ەركىن تۇنياز قاشقار ايماعىندا تەكسەرۋ ـ زەرتتەۋ جۇرگىزگەندە بىلاي دەپ باسا دارىپتەدى
مىقتى يگەرىپ جەدەل ىستەپ، ٴتۇرلى قىزمەتتەردە تىڭ تابىستارعا قول جەتكىزۋدى ىلگەرىلەتۋ كەرەك
انار بۇلت \ شينجياڭ گازەتىنىڭ ٴتىلشىسى لي ياڭ 1 ـ ايدىڭ 24 ـ كۇنى جاڭاٴشاردان حابارلايدى. 1 ـ ايدىڭ 23 ـ كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز قاشقار ايماعىنا بارىپ، قوعام ورنىقتىلىعى، نەگىزگى ساتىنى باسقارۋ، اۋىل ـ قىستاقتى گۇلدەندىرۋ سياقتى قىزمەتتەر جونىندە ىشكەرىلەي تەكسەرۋ ـ زەرتتەۋ جۇرگىزىپ، نەگىزگى ساتىداعى كادرلارعا، بۇقاراعا امانداستى، ولاردان حال سۇرادى. ول بىلاي دەپ باسا دارىپتەدى: جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، اۆتونوميالى رايوندىق 10 ـ كەزەكتى پارتكوم ون ٴۇشىنشى جالپى ٴماجىلىسىنىڭ رۋحىن دايەكتىلەندىرىپ، تياناقتاندىرىپ، اۆتونوميالى رايوندىق ەكى ٴماجىلىستىڭ ورنالاستىرۋلارىنا، تالاپتارىنا ساي، دامۋ مەن حاۋىپسىزدىكتى، ەسىك اشۋ مەن حاۋىپسىزدىكتى اناعۇرلىم ويداعىداي ٴبىر تۇتاس جوسپارلاپ، قايراتتى تاسقىنداتىپ، مىقتى يگەرىپ جەدەل ىستەپ، ٴتۇرلى قىزمەتتەردە تىڭ تابىستارعا، تىڭ ونىمدىلىكتەرگە قول جەتكىزۋدى ىلگەرىلەتۋ كەرەك.
جاڭاشار اۋدانىنىڭ ارال اۋىلى مامۇق قىستاعىندا ەركىن تۇنياز قىستاق تۇرعىندار كوميتەتىنە بارىپ، اۆتونوميالى رايوندىق حالىق ۇكىمەتى كەڭسەسىنىڭ قىستاقتا تۇراتىن قىزمەت اترەتىندەگى كادرلارمەن ىقىلاستى اڭگىمەلەستى ٴارى قىستاقتا تۇراتىن قىزمەت اترەتىمەن، جەرگىلىكتى ورىنداعى كادرلارمەن، ت . ب اڭگىمە وتكىزدى. ول بىلاي دەدى: وتكەن ٴبىر جىلدا اۆتونوميالى رايوندىق پارتكوم تۇتاس رايوندا جوعارىدان تومەنگە دەيىنگىلەردى باستاپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، ”بەس ۇلكەن ستراتەگيالىق ورىندى“ كوزدەپ، باياندى تىنىشتىققا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى ۇزدىكسىز ويداعىداي ىستەدى، باستى ەكونوميكالىق كورسەتكىشتەردىڭ ارتۋ جىلدامدىعى بۇكىل ەل بويىنشا الدىڭعى قاتارعا ٴوتتى. وسى ناتيجەلەرگە قول جەتۋ باس شۋجي شي جينپيڭنىڭ، پارتيا ورتالىق كوميتەتىنىڭ پارمەندى باسشىلىعى مەن شىنايى قامقورلىعىنىڭ ناتيجەسى، اۆتونوميالى رايوندىق پارتكومنىڭ جالپى جاعدايدى تەگىس مەڭگەرىپ، يدەيانى ازات ەتىپ، عىلمي شەشىم جاساپ، پارمەندى ىلگەرىلەتۋىنىڭ ناتيجەسى، بۇكىل رايونداعى ٴار ۇلت كادر ـ بۇقاراسىنىڭ ٴبىر نيەتپەن جۇمىلىپ، ىنتىماقتاسا كۇرەس جۇرگىزۋىنىڭ ناتيجەسى، سونداي ـ اق وعان قىستاقتا تۇراتىن كادرلاردىڭ جۇرەك قانى مەن ماڭداي تەرى سىڭگەن. بيىلعى نىسانا ـ مىندەتتەر ايقىندالدى، جۇمىس ورنالاستىرۋعا شوگەل بولۋدى، جۇمىس ىستەۋدە مۇقيات بولۋدى، جۇمىستى ناقتى ىستەۋدى ورىنداپ، ٴتۇرلى قىزمەتتەردى ىشكەرىلەي، ناقتى ىستەۋ كەرەك.
