ينجەنەريانىڭ ۋاعىندا، جوعارى ساپالى سالىنىپ ٴبىتىپ، ىسكە قوسىلۋىنا بەلسەنە دەم بەردى

اۆتونوميالى رايوندىق ساياسي كەڭەس مۇشەلەردى ٴۇرىمجى اۋەجايىن جاڭالاۋ ـ كەڭەيتىپ سالۋ ينجەنەرياسىن ارناۋلى كوزدەن كەشىرۋگە ۇيىمداستىردى

　　ينجەنەريانىڭ ۋاعىندا، جوعارى ساپالى سالىنىپ ٴبىتىپ، ىسكە قوسىلۋىنا بەلسەنە دەم بەردى

　　انار بۇلت \ شينجياڭ گازەتىنىڭ ٴتىلشىسى جاڭ يانفاڭ 9 ـ ايدىڭ 25 ـ كۇنى ۇرىمجىدەن حابارلايدى. 9 ـ ايدىڭ 25 ـ كۇنى اۆتونوميالى رايوندىق ساياسي كەڭەستىڭ ٴتوراعاسى نۇرلان ٴابىلماجىن مەملەكەتتىك ساياسي كەڭەستىڭ شينجياڭداعى ٴىشىنارا مۇشەلەرىنەن، اۆتونوميالى رايوندىق ساياسي كەڭەستىڭ ٴىشىنارا مۇشەلەرىنەن، ٴۇرىمجى قالالىق ساياسي كەڭەستىڭ ٴىشىنارا مۇشەلەرىنەن، ت . ب قۇرالعان كوزدەن كەشىرۋ ۇيىرمەسىن باستاپ، ىلگەرىندى ـ كەيىندى ٴۇرىمجى اۋەجايىن جاڭالاۋ ـ كەڭەيتىپ سالۋ ينجەنەرياسى قۇرىلىس ورنىن جانە شينجياڭ اۋەجاي (توبى) شەكتى جاۋاپكەرشىلىك سەرىكتەستىگىن ارالاپ، T4 تەرمينال قۇرىلىسىن جانە شينجياڭ اۋەجاي توبىنىڭ جۇمىس جۇرگىزۋ جاعدايىن ارقاۋ ەتە وتىرىپ ارناۋلى كوزدەن كەشىرۋ جۇرگىزدى.

　　ٴۇرىمجى اۋەجايىن جاڭالاۋ ـ كەڭەيتىپ سالۋ ينجەنەرياسى 2019 ـ جىلى 10 ـ ايدا قۇرىلىس باستاعان، مەملەكەتتىڭ ”13 ـ بەسجىلدىق“، ” 14 ـ بەسجىلدىق“ جوباسىنداعى ٴتۇيىندى قۇرىلىس نىسانى، جىبەك جولى ەكونوميكالىق بەلدەۋىندەگى وزەكتى رايون ”ٴبىر پورت، 5 ورتالىق“ قۇرىلىسىنداعى ٴتۇيىندى ينجەنەريا. ينجەنەريادا ەكىنشى، ٴۇشىنشى 2 سىرعىما جول جاساۋ، 500 مىڭ شارشى مەتر كەلەتىن T4 تەرمينالىن جانە جالپىلىق قاتىناس ورتالىعىن، ۇشاق ورنى ايالداماسىن جانە سايكەستى ٴوندىرىس، تۇرمىس قۇرىلعىلارىن جاڭادان سالۋ جوبالانعان. قازىر ينجەنەريا قۇرىلىسى قاۋىرت جۇرىلۋدە، كەلەر جىلى ىسكە قوسىلىپ جۇمىس جۇرگىزىلەدى دەپ مەجەلەنۋدە.

　　كوزدەن كەشىرۋ ۇيىرمەسىندەگىلەر T4 تەرمينالىنا كىرىپ، اتتانۋ زالى، ۇشاق اۋىستىرۋ ورتالىعى سياقتى اۋماقتاردا جۇمىس باسىندا تەكسەرۋ جۇرگىزىپ، قاتىستى نىسانداردىڭ جاۋاپتىلارىمەن ىشكەرىلەي پىكىرلەستى، نىسان قۇرىلىسى جانە ونىڭ ىلگەرىلەۋ جاعدايىن ەگجەي ـ تەگجەيلى ۇعىستى؛ شينجياڭ اۋەجاي توبىنا بارىپ، بۇكىل شينجياڭنىڭ جەر ـ جەرىندەگى حالىقتىق اۆياتسيانىڭ جۇمىس جۇرگىزۋى جانە كاسىپورىنداردىڭ دامۋ جاعدايىن ۇعىستى. ناقتى ورىندا كوزدەن كەشىرۋ ارقىلى كوپشىلىك ٴۇرىمجى اۋەجايىن جاڭالاۋ ـ كەڭەيتىپ سالۋ ينجەنەرياسىندا قول جەتكەن كورنەكتى ونىمدىلىكتەردى جانە شينجياڭنىڭ حالىقتىق اۆياتسيا ىستەرىنىڭ قارىشتاپ دامىعان تەبىندى جاعدايىن شىنايى سەزىندى.

