انار بۇلت \ شينجياڭ گازەتىنىڭ ٴتىلشىسى ميھىرگۇل عوپۇر 10 ـ ايدىڭ 28 ـ كۇنى ۇرىمجىدەن حابارلايدى. 10 ـ ايدىڭ 28 ـ كۇنى اۆتونوميالى رايوننىڭ جوعارى ساپالى ورگان پارتيا قۇرىلىسى ارقىلى جوعارى ساپالى دامۋدى جەبەۋ بويىنشا كوزدەن كەشىرۋ، اۋىس ـ كۇيىس جاساۋ ٴماجىلىسى شينجياڭ جۇندۇڭ ەكونوميكالىق، تەحنيكالىق اشۋ رايونىندا اشىلدى. ٴماجىلىس پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن جانە باس شۋجي شي جينپيڭنىڭ ورتالىق پەن مەملەكەت ورگاندارىنىڭ پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇيرەنۋى، دايەكتىلەندىرۋى، ورگان پارتيا قۇرىلىسىنىڭ جوعارى ساپالى دامۋىن ىلگەرىلەتۋى جونىندە بەرگەن ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا كەزەڭدەگى اۆتونوميالى رايونعا توتە قاراستى ورگانداردىڭ ”پارتيا قۇرىلىسى +“ قىزمەتىن كۇش سالا ويداعىداي ىستەۋ جونىندە اقىلداسىپ ورنالاستىرۋ جاسادى. اۆتونوميالى رايوندىق پارتكومنىڭ تۇراقتى مۇشەسى، باس حاتشى، توتە قاراستى ورگاندار قىزمەت كوميتەتىنىڭ شۋجيى قادەن كابەن ماجىلىسكە قاتىناستى ٴارى ٴسوز سويلەدى.
ٴماجىلىس مىنالاردى اتاپ كورسەتتى: باس شۋجي شي جينپيڭنىڭ ماڭىزدى نۇسقاۋىنىڭ رۋحى جاڭا داۋىردەگى اۆتونوميالى رايونعا توتە قاراستى ورگاندار پارتيا قۇرىلىسى قىزمەتىن ويداعىداي ىستەۋگە ايقىن بەتالىس كورسەتتى، بويسۇنۋ ولشەمىن ازىرلەدى. ورىندار، تاراۋلار اۆتونوميالى رايوننىڭ رەفورمانى جاپپاي تەرەڭدەتىپ، ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋ جونىندەگى ستراتەگيالىق ورنالاستىرۋىن تىعىز ارقاۋ ەتىپ، كاسىپتىڭ ٴىس جۇزىندىك جاعدايىمەن جانە قىزمەت تۇيىندەرىمەن ۇشتاستىرىپ، ورگان پارتيا قۇرىلىسى ارقىلى جوعارى ساپالى دامۋدى جەبەۋدىڭ بەتالىسىن، جولىن ٴدال تاۋىپ، قىزمەتتەگى بەلسەندىلىك پەن جاسامپازدىقتى ٴۇرتىس قاۋلاتىپ، العا ىلگەرىلەيتىن كادر بولۋعا ۇمتىلىپ، اۆتونوميالى رايونعا توتە قاراستى ورگانداردىڭ پارتيا قۇرىلىسى ساپاسى مەن كاسىپتىك قابىلەتىنىڭ بىردەي جوعارىلاۋىن قۇلشىنا ىلگەرىلەتىپ، اۆتونوميالى رايوننىڭ رەفورمانى يگەرۋى، دامۋدى جەبەۋى، ورنىقتىلىقتى ساقتاۋى بارىسىندا جاقسى ”باستاماشى“ بولۋى كەرەك.
ٴماجىلىس كەزىندە جۇندۇڭ ەكونوميكالىق، تەحنيكالىق اشۋ رايونىنىڭ ەنەرگيا سارايى، شينجياڭ يحۋا حيميا ونەركاسىبى شەكتى سەرىكتەستىگى، شانشي ەنەرگيا توبى شينجياڭ ەنەرگيا اشۋ شەكتى سەرىكتەستىگى، شينجياڭ تيانچى ەنەرگيا شەكتى جاۋاپكەرشىلىك سەرىكتەستىگىنىڭ وڭتۇستىك اشىق كومىر كەنى سياقتى اۆتونوميالى رايوننىڭ ٴتۇيىندى كاسىپورىندارىن كوزدەن كەشىرۋگە، اۆتونوميالى رايوننىڭ ”ورگان پارتيا قۇرىلىسى + جوعارى ساپالى دامۋدى“ تەرەڭدەتۋ، كەڭەيتۋ جونىندەگى نەگىزگى تاقىرىپتىق كورمەسىن ەكسكۋرسيالاۋ قيمىلى ۇيىمداستىرىلدى.
اۆتونوميالى رايونعا توتە قاراستى ورگاندارداعى ٴارقايسى ورىن ورگان پارتكومىنىڭ جاۋاپتىلارى جانە ايماقتارعا (وبلىس، قالا) توتە قاراستى ورگاندار قىزمەت كوميتەتىنىڭ شۋجيلەرى ماجىلىسكە قاتىناستى.
