ەركىن تۇنياز اقسۋ ايماعىندا تەكسەرۋ ـ زەرتتەۋ جۇرگىزگەندە بىلاي دەپ باسا دارىپتەدى
بار كۇش ـ قايراتپەن ٴبىرىنشى ماۋسىمداعى نىسانا ـ مىندەتتەردى ورىنداۋ كەرەك
3 ـ ايدىڭ 17 ـ كۇنىنەن 18 ـ كۇنىنە دەيىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز اقسۋ ايماعىنىڭ باي اۋدانىنا كەلىپ، قاتىستى كاسىپورىنعا، نىسان قۇرىلىسىنىڭ ٴبىرىنشى شەبىنە ىشكەرىلەي بارىپ، اتىز باسىن ارالاپ، مۇناي ـ تابيعي گازدىڭ قورىن مولايتىپ، ٴونىمىن ارتتىرۋ، باسىمدىققا يە بايلىقتاردى كادەگە جاراتۋ، كوكتەمگى ەگىس، اتموسفەرانىڭ لاستانۋىنان ساقتانۋ جانە وڭاۋ سياقتى قىزمەتتەرگە تەكسەرۋ ـ زەرتتەۋ جۇرگىزىپ، ماسەلەلەردى ۇستىندە اقىلداسىپ شەشتى. ول بىلاي دەپ باسا دارىپتەدى: مەملەكەتتىك ەكى ٴماجىلىستىڭ رۋحىن، اسىرەسە، باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىن تىڭعىلىقتى ورىستەتىپ، اۆتونوميالى رايوندىق پارتكومنىڭ تالابى بويىنشا سەنىمدى، بەكىمدى نىعايتىپ، ىستەۋدى ماڭداي الدى ورىنعا قويىپ، قانشا كوپ ىستەۋگە بولسا سونشا كوپ ىستەپ، بار كۇش ـ قايراتپەن ٴبىرىنشى ماۋسىمدا بەلگىلەنگەن نىسانا ـ مىندەتتەردى ورىنداۋ كەرەك.
باي ياشين كومىر قاباتى گازى سەرىكتەستىگىنىڭ گاز جيناۋ پۋنكتىندە ەركىن تۇنياز نىسان قۇرىلىسىنىڭ اياق الىسىن سول ورىندا تەكسەرىپ كورىپ، بيىلعى ٴوندىرىس قۋاتى قۇرىلىس جوسپارىن ۇعىستى. ول مىنالاردى ٴبىلدىردى: اۆتونوميالى رايوننىڭ كۇشار، باي وڭىرىندە كومىر قاباتى گازىن كولەمدەندىرىپ اشۋ ـ پايدالانۋ سىندى ماڭىزدى ستراتەگيالىق ورايدى مىقتاپ يگەرىپ، ورتالىق كاسىپورىندارى، حۋايروۋ تاجىريبەحاناسى شينجياڭ بازاسى سياقتىلارمەن سەلبەستىك سەرپىنىن ارتتىرىپ، كومىر قاباتىنداعى گازدىڭ زاپاس قورىن مولايتىپ، ٴونىمىن ارتتىرۋدى كۇش سالا ىلگەرىلەتىپ، جىل ىشىندە تىڭ سەرپىلىسكە قول جەتكىزۋگە ۇمتىلۋ كەرەك.
شيكىزات قايدان كەلەدى؟ قيىنشىلىق بار ما، جوق پا؟ كاسىپ سالاسى تىزبەگىن ۇزارتۋ جاعىندا قانداي جوسپارلارىڭىز بار؟ ەركىن تۇنياز تيانرۇي ەنەرگيا ـ حيميا شەكتى سەرىكتەستىگىنىڭ جاۋاپتىسىمەن ىشكەرىلەي اڭگىمەلەسىپ، كاسىپورىننىڭ ٴونىم جەلىسىن بايىتۋ، كاسىپ سالاسى تىزبەگىن ۇزارتۋداعى وي جەلىسىن، جوسپارىن جانە جۇمىسشى ىستەتۋ، قورشاعان ورتانى قورعاۋ سياقتى جاعدايلاردى ۇعىستى. ول بىلاي دەدى: شينجياڭنىڭ كومىر بايلىعى مول، حيميا ونەركاسىبىن دامىتۋداعى باسىمدىعى ايقىن. بولاشاققا كوز جىبەرىپ، جەرگىلىكتى ورىن بايلىعىنان تولىق پايدالانىپ، عىلىم ـ تەحنولوگيادان قامال الۋدى كۇشەيتىپ، كاسىپ سالاسى تىزبەگىن ۇزارتىپ، ساۋدا ارقىلى دالمە ـ ٴدال ساۋداگەر شاقىرىپ، ٴتىپتى دە كوپ جوعارى، تومەن بۋىنداعى كاسىپورىنداردى شينجياڭعا كەلىپ قارجى قوسۋعا باۋراپ، شوعىرلاندىرىپ، كاسىپ سالاسىنىڭ شوعىرلى دامۋىن جەبەۋ كەرەك.
