انار بۇلت \ شينجياڭ گازەتىنىڭ ٴتىلشىسى ياڭ شۋحان 9 ـ ايدىڭ 24 ـ كۇنى ۇرىمجىدەن حابارلايدى. 9 ـ ايدىڭ 24 ـ كۇنى مەملەكەتتىك ٴوندىرىس حاۋىپسىزدىگى جانە كۇز، قىس ماۋسىمدارىندا ورمان، جايلىم ورتىنەن ساقتانۋ ـ ٴسوندىرۋ بەينە ەكران ٴماجىلىسى اشىلدى. ماجىلىستەن كەيىن اۆتونوميالى رايون بەينە ەكران ٴماجىلىسىن اشىپ، ٴماجىلىستىڭ رۋحىن دايەكتىلەندىرىپ، تياناقتاندىرىپ، ورمان، جايلىم ورتىنەن ساقتانۋ ـ ٴسوندىرۋ جاعدايىنا تالداۋ جاساپ، رايونىمىزدىڭ ٴوندىرىس حاۋىپسىزدىگى جانە كۇز، قىس ماۋسىمدارىندا ورمان، جايلىم ورتىنەن ساقتانۋ ـ ٴسوندىرۋ قىزمەتىنە جاپپاي ورنالاستىرۋ جاسادى.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ٴتوراعاسى ٴيۇسۇپجان مامەت ماجىلىسكە قاتىناستى ٴارى ٴسوز سويلەدى.
ٴماجىلىس مىنالاردى اتاپ كورسەتتى: اۆتونوميالى رايوندىق پارتكوم مەن ۇكىمەت پارتيا ورتالىق كوميتەتىنىڭ، مەملەكەتتىك كەڭەستىڭ ٴوندىرىس حاۋىپسىزدىگى جونىندەگى شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، ٴوندىرىس حاۋىپسىزدىگى جانە جاراتىلىستىق اپاتتاردان ساقتانۋ قىزمەتىن تالاي رەت اقىلداسىپ ورنالاستىردى. جەر ـ جەر، تاراۋلار، ورىندار ساياسي دەڭگەيدى جاپپاي جوعارىلاتىپ، ٴوندىرىس حاۋىپسىزدىگى قىزمەتىن ويداعىداي ىستەۋ جاۋاپكەرشىلىك سەزىمى مەن كوكەي تەستىلىك سەزىمىن كۇشەيتىپ، ماسەلەنى باعدار ەتۋگە باستان ـ اياق تاباندى بولىپ، ٴتۇيىندى سالالارداعى، ٴتۇيىندى كاسىپتەردەگى ٴوندىرىس حاۋىپسىزدىگى جاعىنداعى ەلەۋلى حاۋىپ ـ قاتەرلەردەن قاتاڭ ساقتانىپ، ساياحات، ٴورت ٴسوندىرۋ، ورتتەن ساقتانۋ، جانار گاز، كەن، جول تاسىمالى، قاتەرلى حيميالىق بۇيىمدار، قۇرىلىس جۇرگىزۋ، ونەركاسىپ، ساۋدا سالاسىنداعى ٴوندىرىس حاۋىپسىزدىگى قىزمەتىن قاداعالاپ مىقتى يگەرۋ؛ ورمان، جايلىم ورتىنەن ساقتانۋ ـ ٴسوندىرۋ قىزمەتىن جاقسى ىستەپ، كۇز، قىس مەزگىلدەرىندەگى تابيعي اپاتتارعا ٴونىمدى توتەپ بەرۋ، جاڭبىر، قار، قۇمدى بوران، تەمپەراتۋرا تومەندەۋ، سۋىق اعىس سياقتى اۋا رايى كەلتىرىپ شىعارعان حاۋىپ ـ قاتەرلەر مەن ٴتيىمسىز ىقپالدارعا ٴتۇيىندى كوڭىل ٴبولىپ، باقىلاۋ ـ ولشەۋدى، ساقتاندىرۋدى ۇزدىكسىز كۇشەيتىپ، الدىن الۋ شارالارىن قاتاڭ تياناقتاندىرىپ، جەر سىلكىنىسىنەن ساقتانۋ قىزمەتىن ويداعىداي ىستەۋ كەرەك.
ٴماجىلىس مىنالاردى باسا دارىپتەدى: جەر ـ جەر، تاراۋلار، ورىندار قىزمەت مىندەتىن قاتاڭ، شىنايى اتقارىپ، جاۋاپكەرشىلىكتى ادا ەتىپ، جىلدىق ٴوندىرىس حاۋىپسىزدىگى نىسانا ـ مىندەتتەرىن جاپپاي تياناقتاندىرۋ كەرەك. جەر ـ جەر، تاراۋلار، ورىندار جاۋاپكەرشىلىك ارقالاۋدى كۇشەيتىپ، جاپپاي ٴبىر ـ بىردەن تەكسەرۋ، رەتتەۋ ـ تۇزەتۋ، شۇعىل جاعدايعا توتەپ بەرۋ دايىندىق قىزمەتىن تياناقتاندىرۋ، شۇعىل جاعدايعا توتەپ بەرۋ، قۇتقارۋ ـ كومەكتەسۋ كاسىپتىك قوسىندارى شايقاسقا دايىندالۋ، بۇيرىق كۇتۋ كۇيىنە ٴوتۋى، شىرعالاڭ جانە حاۋىپ ـ قاتەر تۋىلا قالسا، شايقاسقا شىعا الۋعا، اتوي سالۋعا، جەڭىسكە جەتۋگە شىنايى كەپىلدىك ەتۋى كەرەك.
