导航切换

اۋىل شارۋاشىلىق وندىرىسىندە سان رەت بىرىنشىلىككە قول جەتكىزدى، شينجياڭ ونىمدەرى مەملەكەتتى قامدادى

日期:2025年01月26日
来源:新疆日报
【字体:

 انار بۇلت \ شينجياڭ گازەتىنىڭ ٴتىلشىسى ليۋ ي

  استىق ٴونىمى ٴۇرتىس 7 جىل ارتتى، ماقتا ٴونىمى ٴۇرتىس 7 جىل 5 ميلليون توننادان استام بولۋ دەڭگەيىن ساقتادى، بۇكىل ەلدە يەلەگەن سالىستىرماسى ٴۇرتىس 3 جىل %90تەن استى، شوشقا، سيىر، قوي، قۇس ەتى ٴونىم مولشەرىندە تاعى دا تىڭ ورە جاراتىلدى... ەندى عانا اياقتاعان 2024 ـ جىلدا بۇكىل رايوننىڭ اۋىل شارۋاشىلىق وندىرىسىندە تاعى دا مول ٴونىم الىنىپ، قۋانىشتى حابار تولاستامادى.

  2024 ـ جىلى شينجياڭ مەملەكەت بويىنشا ساپالى ەگىن، مال شارۋاشىلىق ونىمدەرىمەن قامداۋ ماڭىزدى بازاسىن قۇرۋ سىندى ستراتەگيالىق ورنىن تياناق ەتىپ، مەملەكەتتىڭ جاڭا كەزەكتى 100 ميلليارد جىڭ استىق ٴوندىرىس قۋاتىن جوعارىلاتۋ ارەكەتىنىڭ ماڭىزدى ورايىن مىقتى يگەرىپ، اۋىل شارۋاشىلىق وندىرىسىندە ماڭىزدى فاكتور قامتاماسىزدىعىن كۇشەيتتى، ٴونىمدى ارتتىرۋدىڭ كومەسكى كۇشىن ىشكەرىلەي اشىپ، استىق، ماقتا جالپى ٴونىم مولشەرىندە تاعى دا تىڭ ورە جاراتىپ، مەملەكەتتىڭ استىق جانە ماڭىزدى اۋىل شارۋاشىلىق ونىمدەرىنىڭ حاۋىپسىزدىگىن قامتاماسىز ەتۋگە شينجياڭ ۇلەسىن قوستى.

  شينجياڭنىڭ ”ۇلەس قوسۋ دارەجەسى“ ۇزدىكسىز جوعارىلادى

  2024 ـ جىلى شينجياڭ قۇرىلىمدى ساپالىلاندىرۋعا، اۋدانىن كەڭەيتۋگە، بىرلىك ونىمنەن قامال الۋعا، ٴوندىرىس قۋاتىن جوعارىلاتۋعا تاباندى بولىپ، استىق، ماي كاسىپ سالاسى شوعىرى قۇرىلىسىن جوعارى دەڭگەيدە ىلگەرىلەتتى، استىق ٴوندىرىسىنىڭ نىسانا ـ مىندەتتەرىن جاپپاي ويداعىداي تياناقتاندىردى. سونىمەن بىرگە ماقتا ٴوندىرىسىنىڭ باسىمدىققا يە ٴوندىرىس رايوندارىنا قاراي ونان ارى شوعىرلانۋىن ىلگەرىلەتىپ، باستى ٴوندىرىس رايونى مارتەبەسىن بەكەمدەپ، بۇكىل ەل بازارىن اناعۇرلىم كوپ، ساپالى شينجياڭ ونىمدەرىمەن قامداۋعا كۇش سالدى.

  ساندى مالىمەتتە كورسەتىلۋىنشە، 2024 ـ جىلى بۇكىل رايوننىڭ استىق جالپى ٴونىم مولشەرى 23 ميلليون 302 مىڭ توننا بولىپ، الدىڭعى جىلداعىدان 2 ميلليون 111 مىڭ توننا جوعارىلاپ، %10 ارتقان. تۇتاس جىلدا بۇكىل رايوننىڭ ماقتا جالپى ٴونىم مولشەرى 5 ميلليون 686 مىڭ توننا بولىپ، الدىڭعى جىلداعىدان 574 مىڭ توننا جوعارىلاپ، %11.2 ارتىپ، بۇكىل ەلدىڭ ماقتا جالپى ٴونىم مولشەرىندەگى سالىستىرماسى %92.2كە جەتكەن.

