导航切换

جىبەك جولى ەكونوميكالىق بەلدەۋى زاڭ ىستەرى اۋماعى جوعارى ساپالى دامۋعا قادام تاستادى

日期:2025年01月16日
来源:新疆日报
【字体:

جىبەك جولى ەكونوميكالىق بەلدەۋى زاڭ ىستەرى اۋماعى جوعارى ساپالى دامۋعا قادام تاستادى

انار بۇلت \ شينجياڭ گازەتىنىڭ ٴتىلشىسى سۇي يۇنيان

  كەزەكتە جىبەك جولى ەكونوميكالىق بەلدەۋى زاڭ ىستەرى اۋماعى كاسىپتىك جۇمىس ٴبولىسى ايقىن، كاسىپ كۇيلەرى عىلمي قۇرالعان ۇكىمەت ىستەرى مەن زاڭ ىستەرى بويىنشا ”ٴبىر بەكەتتىك ۇلگى“ شوعىرلى قىزمەت وتەۋ تۇلعاسىن تۇلعالاۋدا. بىلتىر 11 ـ ايدا جىبەك جولى ەكونوميكالىق بەلدەۋى زاڭ ىستەرى اۋماعى شينجياڭ ەركىن ساۋدا سىناق رايونى ٴۇرىمجى اۋماعىندا ماڭدايشالىق اشتى، بۇل شينجياڭنىڭ ”ٴبىر بەلدەۋ، ٴبىر جول“ ەكونوميكا ـ ساۋدا سەلبەستىگى زاڭدىق قىزمەت وتەۋ جۇيەسى قۇرىلىسىن ىلگەرىلەتۋ جاعىندا نىق قادام تاستاعاندىعىن كورسەتەدى.

  اۆتونوميالى رايوندىق ساياسي كەڭەس 13 ـ كەزەكتى كوميتەتىنىڭ 2 ـ ماجىلىسىندە 3 ـ قىركۇيەك عىلمي قوعامى شينجياڭ رايوندىق كوميتەتى جۇڭگو (شينجياڭ) ەركىن ساۋدا سىناق رايونى جىبەك جولى ەكونوميكالىق بەلدەۋى زاڭ ىستەرى اۋماعىنىڭ جوعارى ساپالى دامۋىن جەبەۋ جونىندەگى ۇسىنىس جوبانى تاپسىردى، اۆتونوميالى رايوندىق ٴادىليا مەڭگەرمەسى ٴبىتىرۋشى ورىن رەتىندە «جاۋاپ قايتارۋ سالىستىرماسى، بايلانىس سالىستىرماسى، رازىلىق سالىستىرماسى %100 بولۋدى“ نىسانا ەتە وتىرىپ، ۇسىنىس جوبانى ٴبىتىرۋ قىزمەتىن ىلگەرىلەتتى.

  ”ٴبىتىرۋ قىزمەت جوباسىن جاساپ، قىزمەت نىساناسىن ايقىنداپ، قىزمەت بارىسىن اشالاپ، ۇسىنىس جوبانى ٴبىتىرۋدى ٴوز ورنىنىڭ قىزمەتىمەن ۇشتاستىرىپ، ٴبىر تۇلعالى ىلگەرىلەتىپ، جاپپاي تياناقتاندىردىق“، ـ دەدى اۆتونوميالى رايوندىق ٴادىليا مەڭگەرمەسى زاڭمەن باسقارۋ تەكسەرۋ ـ زەرتتەۋ باسقارماسىنىڭ باستىعى ما جينگو.

  وسى ۇسىنىس جوبادا بىلاي دەپ قارالدى: بازار شارۋاشىلىعى زاڭمەن باسقارىلاتىن شارۋاشىلىق، زاڭمەن باسقارۋ ەڭ تاماشا شارۋاشىلىق ـ ساۋدا ورتاسى، زاڭ ىستەرى اۋماعى وسى زامانعى زاڭ ىستەرى شوعىرلانعان اۋماق رەتىندە، وڭىردەگى ساۋدا قۇرىلىمدارىنىڭ، ساۋدا قيمىلدارىنىڭ اناعۇرلىم تەز، اناعۇرلىم ويداعىداي دامۋىن پارمەندى ىلگەرىلەتەدى. ىرىقتىلىقپەن ىسكەرلىك كورسەتىپ، جوعارى دەڭگەيدە جوبالاۋدى ويداعىداي ىستەۋ، زاڭ ىستەرى اۋماعى قۇرىلىسىن ساتىلار بويىنشا جوسپارلاپ ىلگەرىلەتۋ، ساياساتتىق قامتاماسىزدىق ارقىلى زاڭدىق قىزمەت وتەۋدىڭ شوعىرلى بولۋىن، دارەجەسىنىڭ جوعارىلاۋىن جەدەلدەتۋدى ۇسىنىس ەتەمىز.

