انار بۇلت \ شينجياڭ گازەتىنىڭ ٴتىلشىسى ران حۋ 10 ـ ايدىڭ 27 ـ كۇنى ۇرىمجىدەن حابارلايدى. 10 ـ ايدىڭ 24 ـ كۇنى مەملەكەتتىك شەتەل اقشاسىن باسقارۋ مەكەمەسى شينجياڭ بولىمشە مەكەمەسى «جۇڭگو (شينجياڭ) ەركىن ساۋدا سىناق رايونى شەتەل اقشاسىن باسقارۋ رەفورماسىن تۇيىندە سىناق ەتۋدى اتقارۋدىڭ ناقتى ەرەجەسىن» (تومەندە قىسقارتىلىپ «ناقتى ەرەجە» دەلىنەدى) باسىپ تاراتتى. سول كۇنى جۇڭگو بانكەسى ٴۇرىمجى قالاسى جوعارى قارقىندى تەمىر جول جاڭا رايونى اققۋ كولى جولى ەركىن ساۋدا تارماق بانكەسى شينجياڭنىڭ شەتەل اقشاسىن باسقارۋ جاڭا ساياساتى جاريالانعاننان كەيىنگى تۇڭعىش كاسىبىن ىستەدى.
شەتەل اقشاسى NRA ەسەبىنىڭ تولىق اتى شەكارا سىرتىنداعى قۇرىلىمداردىڭ شەكارا ىشىندەگى شەتەل اقشاسى ەسەبى، ول شەكارا سىرتىنداعى (شياڭگاڭ، اۋمىن، تايۋان رايوندارىن قامتيدى) زاڭدى تىركەلگەن قۇرىلىمداردىڭ بەلگىلەمە بويىنشا شەكارا ىشىندەگى بانكەلەردە اشقان شەتەل اقشاسى ەسەبىن كورسەتەدى (شەكارا سىرتىنداعى قۇرىلىمداردىڭ شەكارا ىشىندەگى جاعاجايدان تىس ەسەبىن قامتىمايدى). «ناقتى ەرەجەدە» بىلاي دەپ بەلگىلەنگەن: تىركەلگەن ٴارى تيجارات ورىندارى جۇڭگو (شينجياڭ) ەركىن ساۋدا سىناق رايونى ىشىندەگى بانكەلەردىڭ شەتەل اقشاسى NRA ەسەبىندە قاراپايىمداستىرىپ اۋىستىرىپ ەسەپ جابۋ كاسىبىن بىتىرۋىنە رۇقسات ەتىلەدى.
«ناقتى ەرەجە» جاريالانعان كۇنى جۇڭگو بانكەسى ٴۇرىمجى قالاسى جوعارى قارقىندى تەمىر جول جاڭا رايونى اققۋ كولى جولى ەركىن ساۋدا تارماق بانكەسى امەريكانىڭ زايوم بازارىندا بازارعا شىققان شەكارا سىرتىنداعى كاسىپورىن ”شياڭسۇڭ گوجي“ شەتەل اقشاسى NRA ەسەبىندە قاراپايىمداستىرىپ اۋىستىرىپ ەسەپ جاۋىپ، شەكارا ىشىندە تولەۋ كاسىبىن ٴبىتىرىپ، ونىڭ شەتەل اقشاسى NRA ەسەبىنەن 285 مىڭ دوللاردى حالىق اقشاسىنا ايىرباستاعاننان كەيىن، شەكارا ىشىندە شينجياڭ بولكا، بالكۇلشە تىزبەكتى ماركالى ساۋداگەرىنە، شەتەل ساۋداگەرلەرى قارجى قوسقان كاسىپورىن شينجياڭ حىمۋجيا ساۋدا شەكتى جاۋاپكەرشىلىك سەرىكتەستىگىنە تولەپ، وسى كاسىپورىننىڭ شارۋاشىلىعىن دامىتۋىنا پايدالاندى. وسى كاسىپتىڭ ٴساتتى تياناقتانۋى جۇڭگو (شينجياڭ) ەركىن ساۋدا سىناق رايونىنىڭ فينانس رەفورماسىندا جاڭالىق اشۋدى ىشكەرىلەي ىلگەرىلەتۋ جاعىندا تاعى دا ماندىك قادام تاستاعاندىعىن ايگىلەدى.
