اۆتوكولىك ارناسى تۇگەلدەي اشىلىپ، قىزمەت وتەۋ ۋاقىتىن ۇزارتتى
تەك جولاۋشىلاردىڭ جايلى ساپارى ٴۇشىن
□ انار بۇلت \ شينجياڭ گازەتىنىڭ ٴتىلشىسى لۋ فىڭباۋ
كوكتەم مەرەكەسى كەزىندەگى تاسىمال باستالعاننان 1 ـ ايدىڭ 21 ـ كۇنىنە دەيىن ٴبىر اپتا ۋاقىت بولدى، ٴوز كولىگىمەن اۋىلىنا قايتقان اۆتوكولىكتەردىڭ بىرتىندەپ كوبەيۋىنە بايلانىستى، بۇكىل شينجياڭداعى اقى الۋ پۋنكتتەرى بارلىق اۆتوكولىك ارناسىن تۇگەلدەي اشىپ، قىزمەت وتەۋ اۋماقتارى قىزمەت وتەۋ ۋاقىتىن ۇزارتىپ، ىستىق سۋ، بۋى بۇرقىراعان ىستىق اسپەن قامداپ، جولاۋشىلاردىڭ جايلى ساپارىنا مۇمكىندىك جاسادى.
1 ـ ايدىڭ 21 ـ كۇنى تۇستەن بۇرىن ٴتىلشىG30 ليانيۇنگاڭ _ قورعاس جوعارى قارقىندى تاس جولىنىڭ توۋتۇنحى نەگىزگى جەلى اقى الۋ پۋنكتىنە كەلگەندە، ۇرىمجىگە كىرەتىن ـ شىعاتىن 30 اۆتوكولىك ارناسىنىڭ تۇگەلدەي اشىلىپ، اۆتوكولىكتەردىڭ قايشالىسىپ ٴوتىپ جاتقاندىعىن كوردى. قىزمەتكەرلەر اقى الۋ قىزمەت ورنىنىڭ سىرتىندا اۆتوكولىكتەردى سايكەستى اۆتوكولىك ارناسىنا باستاپ، كەپتەلىستەن ساقتاندى. ETC اۆتوكولىك ارناسىنا كىرگەندە، اۆتوكولىك قارقىنىن باياۋلاتسا بولعانى وتۋگە بولادى؛ ادام كۇشىمەن قىزمەت وتەۋ ارناسىنان وتەتىن اۆتوكولىكتە كولىكتى توقتاتىپ، كارتچكانى الىپ، ونان سوڭ جولعا شىعادى، ايالداۋ ۋاقىتى 5 سەكۋندتان اسپايدى.
”قازىر اۆتوكولىكتەردىڭ اعىلۋ مولشەرى بىرتىندەپ كوبەيۋدە، ٴبىراق ەڭ جوعارى شەككە ٴالى جەتە قويعانى جوق.“ G30 ليانيۇنگاڭ _ قورعاس جوعارى قارقىندى تاس جولى توۋتۇنحى نەگىزگى جەلى اقى الۋ پۋنكتىنىڭ باستىعى ساي مىڭمەي بىلاي دەدى: اقى الۋ پۋنكتىندە اۆتوموبيلدەردىڭ كۇندىك ورتاشا قاتىناۋ مولشەرى 38 _ 35 مىڭ رەت بولادى، كوكتەم مەرەكەسى كەزىندە ەڭ جوعارى شەككە جەتكەندە، اۆتوموبيلدەردىڭ كۇندىك ورتاشا اعىلۋ مولشەرى 55 مىڭ رەتكە جەتەدى.
توۋتۇنحى نەگىزگى جەلى اقى الۋ پۋنكتىنىڭ كىرەر اۋزىنا ارناۋلى 4 اقىسىز قاتىناۋ ارناۋلى ارناسى ورناتىلعان، شىعار اۋزىنا 10 ارنا ورناتىلىپ، اۆتوكولىكتەردىڭ اقىسىز قاتىناۋ مەزگىلىندە تەز، ٴتارتىپتى وتۋىنە شىنايى كەپىلدىك ەتىلدى.