  اۆتونوميالى رايوندىق ٴادىليا مەڭگەرمەسى شينجياڭ ەركىن ساۋدا سىناق رايونى زاڭمەن باسقارۋ قۇرىلىسى ارناۋلى قىزمەت گرۋپپاسىنىڭ جەتەكشى ورنى رەتىندە، نازاردى زاڭمەن باسقارۋ قۇرىلىسىنداعى ولقىلىقتارعا جانە ماسەلەلەرگە شوعىرلاندىرىپ، زاڭمەن باسقارۋ قامتاماسىزدىق جۇيەسىن ۇزدىكسىز كەمەلدەندىرىپ، زاڭمەن باسقارۋ قۇرىلىسى سالاسىنداعى رەفورما مىندەتتەرىن جالپى تۇلعالىق جوبالاۋدى جانە ۇيىمداستىرىپ تياناقتاندىرۋدى باستاماشىلدىقپەن ويداعىداي ىستەپ، جىبەك جولى ەكونوميكالىق بەلدەۋى زاڭ ىستەرى اۋماعى قۇرىلىسىن اتقارۋ جوباسى مەن ەركىن ساۋدا سىناق رايونى زاڭمەن باسقارۋ قۇرىلىسى قىزمەتىنىڭ 2024 ـ جىلعى قىزمەت تۇيىندەرىن باسىپ تاراتتى.

  اۆتونوميالى رايوندىق ٴادىليا مەڭگەرمەسى ەركىن ساۋدا سىناق رايونى ەرەجەسىن شىعارۋ اياق الىسىن جەدەل ىلگەرىلەتىپ، جوعارى ساپالى دامۋعا ٴتيىمسىز 18 زاڭ ەرەجەنى، قاعيدانى كۇشىنەن قالدىرۋ جونىندە ۇسىنىس بەرىپ، رەفورما سىناق تۇيىندەرىنىڭ قاجەتىنە ساي ەركىن ساۋدا سىناق رايونىنىڭ 1 ـ توپتاعى 26 تۇردەگى ۇقىق بەرۋ ٴىسىن، 2 ـ توپتاعى 29 تۇردەگى ۇقىق بەرۋ ٴىسىن زاڭ بويىنشا تومەنگە بەرۋدى دەر كەزىندە سايكەستىرىپ، ٴۇرىمجى قالاسىنىڭ جىبەك جولى ەكونوميكالىق بەلدەۋى زاڭ ىستەرى اۋماعى قۇرىلىسىن جۇيەلى جوبالاپ، جالپى تۇلعالىق ىلگەرىلەتۋىنە جەتەكشىلىك ەتتى.

  جىبەك جولى ەكونوميكالىق بەلدەۋى زاڭ ىستەرى اۋماعى ماڭدايشالىعىنىڭ اشىلۋىنا بايلانىستى جىبەك جولى ەكونوميكالىق بەلدەۋى زاڭ ىستەرى اۋماعىنىڭ تۇڭعىش كەزەكتى جۇڭگو كاسىپورىندارىنىڭ ”سىرتقا شىعۋ“ ورايى جانە حاۋىپ ـ قاتەرلەرگە توتەپ بەرۋ اۋىس ـ كۇيىس ٴماجىلىسى بىلتىر 11 ـ ايدىڭ 22 ـ كۇنى ۇرىمجىدە وتكىزىلدى. بيىل 1 ـ ايدىڭ 12 ـ كۇنى شىنجىن _ شياڭگاڭ _ شينجياڭ _ حالىقاراداعى ماڭداي الدى ادۆوكاتتىق ٴىسورنىن تۇلعالاپ، حالىقارادا ماڭداي الدى زاڭ دارىندىلارى قوسىنىن جەتىلدىرىپ، شينجياڭنىڭ ”ون ٴىرى كاسىپ سالاسى شوعىرى“ قۇرىلىسىنا قىزمەت وتەۋ اۋىس ـ كۇيىس ٴماجىلىسى ۇرىمجىدە وتكىزىلىپ، ”جىبەك جولى ەكونوميكالىق بەلدەۋى زاڭ ىستەرى اۋماعى شياڭگاڭدىق، اۋمىندىق ادۆوكاتتار قىزمەت وتەۋ ورتالىعى“ جىبەك جولى ەكونوميكالىق بەلدەۋى زاڭ ىستەرى اۋماعىنا ىرگە تەپتى.

