اۆتونوميالى رايوندىق ساۋدا ىستەرى مەڭگەرمەسىنەن ۇعىسۋىمىزشا، ”1 ـ مامىر“ دەمالىسى كەزىندە بۇكىل شينجياڭنىڭ تۇتىنۋ بازارىندا قامداۋ مەن قاجەتسىنۋ بىردەي ارتقان جاعداي جارىققا شىققان. مەرەكە كەزىندە ساۋدا ىستەرى تاراۋلارى ٴتۇيىندى باقىلاپ ـ تەكسەرەتىن 93 بولشەك ساتۋ، اس ـ سۋ كاسىپورنىنىڭ ساتۋ سوماسى 360 ميلليون يۋانعا جەتىپ، 2024 ـ جىلعى سول تۇستاعىدان %7.9 ارتقان. بيىل جىل باسىنان بەرى، تۇتىنۋ بۇيىمدارىنىڭ كونەسىنىڭ ورنىنا جاڭاسىن اۋىستىرۋ ساياساتىنىڭ ونىمدىلىگى كورنەكتى بولىپ، تۇتىنۋ كولەمىنىڭ جيىنى 10 ميلليارد يۋاننان اسۋىن جەبەگەن.
ساندى مالىمەتتە كورسەتىلۋىنشە، دەمالىس كۇندەرىندەگى ەكونوميكادا كوپ تۇيىندە گۇل اشۋ اۋقىمى جارىققا شىققان. اۆتوكولىك تۇرلەرى، التىن ـ كۇمىس، ٴىنجۋ ـ مارجان تۇرلەرى، ٴۇي ەلەكتر جابدىقتارى جانە دىبىس ـ كەسكىن جابدىق تۇرلەرى، استىق ـ ماي، ازىق ـ تۇلىك تۇرلەرىندەگى تاۋارلاردىڭ ساتىلۋ سوماسى سايكەس مەزگىلدەگىدەن ەكى ورىندى سان بويىنشا ارتقان، ەڭلىك بۇيىمدارى تۇرلەرى جانە اس ـ سۋ تۇتىنۋى بىردەي جوعارىلاعان.
مەرەكە كەزىندەگى بازاردىڭ ورنىقتى اينالىمىن قامتاماسىز ەتۋ ٴۇشىن، اۆتونوميالى رايوندىق ساۋدا ىستەرى مەڭگەرمەسى مەرەكەنىڭ الدىندا بازاردى قامداۋدى قامتاماسىز ەتۋ قىزمەتىن ٴبىر تۇتاس جوسپارلاپ ورنالاستىرىپ، ٴتۇيىندى كاسىپورىنداردىڭ قامبادا ساقتاۋدى كوبەيتۋىنە، تاۋار تۇرلەرىن مولايتۋىنا جەتەكشىلىك ەتتى. مەرەكە كەزىندە بۇكىل شينجياڭدا تۇرمىسقا قاجەتتى بۇيىمدار بازارىندا زات جەتكىلىكتى، باعا ورنىقتى بولدى، استىق، ماي، ەت، جۇمىرتقا، كوكونىس سياقتى حالىق تۇرمىسىنا قاتىستى تاۋارلاردىڭ باعاسى لايىقتى ارالىقتى ساقتادى.