  ٴونىمنىڭ ارتۋىنىڭ استارىندا ٴوندىرىس قۋاتىنىڭ ۇزدىكسىز جوعارىلاۋى جاتىر. 2024 ـ جىلى شينجياڭ سۋ ۇنەمدەۋدى، سۋ ساقتاۋدى، سۋ رەتتەۋدى، سۋ مولايتۋدى ٴبىر تۇتاس جوسپارلاۋعا كۇش سالۋعا تاباندى بولىپ، تىڭ يگەرۋدى، بوس قالعان جەردى قايتا تىڭايتۋدى، ارالاستىرىپ قايتالاي ەگۋدى ىلگەرىلەتىپ، ەگىس قۇرىلىمىن رەتكە سالۋ، جەردىڭ ونىمدىلىگىن جوعارىلاتۋ سياقتى تاسىلدەرمەن استىق ەگىلەتىن جەر اۋدانىن كەڭەيتتى. بۇكىل رايوندا استىق ەگىلگەن جەر اۋدانى 44 ميلليون 400 مىڭ مۋعا جەتىپ، ٴۇرتىس 5 جىل ارتىپ، ٴونىم مولشەرىن ارتتىرۋعا قوسقان ۇلەسى %48.1كە جەتتى، جەر اۋدانىنىڭ ارتۋ مولشەرىنىڭ بۇكىل ەلدىڭ استىق جەر اۋدانىنىڭ ارتۋىنا قوسقان ۇلەس سالىستىرماسى ٴبىرىنشى ورىندا تۇردى.

  ماقتا ٴوندىرىسى جاعىندا، شينجياڭ ساياساتتىق قولداۋدى اناعۇرلىم كۇشەيتىپ، ماقتا ٴوندىرىسىنىڭ باسىمدىققا يە وڭىرلەرگە شوعىرلانۋىن ىلگەرىلەتتى، باستى ٴوندىرىس رايونىندا ەگىلگەن جەر اۋدانىنىڭ جانە ٴونىم مولشەرىنىڭ بۇكىل رايونداعى ۇستاعان سالىستىرماسى بىردەي %95تەن استام بولدى، ونىڭ ۇستىنە ماقتانىڭ نىسانالى باعاسى وزگەرمەي، ماقتا ەگۋدىڭ مەجەدەگى پايداسى ورنىقتى بولىپ، ماقتاشىلاردىڭ ماقتا ەگۋ بەلسەندىلىگى ٴبىرشاما جوعارى بولدى. بۇكىل رايوندا ماقتا ەگىلگەن جەر اۋدانى 36 ميلليون 719 مىڭ مۋ بولىپ، %3.3 ارتتى، جەر اۋدانىنىڭ ارتۋىنىڭ ٴونىم مولشەرىنىڭ ارتۋىنا قوسقان ۇلەس سالىستىرماسى %34.3كە جەتتى.

  نازار اۋدارۋعا تاتيتىنى، بىلتىر شينجياڭ بۇكىل ەلدە سويىس سيىر، سويىس قوي جانە ٴسۇت شارۋاشىلىعىنىڭ دامۋىن ورنىقتىرۋدىڭ ”مال شارۋاشىلىعى 9 تارماق“ ساياسات ـ شارالارىن الدىمەن شىعاردى، نەگىزگى تۇلعانى ورنىقتىرۋ، ەنەلىك مالداردى قورعاۋ، وزىندىك قۇندى تومەندەتۋ، قۇرىلىمدى ساپالىلاندىرۋ، تيپ جاڭالاۋدى جەبەۋ سياقتى ٴبىر قىدىرۋ ساياساتتاردىڭ بىرتىندەپ تياناقتانۋىنا ساي، بازار سەنىمى كۇشەيىپ، مال شارۋاشىلىعى ٴوندىرىسى ورنىقتى دامۋ تاماشا ارىنىن ساقتادى. ساندى مالىمەتتە كورسەتىلۋىنشە، 2024 ـ جىلى بۇكىل رايوننىڭ شوشقا، سيىر، قوي، قۇس ەتى ٴونىم جالپى مولشەرى 2 ميلليون 117 مىڭ 600 توننا بولىپ، %1.3 ارتىپ، ٴونىم مولشەرىندە تاعى دا تىڭ ورە جاراتىلعان. مۇندا شوشقا ەتىنىڭ، سيىر ەتىنىڭ ٴونىم مولشەرى جەكە ـ جەكە %4 جانە %6.3 ارتىپ، ەت ٴونىم مولشەرىنىڭ تۇتاس تۇلعالىق ارتۋىنا بەرىك نەگىز قالادى. قاتىستى ساياساتتاردىڭ بىرتىندەپ تياناقتانىپ، ٴونىمى كورىنۋىنە ساي، 2024 ـ جىلدىڭ ٴتورتىنشى ماۋسىمىندا قويدىڭ قورادان شىققانداعى ورتاشا باعاسى ٴۇشىنشى ماۋسىمداعىدان 0.6 يۋان / كيلوگرام جوعارىلاپ، بازار جاعدايى ورنىقتى، ٴونىمنىڭ بازاردى قامداۋى جەتكىلىكتى بولىپ، سويىس قوي ٴوندىرىسى ورنىقتى بولىپ قايتا ورلەدى.

