导航切换

بيىل رايونىمىز قالا ـ قالاشىقتاردا 460 مىڭنان استام ادامنىڭ تىڭنان جۇمىستانۋىن ىسكە اسىرادى

日期:2025年01月25日
来源:新疆日报
【字体:

  انار بۇلت \ شينجياڭ گازەتىنىڭ ٴتىلشىسى جاۋ چۇنحۋا 1 ـ ايدىڭ 23 ـ كۇنى ۇرىمجىدەن حابارلايدى. 1 ـ ايدىڭ 23 ـ كۇنى اشىلعان اۆتونوميالى رايوننىڭ ادام كۇشى بايلىعى جانە قوعامدىق قامتاماسىزداندىرۋ قىزمەت ماجىلىسىنەن ۇعىسۋىمىزشا، بيىل رايونىمىز جۇمىستاندىرۋدى الدىمەن ويلاستىرۋ بەتالىسىن اناعۇرلىم كورنەكتىلەندىرىپ، جوعارى ساپالى، تولىق جۇمىستاندىرۋدى ەكونوميكالىق، قوعامدىق دامۋدىڭ الدىمەن ويلاستىراتىن نىساناسى ەتۋگە تاباندى بولىپ، تۇتاس رايونداعى قالا ـ قالاشىقتاردا 460 مىڭنان استام ادامنىڭ تىڭنان جۇمىستانۋىنا شىنايى كەپىلدىك ەتەدى ەكەن.

  بيىل رايونىمىز جۇمىستاندىرۋدىڭ جاراسىمدى ۇلگىدەگى دامۋ ٴتاسىلىن بەلسەنە تۇلعالاپ، ارتۋدى ورنىقتىرۋ مەن جۇمىستاندىرۋدى ورنىقتىرۋ ساياساتىن كەمەلدەندىرىپ بىرىكتىرۋدى ىلگەرىلەتەدى. نىسان كاسىپ سالاسىنىڭ ورنالاسىمىن تەڭ قادامدا باعالاۋ سىندى جۇمىستاندىرۋ مەحانيزمىن ورناتىپ، كاسىپ سالاسى تاراۋلارىنىڭ، ەكونوميكالىق تاراۋلاردىڭ حالىق تۇرمىسى تاراۋلارىمەن سايكەسۋىن كۇشەيتىپ، ەكونوميكالىق دامۋدىڭ جۇمىستاندىرۋدى جەبەۋ كۇشىن جوعارىلاتادى. جوعارى ساپالى، تولىق جۇمىستاندىرۋ كورسەتكىش جۇيەسى قۇرىلىسىن بار كۇشپەن ىلگەرىلەتىپ، كورسەتكىش جۇيەسى ارقىلى جەر ـ جەردىڭ جۇمىستاندىرۋ قىزمەتىنىڭ ناقتى ونىمدىلىگىن باعالايدى. جۇمىستاندىرۋ ساياساتىنىڭ تياناقتانۋىن كۇشەيتىپ، اۆتونوميالى رايوننىڭ جوعارى ساپالى، تولىق جۇمىستاندىرۋدى اتقارۋ پىكىرىن جاساپ، جۇمىستاندىرۋدى ورنىقتىرۋ ساياساتىن رەتتەپ، ساپالىلاندىرىپ، جۇمىستاندىرۋدى ورنىقتىرۋ ساياساتىنىڭ پايداسىن تەزدەن جارىققا شىعارادى. ”تىكەلەي قوسىمشا قاراجات بەرىپ، تەز ٴبىتىرۋ“ ۇلگىسىن ۇزدىكسىز ىلگەرىلەتىپ، قوعامدىق قامسىزداندىرۋ قوسىمشا قاراجاتى، كاسىپتىك شەبەرلىككە باۋلۋ قوسىمشا قاراجاتى، شارۋاشىلىق قۇرۋعا كەپىلدىك ەتۋ قارىز اقشاسى جانە ٴوسىمىن تولەۋ سياقتى ٴتۇرلى جۇمىستاندىرۋدى سۇيەمەلدەۋ ساياساتىنىڭ تياناقتانۋ تەبىنىن ارتتىرىپ، جۇمىستاندىرۋعا قابىلداۋ قۋاتى كۇشتى كاسىپ سالالارىنا، كاسىپورىندارعا اناعۇرلىم بەيىمدەلىپ جانە ونى قولداپ، جۇمىستاناتىن جۇمىس ورنىن بار كۇشپەن ورنىقتىرادى.