　　نۇرلان ٴابىلماجىن بىلاي دەپ اتاپ كورسەتتى: بۇل جولعى كوزدەن كەشىرۋ پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ىشكەرىلەي دايەكتىلەندىرۋدى، تياناقتاندىرۋدى، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ٴسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن دايەكتىلەندىرۋدى، تياناقتاندىرۋدى، اۆتونوميالى رايوندىق 10 ـ كەزەكتى پارتكوم ون ەكىنشى جالپى ٴماجىلىسىنىڭ رۋحىن دايەكتىلەندىرۋدى، تياناقتاندىرۋدى، نازاردى شينجياڭنىڭ ازيا _ ەۆروپا التىن ارناسى مەن باتىسقا ەسىك اشۋداعى الدىڭعى شەپ ورنىنا شوعىرلاندىرۋدى، ٴۇرىمجى اۋەجايىن جاڭالاۋ ـ كەڭەيتىپ سالۋ ينجەنەريا قۇرىلىسىن جانە كاسىپورىننىڭ دامۋ بارىسىندا ٴدوپ كەلگەن قيىنشىلىقتارىن، شۇعىل شەشۋگە قاجەتتى ماسەلەلەردى ۇعىسۋدى، ساياسي كەڭەس مۇشەلەرىنىڭ باسىمدىعىن بەلسەنە ساۋلەلەندىرىپ، ۇسىنىس جوبالاردى تاپسىرۋ، كەڭەسۋ، اقىل ـ كەڭەس بەرۋ سياقتى مىندەت وتەۋ ٴتاسىلى ارقىلى ماسەلەنىڭ شەشىلۋىنە بەلسەنە دەم بەرۋدى ماقسات ەتكەن. ول بىلاي دەپ باسا دارىپتەدى: ساياسي دەڭگەيدى شىن مانىندە جوعارىلاتىپ، ٴۇرىمجى اۋەجايىن جاڭالاۋ ـ كەڭەيتىپ سالۋ ينجەنەرياسىن ۋاعىندا، جوعارى ساپالى تامامداۋدىڭ كەلەلى ٴمانىن جەتە تانىپ، ماسەلەنى باعدار ەتۋگە تاباندى بولىپ، ينجەنەريانى سالۋعا ات سالىسقان ورىنداردىڭ نەگىزگى تۇلعالىق جاۋاپكەرشىلىگىن قاتايتىپ، ناقتىلاندىرىپ، ٴتيىمدى قۇرىلىس جۇرگىزۋ مەرزىمىن يگەرىپ، قۇرىلىس ساپاسى مەن ونىمدىلىگىن قۇلشىنا جوعارىلاتۋ كەرەك. كاسىپ سالاسىنىڭ دامۋىن ٴبىر تۇتاس جوسپارلاپ ىلگەرىلەتىپ، اۆياتسيا تورابى قۇرىلىسىنىڭ اۋەجاي ماڭى ەكونوميكا كاسىپ سالاسىنىڭ ورنالاسۋىمەن ٴونىمدى ٴتۇيىلىسۋىن جەبەپ، ٴۇرىمجىنىڭ جانە بۇكىل شينجياڭنىڭ دامۋىنا دەم بەرەتىن قۋاتتى قوزعالتقىش قالىپتاستىرۋ كەرەك. جوعارى ساپالى پارتيا قۇرىلىسى ارقىلى شينجياڭ حالىقتىق اۆياتسياسىنىڭ جوعارى ساپالى دامۋىنا جەتەكشىلىك ەتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىنا اناعۇرلىم ويداعىداي قىزمەت وتەۋ كەرەك.

　　مۇشەلەر ٴوز باسىمدىعىن تولىق ساۋلەلەندىرىپ، ٴۇرىمجى اۋەجايىن جاڭالاۋ ـ كەڭەيتىپ سالۋ ينجەنەرياسىنا بەلسەنە اقىل ـ كەڭەس بەرىپ، ينجەنەريانىڭ ۋاعىندا، جوعارى ساپامەن سالىنىپ ٴبىتىپ ىسكە قوسىلۋىنا، رولىن ساۋلەلەندىرۋىنە كۇش ـ قۋاتىن ارنايتىندىقتارىن ٴبىلدىردى.

　　جين جىجىن، گاۋ جياڭحۋاي كوزدەن كەشىرۋگە قاتىناستى.