导航切换

اۆتونوميالى رايوندىق پارتكوم اسكەري ىستەردى كەڭەسۋ ٴماجىلىسىن اشتى

日期:2025年01月26日
来源:新疆日报
【字体:

ما شيڭرۇي ٴماجىلىستى باسقاردى ٴارى ٴسوز سويلەدى

  ەركىن تۇنياز، ٴزۇمىرات وبۇل، نۇرلان ٴابىلماجىن، حى جۇڭيوۋ، جاڭ جۋ، چىن ميڭگو قاتىناستى

  انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 1 ـ ايدىڭ 24 ـ كۇنى ۇرىمجىدەن حابارلايدى. اۆتونوميالى رايوندىق پارتكوم 1 ـ ايدىڭ 24 ـ كۇنى تۇستەن بۇرىن اسكەري ىستەردى كەڭەسۋ ٴماجىلىسىن اشىپ، باس شۋجي شي جينپيڭنىڭ مەملەكەت قورعانىسى جانە ارميا قۇرىلىسى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتىنىڭ جاڭا داۋىردەگى حالىقتىق قارۋلى كۇشتەر قىزمەتىن كۇشەيتۋ جونىندەگى كەلەلى ورنالاستىرۋلارىن دايەكتىلەندىرىپ، قارۋلى كۇشتەردى پارتيا باسقارۋدىڭ، مەملەكەت قورعانىسىنا جۇمىلدىرۋ قۇرىلىسىنىڭ جانە قوس قولداۋ قىزمەتىنىڭ تىڭ ساتىعا كوتەرىلۋىن ىلگەرىلەتتى. اۆتونوميالى رايوندىق پارتكومنىڭ شۋجيى، شينجياڭ اسكەري رايونى پارتكومىنىڭ ٴبىرىنشى شۋجيى ما شيڭرۇي ٴماجىلىستى باسقاردى ٴارى ٴسوز سويلەدى.

  اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل، اۆتونوميالى رايوندىق ساياسي كەڭەستىڭ ٴتوراعاسى نۇرلان ٴابىلماجىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ، اۆتونوميالى رايوندىق پارتكومنىڭ ورىنباسار شۋجيلەرى جاڭ جۋ، چىن ميڭگو ماجىلىسكە قاتىناستى.

  ما شيڭرۇي بىلاي دەپ اتاپ كورسەتتى: وتكەن ٴبىر جىلدا بۇكىل شينجياڭداعى ارميا مەن جەرگىلىكتى ٴار دارەجەلى ورىندار باس شۋجي شي جينپيڭنىڭ مەملەكەت قورعانىسى جانە ارميا قۇرىلىسى جونىندەگى ماڭىزدى نۇسقاۋىنىڭ رۋحىن باتىل دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، ارميا مەن جەرگىلىكتى ورىننىڭ، ارميا مەن حالىقتىڭ توعىسا دامۋىن جان ـ جاقتى تەرەڭدەتىپ، تاماشا ونىمدىلىككە قول جەتكىزدى. شينجياڭدا تۇراتىن اسكەري بولىمدەر قارۋلى كۇشتەردى پارتيا باسقارۋ قىزمەت جاۋاپكەرشىلىگىن مۇقيات اتقارىپ، اسكەري بولىم قۇرىلىسىن جاپپاي كۇشەيتىپ، قالىڭ وفيتسەر ـ اسكەرلەردى شينجياڭنىڭ قوعام ورنىقتىلىعىن بار كۇشپەن قورعاپ، ەكونوميكالىق، قوعامدىق دامۋعا قولداۋ كورسەتۋگە ات سالىسىپ، شەكارانى كۇشەيتۋ، قورعانىستى بەكەمدەۋ، اۋىل ـ قىستاقتى گۇلدەندىرۋ، ۇلتتار ىنتىماعى، قاتەردەن اراشالاۋ، اپاتتان قۇتقارۋ سياقتى قىزمەتتەردە ماڭىزدى رول ساۋلەلەندىرۋگە ۇيىمداستىردى؛ جەرگىلىكتى ورىندار شينجياڭدا تۇراتىن اسكەري بولىمدەردىڭ اسكەر جاتتىقتىرىپ سوعىسقا دايىندالۋىنا بەلسەنە قىزمەت وتەپ، اسكەري مىندەت وتەپ جاتقان اسكەريلەردىڭ ”قوسىنمەن بىرگە تۇراتىن وتباسى مۇشەلەرىن جۇمىسقا ورنالاستىرۋ، بالالارىن وقىتۋ، قوسىننان بوساعانداردى جۇمىسقا ورنالاستىرۋ“ جاعىنداعى ماسەلەلەردى كۇش سالا شەشىپ، ارميا ـ ۇكىمەت، ارميا ـ حالىق ىنتىماعى جاعدايىن ٴۇرتىس بەكەمدەدى.