ٴتىلشى توۋتۇنحى نەگىزگى جەلى اقى الۋ پۋنكتىنىڭ حالىققا قولايلى قىزمەت وتەۋ ٴتۇيىنىن دە قۇرىپ، جەتكىلىكتى اۋىز سۋ جانە دايىن كەسپە دايىنداعانىن، ارلى ـ بەرلى وتكەن ادامداردىڭ قاجەتكە قاراي پايدالانۋىنا بولاتىندىعىن كوردى. شۇعىل قۇتقارۋ دارىلەرى مەن قاراپايىم جوندەۋ قۇرالدارىنىڭ ٴبارى تولىق، قاجەتتى قاناعاتتاندىرا الادى.
اۆتوكولىك اعىنىنىڭ قاۋىرت مەزگىلىندە جولدا كەپتەلۋدەن قالاي ساقتانۋعا بولادى؟ ساي مىڭمەي مىناداي ٴبىر امال ايتتى: ۋيشيندى اشىپ، ىزدەۋ ستونىنا ”شينe چاڭشيڭ“ شاعىن باعدارلاماسىن ەنگىزىپ، تىركەۋگە الدىرعاننان كەيىن، كەز كەلگەن ۋاقىتتا جولدىڭ كەپتەلۋ جاعدايى، اۋا رايىنىڭ جول جاعدايىنا جاسايتىن ىقپالى سياقتى ەڭ جاڭا ينفورماتسيالارعا يە بولۋعا بولادى، وسى ينفورماتسيالارعا نەگىزدەلىپ، شوفەرلەر ەڭ تاماشا ساپار جولىن الدىن الا جوبالاپ، كەپتەلگەن جول بولىكتەرىنەن ٴونىمدى ساقتانىپ، ساپاردىڭ ٴتىپتى دە ىركىلىسسىز بولۋىنا مۇمكىندىك جاساي الادى.
G30 ليانيۇنگاڭ _ قورعاس جوعارى قارقىندى تاس جولىنىڭ ۋگۇڭتاي قىزمەت وتەۋ اۋماعىنا (سولتۇستىك جاعىنا) بارساڭىز، ٴتۇرلى اۆتوكولىكتەر قايشالىسىپ، وڭتۇستىك ـ سولتۇستىك ەكى جاعىنداعى قىزمەت وتەۋ اۋماعىندا جيىنى 483 اۆتوكولىك توقتاتۋ ورنى ورنالاستىرىلعان، اۆتوكولىك توقتاتۋ قاجەتىن قاناعاتتاندىرا الادى.
قىزمەت وتەۋ اۋماعىنىڭ ٴىشى بەينە ٴدامدى تاعامدار كوشەسىنە ۇقسايدى، لياڭپيزى، سامسا، ايران، سۇرلەنگەن قازى سياقتىلار قويىلعان، جولاۋشىلار كىدىرىپ، ٴدامدى تاعامداردان ٴدام تاتا الادى.
”ساپار بارىسىندا دا شينجياڭنىڭ ناعىز ٴدامدى تاعامدارىن جەي الاتىن بولدىق، تاتيدى“، ـ دەدى فۋجياندىق ساياحاتشى ديڭ يجاۋ.
بۇل قىزمەت وتەۋ اۋماعىنىڭ ٴبىر جاعى جاڭا ەنەرگيالى اۆتوكولىكتەردى زاريادتاۋ اۋماعى، وندا 8 جاڭا ەنەرگيالى اۆتوكولىكتى ٴبىر ۋاقىتتا زاريادتاۋعا بولادى. مۇنىڭ ىشىندە ەكى زاريادتاۋ باعاناسى ەرەكشە تەز زاريادتاۋ باعاناسى، 10 مينۋت ىشىندە ٴبىر اۆتوكولىككە توك تولتىرىپ ۇلگىرەدى، 3 تەز زاريادتاۋ باعاناسى، 40 مينۋتقا جەتپەيتىن ۋاقىتتا ٴبىر اۆتوكولىككە توك تولتىرا الادى.
قازىر اۋىلعا قايتۋدىڭ قاۋىرت مەزگىلى باستالا قويعانى جوق، زاريادتاۋ رايونىندا تەك 3 _ 2 اۆتوكولىك قانا زاريادتالۋدا. ”ٴبىر جاعىنان، زاريادتاپ، ٴبىر جاعىنان، دەمالۋىمىزعا بولادى“، ـ دەدى ۇرىمجىدەن شاۋەشەككە قايتقان ما يۇيمان.
