انار بۇلت \ شينجياڭ گازەتىنىڭ ٴتىلشىسى جاڭ لەي 9 ـ ايدىڭ 25 ـ كۇنى ۇرىمجىدەن حابارلايدى. 9 ـ ايدىڭ 25 ـ كۇنى اۆتونوميالى رايوندىق 14 ـ كەزەكتى حالىق قۇرىلتايى تۇراقتى كوميتەتىنىڭ 14 ـ رەتكى ٴماجىلىسى ۇرىمجىدە ٴبىرىنشى جالپى ٴماجىلىسىن وتكىزدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل ٴماجىلىستى باسقاردى.
تۇراقتى كوميتەت قۇرامىنداعىلاردان 59 ادام ماجىلىسكە قاتىناستى، بۇل زاڭدا بەلگىلەنگەن ادام سانىنا ۇيلەسەدى.
ٴماجىلىس اۆتونوميالى رايوندىق 14 ـ كەزەكتى حالىق قۇرىلتايى تۇراقتى كوميتەتى 14 ـ ٴماجىلىسىنىڭ كەڭەستىك ٴتارتىبىن داۋىسقا سالىپ ماقۇلدادى، اۆتونوميالى رايوندىق 10 ـ كەزەكتى پارتكوم ون ەكىنشى جالپى ٴماجىلىسىنىڭ رۋحىن جەتكىزدى، ۇيرەندى؛ اۆتونوميالى رايوننىڭ ساپانى جەبەۋ ەرەجەسى جوباسىن، اۆتونوميالى رايوننىڭ حالىقتىق جارىلعىش زاتتار حاۋىپسىزدىگىن باسقارۋ ەرەجەسى جوباسىن، اۆتونوميالى رايوننىڭ ەسىرتكىگە تيىم سالۋ ەرەجەسى جوباسىن قاراۋ ناتيجەسى جونىندەگى بايانداماسىن تىڭدادى؛ اۆتونوميالى رايوننىڭ قايشىلىقتاردى، داۋ ـ شارلاردى كوپ نەگىزدى شەشۋ ەرەجەسى جوباسىن، اۆتونوميالى رايوننىڭ شەكارا وتكەلدەرىنىڭ ەكونوميكالىق دامۋىن جەبەۋ ەرەجەسى جوباسىن، اۆتونوميالى رايوننىڭ قۇمايتتانۋدان ساقتانۋ، قۇمدى تىزگىندەۋ زاڭىن اتقارۋ ادىسىنە وزگەرىس ەنگىزۋ جوباسىن، اۆتونوميالى رايوندىق حالىق قۇرىلتايى تۇراقتى كوميتەتىنىڭ ٴىشىنارا قالاشىقتاردىڭ كەزەك اۋىستىرۋ سايلاۋ ۋاقىتىن رەتتەۋ تۋرالى قاۋلى جوباسىن، اۆتونوميالى رايوننىڭ ٴار دارەجەلى حالىق قۇرىلتايى تۇراقتى كوميتەتتەرىنىڭ ولشەمدى حۇجاتتاردى ەستەلىككە الۋ، تەكسەرۋ ەرەجەسىنە وزگەرىس ەنگىزۋ جوباسى جونىندەگى تۇسىندىرمەسىن تىڭدادى؛ «شينجياڭ ۇيعۇر اۆتونوميالى رايوندىق حالىق قۇرىلتايى تۇراقتى كوميتەتىنىڭ ›جۇڭحۋا حالىق رەسپۋبليكاسىنىڭ جاراتىلىستىق قورىق ەرەجەسىمەن> بىرلىككە كەلمەگەن جەرگىلىكتى زاڭ ەرەجەلەر مەن جەكە ەرەجەلەردەگى قاتىستى تارماقتاردى قولدانۋدان قالدىرۋ قاۋلىسىن كۇشىنەن قالدىرۋ» جونىندەگى تۇسىندىرمەنى تىڭدادى، «شينجياڭ ۇيعۇر اۆتونوميالى رايوننىڭ ٴار دارەجەلى حالىق قۇرىلتايى تۇراقتى كوميتەتتەرىنىڭ ٴادىليا قىزمەتىن باقىلاۋ ەرەجەسى» سياقتى جەرگىلىكتى 8 زاڭ ەرەجەنى، قاراردى، قاۋلىنى كۇشىنەن قالدىرۋ جونىندەگى تۇسىندىرمەنى تىڭدادى؛ اۆتونوميالى رايوننىڭ ارحيۆ زاڭىن اتقارۋ ادىسىنە وزگەرىس ەنگىزۋ جوباسى جونىندەگى تۇسىندىرمەنى تىڭدادى؛ اۆتونوميالى