  ما شيڭرۇي بىلاي دەپ باسا دارىپتەدى: شي جينپيڭ ارميانى قۇدىرەتتەندىرۋ يدەياسىن ىشكەرىلەي ۇيرەنىپ، دايەكتىلەندىرىپ، اسكەري ىستەر كوميتەتىنىڭ ٴتوراعاسى جاۋاپتى بولۋ ٴتۇزىمىن باتىل دايەكتىلەندىرۋدى جانە قورعاۋدى كورنەكتى ورىنعا قويىپ، قارۋلى كۇشتەردى پارتيا باسقارۋ سىندى دۇرىس بەتالىستى مىقتاپ يگەرىپ، اسكەري بولىمدەردەگى وفيتسەر ـ اسكەرلەردىڭ پارتيانىڭ قولباسشىلىعىنا قۇلاق اساتىن، جەڭىستى شايقاس جۇرگىزەتىن، ستيلى تاماشا رۋحاني قاسيەتىن شىڭداپ، شەكارانى كۇشەيتۋ، قورعانىستى بەكەمدەۋ، شينجياڭدى ورنىقتىرۋ، شينجياڭدى گۇلدەندىرۋ ستراتەگيالىق بورىشىن اناعۇرلىم ويداعىداي ارقالاپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋعا كۇش ـ قۋات ارناۋ كەرەك. شينجياڭنىڭ قوعام ورنىقتىلىعىن قورعاۋدا ٴدوپ كەلگەن جاعداي مەن مىندەتتەردى تەرەڭ يگەرىپ، ارميا مەن جەرگىلىكتى ٴار دارەجەلى ورىنداردىڭ داعدارىس تانىمىن، جاۋاپكەرشىلىك تانىمىن، كوكەي تەستىلىك تانىمىن كۇشەيتىپ، پارتيا، ۇكىمەت، ارميا، ساقشى، بيڭتۋان، حالىق بىرلەسىپ ساقتانۋ، بىرلەسىپ تىزگىندەۋ مەحانيزمىن كەمەلدەندىرىپ، ورنىقتىلىقتى قورعاۋ شارالارىن ناقتى، ەگجەي ـ تەگجەيلى تياناقتاندىرىپ، زاپاس كۇشتەر جۇيەسىن كۇشەيتىپ قۇرىپ، جالپى حالىقتىڭ مەملەكەت قورعانىسى تاربيەسىن تەرەڭدەتىپ، مەملەكەت قورعانىسىنا جۇمىلدىرۋ دەڭگەيىن جوعارىلاتىپ، مەملەكەتتىڭ وڭىرلىك حاۋىپسىزدىگىن قورعايتىن ستراتەگيالىق قالتقىنى تۇلعالاۋعا قۇلشىنۋ كەرەك. ارميا مەن جەرگىلىكتى ورىن ”ٴبىر تۇتاس جۇيە“ يدەياسىن بەرىك ورناتىپ، نازاردى قوس قولداۋ قىزمەتىندەگى ماڭىزدى تۇيىندەرگە، قيىن تۇيىندەرگە شوعىرلاندىرىپ، ٴادىس ـ شارالاردى كەڭەيتىپ، فورمانى بايىتىپ، ارميا مەن ۇكىمەتتىڭ، ارميا مەن حالىقتىڭ مىزعىماس بەرىك ىنتىماعىن ٴۇرتىس بەكەمدەۋ كەرەك. ٴار دارەجەلى پارتكومدار، ۇكىمەتتەر ىرىقتى تۇردە الدا ٴجۇرىپ قيىنشىلىقتى شەشىپ، اسكەريلەر وتباسىلارىنا قامقورلىق كورسەتۋ، جەڭىلدىك جاساۋ ساياساتىن جاپپاي تياناقتاندىرىپ، اسكەري بولىمدەردەگى وفيتسەر ـ اسكەرلەردىڭ ۋايىمنان ارىلۋىنا كومەكتەسۋى؛ شينجياڭدا تۇراتىن اسكەري بولىمدەر جەرگىلىكتى ورىننىڭ دامۋ قۇرىلىسىنا بەلسەنە قولداۋ كورسەتىپ، ەكونوميكانىڭ، قوعامنىڭ جوعارى ساپالى دامۋىنا دەم بەرىپ، جۇڭحۋا ۇلتى ورتاق تۇلعا تانىمىن بەكەمدەۋدى ىلگەرىلەتۋى كەرەك.

