان ءابىلماجىن مىنالاردى تالاپ ەتتى: بورىش - مىندەتتى ارقاۋ ەتىپ، شينجياڭ ساياسي كەڭەسىنىڭ جاڭا كەلبەتىن ايگىلەۋ كەرەك. ساياسي كەڭەستىڭ پارتيا قۇرىلىسى جاعىندا ”قاتاڭ بولىپ“، ”اۋەلگى ماقساتتى ۇمىتپاي، بورىشتى ەستە بەرىك ساقتاۋ“ تاقىرىپتىق تاربيەسىن تىڭعىلىقتى ورىستەتىپ، جاڭا داۋىردەگى پارتيانىڭ تاريحي بورىشىن ورىنداۋ ءۇشىن قۇلشىنا كۇرەس جۇرگىزەتىن يدەيالىق سانالىلىقتى، ساياسي سانالىلىقتى جانە ارەكەت سانالىلىعىن ۇزدىكسىز كۇشەيتۋ كەرەك. ساپانى ءوسىرىپ، ونىمدىلىكتى جوعارىلاتۋ جاعىندا ”قاۋىرت قيمىلداپ“، قوعامنىڭ جاراسىمدىلىعىن، ورنىقتىلىعىن قورعاۋ، ەكونوميكانىڭ جوعارى ساپالى دامۋىن ىلگەرىلەتۋ ءۇشىن كوپتىڭ پاراساتىن شوعىرلاندىرىپ، بىرىككەن كۇشتى نىعايتۋ كەرەك. ناقتىلى ۇسىنىس - پىكىر بەرۋ جانە ورتاق تانىم ۇيىستىرۋ جاعىندا ”ارەكەتكە كەلىپ“، قوعام ورنىقتىلىعى مەن باياندى تىنىشتىق باس نىساناسىنا اناعۇرلىم ويداعىداي قىزمەت وتەۋ كەرەك. مىندەت اتقارۋ قابىلەتى جاعىندا ”كۇشتى بولىپ“، توتەنشە مىعىم ونەر - قابىلەت شىڭداپ، ءداۋىردىڭ اياق الىسىنا ىلەسىپ، حالىق ساياسي كەڭەس ءتۇزىمىنىڭ قاتىناسۋشىلارىنان، جۇزەگە اسىرۋشىلارىنان، ىلگەرىلەتۋشىلەرىنەن بولۋ كەرەك.
ءماجىلىس قاتىستى كادرلار ءىسىن ماقۇلداپ، اۆتونوميالى رايوننىڭ كەدەيلەردى سۇيەمەلدەۋ كەڭسەسىندەگى قاتىستى جاۋاپتى ادامنىڭ كەدەيلىكتەن ارىلتۋدان قامال الۋ جونىندە جاساعان ارناۋلى تاقىرىپتىق لەكسياسىن تىڭدادى.
اۆتونوميالى رايوندىق ساياسي كەڭەستىڭ ورىنباسار ءتوراعاسى ماعاۋ سەيىتقامزا، ورىنباسار ءتوراعا، قوسىمشا باس حاتشى جاڭ بو، ورىنباسار ءتوراعالار ءمۇتاللىپ وبۇل، ءيىلحام سابىر، ما شيۇڭچىڭ، ابدۇرىقىپ ءتومۇرنياز ماجىلىسكە قاتىناستى.
