4 ـ ايدىڭ 28 ـ كۇنى تۇستەن بۇرىن جۇڭحۋا مەملەكەتتىك باس جۇمىسشى ۇيىمى قۇرىلعاندىعىنىڭ 100 جىلدىعىن قۇتتىقتاۋ جانە مەملەكەتتىك ەڭبەك ەرلەرى مەن وزات قىزمەتكەرلەردى ماداقتاۋ ـ سيلاۋ جينالىسى بەيجيڭدە وتكىزىلدى، 2426 ادام ماداقتالىپ ـ سيلاندى. شينجياڭنان 38 ادام مەملەكەتتىك ەڭبەك ەرى اتاعىنا، 14 ادام مەملەكەتتىك وزات قىزمەتكەر اتاعىنا يە بولدى.
بۇل ەلىمىزدىڭ مەملەكەتتىك ەڭبەك ەرلەرى مەن وزات قىزمەتكەرلەردى 17 ـ رەت باعالاپ ماداقتاپ ـ سيلاۋى. ٴداستۇرلى ەگىن شارۋاشىلىعى، ورمان شارۋاشىلىعى، مال شارۋاشىلىعى، بالىقشىلىق، جاساۋ كاسىبى سياقتى سالالارداعى ەڭبەكشىلەردەن سىرت، تاعى شەبەرلىك اسەمونەرشىلەرى، چياڭزۋ كەستەشىلىگى شەبەرلىگىنىڭ جەتەكشىلەرى سياقتى جۇڭحۋانىڭ تاڭداۋلى ٴداستۇرلى مادەنيەتىن جالعاستىرۋشىلار، سونداي ـ اق تاپسىرىسپەن تاماق جەتكىزۋشى، جەدەل جولدامانى جالعاپ تاسۋشى، تاراتۋشى، وتباسىلىق قىزمەت وتەۋگە باۋلۋشى سياقتى جاڭا كاسىپ ەڭبەكشىلەرى بار.
شينجياڭ تيانشان ٴجۇن توقىماشىلىق جارنا شەكتى سەرىكتەستىگى ٴجۇن توقىماشىلىق زاۆودىنىڭ ورىنباسار باستىعى جۋ كايلي، اتۇش قالاسى تۇگۇرمىتى اۋىلىنداعى شارۋا شەكارا قورعاۋشى تۇردى وسمان، شاعانتوعاي اۋدانى جاڭاجەر اۋىلى ىنتىماق باتىس قىستاعىنىڭ ديقانى لي يىنحۋا قاتارلى 38 ادام مەملەكەتتىك ەڭبەك ەرى اتاعىنا يە بولدى؛ شينجياڭ گازەتى مەكەمەسى حانزۋشا گازەت شىعارۋ ٴبولىمى رەداكتورلار 2 ـ گرۋپپاسىنىڭ باستىعى، مەڭگەرۋشى رەداكتور لي حان، ٴۇرىمجى قالالىق ٴورت ٴسوندىرۋ، ورتتەن ساقتانۋ، قۇتقارۋ ـ كومەكتەسۋ بولىمشە اترەتى ەكونوميكالىق، تەحنولوگيالىق اشۋ رايونى ۇلكەن اترەتى ليانحۋ جولى ٴورت ٴسوندىرۋ، ورتتەن ساقتانۋ، قۇتقارۋ ـ كومەكتەسۋ پۋنكتىنىڭ 1 ـ دارەجەلى ٴورت ٴسوندىرۋ، ورتتەن ساقتانۋ باستىعى لي جيانۋي، شينجياڭ اۋىل شارۋاشىلىعى داشۋەسى زوولوگيا شۋەيۋانىنىڭ پروفەسسورى ليۋ ۋجۇن قاتارلى 14 ادام مەملەكەتتىك وزات قىزمەتكەر اتاعىنا يە بولدى.
