اۆتونوميالى رايوندىق ٴوندىرىس حاۋىپسىزدىگى كوميتەتىنىڭ 2025 ـ جىلعى ەكىنشى جالپى ٴماجىلىسى اشىلدى
ەڭ قاتاڭ پوزيتسيامەن حاۋىپسىزدىك قىزىل سىزىعىن باتىل ساقتاۋ كەرەك
4 ـ ايدىڭ 27 ـ كۇنى تۇستەن كەيىن اۆتونوميالى رايوندىق ٴوندىرىس حاۋىپسىزدىگى كوميتەتىنىڭ 2025 ـ جىلعى ەكىنشى جالپى ٴماجىلىسى اشىلدى. ٴماجىلىس باس شۋجي شي جينپيڭنىڭ ٴوندىرىس حاۋىپسىزدىگى قىزمەتى جونىندەگى ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوندىق پارتكومنىڭ جانە ۇكىمەتتىڭ ورنالاستىرۋى، تالابى بويىنشا ورتالىقتىڭ ٴوندىرىس حاۋىپسىزدىگىن باعالاۋ، شارلاپ تەكسەرۋ گرۋپپاسى 6 ـ گرۋپپاسىنىڭ اشىق تەكسەرۋ، جاسىرىن ارالاۋى، مەملەكەتتىڭ كەن حاۋىپسىزدىگى بويىنشا كومەكتەسىپ ـ سۇيەمەلدەۋ، جەتەكشىلىك ەتۋى جانە اۆتونوميالى رايوننىڭ جالپىلىق تەكسەرۋى بارىسىندا بايقالعان كورنەكتى ماسەلەلەردى حابارلاپ، تاياۋ مەزگىلدە تۋىلعان شىرعالاڭعا، اپات جاعدايىنا تالداۋ جاساپ، كەلەسى قادامداعى، اسىرەسە، ”1 ـ مامىر“ دەمالىسى كەزىندەگى ٴتۇيىندى قىزمەتتەردى اقىلداستى، ورنالاستىردى.
اۆتونوميالى رايوننىڭ ٴتوراعاسى، اۆتونوميالى رايوندىق ٴوندىرىس حاۋىپسىزدىگى كوميتەتىنىڭ مەڭگەرۋشىسى ەركىن تۇنياز ماجىلىسكە قاتىناستى ٴارى ٴسوز سويلەدى.
ٴماجىلىس مىنالاردى اتاپ كورسەتتى: بيىل ٴبىرىنشى ماۋسىمدا بۇكىل رايوننىڭ ٴوندىرىس حاۋىپسىزدىگى جاعدايى ورنىقتى بولىپ، جاقسارۋعا بەت الدى، ٴبىراق ٴالى دە كوپتەگەن سىن ـ سايىسقا ٴدوپ كەلىپ وتىر، اسىرەسە، ٴبىر توپ ٴتۇيىندى نىساننىڭ شوعىرلى قۇرىلىس باستاۋىنا، جۇمىستى قالپىنا كەلتىرۋىنە ىلەسە، حاۋىپسىزدىك حاۋىپ ـ قاتەرى ارتا ٴتۇستى. جەر ـ جەر، تاراۋلار، ورىندار دەڭگەيدى شىن مانىندە جوعارىلاتىپ، جاۋاپكەرشىلىك ارقالاۋدى كۇشەيتىپ، پارىقتى تابۋعا، ولقىلىقتى تولىقتاۋعا، ٴالسىز تۇستاردى كۇشەيتۋگە كۇش سالا ٴمان بەرىپ، حاۋىپسىزدىك قىزىل سىزىعىن باتىل ساقتاپ، اۋىر، ەرەكشە اۋىر شىرعالاڭداردىڭ تۋىلۋىنان باتىل ساقتانۋى جانە ونى تەجەۋى كەرەك.
