تيانشاننىڭ سولتۇستىك بوكتەرىندەگى قالالار شوعىرىنىڭ اۋا ساپاسىن ۇزدىكسىز جاقسارتۋدى ىلگەرىلەتتى
شينجياڭ اتموسفەرانىڭ لاستانۋىنان ساقتانۋ جانە ونى وڭاۋدىڭ تىرەكتى تەحنيكاسىنان شوعىرلى ۇلگى كورسەتۋ نىسانىن باستادى
3 ـ ايدىڭ 18 ـ كۇنى ”14 ـ بەسجىلدىقتاعى“ مەملەكەتتىك ٴتۇيىندى زەرتتەۋ ـ اشۋ جوسپارى ”تيانشاننىڭ سولتۇستىك بوكتەرىندەگى قالالار شوعىرى اتموسفەراسىنىڭ لاستانۋىنان ساقتانۋ جانە ونى وڭاۋعا تىرەك بولاتىن تەحنولوگيالاردان شوعىرلى ۇلگى كورسەتۋ“ نىسانىن باستاۋ جانە اتقارۋ جوباسىن دالەلدەۋ ٴماجىلىسى ۇرىمجىدە وتكىزىلدى، عىلىم ـ تەحنولوگيالىق تاسىلدەر ارقىلى تيانشاننىڭ سولتۇستىك بوكتەرىندەگى قالالار شوعىرى قورشاعان ورتاسى اۋا ساپاسىنىڭ ۇزدىكسىز جاقسارۋىنا دەم بەرىپ، تيانشاننىڭ سولتۇستىك بوكتەرىندەگى قالالار شوعىرىنىڭ اۋىر لاستانعان اۋا رايىن جويۋ جانە اۋا ساپاسىن ۇزدىكسىز جاقسارتۋدى پارمەندى عىلمي نەگىزبەن جانە تەحنولوگيالىق تىرەكپەن قامدايدى.
تيانشاننىڭ سولتۇستىك بوكتەرىندەگى قالالار شوعىرى اتموسفەرا ورتاسىن وڭاۋ ٴۇرتىس 3 جىل اۆتونوميالى رايوننىڭ حالىق تۇرمىسىنداعى 10 ناقتى ٴىستىڭ قاتارىنا ەنگىزىلدى، اۆتونوميالى رايوندىق پارتكوم مەن ۇكىمەت ايرىقشا ٴمان بەرىپ، جوعارى دەڭگەيدە ىلگەرىلەتتى، ۇزدىكسىز قامال الۋ ارقىلى 2024 ـ جىلى تيانشاننىڭ سولتۇستىك بوكتەرىندەگى قالالار شوعىرىنىڭ اۋا ساپاسى جاقسى كۇن سانى سالىستىرماسى %90كە جەتىپ، PM10، PM2.5 سايكەس مەزگىلدەگىدەن تومەندەپ، ”ٴبىر جوعارىلاۋ، ەكى ازايۋ“ سىندى كەزەڭدىك نىسانا تابىسپەن ىسكە اسىرىلدى.
الايدا تيانشاننىڭ سولتۇستىك بوكتەرىندەگى وڭىرلەردە قىس ماۋسىمىندا ٴتيىمسىز كليمات شارت ـ جاعدايى مەن قولدان جاسالعان فاكتورلار قاباتتاسقاندىقتان، اتموسفەرانىڭ لاستانۋى ٴدوپ كەلگەن جاعداي ٴالى دە اۋىر، مىندەت ٴالى دە جاپالى، تيانشاننىڭ سولتۇستىك بوكتەرىندەگى قالالار شوعىرى اتموسفەراسىنىڭ لاستانۋىنان ساقتانۋ جانە ونى وڭاۋدان قامال الۋ شايقاسىن ونان ارى ويداعىداي جۇرگىزىپ، ماماندار مەن عىلمي زەرتتەۋ جەتىستىكتەرىنىڭ اقىل ـ پاراساتتىق تىرەكتىك رولىن تولىق ساۋلەلەندىرۋ ٴۇشىن، 2024 ـ جىلدىڭ سوڭىندا اۆتونوميالى رايوندىق ەكولوگيالىق ورتا مەڭگەرمەسى جۇڭگو قورشاعان ورتا عىلىمىن زەرتتەۋ ورنى، اۆتونوميالى رايوندىق ەكولوگيالىق ورتانى عىلمي زەرتتەۋ ورنى سياقتى عىلمي زەرتتەۋ ورىندارىن زور كۇشپەن قولداپ، باسىمدىققا يە قوسىنداردى ۇيىمداستىرىپ، ”14 ـ بەسجىلدىق“ مەملەكەتتىك ٴتۇيىندى زەرتتەۋ ـ اشۋ جوسپارىن بار كۇشپەن ٴوتىنىش ەتتى ٴارى تابىسقا جەتتى.
