导航切换

قاتىستى تاراۋلاردىڭ جاۋاپتىلارى مىنبەگە شىعىپ اۆتونوميالى رايوننىڭ ۇكىمەت قىزمەتىنەن بايانداماسىن ٴتۇسىندىردى

日期:2025年01月22日
来源:新疆日报
【字体:

2025 ـ جىلعى اۆتونوميالى رايوندىق ەكى ٴماجىلىس 3 ـ رەتكى اقپار جاريالاۋ ٴماجىلىسىن وتكىزدى

قاتىستى تاراۋلاردىڭ جاۋاپتىلارى مىنبەگە شىعىپ اۆتونوميالى رايوننىڭ ۇكىمەت قىزمەتىنەن بايانداماسىن ٴتۇسىندىردى

  انار بۇلت \ شينجياڭ گازەتىنىڭ ٴتىلشىسى فان چيۇڭيان 1 ـ ايدىڭ 20 ـ كۇنى ۇرىمجىدەن حابارلايدى. 1 ـ ايدىڭ 20 ـ كۇنى تۇستەن بۇرىن 2025 ـ جىلعى اۆتونوميالى رايوندىق ەكى ٴماجىلىس 3 ـ رەتكى اقپار جاريالاۋ ٴماجىلىسىن وتكىزدى، نەگىزگى تاقىرىبى: ”رەفورمانى ونان ارى جاپپاي تەرەڭدەتىپ، ەكونوميكانىڭ جوعارى ساپالى دامۋىن جۇزەگە اسىرۋ _ اۆتونوميالى رايوننىڭ ۇكىمەت قىزمەتىنەن بايانداماسىنا تۇسىنىك“، قاتىستى تاراۋلاردىڭ جاۋاپتىلارى مىنبەگە شىعىپ تۇسىنىك جاسادى.

  اۆتونوميالى رايوندىق حالىق ۇكىمەتىنىڭ اقپارات مالىمدەمەشىسى، اۆتونوميالى رايوندىق حالىق ۇكىمەتىنىڭ باس حاتشىسى، كەڭسە مەڭگەرۋشىسى جوۋ شۇييۇڭ بىلاي دەپ تانىستىردى: بيىلعى ۇكىمەت قىزمەتىنەن باياندامادا ٴتۇيىندى سالالاردىڭ جانە شەشۋشى بۋىنداردىڭ رەفورماسىن جەدەلدەتۋ جونىندە ٴتورت جاقتان مىندەتتەر ٴتۇيىندى ورنالاستىرىلدى، بۇلار مەملەكەت مەنشىگىندەگى مال ـ مۇلىك، مەملەكەت مەنشىگىندەگى كاسىپورىندار رەفورماسىن، حالىقتىق شارۋاشىلىقتى دامىتۋ ارەكەتىن اتقارۋدى، بۇكىل مەملەكەتتىڭ ٴبىر تۇتاس ۇلكەن بازارىنا بەلسەنە قىزمەت وتەۋ جانە ونىمەن توعىسۋدى، قازىنا، سالىق، قارجى قوسۋ، فينانس ٴتۇزىلىس رەفورماسىن تەرەڭدەتۋدى قامتيدى.

  ۇكىمەت قىزمەتىنەن باياندامادا وڭتۇستىك شينجياڭنىڭ جاڭا ارتۋ ۇيەگىن جەدەل جەتىلدىرىپ، قالا مەن اۋىلدىڭ توعىسا جانە وڭىرلەردىڭ سايكەستى دامۋىن جەبەۋ العا قويىلدى. وسى جونىندە اۆتونوميالى رايوندىق حالىق ۇكىمەتى زەرتتەۋ كەڭسەسى پارتيا باسشىلىق گرۋپپاسىنىڭ شۋجيى، مەڭگەرۋشى شۇي حۇڭيۇن بىلاي دەپ تانىستىردى: ىلگەرىلەتۋ شارالارى مىنالاردى قامتيدى: كاسىپ سالالارىن جەتىلدىرۋ جاعىندا كۇش سالىپ، وڭتۇستىك شينجياڭنىڭ بايلىق ارتىقشىلىعىن تياناق ەتىپ، ەرەكشە، باسىمدىققا يە كاسىپ سالالارىن جەتىلدىرۋ، زورايتۋ؛ جاڭاشا قالا ـ قالاشىقتاندىرۋ جاعىندا كۇش سالىپ، وڭتۇستىك شينجياڭ ەرەكشەلىگىنە يە، ادامدى نەگىز ەتكەن جاڭاشا قالا ـ قالاشىقتاندىرۋ جۇيەسىن قۇرۋ ارقىلى وڭتۇستىك شينجياڭداعى قالا مەن اۋىلدىڭ توعىسا دامۋىن، وڭتۇستىك، سولتۇستىك شينجياڭنىڭ سايكەستى دامۋىن جەبەۋ؛ حالىق تۇرمىسىن جاقسارتۋ جاعىندا كۇش سالىپ، كەلەلى حالىق تۇرمىسى ينجەنەرياسىن ۇزدىكسىز وڭتۇستىك شينجياڭعا بەيىمدەۋ.