رايوندىق حالىق ۇكىمەتىنىڭ 2023 ـ جىلعى اۆتونوميالى رايوننىڭ اكىمشىلىك ىستەر سيپاتتى مەملەكەت مەنشىگىندەگى مال ـ مۇلىكتى باسقارۋ جاعدايى جونىندەگى ارناۋلى بايانداماسىن، اۆتونوميالى رايوندىق حالىق قۇرىلتايى تۇراقتى كوميتەتى كوزدەن كەشىرۋ گرۋپپاسىنىڭ اۆتونوميالى رايوننىڭ ۇشقارىلىقتى الاستاۋ ەرەجەسى بويىنشا زاڭنىڭ اتقارىلۋىن تەكسەرۋ بايانداماسىن قاراۋ پىكىرىنىڭ تياناقتانۋ جاعدايىن قاداعالاپ باقىلاۋ جونىندەگى كوزدەن كەشىرۋ بايانداماسىن، اۆتونوميالى رايوندىق حالىق قۇرىلتايى تۇراقتى كوميتەتى زاڭنىڭ اتقارىلۋىن تەكسەرۋ گرۋپپاسىنىڭ قورشاعان ورتانى قورعاۋ زاڭى مەن اۆتونوميالى رايوننىڭ قورشاعان ورتانى قورعاۋ ەرەجەسىنىڭ اتقارىلۋ جاعدايىن باستى مازمۇن ەتكەن 2024 ـ جىلعى مەملەكەتتىك ەكولوگيا كۇنى بويىنشا زاڭنىڭ اتقارىلۋىن تەكسەرۋ جاعدايى جونىندەگى بايانداماسىن، ٴوندىرىس حاۋىپسىزدىگى زاڭى مەن اۆتونوميالى رايوننىڭ ٴوندىرىس حاۋىپسىزدىگى ەرەجەسىنىڭ اتقارىلۋ جاعدايىن تەكسەرۋ جونىندەگى بايانداماسىن، اۆتونوميالى رايوندىق حالىق قۇرىلتايى قازىنا ـ ەكونوميكا كوميتەتىنىڭ، اۋىل شارۋاشىلىعى جانە اۋىل ـ قىستاق كوميتەتىنىڭ، قورشاعان ورتا جانە بايلىق قورعاۋ كوميتەتىنىڭ جەكە ـ جەكە اۆتونوميالى رايوندىق 14 ـ كەزەكتى حالىق قۇرىلتايى 2 ـ ٴماجىلىسىنىڭ ٴتوراعالار القاسى قاراۋعا تاپسىرعان ۋاكىلدەر ورتاعا قويعان كەڭەستىك جوبالاردى قاراۋ ناتيجەسى جونىندەگى بايانداماسىن، اۆتونوميالى رايوندىق مادەنيەت جانە ساياحات مەڭگەرمەسىنىڭ اۆتونوميالى رايوندىق 14 ـ كەزەكتى حالىق قۇرىلتايى 2 ـ ماجىلىسىندە ۋاكىلدەر العا قويعان ۇسىنىستاردىڭ، سىنداردىڭ جانە پىكىرلەردىڭ ٴبىتىرىلۋ جاعدايى جونىندەگى بايانداماسىن، اۆتونوميالى رايوندىق 14 ـ كەزەكتى حالىق قۇرىلتايى تۇراقتى كوميتەتى ۋاكىلدەردىڭ تولىمدىلىعىن تەكسەرۋ كوميتەتىنىڭ ٴىشىنارا ۋاكىلدەردىڭ ۋاكىلدىك تولىمدىلىعى جونىندەگى بايانداماسىن تىڭدادى؛ كادرلاردى مىندەتكە تاعايىنداۋ، مىندەتىنەن قالدىرۋ ىستەرىن تىڭدادى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى ۋاڭ ميڭشان، لي نيڭپيڭ، توحتى ياقۇپ، ٴدىلشات قىدىرقان، ۋاڭ گوحى، باس حاتشى ٴمۇتالىپ روزى ماجىلىسكە قاتىناستى.
اۆتونوميالى رايوننىڭ ورىنباسار ٴتوراعاسى قايسار ابدىكەرىم، اۆتونوميالى رايوندىق باقىلاۋ ـ تەكسەرۋ كوميتەتىندەگى، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى قاتىستى جاۋاپتى جولداستار، ت. ب ماجىلىسكە سىرتتاي قاتىناستى.