  شينجياڭنىڭ ”ٴوندىرىس قۋاتى“ ۇزدىكسىز جوعارىلادى

  2024 ـ جىلى شينجياڭنىڭ اۋىل شارۋاشىلىق وندىرىسىندە، اسىرەسە، استىق وندىرىسىندە مەملەكەت بويىنشا بىرنەشە بىرىنشىلىككە قول جەتۋى جۇرت نازارىن ايرىقشا اۋداردى.

  تۇتاس جىلدا استىقتىڭ مۋ باسىندىق بىرلىك ٴونىم مولشەرى 524.8 كيلوگرامعا جەتىپ، سايكەس مەزگىلدەگىدەن %4.9 ارتىپ، تاريحتا تۇڭعىش رەت مەملەكەت بويىنشا 1 ـ ورىنعا ٴوتىپ، سوڭعى 11 جىلعا تاياۋ ۋاقىتتاعى بىرلىك ٴونىمىنىڭ ەڭ جوعارى ارتۋ مولشەرىن جاراتتى.

  تۇتاس جىلدا جاڭادان ورىلعان ٴبيدايدىڭ ساپاسى بۇكىل ەل بويىنشا 1 ـ ورىنعا ٴوتىپ، ۇكىمەتتىڭ زاپاس استىعىنىڭ ساقتاۋعا بولاتىن مولشەرى %100كە، 1 ـ دارەجەلى ٴبيدايدىڭ ۇستايتىن سالىستىرماسى %96كە جەتىپ، بۇكىل ەلدىڭ ورتاشا مانىنەن 30 پايىزعا جۋىق جوعارى بولىپ، بۇكىل ەل بويىنشا 1 ـ ورىنعا ٴوتتى.

  ماقتا وندىرىسىندە اۋەلگىدەي كۇشتى دامۋ تەبىنى ساقتالدى. 2024 ـ جىلى شينجياڭ 24 ماقتا جەتەكشى تۇقىمىن جانە 10 نەگىزگى جالپىلاستىرىلاتىن تەحنولوگيانى بەلگىلەپ، ماقتا ٴوندىرىسىنىڭ كولەمدەنۋگە، شوعىرلانۋعا قاراي ويىسۋىن ۇزدىكسىز ىلگەرىلەتىپ، تۇتاس رايوندا جوعارى ولشەمدى ماقتا اتىزىنىڭ جوعارى ولشەمدى اتىزداعى ۇستايتىن سالىستىرماسىن ۇشتەن ٴبىر ۇلەستەن اسىردى. ماقتانىڭ مۋ باسىندىق بىرلىك ٴونىمى 154.9 كيلوگرام بولىپ، %7.6 ارتىپ، زور مولشەردە ارتۋدى ىسكە اسىردى، بىرلىك ٴونىمنىڭ ارتۋىنىڭ ٴونىم مولشەرىنىڭ ارتۋىنا ۇلەس قوسۋ سالىستىرماسى %65.7 جەتتى.