  نەگىزدىك قۇرىلعى ”ون تورىن“ جەدەل قۇرۋ تۋرالى توقتالعاندا، اۆتونوميالى رايوندىق دامۋ جانە رەفورما كوميتەتى پارتيا باسشىلىق گرۋپپاسىنىڭ شۋجيى، ورىنباسار مەڭگەرۋشى ۋاڭ كۇيران مىنالاردى ٴبىلدىردى: نىساننىڭ الدىڭعى مەزگىلدەگى قىزمەتتەرىن ”تەزدەتۋ“ كەرەك. بيىل جانە دە ٴبىر توپ بەلگى سيپاتتى ينجەنەريالاردى مىقتى يگەرىپ، جوسپارلاپ، ”ون توردىڭ“ نىسان ٴتىزىمىن ۇزدىكسىز كەڭەيتۋ، كەمەلدەندىرۋ كەرەك. كەلەلى نىسانداردى سايكەستى ىلگەرىلەتۋ مەحانيزمىن ساۋلەلەندىرىپ، ەرتە ىستەۋگە بولاتىندارىن مۇمكىندىگىنشە ەرتە ىستەپ، قاتار ىلگەرىلەتۋگە بولاتىندارىن مۇمكىندىگىنشە قاتار ىلگەرىلەتىپ، نىسان قارجىسى، پايدالانىلاتىن جەر، پايدالانىلاتىن ورمان، پايدالانىلاتىن ەنەرگيا، قورشاعان ورتا سيىمدىلىعى سياقتى فاكتور قامتاماسىزدىعىن كۇشەيتۋ كەرەك.

  ” ’كولەمدى ورنىقتىرۋعا، قۇرىلىمدى ساپالىلاندىرۋعا، بىرلىك ٴونىم مولشەرىندە قامال الۋعا، ونىمدىلىكتى ارتتىرۋعا‘ تاباندى بولىپ، كەڭ كولەمدەگى بىرلىك ٴونىم مولشەرىن جوعارىلاتۋ ارەكەتىن ورىستەتىپ، استىق ٴونىم مولشەرىن تاعى دا ٴبىر ميلليارد جىڭ ارتتىرۋعا ۇمتىلامىز“. اۆتونوميالى رايوندىق اۋىل شارۋاشىلىعى، اۋىل ـ قىستاق مەڭگەرمەسى پارتيا باسشىلىق گرۋپپاسىنىڭ شۋجيى، ورىنباسار مەڭگەرمە باستىعى شيە يىڭجوۋ ٴتىلشىنىڭ بيىلعى اۆتونوميالى رايوننىڭ وسى زامانعى اۋىل شارۋاشىلىعىن دامىتۋ جاعىنداعى شارالار جونىندەگى سۇراۋىنا تولىق سەنىممەن جاۋاپ قايتاردى.

  شينجياڭنىڭ ىشكە، سىرتقا ەسىك اشۋدا قول جەتكىزگەن ناتيجەلەرىن تىلگە تيەك ەتكەندە، اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ شۋجيى، ورىنباسار مەڭگەرمە باستىعى لي شۋان بىلاي دەدى: 2024 ـ جىلى شينجياڭ تۇڭعىش كەزەكتى جۇڭگو _ وزبەكستان جەرگىلىكتى ورىندار سەلبەستىك تالقى مىنبەرىن، 3 ـ كەزەكتى جۇڭگو _ قازاقستان جەرگىلىكتى ورىندار سەلبەستىك تالقى مىنبەرىن مىندەتىنە الىپ وتكىزىپ، شينجياڭ مەن وزبەكستاننىڭ وبلىس ـ رايون سەلبەستىك قىزمەتى گرۋپپاسىن قۇرۋدى جەبەپ، جۇڭگو _ قازاقستان قورعاس حالىقارالىق شەكارالىق سەلبەستىك ورتالىعى جەرگىلىكتى ۇكىمەتتەر سايكەستىرۋ مەحانيزمىنىڭ 1 ـ ٴماجىلىسىن ٴساتتى وتكىزدى. قازىر شينجياڭ تۇتاس جەر شارىنداعى 211 مەملەكەتپەن جانە رايونمەن ساۋدا بارىس ـ كەلىسىن جاساسىپ وتىر.

  اۆتونوميالى رايوندىق مادەنيەت جانە ساياحات مەڭگەرمەسى پارتيا باسشىلىق گرۋپپاسىنىڭ شۋجيى، ورىنباسار مەڭگەرمە باستىعى شۇي رۇيجۇن شينجياڭنىڭ مادەنيەت، ساياحاتىنداعى كورنەكتى ناتيجەلەردى بىلاي دەپ تانىستىردى: 2024 ـ جىلى تۇتاس جىلدا 302 ميلليون ساياحاتشى(رەت) قابىلداپ، ساياحاتشىلار جالپى 359 ميلليارد 542 ميلليون يۋان جۇمسادى، بۇل سايكەس مەزگىلدەگىدەن %14 جانە %21 ارتتى. ٴوز كولىگىمەن ساياحاتتاۋ، قار ـ مۇز ساياحاتى، ەرەكشە ساياحات جاعىندا بۇكىل ەلدىڭ ”ٴبىرىنشى شارشى توبىنا“ كىردى، قازىر 101 قار شاڭعى الاڭى، 5 مەملەكەت دارەجەلى قار شاڭعى ساياحات دەمالىس ورنى بار، سانى جاعىنان مەملەكەت بويىنشا ٴبىرىنشى ورىندا تۇرادى. ”شينجياڭ جاقسى جەر“ بۇكىل مەملەكەتتەگى ولكە دارەجەلى مادەنيەت، ساياحات جاڭا مەديالاردىڭ تاراتۋ قۋاتى قاتارىندا ۇزدىكسىز الدىڭعى وندىقتىڭ ىشىنەن بوي كورسەتىپ، تۇتاس ينتەرنەتتە تاراتۋ مولشەرى 26 ميلليارد رەتكە تايادى.