قازىر بۇكىل شينجياڭداعى جوعارى قارقىندى (1 ـ دارەجەلى) تاس جول قىزمەت وتەۋ اۋماقتارىندا زاريادتاۋ قۇرىلعىلارىمەن جاپپاي قامتۋ جۇزەگە اسىرىلدى، اۋىلىنا قايتقان جاڭا ەنەرگيالى اۆتوكولىك يەلەرىنىڭ زاريادتاۋ ماسەلەسىنەن الاڭداۋىنىڭ قاجەتى جوق.
ۋگۇڭتاي قىزمەت وتەۋ اۋماعىنىڭ ديرەكتورى فان حاۋجۇن بىلاي دەپ تانىستىردى: اۋىلىنا قايتقان اۆتوكولىكتەر كۇن سايىن كوبەيىپ كەلەدى، كوكتەم مەرەكەسى تاسىمالى باستالعاننان قازىرگە دەيىن 21 مىڭ اۆتوكولىك قىزمەت وتەۋ اۋماعىنا كىردى. قىزمەت وتەۋ اۋماعى اۆتوكولىكتىڭ اعىنى مولشەرىنە قاراي قىزمەت وتەۋ ۋاقىتىن لايىقتى ۇزارتتى، ىشكى جاقتاعى اس ـ سۋ، ەرەن بازار، جوندەۋ دۇكەنى سياقتىلاردىڭ بارلىعى قالىپتى جۇمىس جۇرگىزۋدە، قايناعان سۋ بولمەسى، شوفەرلەر ٴۇيى، انالار مەن نارەستەلەر بولمەسى، شۇعىل جاعدايعا توتەپ بەرۋ قوناق بولمەسى سياقتى فۋنكتسيالىق رايوندار تاۋلىك بويى اشىق ۇستالدى، ەكى جاقتاعى اۆتوكولىك توقتاتۋ ورنى شوفەرلەردىڭ قاجەتىن قاناعاتتاندىرا الادى، ماي قۇيۋ پۋنكتىندە ٴتۇرلى نومىردەگى ماي زاپاسى جەتكىلىكتى، زاريادتاۋ باعاناسى قالىپتى جۇمىس جۇرگىزۋدە. ”ٴبىز ٴتۇرلى دايىندىق قىزمەتتەردى ويداعىداي ىستەپ بولدىق، بۇقاراعا حاۋىپسىز، جايلى، مەيىرگە تولى ساپار بويىنشا بار كۇشىمىزبەن قىزمەت وتەيمىز“، ـ دەدى فان حاۋجۇن.
ٴتىلشىنىڭ اۆتونوميالى رايوندىق قاتىناس ـ تاسىمال مەڭگەرمەسىنەن ۇعىسۋىنشا، كوكتەم مەرەكەسى تاسىمالى باستالعاننان 1 ـ ايدىڭ 20 ـ كۇنىنە دەيىن تۇتاس قوعامدا ٴوڭىر اتتاعان ادامداردىڭ جالپى اينالىم مولشەرى 18 ميلليون 841 مىڭ 100 گە (رەت) جەتىپ، سايكەس مەزگىلدەگىدەن %4.86 ارتقان، بۇكىل شينجياڭداعى جوعارى قارقىندى تاس جول مەن ادەتتەگى مەملەكەتتىك، ولكەلىك نەگىزگى تاس جول تورىنىڭ اينالىمى قالىپتى. قاتىناس ـ تاسىمال تاراۋلارى مىنالاردى ەسكەرتەدى: ساپار كەزىندە جولاۋشىلار توسىن جاعدايعا تاپ بولعاندا، 12122 جوعارى قارقىندى تاس جول قۇتقارۋ ـ كومەكتەسۋ تەلەفونىنا، 12328 قاتىناس ـ تاسىمالدى باقىلاۋ ـ قىزمەت وتەۋ ىستىق لەنياسىنا، 5280255 ـ 0991 كوكتەم مەرەكەسى كەزىندەگى تاسىمال كەزەكشىلىك تەلەفونىنا، 96200 ETC قاريدارلارعا قىزمەت وتەۋ ىستىق لەنياسىنا تەلەفون سوعىپ كومەك سۇراۋىنا بولادى.