ٴىستى ەگجەي ـ تەگجەيلى ىستەۋ كەرەك، ٴىس شىنايىلىققا توقتايدى. ٴىستى قانشالىقتى ەگجەي ـ تەگجەيلى، قانشالىقتى جان ـ جاقتىلى جوسپارلاعانمەن، تاعى دا ناقتى ىستەپ، شىنايى ىسكەرلىك كورسەتۋگە سۇيەنۋ ارقىلى ويدى تياناقتاندىرىپ، كارتينانى ناقتىلاندىرۋ كەرەك. ال ناقتى ٴىس ىستەۋ، جاقسى ٴىس ىستەۋ، ٴىرى ٴىس تىندىرۋدا ”ەگجەي ـ تەگجەيلى“ بولۋ جاعىنا كۇش سالىپ، جوبالاعان كەزدە جالپى جاعدايدى ٴبىر تۇتاس مەڭگەرۋ، جۇمىس جۇرگىزۋ بارىسىندا تىڭعىلىقتى، جۇيەلى بولۋدى ورىنداۋ، ٴتۇرلى قىزمەتتەردى، ٴارقايسى بۋىنداردى، ٴار جاقتاعى ماسەلەلەردى شىن مانىندە جان ـ جاقتى ويلاستىرۋ، دامۋدىڭ قاجەتى، نەگىزگى ساتىنىڭ تىلەگى، حالىقتىڭ قالاۋى بولعان قىزمەتتەردى بۇلجىماي ناقتى يگەرۋ، ەگجەي ـ تەگجەيلى يگەرۋ، تىڭعىلىقتى يگەرۋ ٴتيىس.
جۇمىستى ەگجەي ـ تەگجەيلى ىستەۋ ٴۇشىن، ٴسوز جوق، دالمە ـ ٴدال وي جۇگىرتۋدى كۇشەيتۋ كەرەك، استە قۇنتسىزدىق ىستەۋگە، ات ٴۇستى ىستەۋگە، ”نوبايلاي سالۋعا“، ”جاداعاي“ ىستەۋگە بولمايدى، قايتا قىزمەت بارىسىندا اسا ۇقىپتى عىلمي پوزيتسيا ۇستانىپ، كەمەلدەندىرە ٴتۇسۋ سىندى ۇستا رۋحىن اسقاقتاتىپ، سىنالاپ جىمداستىرۋ، بۋىن ـ بۋىن بويىنشا قابىسۋ سىندى جۇيەلى وي جەلىسى مەن سايكەستى وي جەلىسى ارقىلى شينجياڭنىڭ ٴتۇرلى ىستەرىنىڭ جوعارى ٴونىمدى ىلگەرىلەۋىن، جاڭالىق اشا دامۋىن جەبەۋ كەرەك.
ٴىستى ەگجەي ـ تەگجەيلى ىستەۋ قىزمەت بارىسىندا بەينە كەستە تىككەندەي قۇنتتىلىقپەن كۇش سالۋ دەگەن ٴسوز. كەستە تىگۋ جۇمىسىن جاقسى ىستەۋدە ”تەمىر تاياقتى تەبەنگە اينالدىراتىن“ توزىمدىلىك تە، ”18 ٴتۇرلى قارۋ ـ جاراقتى“ يگەرە بىلەتىن جاۋاپكەرشىلىك تە بولۋ كەرەك، ”ٴبىر بەتىن عانا كەستەلەۋمەن“ بىرگە، ونان دا ماڭىزدىسى، ”ەكى بەتىن دە بىردەي كەستەلەۋدى“ ٴبىلىپ، ٴىس تىندىرىپ، شارۋاشىلىق قۇرۋدىڭ كۇشتى ونەرىن، مىعىم ونەرىن، جاڭا قابىلەتىن شىڭداپ، كۇشتى ىسكەرلىك، جاۋاپكەرشىلىك سەزىممەن قىزمەت بارىسىندا التىن كىلت، جاڭا جول تابۋ، نىسانالى تۇردە ىستەۋ، دامۋدىڭ جاڭا ٴورىسىن ٴدال، ٴونىمدى كەڭەيتىپ، قىزمەتتى تىڭعىلىقتى تىندىرۋ كەرەك.
ٴىستى ەگجەي ـ تەگجەيلى ىستەۋ كۇردەلى فيلوسوفيامەن شۇعىلدانۋ دەگەندىك ەمەس، تۇيمەدەيگە شۇقشيىپ، تۇيەدەيدى كورمەي قالۋ ەمەس، قايتا جالپى جاعدايدى، كەلەلى جاعدايدى كوكەيدە ساقتاپ، جەرگىلىكتى جاعدايعا قاراي ىستەپ، بويىنا قاراي كيىم ٴپىشىپ، ماسەلەنى قاداعالاپ، تامىردى دالمە ـ ٴدال ۇستاپ، بۋىنداردى مىقتاپ ارقاۋ ەتىپ، دالمە ـ ٴدال ٴتۇيىلىستىرىپ، نازاردى نىساناعا دالمە ـ ٴدال كۇش سالۋعا شوعىرلاندىرىپ، ساياساتتىڭ دالمە ـ ٴدال تياناقتانۋىن ىلگەرىلەتىپ، قىزمەتتىڭ ساپاسىن، ونىمدىلىگىن اناعۇرلىم دالمە ـ ٴدال، اناعۇرلىم ەگجەي ـ تەگجەيلى، اناعۇرلىم تەرەڭ، اناعۇرلىم ساپالى، اناعۇرلىم ناقتى ەتۋ كەرەك.
ٴىس ىستەۋ _ ٴىستى جوسپارلاۋ مەن ٴىس تىندىرۋدىڭ ارالىق بۋىنى، شەشۋشى جولى، ول ٴبىزدىڭ ناقتى ونىمدىلىككە تالپىنۋىمىزدا، ناقتى ناتيجە جاراتۋىمىزدا توتەنشە ماڭىزدى. جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋدى كوزدە ۇستاپ، نازاردى ”بىرەۋى ارقىلى بارىنە اسەر ەتەتىن“ شەشۋشى ماسەلەلەرگە شوعىرلاندىرۋمەن بىرگە، ”كەڭ اياعا كوز جىبەرۋ، نازىك تۇستارعا دا قۇلشىنۋ“ سىندى قىزمەت نازىك بۋىندارىنا كۇش سالعاندا عانا كىشى جەڭىستەر ارقىلى ۇلكەن جەڭىسكە جەتۋگە، قادامداپ ٴجۇرىپ مىڭداعان شاقىرىم جول باسۋعا بولادى.