  جوعارى مەكتەپ تاۋىسقان وقۋشىلار، اۋىل ـ قىستاق ەڭبەككۇشتەرى سياقتى ٴتۇيىندى قاۋىمنىڭ جۇمىستانۋ قىزمەتىن ويداعىداي ىستەگەندە، جۇمىستاندىرۋدىڭ نەگىزگى جاعدايىن ورنىقتىرۋعا بولادى. بيىل رايونىمىز ٴتۇيىندى قاۋىمنىڭ جۇمىستانۋىن قولداۋ جۇيەسىن ۇزدىكسىز كەمەلدەندىرىپ، ەڭبەكشىلەردىڭ جۇمىستانۋىنا قامقورلىق جاساۋدى، كومەكتەسۋ ـ سۇيەمەلدەۋدى ورىستەتىپ، جوعارى مەكتەپ تاۋىسقان وقۋشىلار سياقتى جاستار قاۋىمىنىڭ جۇمىستانۋىن ماڭىزدىنىڭ ماڭىزدىسى ەتۋگە تاباندى بولىپ، بازارلانعان، قوعامدانعان جۇمىستانۋ ارناسىن كەڭەيتىپ، الۋان ٴتۇرلى جۇمىستانۋ ورايىن جاراتىپ، سىرتقا شىعىپ جۇمىستانۋعا جانە سول جەردىڭ وزىندە، جاقىن ماڭنان جۇمىستانۋعا تەڭ ٴمان بەرۋگە تاباندى بولىىپ، كوپ ٴتۇرلى شارا ارقىلى اۋىل ـ قىستاق ەڭبەككۇشتەرىنىڭ جۇمىستانۋىن جەبەپ، ەڭبەك ماركا قۇرىلىسى مەن ەڭبەك دەلدالدارىن باۋلۋدى كۇشەيتىپ، كەدەيلىكتەن ارىلعانداردىڭ ەڭبەك ىستەۋ كولەمى مەن ەڭبەك ىستەۋ كىرىسىن ورنىقتىرادى.

  رايونىمىز تاعى جۇمىستاندىرۋعا قىزمەت وتەۋ ساپاسىن اناعۇرلىم جوعارىلاتىپ، جۇمىستاندىرۋعا قىزمەت وتەۋ ساپاسى ينجەنەرياسىن ۇزدىكسىز ىشكەرىلەي اتقارىپ، ”ٴبىر قويما، ٴبىر تۇعىر“ قۇرىلىسىن تەرەڭدەتىپ، ”ۇلكەن ساندى مالىمەت + جەلاياق“ ۇلگىسىن جالپىلاستىرىپ، نەگىزگى ساتىنىڭ الەۋمەتتىك جۇمىستاندىرۋعا قىزمەت وتەۋ قابىلەتىن كۇشەيتىپ، ”ۋاقىتتىق جۇمىس ىستەۋ بازارى + جۇمىستاندىرۋ ايالداماسى“ جۇيەسى قۇرىلىسىن كۇشەيتىپ، 24 ٴتۇرلى الەۋمەتتىك جۇمىستاندىرۋعا قىزمەت وتەۋ ارناۋلى قيمىل ماركاسىن ۇزدىكسىز تۇلعالاپ، جۇڭگو شينجياڭ دارىندىلار تورى قۇرىلىسىن كۇشەيتىپ، جۇمىس ورنى ينفورماتسياسىن جيناقتاۋ مەحانيزمىن تەرەڭدەتىپ، بۇقاراعا اناعۇرلىم قولايلى الەۋمەتتىك جۇمىستانۋ قىزمەت وتەۋىن ازىرلەيدى.