  وسى ناتيجەلەردەن مىنانى تولىق اڭعارۋعا بولادى: شينجياڭ مەملەكەتتىڭ قاجەتىن، شينجياڭنىڭ قابىلەتىن تياناق ەتىپ، ساياسات قامتاماسىزدىعى، سۋدان پايدالانۋ قامتاماسىزدىعى، جەر قۋاتى قامتاماسىزدىعى، تۇقىمنان پايدالانۋ قامتاماسىزدىعى، مەحانيكالىق قامتاماسىزدىق، عىلىم ـ تەحنولوگيالىق قامتاماسىزدىق سياقتى جاقتاردا كەشەندى شارا قولدانىپ، ٴوندىرىس قۋاتىنىڭ جوعارىلاۋىنان تۋىنداعان ەگىستىك جەر جانە سۋ بايلىعى شەكتەمەسىنە عىلمي جولمەن توتەپ بەرىپ، ”كوپ ٴتۇرلى تەحنولوگيا شوعىرلانعان، كەڭ كولەمدە جالپىلاسقان“ ٴونىم مولشەرىن ارتتىرۋدىڭ تەپە ـ تەڭ جۇلگەسىن قارقىندى قالىپتاستىرىپ، عىلمي جولمەن ەگىن ەگۋ ارقىلى ٴونىم مولشەرىن ارتتىردى.

  پارمەندى قامتاماسىزدىقتىڭ ارقاسىندا، بۇكىل رايوننىڭ اۋىل شارۋاشىلىعىنا عىلىم ـ تەحنولوگيالىق قىزمەت وتەۋ قابىلەتى ۇزدىكسىز جوعارىلاپ، اۋىل شارۋاشىلىعىنىڭ ساپاسىن جوعارىلاتىپ، ونىمدىلىگىن ارتتىرۋعا تولىق قوزعاۋشى كۇش ازىرلەدى. سوڭعى جىلداردان بەرى، شينجياڭ استىق، ماقتا، جەمىس ـ جيدەك، مال شارۋاشىلىعى سياقتى اۋىل شارۋاشىلىعىنا ساياتىن كاسىپ سالاسى شوعىرىنىڭ جوعارى ساپالى دامۋىن ارقاۋ ەتىپ، وسى زامانعى اۋىل شارۋاشىلىعى كاسىپ سالاسى تەحنولوگيالىق جۇيەسىنەن جالپى 18ىن قۇرىپ، جاڭالىق اشۋ فاكتورىنىڭ، بايلىعىنىڭ كاسىپ سالاسى ٴبىرىنشى شەبىنە قاراي شوعىرلانۋىنا جەتەكشىلىك ەتىپ، ”ٴوندىرىس، وقىتۋ، زەرتتەۋ تەرەڭدەي توعىسقان، اۋىل شارۋاشىلىعى، عىلىم ـ تەحنولوگيا، وقۋ ـ اعارتۋدىڭ باسىمدىعى قاباتتاسقان“ سايكەستى جاڭالىق اشۋدىڭ مۇددەمەن تىعىز تۇيىلىسكەن مەحانيزمىن ورناتىپ، تەحنولوگيانىڭ شوعىرلانۋىنىڭ جانە جالپىلاسۋىنىڭ، قولدانىلۋىنىڭ ەسەلەپ ارتۋ اسەرىن قالىپتاستىردى.

  2024 ـ جىلدان بەرى ٴاربىر وسى زامانعى اۋىل شارۋاشىلىعى كاسىپ سالاسى تەحنولوگيا جۇيەسى 196 ٴجۇز مۋلىق قامال الۋ اتىزىن، 85 مىڭ مۋلىق ۇلگى كورسەتۋ شارشى اتىزىن، 38 ون مىڭ مۋلىق ۇلگى كورسەتۋ اۋماعىن قۇرۋعا جەتەكشىلىك ەتتى؛ ٴاربىر تەحنولوگيا جۇيەسى 28 جاڭا تۇقىمدى تەكسەرىپ بەكىتىپ، 26 جاڭا تۇقىمدى قورعاۋ ۇقىعىنا قول جەتكىزىپ، 113 ٴتۇرلى تاپقىرلىق پاتەنتىنە وكىلەتتىك بەرىپ، 4 مەملەكەتتىك ولشەم، 121 جەرگىلىكتى ولشەم، 42 كاسىپ سالاسى ولشەمىن جاريالادى (جاسادى)، 122 شەشۋشى تەحنولوگيالىق ماسەلەنى شەشىپ، ٴبىر توپ بەلگى سيپاتتى جاڭالىق اشۋ جەتىستىكتەرىن ۇسىندى. مۇندا ٴبيدايدىڭ قۇرعاقشىلىققا، ىستىق جەلگە قارسىلىق قۋاتىن مەڭگەرۋ، ەگىستىك جەرگە جاتپايتىن جەمىس باعىندا ىقشامدى ەگۋدى باسقارۋ سياقتى 60 ٴتۇرلى شەشۋشى تەحنولوگيا شينجياڭ ىشىندەگى اقتاڭداقتى تولتىرىپ، اۋىل شارۋاشىلىعى ٴوندىرىسىنىڭ كەشەندى ونىمدىلىگىن كورنەكتى جوعارىلاتتى.

