ٴۇرىمجى كەدەنى 12 ٴتۇرلى شارا شىعاردى
اۋىل شارۋاشىلىق، ازىق ـ تۇلىك ونىمدەرى ەكسپورتىنىڭ مولشەرىن ورنىقتىرىپ، ساپاسىن جوعارىلاتۋدى جەبەدى
تاياۋدا ٴۇرىمجى كەدەنى «ٴۇرىمجى كەدەنى اۋىل شارۋاشىلىق، ازىق ـ تۇلىك ونىمدەرى ەكسپورتىن قولداۋ 3 جىلدىق ارناۋلى ارەكەتىنىڭ 12 ٴتۇرلى شاراسىن» شىعارىپ، كاسىپ سالاسىنىڭ دامۋى، قاينارىنان باسقارۋ، كەدەننەن ٴوتۋدى جاقسارتۋ سياقتى جاقتاردا 12 تارماقتى ەگجەي ـ تەگجەيلى شارا شىعارىپ، شينجياڭنىڭ اۋىل شارۋاشىلىعىندا ٴىرى رايوننان اۋىل شارۋاشىلىعىندا قۋاتتى رايونعا بۇرىلىس جاساۋىن ىلگەرىلەتىپ، اۋىل شارۋاشىلىق، ازىق ـ تۇلىك ونىمدەرى ەكسپورتىنىڭ مولشەرىن ورنىقتىرىپ، ساپاسىن جوعارىلاتۋدى جەبەدى. ٴۇرىمجى كەدەنىنىڭ ساندى مالىمەتىنە نەگىزدەلگەندە، بيىل ٴبىرىنشى ماۋسىمدا شينجياڭنىڭ شەكارا وتكەلدەرىنەن 218 مىڭ توننا جەمىس ـ جيدەك، كوكونىس ەكسپورت ەتىلىپ، سايكەس مەزگىلدەگىدەن %55.1 ارتقان.
نازاردى كاسىپ سالاسىنىڭ دامۋىنا شوعىرلاندىرۋ جاعىندا، ٴۇرىمجى كەدەنى شينجياڭنىڭ ەرەكشەلىككە يە اۋىل شارۋاشىلىق، ازىق ـ تۇلىك كاسىپ سالاسىنا باعىتتاي وتىرىپ كاسىپ سالاسىنىڭ دامۋ جوباسىن ۇعىسىپ، يگەرىپ، جەرگىلىكتى ۇكىمەتتىڭ ەكسپورتتى كەڭەيتۋىنە ۇيلەسىمدى ۇسىنىس قويادى. قاينارىنان باسقارۋدى كۇشەيتۋ جاعىندا، ىرىقتى تۇردە كاسىپورىنداردىڭ ەكسپورت سۇرانىسىمەن ٴتۇيىلىسىپ، كەدەننىڭ تىركەۋ، تىزىمگە الۋ سياقتى باقىلاپ ـ باسقارۋ ٴتاسىلىنىڭ رولىن ساۋلەلەندىرىپ، ەكسپورت كاسىپورىندارىنىڭ ەكسپورت ونىمدەرىنىڭ ساپا حاۋىپسىزدىگىن باسقارۋ، مەڭگەرۋ، ىندەتتەن، جۇقپالى ىندەتتەن ساقتانۋ، تىزگىندەۋ جانە ونىمدەردى قاينارىنان باسقارۋ جۇيەسىن قۇرۋعا، اقاۋسىزداندىرۋعا جەتەكشىلىك ەتەدى.
ٴۇرىمجى كەدەنى كۋالاندىرۋدان وتكەن ساۋداگەرلەردى (AEO) باۋلۋ تەبىنىن كۇشەيتىپ، ٴتۇيىندى سۇيەمەلدەنەتىن كاسىپورىنداردىڭ كولەمىن كەڭەيتىپ، شينجياڭنىڭ اۋىل شارۋاشىلىق، ازىق ـ تۇلىك ٴتۇيىندى كاسىپ سالاسىن AEO كاسىپورىندارى بويىنشا الدىمەن باۋلۋ تىزىمىنە ەنگىزىپ، كاسىپورىنداردىڭ حالىقارالىق باسەكەلىك قۋاتىن كۇشەيتۋىنە دەم بەرەدى. مۇندا جوعارى دارەجەلى كۋالاندىرىلعان كاسىپورىندارعا، سونداي ـ اق سەنىمدىلىك دارەجەسى ٴبىرشاما جوعارى كاسىپورىندارعا مەڭزەس، بەلگىلەمە بويىنشا ”كەدەننىڭ تەكسەرۋ، كاسىپورىننىڭ ٴوزىن تەكسەرۋ ناتيجەسىن مويىنداۋ ۇلگىسىنەن“ پايدالانىپ تەكسەرۋ جۇرگىزۋىنە بولادى.
