ەركىن تۇنياز ىلە قازاق اۆتونوميالى وبلىسىندا تەكسەرۋ ـ زەرتتەۋ جۇرگىزگەندە بىلاي دەپ باسا دارىپتەدى
ەكىنشى ماۋسىمدا كۇش سالا ىستەپ، بۇكىل رايوننىڭ ەكونوميكالىق دامۋىنا كوبىرەك ۇلەس قوسۋ كەرەك
5 ـ ايدىڭ 4 ـ كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ىلە قازاق اۆتونوميالى وبلىسىنىڭ كۇنەس اۋدانىنا بارىپ، كاسىپورىن سەحتارى، اتىز باسى، ٴتۇيىندى نىساندار قۇرىلىسىنىڭ جۇمىس باسى سياقتىلاردى ىشكەرىلەي ارالاپ، ەكىنشى ماۋسىمداعى ٴتۇيىندى قىزمەتتەردى ويداعىداي يگەرۋ جونىندە تەكسەرۋ ـ زەرتتەۋ جۇرگىزدى. ول ىلە وبلىسىنىڭ جاڭا دامۋ ۇستانىمىن جانە جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، ەكونوميكالىق ٴىرى وبلىس جاۋاپكەرشىلىگىن مىقتاپ ارقالاپ، ٴبىرىنشى ماۋسىمداعى تاماشا باستاما جەتىستىكتەرىن بەكەمدەپ، ەكىنشى ماۋسىمدا كۇش سالا ىستەپ، بۇكىل رايوننىڭ ەكونوميكالىق دامۋىنا كوبىرەك ۇلەس قوسۋىن ٴۇمىت ەتتى.
نارات اۋەجايىن وزگەرتىپ، كەڭەيتىپ سالۋ نىسانى — اۆتونوميالى رايوننىڭ ”14 ـ بەسجىلدىقتاعى“ ٴتۇيىندى نىسانى. ەركىن تۇنياز نىساندى جوبالاۋ، قىزمەتتىڭ اياق الىسى سياقتىلاردى ۇعىستى. ول بىلاي دەپ اتاپ كورسەتتى: اۋەجاي وزگەرتىلىپ، كەڭەيتىلىپ سالىنىپ ىسكە قوسىلعاننان كەيىن، وڭىرلىك ەكونوميكانىڭ گۇلدەنۋى، ساياحاتتىڭ دامۋى سياقتىلاردى جەبەۋدە ماڭىزدى ٴمان الادى. اۋەجاي نىسانىنىڭ الدىڭعى مەرزىمدىك قىزمەتىن جەدەلدەتىپ، دارەجەسىن جوعارىلاتىپ ىلگەرىلەتۋ، بىرىكتىرىپ تەكسەرىپ بەكىتۋ، توڭىرەكتىڭ كەشەندى قۇرىلعىلاردى ٴبىر تۇتاس جوسپارلاپ، ”اۆياتسيا + ساياحات“، ”اۆياتسيا + زات اينالىمى“ سياقتى كوپ كاسىپ كۇيىندەگى كۇردەلى كاسىپ سالالارىن دامىتۋ ۇلگىسىن قالىپتاستىرۋ كەرەك.
ەركىن تۇنياز ىلە چيۋفىڭ تۇقىم شارۋاشىلىعى شەكتى جاۋاپكەرشىلىك سەرىكتەستىگىنىڭ جۇگەرىنىڭ ساپالى تۇقىمىن جەتىلدىرىپ جوعارى ٴونىم الۋدان ۇلگى كورسەتۋ اتىزىنا بارىپ، جۇگەرىنىڭ كوكتەمگى ەگىس جاعدايىن تەكسەرىپ كوردى. ول مىنالاردى ٴبىلدىردى: جوعارى ولشەمدى ەگىنجاي قۇرىلىسىن جوعارى ساپامەن ىلگەرىلەتىپ، ارناۋلى قارجىنى ارناۋلى ورىنعا جۇمساۋعا شىنايى كەپىلدىك ەتىپ، نىسان قۇرىلىسىنىڭ تۇتاس بارىسىن باقىلاۋ ـ باسقارۋدى كۇشەيتىپ، استىق ٴونىمىن ارتتىرۋدى، ەگىنشىلەردىڭ كىرىسىن ارتتىرۋدى ارقاۋ ەتىپ، شىنايى تۇردە ولقىلىقتاردى تولىقتاپ، ٴالسىز تۇستاردى كۇشەيتىپ، ٴتۇرلى قۇرىلىس مىندەتتەرىن قاز ـ قالپىندا ويداعىداي ورىنداۋ كەرەك.