جۇڭگو بانكەسى شينجياڭ بولىمشە بانكەسى ايىرباس بانكەسى ٴبولىمىنىڭ باس ديرەكتورى لي جيڭ تانىستىرىپ بىلاي دەدى: جۇڭگو (شينجياڭ) ەركىن ساۋدا سىناق رايونى فينانستا جاڭالىق اشۋ ساياساتىنىڭ قولداۋىندا، شەتەل اقشاسى NRA ەسەبىندە قاراپايىمداستىرىپ اۋىستىرىپ ەسەپ جابۋ كاسىبى شەكارا سىرتىنداعى قۇرىلىمداردىڭ تەك شەتەل اقشاسىمەن عانا شەكارا ىشىندەگى كاسىپورىندارعا تولەيتىن شەكتەمەسىن بۇزىپ، شەتەل اقشاسى NRA ەسەپ ـ قيسابىن تىكەلەي حالىق اقشاسىنا اينالدىرۋدى ٴارى شەكارا ىشىندە تولەۋدى جۇزەگە اسىرىپ، شەكارا سىرتىنداعى قۇرىلىمداردىڭ قارجىنى پايدالانۋ قولايلىلىعىن كۇشەيتتى، بۇل جۇڭگو (شينجياڭ) ەركىن ساۋدا سىناق رايونىنىڭ شەكارا سىرتىنداعى قۇرىلىمداردى توپتالۋعا باۋراۋىندا، دامۋدى ىلگەرىلەتۋىندە ماڭىزدى مانگە يە.
”ٴبىز جاڭا دۇكەنگە دايىندالىپ جاتىرمىز، شۇعىل قارجى قاجەت، جۇڭگو بانكەسىنىڭ قاراپايىمداستىرىپ اۋىستىرىپ ەسەپ جابۋ قىزمەتى كاسىپورىندارىمىزدىڭ قارجى اينالىمىنا اسا زور قولايلىلىق اكەلدى“. شينجياڭ حىمۋجيا ساۋدا شەكتى جاۋاپكەرشىلىك سەرىكتەستىگىنىڭ باس جوراسى لي گاڭ بىلاي دەدى: كاسىپتىك ٴوتىنىش بەرۋدەن، قارجى جولداۋدان شەتەل اقشاسىن ەسەپكە كىرگىزۋگە دەيىن، جالپى بارىسى نەبارى جارتى كۇن عانا بولىپ، كاسىپورىنداردىڭ اقشا الۋدىڭ كۇشكە يە ۋاقىتى جونىندەگى تالابىن تولىق قاناعاتتاندىردى.
”بۇل رەتكى كاسىپتىڭ ٴساتتى ٴبىتىرىلۋى مەملەكەتتىك شەتەل اقشاسىن باسقارۋ مەكەمەسى شينجياڭ بولىمشە مەكەمەسىنىڭ شەتەل اقشاسىن باسقارۋ رەفورماسىن تۇيىندە سىناق ەتۋ ساياساتىنىڭ قولداۋ، جەتەكشىلىك ەتۋىنىڭ جانە جۇڭگو بانكەسىنىڭ ەركىن ساۋدا سىناق رايونى قۇرىلىسىنا فينانستىق قىزمەت وتەۋ جاعىنداعى بەلسەندى ىزدەنىسى مەن امالياتىنىڭ ارقاسى“، ـ دەدى لي جيڭ.
شەتەل اقشاسى فينانسى ”ۇقىقتى تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتۋدەگى باستاماشىلاردىڭ ٴبىرى رەتىندە، جۇڭگو بانكەسىنىڭ شينجياڭ بولىمشە بانكەسى فينانستىق قىزمەت وتەۋ ۇلگىسىن ۇزدىكسىز ساپالىلاندىرىپ، فينانس ونىمدەرىندە جاڭالىق اشىپ، جۇڭگو (شينجياڭ) ەركىن ساۋدا سىناق رايونى بازار تۇلعالارىنىڭ شەكارا اتتاعان ساۋدا جانە قارجى قوسۋ، قارجى قۇراۋ قيمىلىنىڭ قولايلىلىعىن جوعارىلاتىپ، شارۋاشىلىق ـ ساۋدا ورتاسى تاماشا، قارجى قوسۋ، ساۋدا قولايلى بولعان جوعارى ولشەمدى ەركىن ساۋدا سىناق رايونىن قۇرۋعا دەم بەردى. لي جيڭ مىنانى ٴبىلدىردى: بولاشاقتا بۇل بانكە نازاردى شينجياڭنىڭ وزگەشە وڭىرلىك ورىن باسىمدىعىنا شوعىرلاندىرىپ، شەتەلگە ساياتىن تۇلعالارعا ٴۇرتىس قولايلى، جوعارى ٴونىمدى شەكارا اتتاعان فينانستىق قىزمەت وتەيدى.
