导航切换

فينانس ۇتىمدى شارالارىمەن دالمە ـ ٴدال قولداپ، شاعىن، ۇساق كاسىپورىنداردى تولىستىردى

日期:2025年01月16日
来源:新疆日报
【字体:

”جىبەك جولى كاسىپورىن امانات قارىزى“ 1868 كاسىپورىنعا 2 ميلليارد 500 ميلليون يۋاننان استام قارىز اقشا بەردى

فينانس ۇتىمدى شارالارىمەن دالمە ـ ٴدال قولداپ، شاعىن، ۇساق كاسىپورىنداردى تولىستىردى

انار بۇلت \ شينجياڭ گازەتىنىڭ ٴتىلشىسى سو رۇڭجى

  ”بۇل قارىز اقشا ٴبىزدىڭ كوز الداعى قيىنشىلىعىمىزدى شەشىپ، سەرىكتەستىكتىڭ جۇمىستارىنىڭ بارعان سايىن جاقسارۋىنا مۇمكىندىك جاسادى“. تاياۋدا ٴۇرىمجى قالاسىنداعى بەلگىلى سەرىكتەستىكتىڭ باس ديرەكتورى ۋاڭ جىچياڭ وتكەن جىلى ٴبىر كۇن بۇرىن ٴوتىنىش ەتكەن قارىز اقشانىڭ ەرتەسى كۇنى ـ اق ەسەبىنە تۇسكەنىن اۋىزعا العاندا، ”جىبەك جولى كاسىپورىن امانات قارىزى“ ونىمدەرىن القادى.

  ۋاڭ جىچياڭ تۇرعان سەرىكتەستىك، نەگىزىنەن، ماشينا جابدىقتارى مەن بولشەكتەرىن ساتۋمەن شۇعىلدانادى. 2024 ـ جىلى 7 ـ ايدا سەرىكتەستىك 3 ميلليون يۋاندىق تاپسىرىس قابىلدادى. ”ٴبىز قاتتى قۋاندىق، الايدا العاشقى جۇمىس باستاۋ قارجىسىنان ۋايىمدادىق“. ۋاڭ جىچياڭ بىلاي دەدى: بانكەگە بارىپ قارىز اقشا الۋ كاسىبى جونىندە اقىل ـ كەڭەس سۇراعانىمدا بانكە قىزمەتكەرى ”جىبەك جولى كاسىپورىن امانات قارىزىنىڭ“ سەرىكتەستىك ٴدوپ كەلگەن قيىن ماسەلەلەردى شەشە الاتىندىعىن ايتتى. ”جىبەك جولى كاسىپورىن امانات قارىزى“ شاعىن، ۇساق كاسىپورىنداردىڭ سەنىمدىلىك جاعدايىن نەگىز ەتكەن، اۋىل شارۋاشىلىق بانكەسى شينجياڭ بولىمشە بانكەسى ٴىرى ساندى مالىمەتتەرگە تالداۋ جاساۋدى وزەك، عىلىم ـ تەحنولوگيادا جاڭالىق اشۋدى قوزعالتقىش، ٴداستۇرلى امانات قارىزدى تىرەك ەتكەن، شاعىن، ۇساق كاسىپورىندارعا ازىرلەگەن ينتەرنەتتىك قارجى قۇراۋ ٴونىمى.

  ”شاعىن، ۇساق كاسىپورىنداردىڭ كەپىلگە زات قويۋىنىڭ قاجەتى جوق، اۋىل شارۋاشىلىق بانكەسىنىڭ كاسىپورىن ينتەرنەت بانكەسى، قول تەلەفون بانكەسى جەلىسىندە ’جىبەك جولى كاسىپورىن امانات قارىزىن‘ ٴوتىنىش ەتۋىنە بولادى، ەڭ جوعارى بولعاندا 3 ميلليون يۋان قارىز اقشا الۋىنا بولادى“. تانىستىرۋدى تىڭداعاننان كەيىن، ۋاڭ جىچياڭ سىناپ كورمەكشى بولىپ دەرەۋ قارىز اقشا الۋدى ٴوتىنىش ەتىپ ەدى، ەرتەسى سەرىكتەستىكتىڭ ەسەپ نومىرىنە ٴبىر ميلليون 690 مىڭ يۋان قارىز اقشا تۇسەدى.

  بۇل رايونىمىزدىڭ شاعىن، ۇساق كاسىپورىندارعا امانات قارىز بەرۋدى كۇشەيتكەندىگىنىڭ جاندى مىسالى. شينجياڭدا شاعىن، ۇساق كاسىپورىندار شارۋاشىلىق تۇلعالار جالپى سانىنىڭ %21.83ىن ۇستايدى.

  پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ماجىلىسىندە مىنالار العا قويىلدى: ”حالىقتىق كاسىپورىنداردىڭ قارجى قۇراۋىن قولداۋ ساياسات ـ ٴتۇزىمىن كەمەلدەندىرۋ، قارجى قۇراۋى قيىن بولۋ، قارجى قۇراۋ قۇنى جوعارى بولۋ ماسەلەسىن شەشۋ” .“حالىقتىق كاسىپورىنداردىڭ سەنىمدىلىك جاعدايىن جالپىلىق باعالاۋ جۇيەسىن جەدەل ورناتۋ، حالىقتىق ورتا، شاعىن كاسىپورىنداردىڭ سەنىمدىلىگىن ارتتىرۋ ٴتۇزىمىن اقاۋسىزداندىرۋ“.

  ”ٴبىز شاعىن، ۇساق كاسىپورىنداردىڭ قارجى قۇراۋى قيىن بولۋ، قارجى قۇراۋ قۇنى جوعارى بولۋ، قارجى قۇراۋى باياۋ بولۋ ماسەلەسىن ٴبىر تۇتاس جوسپارلاپ شەشىپ، امانات قارىز قارجىسىن شاعىن، ۇساق كاسىپورىندارعا تەز ارادا تىكە جەتكىزۋگە جەتەكتەپ، فينانس ارقىلى كاسىپورىندارعا تيىمدىلىك جاساۋدىڭ، حالىققا پايدا جەتكىزۋدىڭ ’ەڭ سوڭعى ٴبىر كيلومەترىن‘ ىركىلىسسىزدەندىردىك“، ـ دەپ تانىستىردى اۆتونوميالى رايوندىق بازار باقىلاۋ ـ باسقارۋ مەكەمەسى سەنىمدىلىكتى باقىلاۋ ـ باسقارۋ باسقارماسىنىڭ ورىنباسار باستىعى حۇرشيدا سۇلتان. 2024 ـ جىلى اۆتونوميالى رايوندىق بازار باقىلاۋ ـ باسقارۋ مەكەمەسى اۋىل شارۋاشىلىق بانكەسى شينجياڭ بولىمشە بانكەسىمەن شارۋاشىلىق تۇلعالارىنىڭ جوعارى ساپالى دامۋىنا قىزمەت وتەۋ ستراتەگيالىق سەلبەستىك كەلىسىمىنە قول قويىسىپ، شارۋاشىلىق تۇلعالارىنىڭ سەنىمدىلىك حاۋىپ ـ قاتەرىن تۇرگە ايىرۋ ناتيجەسى ساندى مالىمەتىن اۋىل شارۋاشىلىق بانكەسى شينجياڭ بولىمشە بانكەسىمەن ورتاقتاسىپ، ينفورماتسيا ساندى مالىمەتىندەگى قامالدى تالقانداپ، بۇكىل شينجياڭداعى شاعىن، ۇساق كاسىپورىندارعا باعىتتالعان جالپىعا ٴتيىمدى قارجى قۇراۋ ٴونىمى _ ”جىبەك جولى كاسىپورىن امانات قارىزىن“ بىرگە ۇسىندى.

  اۋىل شارۋاشىلىق بانكەسى شينجياڭ بولىمشە بانكەسى شاعىن، ۇساق كاسىپورىنداردىڭ قارجى قۇراۋىن سايكەستىرۋ قىزمەت مەحانيزمىنىڭ ناقتى، ەگجەي ـ تەگجەيلى تياناقتانۋىن ىشكەرىلەي ىلگەرىلەتىپ، اناعۇرلىم كوپ شاعىن، ۇساق كاسىپورىنداردىڭ ”جىبەك جولى كاسىپورىن امانات قارىزىن“ تۇسىنۋىنە مۇمكىندىك جاسادى. ساندى مالىمەتتە كورسەتىلۋىنشە، ”جىبەك جولى كاسىپورىن امانات قارىزى“ ونىمدەرى جەلىدە جالپىلاستىرىلعاننان 2024 ـ جىلى 12 ـ ايدىڭ سوڭىنا دەيىن 1868 شاعىن، ۇساق كاسىپورىنعا 2 ميلليارد 573 ميلليون يۋان قارىز اقشا بەرىلگەن.

  حۇرشيدا سۇلتان مىنالاردى ٴبىلدىردى: رايونىمىز كۇندەلىكتى باقىلاۋ ـ باسقارۋىنداعى ورتا، شاعىن، ۇساق كاسىپورىنداردىڭ سەنىمدىلىك ساندى مالىمەتىن كاپيتالعا اينالدىرىپ، كەپىل زات از بولۋ، ٴوسىم مولشەرى جوعارى بولۋ، ٴتارتىبى كۇردەلى بولۋ سياقتى جاعدايلار تۋدىرعان قارجى قۇراۋداعى قيىن ماسەلەلەردى دالمە ـ ٴدال شەشىپ، فينانستىڭ ناقتى، ۇتىمدى شارالارىمەن شاعىن، ۇساق كاسىپورىنداردىڭ زورايۋىنا، كۇشەيۋىنە قولداۋ كورسەتەدى ٴارى شارۋاشىلىق تۇلعالارىن سەنىمدى شارۋاشىلىق جۇرگىزۋگە، زاڭعا بويسۇنىپ شارۋاشىلىق جۇرگىزۋگە جەبەيدى.