نىسان تيانشاننىڭ سولتۇستىك بوكتەرىندەگى قالالار شوعىرىنىڭ اۋا ساپاسىن جاقسارتۋ قاجەتىن جەتەكشى ەتىپ، تيانشاننىڭ سولتۇستىك بوكتەرىندەگى قالالار شوعىرىنىڭ اتموسفەرانى لاستايتىن زاتتاردى ىعىستىرۋ كۇشەمەلىلىگى جوعارى، لاستانۋ جاعدايى اۋىر، وڭاۋ قيىندىعى زور بولۋ سياقتى ماسەلەلەرگە نازار شوعىرلاندىرىپ، لاس زاتتاردىڭ قالىپتاسۋ مەحانيزمى مەن جەتكىزۋ جولى ايقىن بولماۋ، وڭىرلىك 7 - 5 كۇندىك الدىن الا مالىمەت بەرۋ دالدىگى تومەن بولۋ، بيڭتۋان مەن جەرگىلىكتى ورىننىڭ بىرلەسىپ ساقتانۋ، بىرلەسىپ تىزگىندەۋ مەحانيزمى كەمەلدى بولماۋ سياقتى شەشۋشى قيىن ماسەلەلەرگە مەڭزەس، تيانشاننىڭ سولتۇستىك بوكتەرى وڭىرىندە قىستا PM2.5 اۋىر دارەجەدە لاستانۋ وزگەرىسى، سەبەبىن قۋزاستىرۋ جانە تەگىن ٴدال تەكتەۋ، ىشكەرىلەي ۇيرەنۋ مەن كوپ قاينارلى ساندى مالىمەتتىڭ بايلانىسى نەگىزىندەگى اۋا ساپاسىن الدىن الا مالىمدەۋ تەحنولوگيالىق ادىسىنە زەرتتەۋ جۇرگىزۋ، ٴتۇيىندى سالالاردا لاس زاتتاردىڭ شىعارىلۋىن ازايتۋ تەحنولوگياسىن باعالاۋ جانە كومىر قىشقىل گازى مەن لاس زاتتاردى سايكەستى ىعىستىرۋ جولى، بيڭتۋان مەن جەرگىلىكتى ورىننىڭ اتموسفەرانىڭ لاستانۋىن بىرلەسىپ وڭاۋ، بىرلەسىپ ساقتانۋ، بىرلەسىپ تىزگىندەۋ مەحانيزمىن ساپالىلاندىرۋ، سونداي ـ اق ورتا، ۇزاق مەرزىمدىك جاقسارتۋ جولىن زەرتتەۋ، اتموسفەرالىق ورتانى باسقارۋ زەردەلى شەشىم جاساۋ سيفرلى ينفورماتسيا تۇعىرىن زەرتتەۋ ـ اشۋ جانە ۇلگى كورسەتۋ، قولدانۋ سىندى 5 كەلەلى تاقىرىپتى ورىستەتىپ اتقاردى.
جوسپار بويىنشا نىسان 2025 ـ جىلى لاستانۋ قاينارىن تۇبەگەيلى تەكسەرۋگە كۇش سالىپ، ٴتۇيىندى لاس زاتتاردى ىعىستىراتىن ٴىرى ورىندار مەن شەشۋشى ىعىستىرۋ بۋىندارىن مىقتى يگەرىپ، دالمە ـ ٴدال وڭاۋ ٴۇشىن باعىت پەن ٴتۇيىندى ايقىندايدى؛ 2026 ـ جىلى وڭىرلىك اۋىر لاس زاتتاردى ىعىستىرۋ جولىن، قالىپتاسۋ سەبەبىن جانە كەلۋ قاينارىن دالمە ـ ٴدال پارىقتاپ، اتموسفەرانىڭ لاستانۋىنان ساقتانۋدىڭ شەشۋشى ٴتۇيىنىن ٴداپ باسىپ تابادى؛ 2027 ـ جىلى نىسانداردىڭ زەرتتەۋ جەتىستىكتەرىن جاپپاي بىرىكتىرىپ، باقىلاۋ، الدىن الا مالىمەت بەرۋ، وڭاۋ، باعالاۋ سىندى جالپىلىق تەحنولوگيالىق قىزمەت وتەۋ تۇعىرىن ورناتىپ، اتموسفەرا ورتاسىن وڭاۋ قابىلەتىن وسىزامانداندىرۋ دەڭگەيىن شىنايى جوعارىلاتادى.
