انار بۇلت \ شينجياڭ گازەتىنىڭ ٴتىلشىسى ليۋ شياڭ 9 ـ ايدىڭ 25 ـ كۇنى قۇلجادان حابارلايدى. 9 ـ ايدىڭ 25 ـ كۇنى شينجياڭ كەن شارۋاشىلىعى ۇقىعىن وتكەرمەلەۋ نىساندارىن تانىستىرۋ ٴماجىلىسى (سولتۇستىك شينجياڭ) قۇلجا قالاسىندا وتكىزىلدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز تانىستىرۋ ماجىلىسىنە قاتىناستى ٴارى ارناۋ ٴسوز سويلەدى.
ەركىن تۇنياز بىلاي دەپ اتاپ كورسەتتى: پارتيا 18 ـ قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتىنە ايرىقشا ٴمان بەرىپ، شينجياڭعا 5” ۇلكەن ستراتەگيالىق ورىن“ بەلگىلەپ، شينجياڭنىڭ رەفورما، دامۋ، ورنىقتىلىق ىستەرىندە تىڭ جەتىستىكتەرگە، تىڭ دامۋشىلىقتارعا قول جەتكىزۋىن ىلگەرىلەتتى. شينجياڭدا كەن بايلىعى مول، انىقتالعان 77 ٴتۇرلى بايلىق قورى بۇكىل ەل بويىنشا الدىڭعى وننىڭ قاتارىنان ورىن العان، مۇناي ـ تابيعي گاز، كومىر، كومىر قاباتى گازى سياقتى ٴتۇرلى ەنەرگيا بايلىعى توتەنشە مول. جاقىنعى جىلداردان بەرى اۆتونوميالى رايوندىق پارتكوم مەن ۇكىمەت مەملەكەتتىڭ قاجەتىن، شينجياڭنىڭ قابىلەتىن تياناق ەتىپ، مەملەكەتتىڭ ەنەرگيا بايلىعى جاعىنداعى ستراتەگيالىق قامتاماسىزدىق بازاسىن قۇرۋدى توڭىرەكتەي وتىرىپ، بايلىق ارتىقشىلىعىن تولىق اشىپ، جاڭا ٴبىر كەزەكتى كەن ىزدەۋ ستراتەگيالىق ارەكەتىن ىشكەرىلەي اتقارىپ، ٴبىر توپ ۇلكەن كەن، جاقسى كەن، شۇعىل قاجەت كەندەردى جاڭادان بايقاپ، ٴبىر توپ ماڭىزدى كەن بايلىعى مولشەرىن تىڭنان ارتتىردى، كەن شارۋاشىلىعى ۇقىعىن وتكەرمەلەۋ مولشەرى، كەلىسۋ سوماسى، تابىسى تاريحتاعى جاڭا دەڭگەيگە جەتىپ، كەن بايلىعىن بارلاۋ، اشۋ بولاشاعى توتەنشە جارقىن بولدى. تاماشا وڭىرلىك ورىن باسىمدىعىنىڭ، بايلىق باسىمدىعىنىڭ جانە ساياسات باسىمدىعىنىڭ ارقاسىندا، شينجياڭعا قارجى قوسۋ ورلەۋى ۇزدىكسىز جوعارىلاپ، جوعارى ساپالى دامۋدىڭ ارىنى ارتا ٴتۇستى. قالىڭ كاسىپورىنداردىڭ، گەولوگيالىق بارلاۋ ورىندارى سياقتىلاردىڭ شينجياڭدا كاسىپ سالاسىن ورنالاستىرۋىن جانە نىساندارعا قارجى قوسۋ سەرپىنىن ارتتىرۋىن، شينجياڭنىڭ كەن بايلىعىن بارلاۋدى، اشۋدى جانە قورىن كوبەيتىپ، ٴونىمىن ارتتىرۋدى بىرگە ىلگەرىلەتۋىن، شينجياڭنىڭ ” توعىز ٴىرى كاسىپ سالاسى شوعىرى“ قۇرىلىسىنا دەم بەرۋىن قىزۋ قارسى الامىز. شينجياڭ شارۋاشىلىق ـ ساۋدا ورتاسىن ۇزدىكسىز جاقسارتىپ، كوپشىلىكتىڭ شينجياڭدا الاڭسىز قارجى قوسۋىن، ٴساتتى دامۋىن بار كۇشپەن قولدايدى.
جاراتىلىستىق بايلىق مينيسترلىگى كەن شارۋاشىلىعى ۇقىعىن باسقارۋ مەكەمەسىندەگى، جۇڭگو گەولوگيالىق تەكسەرۋ مەكەمەسىندەگى قاتىستى جاۋاپتى جولداستار ارناۋ ٴسوز سويلەدى.