ٴماجىلىس مىنالاردى باسا دارىپتەدى: حاۋىپ ـ قاتەر، كومەسكى كىناراتتاردىڭ، ٴسوز جوق، انىق ـ قانىعىنا جەتۋ، جاۋاپكەرشىلىكتى، شارانى، ٴسوز جوق، سوڭىنا دەيىن تياناقتاندىرۋ، تۇيىق اينالىمدا رەتتەۋ ـ تۇزەتۋدى، ٴسوز جوق، تۇبەگەيلى ىستەۋگە تاباندى بولىپ، نازاردى كەن، جول قاتىناس، قۇرىلىس جۇرگىزۋ سياقتى ٴتۇيىندى سالالارعا ۇزدىكسىز شوعىرلاندىرىپ، ماسەلەلەر مەن كومەسكى كىناراتتاردى رەتتەۋ ـ تۇزەتۋدى ويداعىداي يگەرىپ، ٴتۇرلى شارالاردىڭ ”ەڭ سوڭعى ٴبىر كيلومەترگە“ دەيىن تياناقتانۋىنا شىنايى كەپىلدىك ەتۋ كەرەك. ٴوندىرىس حاۋىپسىزدىگىن تۇبىرىنەن وڭاۋدان قامال الۋدىڭ 3 جىلدىق ارەكەتىن ىشكەرىلەي ىلگەرىلەتىپ، ماماندار كومەكتەسىپ سۇيەمەلدەۋ، جەتەكشىلىك ەتۋ سەرپىنىن زورايتىپ، كاسىپورىنداردىڭ حاۋىپسىزدىك باسقارۋ قابىلەتىن جوعارىلاتۋعا دەم بەرۋ كەرەك. كەن حاۋىپسىزدىگىندەگى ”8 تارماقتى قاتاڭ شارانى“ مىقتاپ تياناقتاندىرىپ، ”جولاۋشىلار اۆتوبۋزى، ساياحات اۆتوبۋزى، قاتەرلى زاتتاردى تاسيتىن اۆتوكولىك“ سياقتى ٴتۇيىندى اۆتوكولىكتەردىڭ حاۋىپسىزدىك باقىلاۋ ـ باسقارۋىن ويداعىداي يگەرىپ، حاۋىپتى حيميالىق بۇيىمداردى جانە ەرەكشە جابدىقتاردىڭ دىمكاستى اينالىمعا ٴتۇسۋى سياقتى اۋىر شىرعالاڭ كومەسكى كىناراتتارىن جاپپاي تەكسەرىپ، قۇرىلىس سالۋدا زاڭسىز سىرتقا كوتەرمەگە ٴبولىپ بەرۋگە سوققى بەرۋ كەرەك. ونەركاسىپ ـ ساۋدا، اۋىل شارۋاشىلىعى ماشيناسى سياقتى سالالارداعى كومەسكى كىناراتتاردى شەتىنەن تەكسەرىپ، رەتتەۋ ـ تۇزەتۋدى كۇشەيتىپ، اۋەجاي جانە ونىڭ توڭىرەگىندەگى حاۋىپسىزدىك باسقارۋدى كۇشەيتىپ، كورىنىس وڭىرلەرىندەگى اسپالى جولدى، سىرعىما قوراپتى، ٴىرى تۇرپاتتى ويىن قۇرىلعىلارىن تەكسەرىپ ـ كۇتىمدەۋدى ويداعىداي ىستەپ، ساياحاتشىلاردىڭ حاۋىپسىزدىگىن قامتاماسىز ەتۋ كەرەك. ادام شوعىرلى الاڭ ـ ورىندارداعى وت ىستەتەتىن جۇمىستار مەن قۇرىلىستاردىڭ جىلۋ ساقتاۋ ماتەريالدارىن تۇتاس تىزبەك بويىنشا ارناۋلى رەتتەۋ ـ وڭاۋدى ىشكەرىلەي ورىستەتىپ، قارتتاردى كۇتىمدەۋ قۇرىلىمى، بالالار يگىلىك قۇرىلىمى، مەكتەپ، شيپاحانا سياقتى ادام شوعىرلى الاڭ ـ ورىنداردى جاپپاي اداقتاپ تەكسەرىپ، ٴورت ٴسوندىرۋ، ورتتەن ساقتانۋ ارناسىنىڭ توسىلۋى، ەلەكتر جولدارىنىڭ ەسكىرۋى ماسەلەلەرىن ٴتۇيىندى رەتتەپ ـ وڭاپ، ادامداردى تاراتۋ، جان ساۋعالاۋ جاتتىعۋىن ويداعىداي ورىستەتۋ كەرەك.