مەرەكەدەگى تۇتىنۋ ومىرشەڭ كۇشىن ونان ارى قاۋلاتۋ ٴۇشىن، ”1 ـ مامىر“ دەمالىسى كەزىندە اۆتونوميالى رايوندىق ساۋدا ىستەرى مەڭگەرمەسى تۇتىنۋ بۇيىمدارىنىڭ كونەسىنىڭ ورنىنا جاڭاسىن اۋىستىرۋ، باس دۇكەننەن تۇڭعىش تاراتۋ، جەلىدە تۇتىنۋ، تۇنگى ەكونوميكا، ٴدامى ٴتىل ۇيىرەتىن اس ـ سۋدان ٴدام تاتىپ باعالاۋ سياقتىلاردى توڭىرەكتەي وتىرىپ، ”قوس ٴونىمدى ينتەرنەتتەن ساتىپ الۋ مەرەكەسى“، ”شينجياڭدا ساتىپ الۋ · اعىمنىڭ جاڭا تاراۋى“ بويىنشا تۇڭعىش تاراتۋ جاڭا ماۋسىمىن قارسى الۋ جانە تۇڭعىش كەزەكتى كوفە، بولكا مەرەكەسى، ”انار بۇلت ٴدامدى تاعامدار توپتاماسى“ سياقتى قيمىلداردى ۇيىمداستىرىپ وتكىزدى. ايماق، وبلىس، قالالار بىرلەسىپ 100 رەتتەن استام ەرەكشە قيمىل ورىستەتتى، قۇمىل قالاسى ”1 ـ مامىردا حالىققا تيىمدىلىك جەتكىزۋ تۇتىنۋ سالتاناتى“ جانە 2 ـ كەزەكتى ٴدامدى تاعام مادەنيەت مەرەكەسى سياقتى 10 نەشە رەتكى نەگىزگى تاقىرىپتىق قيمىلدى ۇسىندى، سانجى حۇيزۋ اۆتونوميالى وبلىسى 8 ـ كەزەكتى تاس الما گۇلدەگەن ماۋسىم اۋىل ـ قىستاق جارمەڭكەسى جانە حالىقتىق سالت ـ سانا، مادەنيەت ـ ساياحات سالتاناتى قيمىلىن وتكىزدى، بايىنعولين موڭعۇل اۆتونوميالى وبلىسى ەرەكشە ٴدامدى تاعامدار كورمەسى، ”داستارقانداعى بايىنعولين وبلىسى“ ٴدامدى تاعامدار مەرەكەسى سياقتى قيمىلداردى ۇسىندى.
ۇكىمەتتىڭ تۇتىنۋ بەلەتىن تاراتۋى كۇشتى قوزعاۋشى اسەرىن قالىپتاستىردى. حوتان ايماعىندا 50 ميلليون يۋاندىق تۇتىنۋ بەلەتى تاراتىلدى، قارامايلى قالاسىندا 43 ميلليون يۋاندىق تۇتىنۋ قوسىمشا قاراجاتى تاراتىلدى، اقسۋ ايماعىندا 40 ميلليون يۋان قارجى شىعارىلىپ، اۆتوكولىك، ساۋدا سياقتىلارعا قوسىمشا قاراجات بەرىلدى، ٴۇرىمجى قالاسىندا كوپ رايون ـ اۋدان بىرلەسىپ قيمىلداپ، ساۋدا سارايلارى، ەرەن بازارلار، وتباسى ەلەكتر جابدىقتارى تۇتىنۋ بەلەتىن تاراتتى، سانجى وبلىسى اۆتوكولىك ساتىپ العاندارعا، ەڭ جوعارى بولعاندا، 5000 يۋاندىق جاڭا اۆتوكولىك ساتىپ الۋ قوسىمشا قاراجاتىن بەرۋدى جولعا قويدى.
كونەسىنىڭ ورنىنا جاڭاسىن اۋىستىرۋ ساياساتى تۇتىنۋدى ارتتىرۋدىڭ نەگىزگى قوزعالتقىشىنا اينالدى. 5 ـ ايدىڭ 1 ـ كۇنىنەن 4 ـ كۇنىنە دەيىن بۇكىل رايونىمىزدا تۇتىنۋ بۇيىمدارىنىڭ كونەسىنىڭ ورنىنا جاڭاسىن اۋىستىرۋ بويىنشا قوسىمشا قاراجات ٴوتىنىش ەتىلگەن بۇيىم 84 مىڭعا جەتىپ، كۇندىك ٴوتىنىش بەرۋ مولشەرى مەرەكەنىڭ الدىنداعىدان %74.4 جوعارىلادى. بيىل جىل باسىنان بەرى، جيىنى ٴبىر ميلليون 88 مىڭ بۇيىمعا قوسىمشا قاراجات ٴوتىنىش ەتىلىپ، ٴوتىنىش ەتىلگەن سوما ٴبىر ميلليارد 280 ميلليون يۋانعا جەتىپ، تۇتىنۋ كولەمىنىڭ 10 ميلليارد يۋاننان اسۋىنا تىكەلەي تۇرتكى بولىپ، بازاردىڭ كۇشتى جەتەكشىلىك اسەرىن ايگىلەدى.