شينجياڭ چىشيڭ قورشاعان ورتانى قورعاۋ عىلىم ـ تەحنولوگيا شەكتى سەرىكتەستىگىنىڭ بولات ـ تەمىر، قاتتى كۇيدەگى جاراقسىز زاتتاردى قايتالامالى پايدالانۋ نىسانىنىڭ جۇمىس باسىندا ەركىن تۇنياز تەحنولوگيالىق بەتالىس پەن بولاشاق جوبانى ۇستىندە ۇعىستى. ول كاسىپورىندى سەنىمدى بەكەمدەپ، نىسان قۇرىلىسىن جوعارى باستامادا ىلگەرىلەتىپ، عىلمي زەرتتەۋ قۇرىلىمدارىمەن سەلبەستىكتى كۇشەيتىپ، قالدىق كەن قوقىر ـ قوقسىقتارىن بايلىققا اينالدىرىپ پايدالانۋدى ٴبىر تۇتاس جوسپارلاپ ىلگەرىلەتىپ، اينالمالى ەكونوميكادان ۇلگى كورسەتۋ نىسانىن تۇلعالاۋعا شابىتتاندىردى.
بەلگىلى جوعارى عىلىم ـ تەحنولوگيالىق بيولوگيالىق ٴدارى جاساۋ سەرىكتەستىگىندە ەركىن تۇنياز كاسىپورىندى ىلە جىلقىسى سياقتى مال شارۋاشىلىق بايلىق ابزالدىلىعىن تياناق ەتىپ، عىلىم ـ تەحنولوگيا ۇسىنىلىمىن ارتتىرىپ، جوعارى عىلىم ـ تەحنولوگيالى بيولوگيالىق تەحنولوگيا كاسىپ سالاسىنىڭ تەز قارقىنمەن دامۋىن ىلگەرىلەتۋگە، ات ونەرى جارىسى، حالىقتىق سالت ـ سانا ويىندارى سياقتىلاردى بەلسەنە دامىتىپ، مادەنيەتتىڭ، ساياحاتتىڭ، دەنە تاربيەنىڭ ىشكەرىلەي توعىسۋىن ىلگەرىلەتىپ، جىلقى شارۋاشىلىعىنىڭ ومىرشەڭ كۇشىن تاسقىنداتۋعا شابىتتاندىردى.
شينجياڭ شينيۋانچۋان سۋىق سۋ بالىعى تۇقىمدىق زات بازاسى قۇرىلىسى نىسانىنىڭ جۇمىس باسىندا ەركىن تۇنياز مىنالاردى ٴبىلدىردى: سۋىق سۋ بالىعىنىڭ ساپالى تۇقىمدىق زات بايلىعى، بالىق شارۋاشىلىعى جابدىقتارى سياقتىلاردى ارقاۋ ەتىپ، عىلىم ـ تەحنولوگيادان قامال الۋدى كۇشەيتىپ، كاسىپ سالاسى تىزبەگىن كۇش سالا ۇزارتىپ، سۋىق سۋ بالىعى كاسىپ سالاسىنىڭ وڭتۇستىك شينجياڭعا جايعاسۋىن ىلگەرىلەتىپ، سۋىق سۋ بالىعى باعىمشىلىعى كاسىپ سالاسىن شىن مانىندە حالىقتى اۋقاتتاندىرىپ، اۋىل شارۋاشىلىعىن قۇدىرەتتەندىرۋ كاسىپ سالاسىنا اينالدىرۋ كەرەك. ول تاعى شينجياڭ كۇنەس اسىل تۇقىمدى قوي فەرماسى شەكتى سەرىكتەستىگىنە بارىپ، كاسىپورىندى جەتىلدىرۋدى، ٴوسىرۋدى، جالپىلاستىرۋدى ٴبىر تۇلعالاندىرۋدى ىلگەرىلەتىپ، بۇكىل ەل كولەمىندە ٴوندىرۋ، شارۋاشىلىق جۇرگىزۋ جانە عىلمي زەرتتەۋ، وقىتۋ ٴبىر تۇلعالانعان قوي شارۋاشىلىعى تۇقىمدىق زات بايلىعى بازاسىن قۇرىپ، بازار ۇلەسىن ۇزدىكسىز كەڭەيتىپ، شينجياڭ قويىنىڭ بۇكىل ەلدەگى اتاعىن ونان ارى جوعارىلاتۋعا شابىتتاندىردى.