جۇڭگو باۋ ـ ۋ بولات ـ تەمىر توبى شەكتى سەرىكتەستىگى، شاندۇڭ جاۋجين توبى شەكتى سەرىكتەستىگى، جۇڭگو چيڭحۋا ەنەرگيا توبى شەكتى سەرىكتەستىگى، حۋنان ۋجياڭ جارنا مەڭگەرۋ توبى شەكتى سەرىكتەستىگى، جۇڭگو مەتاللۋرگيا، گەولوگيا باس مەكەمەسى، جۇڭسى ديكى كەن بارلاۋ شەكتى جارنا سەرىكتەستىگى سياقتى كەن شارۋاشىلىعىنا قاتىستى كاسىپورىندار مەن گەولوگيالىق بارلاۋ ورىندارىنىڭ ۋاكىلدەرى ٴسوز سويلەدى.
ماجىلىستە جاراتىلىستىق بايلىق مينيسترلىگى، اۆتونوميالى رايون سىندى ەكى دارەجەلى كۋالىك تاراتۋ ۇقىق شەگىندە بەرىلەتىن كەن شارۋاشىلىعى ۇقىعىن وتكەرمەلەۋ نىساندارى جانە بيڭتۋاننىڭ كەن شارۋاشىلىعى ۇقىعىن وتكەرمەلەۋ نىساندارى، سونداي ـ اق جاڭا كەزەكتى كەن ىزدەۋدە تىڭ تابىسقا جەتۋ ستراتەگيالىق ارەكەتى بويىنشا گەولوگيالىق بارلاۋ نىساندارى تانىستىرىلدى.
ىلە قازاق اۆتونوميالى وبلىسى، تارباعاتاي ايماعى، التاي ايماعى، بۇراتالا موڭعۇل اۆتونوميالى وبلىسى، قۇمىل قالاسى، تۇرپان قالاسى جەكە ـ جەكە قاراستىلىعىنداعى وڭىرلەردىڭ كەن شارۋاشىلىعى ۇقىعىن وتكەرمەلەۋ نىساندارىن تانىستىردى.
بيىل 6 ـ ايدا شينجياڭ وڭتۇستىك شينجياڭنىڭ كەن بايلىعىن ٴتۇيىن ەتىپ، حوتان ايماعىندا تۇڭعىش رەت كەن شارۋاشىلىعى ۇقىعىن وتكەرمەلەۋ نىساندارىن تانىستىرۋ ٴماجىلىسىن اشىپ، ٴبىر توپ ساپالى كەن شارۋاشىلىعى ۇقىعى ٴساتتى ماڭدايشالىق اسىپ ساۋداعا كەلىسىپ، تاماشا ەكونوميكالىق، قوعامدىق ونىمدىلىككە قول جەتكىزگەن بولاتىن. وسى رەتكى تانىستىرۋ ماجىلىسىندە 182 ساپالى بولىكتەردى شوعىرلى تانىستىرۋعا دەن قويا دايىندالىپ، مۇناي ـ تابيعي گاز، كومىر، مىس، التىن، ليتي، كالي تۇزى سياقتى 22 ٴتۇرلى نەگىزگى كەن ونىمدەرىنە سايادى، ٴارقايسى بولىك تۇگەلدەي ەگجەي ـ تەگجەيلى دالەلدەۋ، اشالاي سۇرىپتاۋ ارقىلى ٴبىرشاما جاقسى مينەرال كەنگە اينالۋداي گەولوگيالىق شارت ـ جاعدايعا، كەن ىزدەۋ بولاشاعىنا جانە بايلىق كومەسكى كۇشىنە يە بولدى.
ماجىلىستەن كەيىن اۆتونوميالى رايوندىق جاراتىلىستىق بايلىق مەڭگەرمەسى تاعى «كەن شارۋاشىلىعىنىڭ جوعارى ساپالى دامۋىن ىلگەرىلەتۋ جونىندەگى ٴبىرقانشا شارا» جانە كەن شارۋاشىلىعى ۇقىعىن وتكەرمەلەۋ ساياساتى جونىنەن ٴتۇيىندى تۇسىنىك جاسادى جانە ۇستىندە كەڭەس بەردى.
ٴيۇسۇپجان مامەت باسقاردى. باتۋ، لي جىنگو، ياڭ شيۋلي، اۆتونوميالى رايوننىڭ جانە بيڭتۋاننىڭ قاتىستى تاراۋلارى مەن ورىندارىنداعى جاۋاپتى جولداستار، ايماق، وبلىس، قالالارداعى نەگىزگى جاۋاپتى جولداستار، شينجياڭعا كومەكتەسەتىن ٴارقايسى ولكە، توتە قاراستى قالالاردىڭ الدىڭعى شەپ قولباسشىلىق شتابىنداعى قاتىستى جاۋاپتى جولداستار، شينجياڭنىڭ ٴىشى ـ سىرتىنداعى قاتىستى كاسىپورىنداردىڭ جاۋاپتىلارى ماجىلىسكە قاتىناستى.
