ٴزۇمىرات وبۇل، حى جۇڭيوۋ كەزدەسۋگە قاتىناستى
اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ٴتوراعاسى ەركىن تۇنياز 3 ـ ايدىڭ 19 ـ كۇنى ۇرىمجىدە كومورو حالىقتىق پارلامەنتىنىڭ ٴبىرىنشى ورىنباسار باستىعى باكومەن جانە ول باستاپ كەلگەن كومورو ەكونوميكا ـ ساۋدا ۋاكىلدەر ۇيىرمەسىنىڭ ٴىشىنارا ۋاكىلدەرىمەن كەزدەستى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ كەزدەسۋگە قاتىناستى.
ما شيڭرۇي جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتى جانە اۆتونوميالى رايوندىق حالىق ۇكىمەتى اتىنان باكونىڭ جانە ۋاكىلدەر ۇيىرمەسىنىڭ كەلگەنىن قارسى الدى. ول بىلاي دەدى: جۇڭگو كوممۋنيستىك پارتياسى 18 ـ قۇرىلتايىنان بەرى، ٴتوراعا شي جينپيڭ جانە جۇڭگو كوممۋنيستىك پارتياسى ورتالىق كوميتەتى شينجياڭ قىزمەتىنە ايرىقشا ٴمان بەرىپ، ەرەكشە قامقورلىق جاساپ، جاڭا داۋىردەگى جۇڭگو كوممۋنيستىك پارتياسىنىڭ شينجياڭدى باسقارۋ جالپى جوباسىن تۇراقتاندىرىپ، مەملەكەتتىڭ جالپى جاعدايىندا شينجياڭعا ”بەس ۇلكەن ستراتەگيالىق ورىن“ بەلگىلەپ، كورىكتى شينجياڭ قۇرۋدىڭ تاماشا جوباسىن كەسكىندەپ، شينجياڭنىڭ ەكونوميكالىق، قوعامدىق دامۋدا جانە حالىق تۇرمىسىن جاقسارتۋدا كورنەكتى تابىسقا قول جەتكىزۋىنە جەتەكشىلىك ەتتى. ۋاكىلدەر ۇيىرمەسىنىڭ مۇشەلەرى بۇل رەت ناقتى ورىندا ەكسكۋرسيادا، ساپاردا بولىپ، شينجياڭنىڭ تاپسىرمانى ەستە بەرىك ساقتاپ، العىس ايتا ەكپىندەي ىلگەرىلەگەن رۋحاني بەت ـ بەينەسىن جانە ٴتۇرلى ىستەرىنىڭ دامۋ ونىمدىلىگىن كوردى ٴارى امەريكا سياقتى باتىس ەلدەرىندەگى ٴىشىنارا كۇشتەردىڭ جۇڭگونىڭ شينجياڭىنا باعىتتاعان جالعان ۇگىتىنىڭ بۇكىلدەي وسەك ـ اياڭ، جالا جابۋ ەكەنىن دە انىق كوردى. جۇڭگونىڭ شينجياڭى جوعارى دەڭگەيدە سىرتقا ەسىك اشۋدى تاباندىلىقپەن كەڭەيتۋ بارىسىندا افريكا ەلدەرىنىڭ جەرگىلىكتى ورىندارىمەن دوستىق قارىم ـ قاتىناستى دامىتۋعا ايرىقشا ٴمان بەردى. ٴبىز ٴتوراعا شي جينپيڭ العا قويعان جۇڭگو مەن افريكانىڭ قول ۇستاسا وتىرىپ وسىزامانداندىرۋدى ىلگەرىلەتۋدەگى التى ۇلكەن قۋاتتاماسىن جانە ”ون ۇلكەن سەرىكتەستىك ارەكەتىن“ تياناقتاندىرىپ، كومورونىڭ جەرگىلىكتى ورىندارىمەن بارىس ـ كەلىستى ۇزدىكسىز تەرەڭدەتىپ، ەكونوميكا ـ ساۋدا سەلبەستىگىن كەڭەيتىپ، گۋمانيتارلىق ىستەر اۋىس ـ كۇيىسىن قويۋلاتىپ، ٴوزارا ٴتۇسىنۋدى، قولداۋدى كۇشەيتىپ، ەكى ەل قارىم ـ قاتىناسىن دامىتۋعا ۇزدىكسىز ۇلەس قوسامىز. كومورو جاقتىڭ ٴارقايسى سالاسىنداعى قايراتكەرلەردىڭ جۇڭگونىڭ شينجياڭىنا كوبىرەك كەلىپ ارالاپ، كورىپ، ەكى جاقتىڭ اۋىس ـ كۇيىسى مەن سەلبەستىگىنىڭ تىڭ دەڭگەيگە كوتەرىلۋىنە كۇش قوسۋىن ٴۇمىت ەتەمىز.
باكو مىنالاردى ٴبىلدىردى: وسى رەت جۇڭگونىڭ شينجياڭىندا ەكسكۋرسيادا، ساپاردا بولىپ، جەرگىلىكتى ورىنمەن بارىس ـ كەلىس جاساۋ ارقىلى جۇڭگونى ونان ارى ٴتۇسىنىپ، ٴبىر قىدىرۋ تابىسقا يە بولدىق. جۇڭگونىڭ شينجياڭى كوركەم جەر ەكەن، قوعامى ورنىقتى، ەكونوميكاسى دامىعان، مادەنيەتى گۇلدەنىپ ـ كوركەيگەن، ٴار ۇلت حالقى ىنتىماقتى، جاراسىمدى ەكەن. جۇڭگونىڭ شينجياڭىن بەلسەندى ۇگىتتەپ، تانىستىرىپ، افريكا قوعامىنا جۇڭگو شينجياڭىنىڭ شىنايى جاعدايىن باياندايمىز، سونىمەن بىرگە جۇڭگونىڭ شينجياڭىمەن اۋىس ـ كۇيىستى بەلسەندى كۇشەيتىپ، ەكونوميكا ـ ساۋدا، مادەنيەت سياقتى سالالارداعى ناقتى سەلبەستىكتى تەرەڭدەتىپ، كومورو مەن جۇڭگو قارىم ـ قاتىناسىن دامىتۋعا، دەڭگەيىن جوعارىلاتۋعا بىرگە قىزمەت وتەيمىز.
كومورو حالىقتىق پارلامەنتىنىڭ جانە قاتىستى ساۋدا قوعامدارىنىڭ، كاسىپورىنداردىڭ ۋاكىلدەرى كەزدەسۋگە قاتىناستى.
چىن ۋيجۇن جانە اۆتونوميالى رايوننىڭ قاتىستى ورىندارىنداعى جاۋاپتى جولداستار كەزدەسۋگە قاتىناستى.