ەركىن تۇنياز اۆتونوميالى رايوندىق حالىق ۇكىمەتى كەڭسەسىنىڭ قىستاقتا تۇراتىن قىزمەت اترەتىن ۇلگىلىك، جەتەكشىلىك رولىن ساۋلەلەندىرىپ، دەڭگەيدى اناعۇرلىم جوعارىلاتىپ، ىرىقتىلىقپەن جاۋاپكەرشىلىك ارقالاپ، ىسكەرلىك كورسەتىپ، وزىندىك ارتىقشىلىعىن قىستاقتا تۇرۋ قىزمەت مىندەتىمەن، جەرگىلىكتى ورىننىڭ ٴىس جۇزىندىگىمەن ۇشتاستىرىپ، يدەيانى ازات ەتۋگە، شىندىقتى ٴىس جۇزىنەن ىزدەۋگە تاباندى بولىپ، پارتيا قۇرىلىسى ارقىلى جەتەكشىلىك ەتۋگە تاباندى بولىپ، شەگە قاعۋ رۋحىمەن وزدەرى تۇرعان قىستاقتاردى جاراسىمدى، تىنىش، حالقى بايىعان، شارۋاشىلىعى گۇلدەنگەن كورىكتى اۋىل ـ قىستاق ەتىپ قۇرۋعا جىگەرلەندىردى.
ەركىن تۇنياز بىلاي دەدى: ورنىقتىلىقتى تيتتەي دە بوساڭسىماي يگەرىپ، لاڭكەستىككە قارسى تۇرىپ ورنىقتىلىقتى قورعاۋدى زاڭمەن باسقارۋ، ۇدايىلاندىرۋ شارالارىن ويداعىداي تياناقتاندىرۋ كەرەك. كاسىپ سالاسىن تيتتەي دە بوساڭسىماي يگەرىپ، جەرگىلىكتى ورىننىڭ بايلىق باسىمدىعىنا سۇيەنىپ، اۋىل شارۋاشىلىعى ونىمدەرىن جىنتىكتەي وڭدەۋ سياقتى ەرەكشەلىككە يە كاسىپ سالاسىن كۇش سالا دامىتىپ، ٴتىپتى دە كوپ جۇمىس ورىندارىن اشىپ، ەگىنشى ـ مالشىلاردىڭ كىرىستەرىن ارتتىرىپ، بايۋىنا شىنايى كومەكتەسۋ كەرەك. نەگىزگى ساتىنى تيتتەي دە بوساڭسىماي يگەرىپ، نەگىزگى ساتىداعى بۇقارانىڭ ٴوزىن ـ ٴوزى باسقارۋ مەحانيزمىن كەمەلدەندىرىپ، نەگىزگى ساتىداعى بۇقارا مەن ٴتۇرلى ۇيىمداردىڭ بەلسەندىلىگىن تولىق جۇمىلدىرىپ، نەگىزگى ساتىنىڭ نەگىزىن ۇزدىكسىز بەكەمدەۋ كەرەك. حالىق تۇرمىسىن تيتتەي دە بوساڭسىماي يگەرىپ، كەدەيلىكتەن ارىلتۋدان قامال الۋ جەتىستىكتەرىن ۇزدىكسىز بەكەمدەپ، كەڭەيتىپ، اۋىل ـ قىستاقتىڭ جاپپاي گۇلدەنۋىن تىڭعىلىقتى ىلگەرىلەتىپ، بۇقارانىڭ ”شۇعىل، قيىن، ۋايىمداعان، ٴزارۋ“ ىستەرىن دەن قويا، سۇيىسپەنشىلىكپەن، كۇش سالا ويداعىداي شەشۋ كەرەك. جۇڭحۋا ۇلتى ورتاق تۇلعا قۇرىلىسىن كۇشەيتىپ، ونىمدىلىكتى ٴجىتى قاداعالاپ، دانەكەردى بايىتىپ، جۇرت تىلەگىن ۇيىستىرۋ قىزمەتىن شىن مانىندە ويداعىداي ىستەپ، ٴار ۇلت بۇقاراسىنىڭ ”بەستى شىنايى مويىنداۋىن“ كۇشەيتۋ كەرەك.
ەركىن تۇنياز تاعى ەگىنشى وتباسىنا بارىپ، بەتپە ـ بەت اڭگىمەلەسىپ، نەگىزگى جاعدايلارىن ەگجەي ـ تەگجەيلى ۇعىستى. ول جەرگىلىكتى ورىنعا پارتيانىڭ ساياساتىن ويداعىداي تياناقتاندىرىپ، اۋىلداستاردى باستاپ تۇرمىستارىن بارعان سايىن جاقسارتۋدى تاپسىردى.
تەكسەرۋ ـ زەرتتەۋ بارىسىندا ەركىن تۇنياز بىلاي دەپ باسا دارىپتەدى: كوكتەم مەرەكەسى تاياپ قالدى، حاۋىپ ـ قاتەردەن ساقتانۋ، حاۋىپسىزدىككە كەپىلدىك ەتۋ، ورنىقتىلىقتى قورعاۋ قىزمەتتەرىن تىڭعىلىقتى، ويداعىداي ىستەپ، قۇتقارۋ ـ كومەكتەسۋ، كومەكتەسۋ ـ سۇيەمەلدەۋ، بازاردى قامداۋعا كەپىلدىك ەتۋ، كەزەكشىلىك ىستەۋ، كۇزەتۋ، كوكتەم مەرەكەسىندەگى تاسىمالدىڭ ىركىلىسسىزدىگىن قامتاماسىز ەتۋ سياقتىلاردى ٴبىر تۇتاس جوسپارلاپ ويداعىداي ىستەپ، ٴار ۇلت بۇقاراسىنىڭ تىنىش ٴومىر، شات ـ شادىمان تىرشىلىك كەشىرۋىن، مەرەكەنى كوڭىلدى وتكىزۋىن قامتاماسىز ەتۋ كەرەك.