_ مەملەكەتتىك تايۋاندىق باۋىرلاستار بىرلەسكەن دوستىق قوعامى 31 ـ كەزەكتى تايۋاندىق باۋىرلاستار جاستار قىسقى لاگەرى شينجياڭ بولىمشە لاگەرى قيمىلىنان ەستەلىك
□ انار بۇلت \ شينجياڭ گازەتىنىڭ ٴتىلشىسى شىن زۋشياۋ
”بۇل جولعى قىسقى لاگەردەگى شينجياڭ ساپارىندا وتانىمىزدىڭ جەرىنىڭ بايتاقتىعىن، كوركەمدىگىن سەزىنۋمەن بىرگە، شينجياڭنىڭ ٴار الۋان باۋرامدىلىعىن دا سەزىندىم.“ 1 ـ ايدىڭ 22 ـ كۇنى مەملەكەتتىك تايۋاندىق باۋىرلاستار بىرلەسكەن دوستىق قوعامى 31 ـ كەزەكتى تايۋاندىق باۋىرلاستار جاستار قىسقى لاگەرى شينجياڭ بولىمشە لاگەرى قيمىلىن اياقتاتقان تايۋاندىق جاس ۋاڭ ۋيكاڭ قايتىپ بارعاننان كەيىن، ٴوزىنىڭ ارالداعى جاستارمەن وتانىمىزدىڭ شينجياڭىنداعى كەشىرمەلەرى مەن سەزىنۋىن ٴبولىسىپ، اناعۇرلىم كوپ ادامنىڭ شىنايى شينجياڭدى بىلۋىنە مۇمكىندىك جاسايتىندىعىن ايتتى.
1 ـ ايدىڭ 16 ـ كۇنى مەملەكەتتىك تايۋاندىق باۋىرلاستار بىرلەسكەن دوستىق قوعامى 31 ـ كەزەكتى تايۋاندىق باۋىرلاستار جاستار قىسقى لاگەرى شينجياڭ بولىمشە لاگەرى باستالىپ، 34 تايۋاندىق جاس شينجياڭداعى قىسقى لاگەر ساپارىن باستادى. ٴبىر اپتادا ولار ىلگەرىندى ـ كەيىندى ٴۇرىمجى قالاسى، ىلە قازاق اۆتونوميالى وبلىسى، قارامايلى قالاسى، بۇراتالا موڭعۇل اۆتونوميالى وبلىسى قاتارلى جەرلەرگە بارىپ، شينجياڭنىڭ كوپ نەگىزدى مادەنيەتى مەن جەرگىلىكتى سالت ـ ساناسىن ٴبىلىپ، وسى قۇتتى مەكەننىڭ جالىندى تىرشىلىك تىنىسى مەن ومىرشەڭدىگىن سەزىندى.
ۇرىمجىدەگى كەزىندە تايۋاندىق جاستار شينجياڭ شىفان داشۋەسىنە بارىپ، حاتكەرلىك، قاعاز ويما سۋرەت، بەت الەمىشىن سىزۋ، شينجياڭ ٴسۇتتى شايىن دايىنداۋ سياقتىلاردى سەزىنىپ، جۇڭحۋانىڭ تاڭداۋلى ٴداستۇرلى مادەنيەتىنىڭ دارقان دا شۇرايلىلىعىن ٴتۇيسىندى. قيمىل اياقتاعاننان كەيىن، دۋماندى مۋزيكا ۇنىنە ىلەسە، كوپشىلىك تۇس ـ تۇستان ويناقى شينجياڭ بيىنە قوسىلىپ، شينجياڭ شىفان داشۋەسىندەگى وقۋشىلارمەن بىرگە بيگە باستى.
تايۋاندىق جاستار تاعى شينجياڭ مۇراجايىنا بارىپ، ٴتۇسىندىرۋشىنىڭ تانىستىرۋى ارقىلى مادەني ەسكەرتكىشتەر استارىنداعى حيكايالاردى جانە شينجياڭنىڭ تاريحىن، مادەنيەتىن ٴبىلىپ، شينجياڭنىڭ وزگەشە مادەنيەت باۋرامدىلىعىن سەزىندى.
ٴۇرىمجى حالىقارالىق قۇرلىقتىق پورت اۋماعىندا كوپشىلىك شينجياڭنىڭ ”ٴبىر بەلدەۋ، ٴبىر جول“ وزەكتى رايونى رەتىندەگى ستراتەگيالىق ورنىن تەرەڭدەي سەزىندى؛ شينجياڭ حالىقارالىق ۇلكەن بازارىندا كوزدىڭ جاۋىن الاتىن تاۋارلار، ەرەكشەلىككە يە قۇرىلىستار، ٴدامدى تاعامدار جانە ۇلتتىق ٴان ـ بيلەر ولاردى باۋرادى.
