انار بۇلت \ شينجياڭ گازەتىنىڭ ٴتىلشىسى جاڭ شياۋمي 1 ـ ايدىڭ 22 ـ كۇنى ۇرىمجىدەن حابارلايدى. 1 ـ ايدىڭ 22 ـ كۇنى ەسكىشە كالەندار بويىنشا 12 ـ ايدىڭ 23 ـ كۇنى، سولتۇستىكتىڭ كىشى جاڭا جىلى. سول كۇنى ”اتتانايىق شينجياڭ كوكتەم مەرەكەسىن ساياحاتتاي قارسى الىپ، مەرەكەنى تىنىعىپ وتكىزەيىك“ 2025 ـ جىلى كوكتەم مەرەكەسىندەگى ساياحاتتاۋ، تىنىعۋ بويىنشا ۇگىتتەۋ، جالپىلاستىرۋ قيمىلى باستالدى.
مەرەكەنىڭ لەبى قايدا؟ قيمىل ورنىندا كوكتەم مەرەكەسى كەزىندەگى بۇكىل شينجياڭنىڭ جەر ـ جەرىندەگى قار ـ مۇز ساياحات جارىستارى، ادەبيەت ـ كوركەمونەر كونسەرتى، بەيزاتتىق مادەنيەت مۇرالارى ۇلتتىق سالت ـ سانا قيمىلدارى سياقتىلاردىڭ ۋاقىت ورنالاستىرۋلارى جانە ناقتى مازمۇنى جاريالاندى، ٴۇرىمجى قالاسىنىڭ، ىلە قازاق اۆتونوميالى وبلىسىنىڭ، التاي ايماعىنىڭ، حوتان ايماعىنىڭ مادەنيەت ـ ساياحات تاراۋلارى كوكتەم مەرەكەسى كەزىندەگى مادەنيەت ـ ساياحات قيمىلدارى، ساياحات جەلىلەرى، تيىمدىلىك شارالارى سياقتىلاردى ارقاۋ ەتىپ تانىستىرۋ جاساپ، كوپشىلىكتى جەر ـ جەردىڭ قويۋ مەرەكەلىك لەبىن تابۋعا باستادى.
اۆتونوميالى رايوندىق مادەنيەت جانە ساياحات مەڭگەرمە پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى يۇي جيە بىلاي دەپ تانىستىردى: بيىل شينجياڭ ساياحاتتى دانەكەر، تىنىعۋدى سۇيەمەل ەتىپ، ٴار ۇلت بۇقاراسى مەن قالىڭ ساياحاتشىلار ٴۇشىن كوڭىلدى دە بەرەكەلى كوكتەم مەرەكەسى رايىن قالىپتاستىرادى.
جاڭا جىل باستالعاننان 2 ـ ايدىڭ 12 ـ كۇنىنە دەيىن، اۆتونوميالى رايوندىق مادەنيەت جانە ساياحات مەڭگەرمەسى ”تيانشان الابىندا كوكتەم مەرەكەسىن قۇتتىقتاپ، جاڭا جىلدى شاتتانا تويلاۋ“ 2025 ـ جىلعى كوكتەم مەرەكەسى نەگىزگى تاقىرىپتىق جەلىلەس مادەنيەت ـ ساياحات قيمىلىن جوسپارلاپ، ”شينجياڭ جاقسى جەر“ 12 ـ كەزەكتى تيانشان الابىندا كوكتەم مەرەكەسىن قۇتتىقتاۋ بەيزاتتىق مادەنيەت مۇرا مەرەكەلىك سالت ـ سانا كورمەسى، 2025 ـ جىلعى كوكتەم مەرەكەسى مۋزيكا ساۋىق كەشى سياقتى 53 ٴتۇرلى ”ٴساتتى باستاما“ قيمىلىن وتكىزەدى. شينجياڭنىڭ جەر ـ جەرى ىركەس ـ تىركەس بايىرعى قالادا ىرىستى جىلدى قارسى الۋ، جۇڭگو شامىن جارقىراتۋ، مەرەكەلىك بازار ارالاۋ سياقتى 727 رەت باي مازمۇندى، الۋان ٴتۇرلى كوكتەم مەرەكەسى قيمىلدارىن وتكىزدى.
وسى قىستا اۆتونوميالى رايوندىق مادەنيەت جانە ساياحات مەڭگەرمەسى ىركەس ـ تىركەس ”قار ـ مۇزدا كەزدەسۋ“ سولتۇستىك شينجياڭدى ىشكەرىلەي ساياحاتتاۋ، ”جىبەك جولىنداعى وڭتۇستىك شينجياڭ“ سالت ـ سانا قىسقى ساياحاتى سياقتى شينجياڭنىڭ 16 قىسقى سارا ساياحات جەلىسىن جاريالاپ، شينجياڭنىڭ قىسقى جاراتىلىستىق كورىنىسىن، ۇلتتىق سالت ـ ساناسىن، تاريحي مادەنيەتىن تۇتاستىرىپ، ساياحاتشىلاردىڭ شينجياڭنىڭ كورىنىسىن اڭعارۋىنا، جىبەك جولىنىڭ سالت ـ ساناسىن سەزىنۋىنە مۇمكىندىك جاسايدى. سونىمەن قاتار ”شينجياڭ 2024 قار ـ مۇز ساياحاتى تارتۋى“، قۇنى 12 ميلليون 500 مىڭ يۋاندىق مادەنيەت ـ ساياحات تۇتىنۋ بەلەتى جانە 153 ٴتۇرلى حالىققا تيىمدىلىك جاساۋ شاراسىن ۇسىنىپ، بۇكىل رايونداعى ٴتۇيىندى شاڭعى الاڭدارى، كورىنىس وڭىرلەرى، قوناق ۇيلەر سياقتىلار ارزانداتۋ، بەلگىلى سوماعا تولسا ازايتۋ، قوسىمشا قاراجات بەرۋ جانە ەرەكشە باعا سياقتى تيىمدىلىكتەردى ۇسىنىپ، ساياحاتشىلارعا حاۋىپسىز، جايلى، قولايلى ساياحات ورتاسىن ازىرلەيدى.
سول كۇنى ٴۇرىمجى قالاسى 12 كوكتەم مەرەكەسى نەگىزگى تاقىرىپتىق سارا جەلىسىن ارنايى جوسپارلاپ، ىلە وبلىسى، حوتان ايماعى جەكە ـ جەكە 6 سارا جەلى ۇسىنىپ، كوپشىلىكتى شينجياڭعا كەلىپ كوكتەم مەرەكەسىن وتكىزىپ، جەر ـ جەردىڭ وزگەشە مەرەكەلىك سالت ـ سانا مادەنيەتىن سەزىنۋگە شاقىردى.