ٴماجىلىس مىنالاردى باسا دارىپتەدى: تاسقىننان ساقتانۋ، قۋاڭشىلىققا قارسى اتتانۋ ٴتۇزىلىسىن كەمەلدەندىرىپ، تاسقىننان ساقتانۋ، قۋاڭشىلىققا قارسى اتتانۋ جاۋاپكەرشىلىگىن قاتايتىپ، تاۋلى رايونداعى تۇرعىندار شوعىرلانعان ٴتۇيىن، ساياحات كورىنىس ٴوڭىرى، ٴوندىرىس اۋماعى سياقتى ٴتۇيىندى اۋماقتاردى كورنەكتى تۇردە اداقتاپ تەكسەرىپ، شارلاپ تەكسەرۋ، قورعانۋ، باقىلاۋ ـ قاداعالاۋ، ساقتاندىرۋ جانە حاۋىپتەن قۇتقارۋ شارالارىن تياناقتاندىرۋ كەرەك. جەر سىلكىنىسى، قىسقا ۋاقىتتىق توسىن جاۋعان نوسەر، تاسقىن سياقتىلار جونىندە تۇجىرىم جاساۋدى، ساقتاندىرۋدى كۇشەيتىپ، ورمان، جايلىم ورتىنەن ساقتانۋ، ٴورت ٴسوندىرۋ قىزمەتىن ويداعىداي ىستەپ، شۇعىل جاعدايعا توتەپ بەرۋ كەزەكشىلىگىن كۇشەيتىپ، شۇعىل جاعدايعا توتەپ بەرۋ بويىنشا اپاتتان قۇتقارۋ قابىلەتىن جوعارىلاتۋ كەرەك.
ٴماجىلىس مىنالاردى تالاپ ەتتى: جەر ـ جەر، قاتىستى تاراۋلار، ورىندار ٴوندىرىس حاۋىپسىزدىگىندەگى ”پارتكوم مەن ۇكىمەت تەڭ جاۋاپكەرشىلىك ارقالاۋ، ٴبىر قىزمەت ورنىندا قوس جاۋاپكەرشىلىك وتەۋ، بىردەي يگەرىپ تەڭ باسقارۋ، مىندەتىن وتەمەگەندەردىڭ جاۋاپكەرشىلىگىن قۋزاۋ“ جاۋاپكەرشىلىك ٴتارتىبىن قاتاڭ تياناقتاندىرىپ، ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىمەن ۇشتاستىرىپ، فورماشىلدىقتى، تورەشىلدىكتى باتىل تۇزەتىپ، شىرعالاڭدى تىكە مالىمدەۋدى كۇشەيتىپ، اناعۇرلىم ناقتى ستيل ارقىلى ٴوندىرىس حاۋىپسىزدىگى قىزمەتىن ەگجەي ـ تەگجەيلى، ناقتى يگەرۋى كەرەك.
ماجىلىستە اۆتونوميالى رايوندىق ٴوندىرىس حاۋىپسىزدىگىن كەشەندى تەكسەرۋ ساقتىق تاربيە فيلمى قويىلدى. ٴۇرىمجى قالاسىنداعى، ىلە قازاق اۆتونوميالى وبلىسىنداعى، بايىنعولين موڭعۇل اۆتونوميالى وبلىسىنداعى، اۆتونوميالى رايوندىق قاتىناس ـ تاسىمال مەڭگەرمەسىندەگى، حالىقتىق اۆياتسيا شينجياڭ باسقارۋ مەكەمەسىندەگى قاتىستى جاۋاپتى جولداستار ٴسوز سويلەدى.
ٴيۇسۇپجان مامەت باسقاردى، مۇقيات جارمۇقامەت، ۋاڭ گاڭ، جۋ ليفان، پان شي، نيە جۋاڭ قاتارلىلار ماجىلىسكە قاتىناستى.
