باس شۋجي شي جينپيڭنىڭ جاۋاپ حاتى رايونىمىزداعى نەگىزگى ساتى قىزمەتكەرلەرىن جىگەرلەندىردى —
وتاندى كوكەيدە ساقتاپ، جاستىق بورىشتى باتىلدىقپەن ارقالايمىز
4 ـ مامىر جاستار مەرەكەسى قارساڭىندا باس شۋجي شي جينپيڭ اتۇش قالاسى قاراجول اۋىلى شەيىت باستاۋىش مەكتەبى شەكارانى قورعاۋ، وقۋ ـ اعارتۋعا كومەكتەسۋ بويىنشا باتىس بولىك جوسپارى ەرىكتىلەر قىزمەت وتەۋ اترەتىندەگى بارلىق مۇشەلەرگە جاۋاپ حات قايتاردى، بۇل رايونىمىزداعى قالىڭ نەگىزگى ساتى قىزمەتكەرى اراسىندا كۇشتى اڭىس قوزعادى. كوپشىلىك مىنالاردى ٴبىلدىردى: باس شۋجيدىڭ ىقىلاستى ٴتالىمىن ەستە بەرىك ساقتاپ، وتاندى كوكەيدە ساقتاپ، جاستىق بورىشتى باتىلدىقپەن ارقالاپ، ”پارتيا الاڭسىز بولسىن، قۇدىرەتتى مەملەكەت قۇرۋدا مەن بارمىن“ دەگەن ەكپىندى سەرتتى جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ جاڭا جورىعىندا جازىپ، مەملەكەتتى قۇدىرەتتەندىرۋ، گۇلدەندىرۋ ۇلى ىسىنە جاستىق كۇشىمىزدى قوسىپ، جاستىق كوكتەمنىڭ گۇلىن وتانىمىز ەڭ قاجەت ەتكەن جەرلەردە شەشەك اتتىرامىز.
شايار اۋداندىق پارتكوم ۇيىمداستىرۋ ٴبولىمىنىڭ ٴبولىم ىستەرى مۇشەسى، شتات كەڭسەسىنىڭ مەڭگەرۋشىسى لي مين 2009 ـ جىلى باتىس بولىك جوسپارى بويىنشا شينجياڭدا قالعان ەرىكتى، باس شۋجي شي جينپيڭنىڭ اتۇش قالاسى قاراجول اۋىلى شەيىت باستاۋىش مەكتەبى شەكارانى قورعاۋ، وقۋ ـ اعارتۋعا كومەكتەسۋ بويىنشا باتىس بولىك جوسپارى ەرىكتىلەر قىزمەت وتەۋ اترەتىندەگى بارلىق مۇشەلەرگە قايتارعان جاۋاپ حاتىن وقىعاننان كەيىن جان دۇنيەسى ەرەكشە تەبىرەندى: ”مەن نەگىزگى ساتىعا تامىر تارتىپ، ٴتىپتى دە نىق قاداممەن اتىز باسىنا بارىپ، شارۋالاردىڭ ەڭ شىنايى ٴۇنىن دەن قويا تىڭدايمىن؛ ٴتىپتى دە قاتاڭ پوزيتسيامەن نىسانداردى ٴبىر تۇتاس جوسپارلاپ سايكەستىرىپ، حالىققا تيىمدىلىك جەتكىزەتىن ٴاربىر ساياساتتىڭ تياناقتانىپ تامىر تارتۋىنا شىنايى كەپىلدىك ەتەمىن؛ ٴتىپتى دە ناقتى ستيلمەن قوسىندى ويداعىداي باستاپ، نەگىزگى ساتىنى باسقارۋدىڭ ’ەڭ سوڭعى ٴبىر كيلومەترىن‘ تەرەڭدەتىپ، ناقتىلاندىرىپ، ٴىس جۇزىندىك ارەكەتىممەن مۇراتتى، باتىلدىقپەن جاۋاپكەرشىلىك ارقالايتىن، قاجىرلى، كۇرەس جۇرگىزۋگە پەيىل جاڭا ٴداۋىردىڭ ايتۋلى جاسى بولۋعا قۇلشىنىپ، جاڭا داۋىردەگى باتىس بولىك جوسپارى ەرىكتىلەرىنىڭ بورىشى مەن جاۋاپكەرشىلىگىن ناقتى ىستەۋ ارقىلى امالياتتا ايگىلەيمىن“.
تاياۋ جىلداردان بەرى، شايار اۋدانىنداعى باتىس بولىك جوسپارى ەرىكتىلەرى نەگىزگى ساتىدا قىزمەت وتەۋ، اۋىل ـ قىستاقتى گۇلدەندىرۋ، ۇلتتار ىنتىماعى، قوعامدىق الەۋمەتتىك يگىلىك سياقتى كوپتەگەن سالادا ماڭىزدى رولدارىن ساۋلەلەندىرىپ، ٴىس جۇزىندىك ارەكەتتەرى ارقىلى ”باتىس بولىككە بارامىن، نەگىزگى ساتىعا بارامىن، وتانىمىز ەڭ قاجەت ەتكەن جەرگە بارامىن“ دەگەن سەرتتەرىن امالياتتا ايگىلەپ، جەرگىلىكتى ورىننىڭ ەكونوميكاسىنىڭ، قوعامىنىڭ دامۋىنا جاستىق جالىندارىن ۇستەپ، شاياردىڭ وسىزاماندانۋ قۇرىلىسىن ىلگەرىلەتەتىن ماڭىزدى كۇشكە اينالدى.