  ماجىلىستە بۇكىل رايونداعى ايماقتىق، وبلىستىق، قالالىق پارتكومنىڭ شۋجيلەرى قارۋلى كۇشتەردى پارتيا باسقارۋ قىزمەتىنەن جازباشا ەسەپ بەردى. شينجياڭ اسكەري رايونى پارتكومىنىڭ شۋجيى، جىڭۋي ياڭ چىڭ باعا بەردى.

  شينجياڭ اسكەري رايونىنىڭ، 63650 ـ اسكەري ٴبولىمىنىڭ، قارۋلى ساقشى شينجياڭ باس اترەتىنىڭ، 93886 ـ اسكەري ٴبولىمىنىڭ، 63610 ـ اسكەري ٴبولىمىنىڭ، اۆتونوميالى رايوندىق پارتكوم ارميا مەن حالىق توعىسا دامۋ كەڭسەسىنىڭ جانە اۆتونوميالى رايوندىق مەملەكەت قورعانىسىنا جۇمىلدىرۋ كەڭسەسىنىڭ، اۆتونوميالى رايوندىق قوسىننان شەگىنگەن اسكەريلەر ىستەرى مەڭگەرمەسىنىڭ قاتىستى جاۋاپتى جولداستارى ٴسوز سويلەدى.

  ليۋ لين، چىن ۋيجۇن، ۋاڭ جيانشين، قادەن كابەن، ۋاڭ لين، اۆتونوميالى رايوندىق ۇكىمەتتىڭ، ساياسي كەڭەستىڭ، بيڭتۋاننىڭ قاتىستى باسشىلارى، شينجياڭدا تۇراتىن اسكەري بولىمدەردىڭ باسشىلارى جانە قاتىستى جولداستار، اۆتونوميالى رايوندىق پارتكوم قوسىننان شەگىنگەن اسكەريلەر ىستەرى قىزمەتى باسشىلىق گرۋپپاسىنا مۇشە ورىنداردىڭ، ورتالىقتىڭ شينجياڭدا تۇراتىن ورىندارىنىڭ جانە اۆتونوميالى رايوننىڭ، بيڭتۋاننىڭ قاتىستى ورىندارىنىڭ جاۋاپتى جولداستارى نەگىزگى ٴماجىلىس ورنىندا ماجىلىسكە قاتىناستى، ايماق، وبلىس، قالالاردا بولىمشە ٴماجىلىس ورنى قۇرىلدى.