جىبەك جولى تاۋلى جەر دەمالىس اۋماعى شاڭعى الاڭىندا تايۋاندىق جاستار قۇمارلارى قانعانشا شاڭعىمەن قۇيعىتتى، بۇل اراداعى قار ـ مۇز الەمىندە ولار شينجياڭنىڭ قىس ماۋسىمىنداعى ەرەك باۋرامدىلىعىن سەزىندى.
ىلە قازاق اۆتونوميالى وبلىسىندا تايۋاندىق جاستار قورعاس اۋدانىنداعى ىلە گەنەرال مەكەمەسىنە باردى، كەڭ كوسىلگەن، جىر ەتەرلىك تاريحي كارتينا كوز الدىدا باياۋ جايىلعانداي بولىپ، سول ٴبىر شۇعىلالى تاريحتى جاندى ەلەستەتتى.
سىبە شەلپەگىنەن ٴدام تاتىپ، ٴان ـ ٴبي كونسەرتىن تاماشالادى... شاپشال سىبە اۆتونوميالى اۋدانى بەسسۇمۇل قالاشىعىنداعى سىبە بايىرعى قالاسىن ەكسكۋرسيالاعاندا تارتىمدى ىقپالداستىق تۇرلەرىن تايۋاندىق جاستار كورىپ ۇلگىرە الماي، جاپا ـ تارماعاي سەزىنۋگە ات سالىستى. ساداق مادەنيەتىن سەزىنۋ اۋماعىندا نىسانانى كوزدەپ ادىرنانى تارتىپ، ساداقشى بەينەسىنە كىردى. ”بۇل مەنىڭ شينجياڭعا تۇڭعىش كەلۋىم، بۇل ارانىڭ ەرەكشەلىككە يە سالت ـ ساناسىن سەزىنىپ، شينجياڭنىڭ كوپ نەگىزدى مادەنيەتىنىڭ باۋرامدىلىعىن ٴوز باسىمنان كەشىرىپ توتەنشە قۋاندىم“، ـ دەدى تايۋاندىق جاس ۋ داييان.
گارمون داۋىسىنا ىلەسە تايۋاندىق جاستار قۇلجا قالاسى التىشۋار سالت ـ سانا، مادەنيەت كورمە سارايىنداعى الەكساندر گارمون ساقتاۋ سارايىنا بارعاندا، ٴپىشىنى ادەمى، ٴتۇسى الۋان ٴتۇرلى ٴارى كونەنىڭ كوزىندەي بولعان 800دەن استام گارمون كوز الدارىندا مەن مۇندالادى. گارمون ساقتاۋ سارايىندا تايۋاندىق جاستار گارمون مۋزيكاشىلار انسامبىلىنىڭ كونسەرتىن تاماشالادى، كونسەرت اياقتاعاننان كەيىن دە كوپشىلىك مۋزيكا اۋەنىنە ەلىتىپ، كوپكە دەيىن كەتكىلەرى كەلمەدى.
قارامايلى قالاسى دۇنيە ٴجۇزى سايتان كەرىش كورىنىس اۋماعىندا تايۋاندىق جاستار گەولوگيالىق عاجايىپتاردى ىزدەپ، يارداڭ جەر بەدەرىنىڭ قالىپتاسۋ جاعدايىمەن تانىسىپ، ۇلى تابيعاتتىڭ ٴتىلسىم ايبىنىن سەزىندى. اپپاق قار مەن يارداڭ جەر بەدەرى ٴبىرىن ـ ٴبىرى ايشىقتاپ، جوتالارىنىڭ ايبىنى ارتىپ، جىر جولدارىنداي، كوركەم كارتيناداي بولىپ كورىنگەندە، كوپشىلىك قول تەلەفوندارىمەن جاپا ـ تارماعاي سۋرەتكە تۇسىرە جونەلدى.
قارامايلى مايبۇلاق كورىنىس اۋماعىندا تايۋان جاستارى ”بايلىعى ماي بولىپ اققان، كوركەمدىگىنەن كوز ۇيالاتىن“ تاڭعاجايىپ كورىنىستى ەلىتە سەزىندى؛ قارامايلى عىلىم ـ تەحنولوگيا سارايىنداعى ماڭداي الدى عىلىم ـ تەحنولوگيا كورمە بۇيىمدارى كوزدىڭ جاۋىن الىپ، عىلىم ـ تەحنولوگيا دامۋىنىڭ تارتىمدىلىعىن ايگىلەدى.
