انار بۇلت \ شينجياڭ گازەتىنىڭ ٴتىلشىسى ۋاڭ يايۇن 2 ـ ايدىڭ 4 ـ كۇنى ۇرىمجىدەن حابارلايدى. تاياۋدا اۆتونوميالى رايوندىق تۇرعىن ٴۇي جانە قالا ـ اۋىل قۇرىلىسى مەڭگەرمەسى، مەملەكەتتىك فينانس باقىلاۋ ـ باسقارۋ باس مەكەمەسى شينجياڭ باقىلاۋ ـ باسقارۋ مەكەمەسى بىرلەسىپ «اۆتونوميالى رايوننىڭ ٴۇي قۇرىلىس ينجەنەرياسى ساپا قامسىزداندىرۋى قىزمەت جوباسىن» (تومەندە قىسقارتىلىپ «جوبا» دەلىنەدى) باسىپ تاراتىپ، بۇكىل شينجياڭ كولەمىندە ٴۇي قۇرىلىس ينجەنەرياسى ساپا قامسىزداندىرۋىن (تومەندە قىسقارتىلىپ ”ساپا قامسىزداندىرۋى“ دەلىنەدى) ىسكە قوسىپ، ٴۇي قۇرىلىس ينجەنەرياسى ساپا حاۋىپ ـ قاتەرىن باسقارۋ مەحانيزمىن ونان ارى كەمەلدەندىرىپ، ينجەنەريانىڭ ساپا دەڭگەيىن جوعارىلاتاتىن بولدى.
ساپا قامسىزداندىرۋىندا تۇرعىن ٴۇي سياقتى ٴۇي قۇرىلىسى ينجەنەرياسىن اشۋشى، سالۋشى ورىندار قامسىزداندىرۋعا قاتىناسادى، قامسىزداندىرۋ سەرىكتەستىگى قامسىزداندىرۋ جاۋاپكەرشىلىك مەرزىمى ىشىندە قامسىزداندىرۋ كولەمىندە قۇرىلىمنىڭ حاۋىپسىزدىگىنە ساياتىن نەمەسە قالىپتى پايدالانۋ فۋنكتسياسىنا ىقپال جاسايتىن ساپا ماسەلەسى جونىنەن رەمونتتاۋ، تولەم بەرۋ بورىشىن وتەيدى، بۇل مال ـ مۇلىكتى قامسىزداندىرۋ كاسىبى كولەمىنە جاتادى. قامسىزداندىرۋ وبيەكتىسى، نەگىزىنەن، جاڭادان سالىنعان تۇرعىن ٴۇي ينجەنەريا نىسانى بولادى.
”ساپا قامسىزداندىرۋىن اتقارۋ حالىق بۇقاراسىنىڭ ’جاقسى ٴۇي‘ جونىندەگى جاڭا تىلەگىنە ٴونىمدى جاۋاپ قايتارۋداعى ناقتى ارەكەت سانالادى، مەملەكەت پەن اۆتونوميالى رايوننىڭ قازىرگى ساپاسىنا كەپىلدىك ەتۋ نەگىزىندە رەمونت جاساۋ ٴتۇزىمىن تولىقتاۋى جانە كەمەلدەندىرۋ بولىپ تابىلادى“. اۆتونوميالى رايوندىق قۇرىلىس ينجەنەرياسى ساپا باس پۋنكتىنىڭ جاۋاپتىسى ياڭ لەي بىلاي دەپ تانىستىردى: قامسىزداندىرۋ سەرىكتەستىگى 3 ـ جاق قىزمەت وتەۋ قۇرىلىمىن ەنگىزىپ، تۇرعىن ٴۇي سياقتى ٴۇي قۇرىلىسى ينجەنەريالارىن ساپا جاعىنان قىزمەت وتەۋمەن قامداپ، ساپادا ۇنەمى كەزدەسەتىن ماسەلەلەردىڭ تۋىلۋىن مۇمكىندىكتىڭ بارىنشا ازايتادى. ەگەر ساپا ماسەلەسى تۋىلسا، قامسىزداندىرۋ سەرىكتەستىگى الدىمەن جوندەيدى نەمەسە تولەم بەرەدى، مۇنىمەن حالىق بۇقاراسىنىڭ جوندەۋ شىعىسىن جانە قايشىلىقتار مەن داۋ ـ شارلاردىڭ تۋىلۋىن ٴونىمدى تۇردە ازايتىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ونان ارى جوعارىلاتۋعا بولادى.