  ”شاقىرىپ اكەلۋ“، ”سىرتقا شىعارۋ“ سەرپىنىن ارتتىرۋ ٴۇشىن، اۆتونوميالى رايوندىق ٴادىليا مەڭگەرمەسى جەكە ـ جەكە جۇڭگو _ شاڭحاي سەلبەستىك ۇيىمى حالىقارالىق ٴادىليا اۋىس ـ كۇيىس، سەلبەستىك، باۋلۋ بازاسىمەن جانە چيڭداۋ داشۋەسىمەن شەتەلگە ساياتىن زاڭ دارىندىلارىن باۋلۋ ورتالىعىن بىرگە قۇرىپ، شينجياڭ ادۆوكاتتار قوعامىنىڭ شياڭگاڭ ادۆوكاتتار قوعامىمەن اۋىس ـ كۇيىس كەلىسىمىن جاساسۋىنا جەتەكشىلىك ەتىپ، ەل ىشىندەگى 40 ايگىلى مامان ـ وقىمىستىنى شەتەلگە ساياتىن زاڭدىق قىزمەت وتەۋ ماماندار قويماسىنا كىرۋگە تاڭداپ ۇسىنىس ەتىپ، 3 رەت شەتەلگە ساياتىن زاڭمەن باسقارۋ دارىندىلارىن باۋلۋ كۋرسىن ۇيىمداستىرىپ ورىستەتتى.

  ۇسىنىس جوبانى ٴبىر جاقتى ەتۋ بارىسىندا اۆتونوميالى رايوندىق ٴادىليا مەڭگەرمەسى الدىڭعى مەرزىمدە مۇشەلەرمەن ىرىقتىلىقپەن بايلانىس جاساپ، ۇسىنىس جوبانىڭ قانداي جاعدايدا العا قويىلعاندىعىن، شەشۋدى اسىعا كۇتكەن ماسەلەلەردى جانە جاڭادان قوسىلعان ۇسىنىس ـ پىكىرلەردى ەگجەي ـ تەگجەيلى ۇعىستى؛ جاۋاپ قايتارۋ بارىسىندا مۇشەلەرمەن تىعىز بايلانىس جاساپ، مۇشەلەردىڭ تۇسىنۋىنە جانە قولداۋىنا قول جەتكىزدى؛ جاۋاپ قايتارۋ پىكىرى قالىپتاسقاننان كەيىن اتقارىلۋىن باقىلايتىن باسشىلاردان جانە مۇشەلەردەن ۇسىنىس ـ پىكىر الىپ، ىشكەرىلەي وزگەرىس ەنگىزىپ كەمەلدەندىردى ٴارى بەتپە ـ بەت جاۋاپ قايتاردى.

  3 ـ قىركۇيەك ٴىلمي قوعامى شينجياڭ رايوندىق كوميتەتى اۆتونوميالى رايوندىق ٴادىليا مەڭگەرمەسىنىڭ ۇسىنىس جوبانى ٴبىر جاقتى ەتۋگە ٴمان بەرۋ دەڭگەيىنە جانە ٴبىر جاقتى ەتۋ ناتيجەسىنە ريزالىقتارىن ٴبىلدىردى.

  ”ۇسىنىس جوبانى ٴبىر جاقتى ەتۋ جاعدايى جونىندە جاۋاپ قايتارىلعان بولسا دا، بۇل قىزمەت ٴالى دە ورىستەتىلۋدە، ٴبىز ٴادىليا مينيسترلىگىنەن نۇسقاۋ سۇراۋدى، ونىمەن ٴتۇيىلىسۋدى ۇزدىكسىز كۇشەيتىپ، اناعۇرلىم كوپ ساياساتتىق قولداۋدى ٴوتىنىش ەتىپ، جىبەك جولى ەكونوميكالىق بەلدەۋى زاڭ ىستەرى اۋماعىنىڭ 2 ـ قادامداعى قۇرىلىسىن جەدەل ىلگەرىلەتەمىز“، ـ دەدى ما جينگو.