اۆتونوميالى رايوندىق پارتكوم قارت كادرلاردى جاعدايدان حابارلاندىرۋ ٴماجىلىسىن اشىپ، مەملەكەتتىك ەكى ٴماجىلىستىڭ رۋحىن جەتكىزدى، ۇيرەندى، دايەكتىلەندىردى
جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە كۇش ـ قۋات ارناۋ كەرەك
3 ـ ايدىڭ 19 ـ كۇنى اۆتونوميالى رايوندىق پارتكوم قارت كادرلاردى جاعدايدان حابارلاندىرۋ ٴماجىلىسىن اشىپ، باس شۋجي شي جينپيڭنىڭ ماڭىزدى سوزدەرىنىڭ رۋحىن جانە مەملەكەتتىك ەكى ٴماجىلىستىڭ رۋحىن جەتكىزىپ، ۇيرەنىپ، دايەكتىلەندىرىپ، شينجياڭنىڭ ەكونوميكالىق، قوعامدىق دامۋ جاعدايىنان حابارلاندىردى. اۆتونوميالى رايوندىق پارتكومنىڭ تۇراقتى مۇشەسى، ۇيىمداستىرۋ ٴبولىمىنىڭ باستىعى ۋاڭ لين ماجىلىسكە قاتىناستى ٴارى ٴسوز سويلەدى.
ٴماجىلىس مىنالاردى اتاپ كورسەتتى: وسى رەتكى مەملەكەتتىك ەكى ٴماجىلىس — ”14 ـ بەسجىلدىق“ جوبا اياقتالاتىن جىلى اشىلعان ٴبىر رەتكى اسا ماڭىزدى ٴماجىلىس. باس شۋجي شي جينپيڭنىڭ ەكى ٴماجىلىس كەزىندە جاريالاعان ٴبىرسىپىرا ماڭىزدى ٴسوزى وتە كۇشتى ساياسي سيپاتقا، يدەيالىق سيپاتقا، ستراتەگيالىق سيپاتقا، جەتەكشىلىك سيپاتقا يە بولىپ، ٴبىزدىڭ ٴتۇرلى قىزمەتتەردى ويداعىداي ىستەۋىمىزگە، جۇڭگو ۇلگىسىندەگى وسىزامانداندىرۋدى ىلگەرىلەتۋىمىزگە ارەكەت باعدارناماسىن ازىرلەدى. يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرىپ، مۇقيات ۇيرەنىپ، ٴتۇسىنىپ، باستاماشىلدىقپەن دايەكتىلەندىرىپ، تياناقتاندىرىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىن جەدەل ىلگەرىلەتۋىمىز كەرەك.
ٴماجىلىس مىنالاردى اتاپ كورسەتتى: 2025 ـ جىل — ”14 ـ بەسجىلدىق“ جوبا اياقتالاتىن جىل ٴارى اۆتونوميالى رايون قۇرىلعاندىعىنىڭ 70 جىلدىعى. ەگەر شينجياڭنىڭ ”وتكەنىن“ كوپشىلىك بىرگە جاراتقان جانە قۇرعان دەسەك، شينجياڭنىڭ تاماشا ”كەلەشەگىن“ قۇرۋ دا سوعان ۇقساس قالىڭ قارت باسشىلاردىڭ، ساقا جولداستاردىڭ كوڭىل ٴبولۋى مەن قولداپ ـ قۋاتتاۋىن، قايراتتاندىرىپ شابىت بەرۋىن قاجەت ەتەدى. كوپشىلىكتىڭ پارتيانىڭ جاسامپاز نازارياسىمەن زەيىن ـ زەردەنى ۇيىستىرىپ، رۋحتى سومداۋعا بۇلجىماي تاباندى بولىپ، شينجياڭنىڭ قوعام ورنىقتىلىعى كەلەلى جاعدايىن، ۇلت قىزمەتى نەگىزگى جەلىسىن جانە جوعارى ساپالى دامۋدى ارقاۋ ەتە وتىرىپ زەيىن ـ زەردەنى، كۇش ـ قۋاتتى ۇيىستىرىپ، باستان ـ اياق پارتيانىڭ ساياسي ٴتارتىبىن جانە ساياسي قاعيداسىن باتىل ساقتاپ، تاماشا ستيلدى جاڭا داۋىردە اسقاقتاتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ۇزدىكسىز ىلگەرىلەتۋگە اقىل ـ پاراسات، كۇش ـ قۋات ارناۋىن ٴۇمىت ەتەمىز.
ٴماجىلىس مىنالاردى تالاپ ەتتى: ٴار دارەجەلى پارتكومدار (پارتيا باسشىلىق گرۋپپاسى) مەن ۇيىمدار، قارت كادرلار قىزمەت تاراۋلارى ساياسي جاقتان ٴتىپتى دە قۇرمەتتەپ، يدەيالىق جاقتان ٴتىپتى دە كوڭىل ٴبولىپ، تۇرمىستىق جاقتان ٴتىپتى دە قارايلاسىپ، قارت جولداستار ٴۇشىن ناقتى ٴىس، جاقسى ٴىس ىستەپ، قيىن ىستەردى شەشىپ، قالىڭ قارت جولداستاردىڭ ٴومىرىنىڭ سوڭعى شاعىن الاڭسىز، باقىتتى وتكىزۋىنە جاعداي جاساۋى كەرەك.