ەركىن تۇنياز اۋدۋ قانت شارۋاشىلىعى سەرىكتەستىگى جانە ونىڭ قىزىلشا ەگىمشىلىك بازاسىنا بارىپ، قانت كاسىپ سالاسىن دامىتۋ قىزمەتىنە تەكسەرۋ ـ زەرتتەۋ جۇرگىزىپ، قىزىلشانىڭ كوكتەمگى ەگىس، كوكتەمگى تۇقىم ٴسىڭىرۋ جاعدايىن سول ورىندا تەكسەرىپ كوردى. ول كاسىپورىندى تۇتاس كاسىپ سالاسى تىزبەگىن دامىتۋ بەتالىسىن كوزدەپ، زەرتتەۋ ـ اشۋ ۇسىنىلىمىن ارتتىرىپ، تومەن كومىر قىشقىل گازدى بولۋدى، زەردەلىلەنۋدى جۇزەگە اسىرىپ، وزىندىك قۇندى پارمەندى تومەندەتىپ، بازارداعى باسەكەلىك قۋاتىن ارتتىرۋعا، سونداي ـ اق ٴتىپتى دە كوپ بۇقارانى كىرىستەرىن ارتتىرىپ بايۋعا باستاۋعا شابىتتاندىردى.
باي اۋدانى مىچىحى اۋىلى جوعارعى اراشي قىستاعىندا ەركىن تۇنياز قىستاق تۇرعىندارى وتباسىلارىنا بارىپ، بۇقارامەن اڭگىمەلەسىپ، جوسپارلارى جونىندە كەڭەستى. ول قىستاق تۇرعىندارىن ەگىس ۋاقىتىن زايا جىبەرمەي، كوكتەم مەزگىلىندەگى اۋىل شارۋاشىلىعى ٴوندىرىسىن مىقتاپ يگەرىپ، اۋلا شارۋاشىلىعىن دامىتىپ، تۇرمىستارىن بارعان سايىن جاقسارتۋعا شابىتتاندىردى.
تەكسەرۋ ـ زەرتتەۋ بارىسىندا ەركىن تۇنياز بىلاي دەپ باسا دارىپتەدى: اقسۋ ايماعى ورنىقتىلىقتى تيتتەي دە بوساڭسىماي يگەرىپ، قايشىلىقتاردى، داۋ ـ شارلاردى ٴونىمدى جاراستىرىپ، ٴبىر جاقتى ەتىپ، ٴتۇرلى حاۋىپ ـ قاتەرلەردەن ساقتانىپ جانە ونى جويىپ، ٴوندىرىس حاۋىپسىزدىگى تومەنگى شەگىن، قىزىل سىزىعىن شىنايى بەرىك ساقتاۋ كەرەك. ٴبىرىنشى ماۋسىمداعى ەكونوميكالىق دامۋ نىساناسىن مىقتاپ كوزدەپ، ٴتۇرلى ساياساتتىڭ تياناقتانۋىن، ناقتىلانۋىن بار كۇشپەن يگەرىپ، 1 ـ، 2 ـ، 3 ـ كاسىپ سالاسىنىڭ سايكەستى دامۋىن ىلگەرىلەتىپ، نازاردى مۇناي ـ تابيعي گاز زاپاس قورىن مولايتىپ، ٴونىمىن ارتتىرۋعا، كومىر، كومىر ەلەكترى، كومىر حيميا ونەركاسىبى، جاسىل كەن شارۋاشىلىعى، توقىماشىلىق، كيىم ـ كەشەك، ەرەكشەلىككە يە جەمىس ورمانى سياقتىلارعا شوعىرلاندىرا وتىرىپ كۇش سالىپ، كەلەلى نىسانداردىڭ تياناقتانۋىن ىلگەرىلەتىپ، عىلىم ـ تەحنولوگيادا جاڭالىق اشۋ تەبىنىن ارتتىرىپ، فاكتور قامتاماسىزدىعىن كۇشەيتىپ، بايلىق باسىمدىعىن ەكونوميكا باسىمدىعىنا شىنايى اينالدىرۋ كەرەك. ورتالىقتىڭ 1 ـ ٴنومىرلى حۇجاتىنىڭ رۋحىن ويداعىداي تياناقتاندىرىپ، اۋىل شارۋاشىلىعىنىڭ ونىمدىلىگىن ارتتىرۋدى، اۋىل ـ قىستاقتىڭ ومىرشەڭدىگىن كۇشەيتۋدى، شارۋالار كىرىسىن ارتتىرۋدى ٴتۇرلى جولدارمەن جەبەپ، اۋىل ـ قىستاقتى گۇلدەندىرۋدى ىلگەرىلەتۋدە جاڭا ونىمدىلىككە ۇزدىكسىز قول جەتكىزۋ كەرەك. كاسىپ سالاسىنىڭ دارەجەسىن ٴوسىرىپ تيبىن جاڭالاۋدى، ەنەرگيانى تازا، تومەن كومىر قىشقىل گازدى دامىتۋدى ارقاۋ ەتە وتىرىپ، لاستانۋدان ساقتانۋ جانە ونى وڭاۋدان قامال الۋ شايقاسىن ويداعىداي جۇرگىزىپ، ”ٴبىر كاسىپورىنعا ٴبىر شاراعا“ تاباندى بولىپ، ٴتۇرلى ساقتانۋ، وڭاۋ شارالارىنىڭ تياناقتانىپ ونىمدىلىك كورسەتۋىن ىلگەرىلەتۋ كەرەك.