فۋنكتسيالىق باسىمدىعىن ساۋلەلەندىرۋ جاعىندا، شينجياڭنىڭ ەرەكشەلىككە يە اۋىل شارۋاشىلىق، ازىق ـ تۇلىك ونىمدەرىنىڭ ەكسپورتىن ۇلعايتۋعا بار كۇشپەن دەم بەرىپ ىلگەرىلەتىپ، شينجياڭنىڭ اۋىل شارۋاشىلىق، ازىق ـ تۇلىك ونىمدەرى كاسىپورىندارىن شەتەلدە تىركەلۋگە كورسەتىپ، وسىمدىك قالامشاسى، گۇل، جەم ـ ٴشوپ قوسپاسى سياقتى ونىمدەر ٴۇشىن ٴتىپتى دە كوپ ەكسپورت بازارىن اشۋعا دەم بەرىپ، اۋىل ـ قىستاق كاسىپ سالاسىنىڭ ساپاسىن جوعارىلاتىپ ونىمدىلىگىن ارتتىرۋىن ىلگەرىلەتەدى.
ٴۇرىمجى كەدەنى قاراستىلىعىنداعى جەرلەردە جۇمىس باسىن تەكسەرىپ، جاس، وڭاي ٴشىريتىن اۋىل شارۋاشىلىق، ازىق ـ تۇلىك ونىمدەرىنە ۇزدىكسىز ”جاسىل ارنا“ اشىپ، شەكارا وتكەلدەرىندەگى اۋىل شارۋاشىلىق قوسىمشا ونىمدەردى كەدەننەن تەز وتكىزۋ ”جاسىل ارنا“ قۇرىلىسىن ىلگەرىلەتىپ، ”جاسىل كەدەن قۇلىبىن“ كوبەيتىپ جالپىلاستىرىپ، اۋىل شارۋاشىلىق قوسىمشا ونىمدەرىنىڭ كەدەننەن ٴوتۋ ونىمدىلىگىن ۇزدىكسىز جوعارىلاتادى.
كەدەننەن وتكىزۋ بارىسىن ساپالىلاندىرۋ، قىزمەت وتەۋ ساۋداسىن قولايلىلاندىرۋ جاعىندا، نەگىزگى ساۋدا جاساساتىن مەملەكەتتەردىڭ، وڭىرلەردىڭ تەحنولوگيالىق زاڭ ـ ەرەجەلەرىن، ولشەمدەرىن جيناۋدى جانە ٴتۇسىندىرۋدى، تەحنولوگيالىق سيپاتتى ساۋدا شارالارى جونىندەگى ينفورماتسيانى جيناۋدى جانە وعان تالداۋ جاساۋدى كۇشەيتەدى ٴارى قاتىستى تۇعىرلاردا ينفورماتسيا جاريالاپ، كاسىپورىنداردىڭ شەتەلدەردىڭ ۇيلەسىمسىز ساۋدا شەكتەمەلەرىنە، شارالارىنا توتەپ بەرۋىنە كومەكتەسەدى.
كاسىپورىنداردىڭ قيىنشىلىعىن اناعۇرلىم ويداعىداي شەشۋ ٴۇشىن، ٴۇرىمجى كەدەنى ”كەدەن باستىعى ساياسات جەتكىزۋ“، ”كەدەن باستىعى قابىلداۋ كۇنى“، كەدەن باستىعى حات ساندىعى، 12360 ىستىق لەنياسى سياقتى تۇعىرلاردان پايدالانىپ كاسىپورىنداردىڭ قيىنشىلىعىنا، ارىز ـ ارمانىنا دەر كەزىندە جاۋاپ قايتارادى جانە ونى شەشەدى.