تيانجين بينحاي كاسىپتىك شۋەيۋانىنان وقۋ تاۋىسقان پۋ دۇڭ باتىس بولىك جوسپارى ەرىكتىسى رەتىندە، 2024 ـ جىلى 8 ـ ايدا قابا اۋداندىق وداق كوميتەتىنە كەلىپ قىزمەت ىستەدى. ول شۇعىلداناتىن قىزمەت كورىنىس وڭىرلەرى مەن الەۋمەتتىك اۋماقتاردىڭ قاجەتىنە قاراي ەرىكتىلەر قىزمەت ورنىن ورنالاستىرۋ، شۇعىل جاعدايعا توتەپ بەرۋگە، ٴبىر جاقتى ەتۋگە ۇيىمداستىرۋ، مادەنيەت، سالت ـ سانانى ٴتۇسىندىرۋ سياقتى نەگىزگى شەبەرلىككە باۋلۋدى قامتيدى. ول قابا اۋدانىن ەكىنشى مەكەنى ساناپ، ٴاربىر قىزمەتتى شىن كوڭىلىمەن ىستەدى.
”باس شۋجيدىڭ جاۋاپ حاتى مەنى ايرىقشا جىگەرلەندىردى، ەرەكشە شابىتتاندىم! قابا اۋدانىندا مەن جاستىق كۇرەستىڭ شىن سىرى تاباندىلىقپەن حالىق ٴۇشىن قىزمەت ىستەۋدە ەكەنىن شىنايى ۇعىندىم. بۇدان كەيىن مەن، ٴسوز جوق، باس شۋجيدىڭ تاپسىرماسىن ەستە بەرىك ساقتاپ، باتىس بولىككە تامىر تارتىپ، باتىس بولىكتىڭ دامۋىنا بار كۇشىمدى سالامىن“، ـ دەدى پۋ دۇڭ.
نيە ميڭ باتىس بولىك جوسپارى ەرىكتىلەرىنىڭ ٴبىر مۇشەسى، قازىر حوتان قالالىق ورتا دارەجەلى كاسىپتىك تەحنولوگيا مەكتەبىندە وقىتۋشى. ول بىلاي دەدى: ”باس شۋجي جاۋاپ حاتىندا ٴبىز قالىڭ جاستاردى’ وتانعا سۇيىسپەنشىلىكتى كۇشەيتىپ، توسەلگەن ونەردى ۇشتاپ، كۇرەس رۋحىن اسقاقتاتىپ، وتان مەن حالىق ەڭ قاجەت ەتكەن جەرگە بارىپ جارىق شاشىپ، رول اتقارۋعا‘ جىگەرلەندىردى، باتىس بولىك جوسپارى ەرىكتىسى رەتىندە، مەن جىڭعىل سياقتى قۇمدى ٴشولدىڭ جيەگىنە تامىر تارتىپ، ٴبىلىمىم مەن ونەرىمدى بالالارعا بۇكپەسىز ۇيرەتىپ، ٴبىلىمىم ارقىلى شەكاراداعى وسپىرىمدەردىڭ ارمانىن نۇرلاندىرامىن“.
موري قازاق اۆتونوميالى اۋدانى باتىس بولىك جوسپارى نىسانى كەڭسەسىن قۇرعاننان بەرى، 400دەن استام ەرىكتى وسى ارادا قىزمەت وتەدى، 30دان استامى موريدا قالدى. ”باس شۋجي شي جينپيڭنىڭ جاۋاپ حاتى وقۋ ـ اعارتۋعا كومەككە كەلگەن ەرىكتىلەردى تۇراقتاندىرۋ بولىپ قانا قويماي، ونان دا ماڭىزدىسى، ٴبىز نەگىزگى ساتى قىزمەتكەرلەرىن جىگەرلەندىردى، ٴبىز جاۋاپكەرشىلىگىمىزدىڭ اۋىر، بورىشىمىزدىڭ داڭقتى ەكەندىگىن تەرەڭ سەزىندىك“! 2013 ـ جىلى باتىس بولىك جوسپارى بويىنشا شينجياڭدا قالعان ەرىكتى، موري اۋداندىق وداق كوميتەتىنىڭ شۋجيى لۋان چيڭشىڭ بىلاي دەدى: ”باس شۋجيدىڭ جاۋاپ حاتى بەينە ساۋلە ىسپەتتى قالىڭ جاستاردىڭ نەگىزگى ساتىعا ٴوزىن ارناۋداعى، شەكاراعا قىزمەت وتەۋدەگى العا باسۋ جولىن نۇرلاندىردى ٴارى كوممۋنيستىك جاستار وداعى قىزمەتىنە ايقىن بەتالىس كورسەتتى“.