  شينجياڭنىڭ ”ماركا قۋاتى“ ۇزدىكسىز جەتىلدىرىلدى

  2024 ـ جىلى شينجياڭنىڭ ەرەكشە اۋىل شارۋاشىلىق ونىمدەرى شينجياڭنىڭ ٴىشى ـ سىرتىنداعى كوپتەگەن كورمەدە 10 ميلليارد يۋاننان اسقان تاپسىرىس قابىلداپ، تۇتىنۋشىلاردىڭ جاپپاي مويىنداۋىنا يە بولدى، شينجياڭنىڭ اۋىل شارۋاشىلىق ونىمدەرىنىڭ تابيعي، جاسىل، ساپالى، اقاۋسىز ماركا وبرازى كەڭىنەن تارالدى.

  مۇندا ”شينجياڭ ٴدامىن تاتۋ“ جۇرت نازارىن ايرىقشا اۋداردى. جاقىندا ”شينجياڭ ٴدامىن تاتۋ“ تۇڭعىش رەت ”2024 ـ جىلعى جۇڭگونىڭ وڭىرلىك اۋىل شارۋاشىلىعى وبراز ماركاسى ىقپال كۇشى كورسەتكىشىنىڭ“ TOP100 قاتارىنا تاڭدالدى.

  ”شينجياڭ ٴدامىن تاتۋ“ _ شينجياڭنىڭ ماركا ارقىلى اۋىل شارۋاشىلىعىن كۇشەيتۋدى ىلگەرىلەتۋ ستراتەگياسى، شوعىرلى سومداعان اۋىل شارۋاشىلىعى ماركاسىنىڭ تۇلعالىق وبرازى. اتالعان ماركا ”جاقسىنىڭ ىشىندەگى جاقسىنى تاڭداۋ، ساپالىنىڭ ىشىندەگى ساپالىسىن تاڭداۋ، ەرەكشەسىنىڭ ىشىندەگى ەرەكشەسىن تاڭداۋ“ بويىنشا شينجياڭنىڭ ەرەكشە ساپالى اۋىل شارۋاشىلىق ونىمدەرىن سۇرىپتاپ، شينجياڭ ەرەكشەلىگىنە جانە بازار ىقپال قۋاتىنا يە ٴبىر توپ كاسىپورىن ماركالارىن جانە ٴونىم ماركالارىن تۇلعالاپ، شينجياڭنىڭ ساپالى اۋىل شارۋاشىلىق ونىمدەرىنىڭ تانىمالدىلىعىن ۇزدىكسىز جوعارىلاتتى.

  2024 ـ جىلى شينجياڭ ”شينجياڭ ٴدامىن تاتۋ“ ماركاسىنىڭ ورنىن، وزەكتى قۇنىن جانە وزگەشە ساتىلىمدىعىن ونان ارى ايقىندادى، ”شينجياڭ ٴدامىن تاتۋ“ وڭىرلىك الەۋمەتتىك ماركاسى بىرلىككە كەلگەن وبراز بەلگىسىمەن ٴتۇرلى اۋىل شارۋاشىلىق ونىمدەرى جارمەڭكەسىندە شوعىرلى بوي كورسەتىپ، پارىقتاۋ دارەجەسى مەن ىقپال كۇشىن ارتتىرىپ، اناعۇرلىم كوپ ساۋداگەرلەردى جانە تۇتىنۋشىلاردى باۋراپ، ماركانىڭ نارىق قابىلەتى مەن ونىمدەردىڭ ۇستەمە قۇنىن ٴونىمدى جوعارىلاتتى.