”كوپ باعىتتا ارقان تارتۋ“، ”بارابان سوعىپ، دوپ قاعۋ“، ”سوڭىنا دەيىن دوڭگەلەكتەۋ“... قارامايلى دەنە تاربيە سارايىندا شينجياڭ، تايۋان سىندى ەكى جەردىڭ جاستارى قول ۇستاسا اترەت بولىپ، كوڭىلدى جەلپىندىرەر توپتىق سپورت جارىسىن كورسەتىپ، جارىستار قيان ـ كەسكى دە قىزىقتى بولىپ، كوپشىلىك ٴبىر نيەتپەن سەلبەسىپ، ٴۇنسىز سايكەسىپ، ەكى جاعالاۋ جاستارىنىڭ ومىرشەڭدىك تاسقىنداعان جاستىق كەلبەتتەرىن ايگىلەدى.
”شينجياڭدىق جاس دوستارمەن يىق تىرەستىرە شايقاس جاساپ، توپتىق سپورت جارىسىنىڭ اعا جۇلدەگەرلىگىنە بىرگە قول جەتكىزگەنىمىزگە قاتتى قۋاندىق“، ـ دەدى تايۋاندىق جاس حى شينحۇڭ تەبىرەنىستى كوڭىل كۇيىن جاسىرا الماي، ـ ”جارىستا ٴبىز شايقاس تاكتيكاسىن بىرگە اقىلداسىپ، جەڭىس ٴۇشىن ايانباي الىستىق، بۇل كەشىرمە دوستىعىمىزدى اناعۇرلىم تەرەڭدەتە ٴتۇستى“.
”ەكى جاعالاۋ ٴبىر شاڭىراق · كوكتەم مەرەكەسىن بىرگە تويلايىق“ اۋىس ـ كۇيىس قيمىلىندا شينجياڭ، تايۋان سىندى ەكى جەردىڭ جاستارى بىرگە كوكتەم مەرەكەسى بوساعالىعىن جازىپ، بىرگە ٴتۇشپارا ٴتۇيدى، كونسەرت كەزىندە ٴان، ٴبي، كومەديا سياقتىلار بىرىنەن سوڭ ٴبىرى قويىلىپ، شاپالاق داۋىسى، كوڭىلدى ۇندەر ارالاسىپ كەتتى. ”ەكى جاعالاۋ جاستارى بىرگە سۋرەتكە ٴتۇسىپ، تاۋ ـ وزەننىڭ اسەم تاراۋىن بىرگە كەسكىندەۋ“ قىستىق لاگەردە قىسقا بەينەجازبا ٴتۇسىرۋ قيمىلىندا تۇسىرىلگەن قىسقا بەينەجازبالاردى كورگەن تايۋاندىق جاستار شينجياڭداعى ساپاردىڭ قىزىعىنا شومدى...
”وسى رەتكى قىستىق لاگەر ارقىلى شينجياڭ جونىندە تىڭ تۇسىنىككە جانە تانىمعا يە بولدىم، مەن وسى كۇندەردە كورگەن ـ بىلگەندەرىمدى تۋىس ـ تۋعان، دوس ـ جاراندارىما ايتىپ، ولاردىڭ شينجياڭنىڭ دامۋىن سەزىنۋىنە مۇمكىندىك جاسايمىن“، ـ دەدى تايۋاندىق جاس ليۋ ي ـ ۋي. مەملەكەتتىك تايۋاندىق باۋىرلاستار بىرلەسكەن دوستىق قوعامى تايۋاندىق باۋىرلاستار جاستار قىستىق لاگەرى 1989 ـ جىلى وتكىزىلە باستاعاننان بەرى 30 كەزەك وتكىزىلدى، وسى كەزەكتى تايۋاندىق باۋىرلاستار جاستار قىستىق لاگەرى ”جاستىق ورالدا ٴوزارا توعىسىپ، ارمانعا بىرگە قۇلاش سەرمەۋ“ دەگەندى نەگىزگى تاقىرىپ ەتىپ، حيلۇڭجياڭ، ىشكى موڭعۇل، حىبەي، چۇڭچيڭ، گانسۋ، شينجياڭ سياقتى 17 ولكە، رايون، قالادا قار ـ مۇز سپورتى، مەرەكەلىك سالت ـ سانا، تاريح، مادەنيەت سياقتى نەگىزگى تاقىرىپتاعى ەرەكشەلىككە يە بولىمشە لاگەر قيمىلدارىن ورىستەتتى.