«جوبادا» ٴۇي قۇرىلىسى ينجەنەرياسى ساپاسىن قامسىزداندىرۋ جاۋاپكەرشىلىك كولەمى مەن مەرزىم شەگى، تولەم الۋ جانە تولەم بەرۋ جاۋاپكەرشىلىگى قاتارلىلار ايقىندالدى. جاڭادان سالىنعان ٴۇي قۇرىلىس ينجەنەرياسى ساپاسىن قامسىزداندىرۋدىڭ نەگىزگى قامسىزداندىرۋ جاۋاپكەرشىلىگى جەر تاعانىنىڭ نەگىزى جانە نەگىزگى تۇلعالىق قۇرىلىم ينجەنەرياسى (جاۋاپكەرشىلىك مەرزىمى 10 جىلدان تومەن بولماۋ)، جىلۋ ساقتاۋ جانە سۋدان ساقتانۋ ينجەنەرياسى (جاۋاپكەرشىلىك مەرزىمى 5 جىلدان تومەن بولماۋ)، جىلۋمەن قامداۋ جانە سالقىن بولۋ ينجەنەرياسى، ەلەكتر، گاز قۇبىر جەلىسى، سۋمەن قامداۋ، سۋ ىعىستىرۋ قۇبىرى، جابدىق ورناتۋ جانە اشەكەيلەۋ ينجەنەرياسى (جاۋاپكەرلىك مەرزىمى 2 جىلدان تومەن بولماۋ). ناقتى كولەمى جانە ۋاقىتىن قۇرىلىس اشۋشى، سالۋشى ورىن جانە قامسىزداندىرۋ سەرىكتەستىگى ناقتى كەلىسەدى.
جوبادا مىنالار تالاپ ەتىلدى: قامسىزداندىرۋ اقىسىن ەسەپتەۋدەگى نەگىزدىك سان ينجەنەريانىڭ قۇرىلىس سالۋ ـ قۇراستىرۋ جالپى باعاسى بولىپ، ينجەنەريا قۇرىلىس قاراجاتىنان شىعارىلادى، ٴۇي ساتىپ الۋشىنىڭ ۇستىنە الۋى قاجەتسىز. قۇرىلىستى اشۋشى، سالۋشى ورىنداردىڭ قامسىزداندىرۋ سەرىكتەستىگىن سارالاپ تاڭداپ قامسىزداندىرۋعا قاتىناستىرۋىنا دەم بەرىلەدى ٴارى قۇرىلىس باستاۋدان بۇرىن قامسىزداندىرۋ سەرىكتەستىگىمەن جازباشا توقتام جاسالىپ، توقتامدا كەلىسىلگەن قامسىزداندىرۋ قاراجاتى تولەنەدى. قامسىزداندىرۋ سەرىكتەستىگى ٴۇي قۇرىلىس ينجەنەرياسى ساپاسىن قامسىزداندىرۋ جونىندەگى كەمەلدى ۇقتىرۋ قاعازى، قامسىزداندىرۋ تولەمىنە شۇعىل توتەپ بەرۋ جوباسى سياقتىلاردى جاساپ، اشۋشى، سالۋشى ورىن مەنشىك يەسى ٴۇي تاپسىرىپ العاندا، ٴۇي تەكسەرگەندە بىرگە تاپسىرىپ بەرەدى.