  قازىرگە دەيىن ”شينجياڭ ٴدامىن تاتۋ“ بويىنشا سارا ونىمدەرگە 239 وڭىرلىك الەۋمەتتىك ماركا، 631 ٴتۇرلى ٴونىم سۇرىپتالىپ تاڭدالدى، وندا استىق، ماي، ماقتا جانە توقىماشىلىق، جاسىل ورگانيكالى جەمىس ـ جيدەك، كوكونىس، ساپالى مال شارۋاشىلىق ونىمدەرى قامتىلدى.

  ماركا ىقپالىنىڭ ۇزدىكسىز جوعارىلاۋى اۋىل شارۋاشىلىعى كاسىپ سالاسىنىڭ دامۋ دەڭگەيىنىڭ ۇزدىكسىز العا باسۋىنا سۇيەنەدى. سوڭعى جىلداردان بەرى، شينجياڭ استىقتى، ەكونوميكالىق داقىلدى، جەم ـ ٴشوپتى ٴبىر تۇتاس جوسپارلاعان، ەگىن شارۋاشىلىعىنا، ورمان شارۋاشىلىعىنا، مال شارۋاشىلىعىنا، بالىق شارۋاشىلىعىنا تەڭ ٴمان بەرگەن، ٴوندىرۋ، وڭدەۋ، ساتۋ ساباقتاسقان، اۋىل شارۋاشىلىعىن، مادەنيەتتى، ساياحاتتى توعىستىرعان وسى زامانعى اۋىل ـ قىستاق كاسىپ سالاسى جۇيەسىن جەدەل قۇرىپ، اۋىل ـ قىستاقتىڭ، 1 ـ، 2 ـ، 3 ـ كاسىپ سالاسىنىڭ توعىسا دامۋىن ىلگەرىلەتتى. بۇكىل رايوندا جالپى 8 ەرەكشە كاسىپ سالاسى شوعىرىن، 12 مەملەكەتتىك وسى زامانعى اۋىل شارۋاشىلىعى كاسىپ سالاسى باقشاسىن، 40 اۆتونوميالى رايوندىق وسى زامانعى اۋىل شارۋاشىلىعى كاسىپ سالاسى باقشاسىن، 48 اۋىل شارۋاشىلىعى كاسىپ سالاسىنداعى قۋاتتى قالاشىقتى قۇرىپ، ٴونىم قۇنى ٴبىر ميلليارد يۋاننان اساتىن 6 قالاشىق، 100 ميلليون يۋاننان اساتىن 12 قىستاقتى جەتىلدىرىپ، اۋىل ـ قىستاقتىڭ ەرەكشە كاسىپ سالاسىن ۇزدىكسىز زورايتىپ، كاسىپ سالاسى مەن قالانىڭ، كاسىپ سالاسى مەن قالاشىقتىڭ، كاسىپ سالاسى مەن قىستاقتىڭ توعىسا دامۋىن پارمەندى جەبەدى.

  اسىرەسە، 2024 ـ جىلى شينجياڭ 4 اۋدان ـ قالانىڭ اۋىل شارۋاشىلىعى ونىمدەرىن وڭدەۋ باقشا رايونى قۇرىلىسىن قولداپ، 31 اۋىل شارۋاشىلىعى ونىمدەرىن وڭدەۋ باقشا رايونىن قۇردى جانە دەڭگەيىن جوعارىلاتتى. قازىر بۇكىل رايوننىڭ اۋىل شارۋاشىلىق ونىمدەرىن وڭدەۋ، كادەگە جاراتۋ سالىستىرماسى %65تەن اسىپ، اۋىل شارۋاشىلىعى كاسىپ سالاسىنىڭ تىزبەگى ۇزدىكسىز ۇزارىپ، شينجياڭنىڭ كوپتەگەن ساپالى اۋىل شارۋاشىلىعى ونىمدەرىنىڭ ”قۇنى بارىنشا ارتىپ“، بۇرىنعى شيكىزات قانا ساتاتىن مۇشكىل كۇيدى ٴبىر جولاتا وزگەرتىپ، اناعۇرلىم جاقسى ەكونوميكالىق ونىمدىلىكتى جۇزەگە اسىردى.