ەركىن تۇنياز نارات حۋامەي شىڭدي قوناق ٴۇيى شوعىرى نىسانىن دا تەكسەردى ٴارى ەرەكشەلىككە يە حالىقتىق تۇسەلحانالاردى ارالادى. ول مىنانى ٴبىلدىردى: ساياحاتتىڭ قاۋىرت مەزگىلى كەلدى، قۇرىلىس حاۋىپسىزدىگىنە كەپىلدىك ەتۋ نەگىزىندە نىسان قۇرىلىسىن جەدەلدەتىپ، جاڭا كاسىپ كۇيىن تۇلعالاپ، جاڭا كورىنىس قالىپتاستىرىپ، ساياحاتشىلاردىڭ كوپ نەگىزدى قاجەتىن قاناعاتتاندىرۋ كەرەك.
تەكسەرۋ ـ زەرتتەۋ بارىسىندا ەركىن تۇنياز بىلاي دەپ باسا دارىپتەدى: ىلە وبلىسى دامۋ مەن حاۋىپسىزدىكتى، ەسىك اشۋ مەن حاۋىپسىزدىكتى اناعۇرلىم ويداعىداي ٴبىر تۇتاس جوسپارلاپ، نازاردى ”ادام، اۆتوكولىك، جول، كاسىپورىن“ سياقتى شەشۋشى ورىندارعا شوعىرلاندىرىپ، ٴار جاقتاعى حاۋىپ ـ قاتەرلەردەن، كومەسكى كىناراتتاردان ساقتانۋى جانە ونى جويۋى كەرەك. قارجى قوسۋ مەن تۇتىنۋ سىندى ەكى تەتىكتى مىقتى يگەرىپ، فاكتورمەن قامتاماسىز ەتۋدى كۇشەيتىپ، ەكونوميكانىڭ جوعارى ساپالى دامۋىن بار كۇشپەن ىلگەرىلەتۋ كەرەك. ساياحاتتىڭ قاۋىرت ماۋسىمىن مىقتى يگەرىپ، جوعارى ساپالى، كوپ ٴتۇرلى مادەنيەت ـ ساياحات ونىمدەرىمەن قامداۋدى كۇشەيتۋ كەرەك. حالىق تۇرمىسىن الدىمەن ويلاستىرۋعا تاباندى بولىپ، اتموسفەرانىڭ لاستانۋىنان ساقتانۋ جانە ونى تىزگىندەۋ، وڭاۋ سياقتىلاردى كۇش سالا ويداعىداي يگەرىپ، دامۋدى جۇرت تىلەگىن ۇيىستىرۋدا تياناقتاندىرۋ كەرەك. ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىن تىڭعىلىقتى ىلگەرىلەتىپ، ۇيرەنۋ، تەكسەرۋ، تۇزەتۋ بارىسىندا ٴتارتىپ، قاعيدا تانىمىن كۇشەيتىپ، ىسىلعان ستيلدى شىڭداۋ كەرەك.
