_ ورتالىق كاسىپورىندارىنىڭ كاسىپ سالاسى ارقىلى شينجياڭدى گۇلدەندىرۋدى ىلگەرىلەتۋ ٴماجىلىسى جونىندە ەستەلىك
□ انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي
شىلدە ايى، بايىرعى قالا قاشقاردا جوعارى ساپالى دامۋدىڭ تەبىندى كۇشى تاسقىندادى.
بۇكىل ەلدە جوعارىدان تومەنگە دەيىن پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ جاتقان ساتتە، ورتالىق كاسىپورىندارىنىڭ كاسىپ سالاسى ارقىلى شينجياڭدى گۇلدەندىرۋدى ىلگەرىلەتۋ ٴماجىلىسىنىڭ شىمىلدىعى اشىلىپ، ورتالىق كاسىپورىندارى مەن جەرگىلىكتى ورىنداردىڭ جاڭا ٴبىر كەزەكتى سەلبەستىگىنىڭ دابىلى قاعىلدى.
قازىر ورتالىق كاسىپورىندارىنىڭ كاسىپ سالاسى ارقىلى شينجياڭعا كومەكتەسۋىنىڭ تابىسى مول، ارىنى كۇشتى بولىپ وتىر، وسى رەتكى ٴماجىلىستى وڭتۇستىك شينجياڭدا اشۋدى تاڭداۋ مۇنداعى تەرەڭ ويدى تىپتەن كورنەكتى ايگىلەدى.
بۇل ٴبىر رەتكى نازاردى جوعارى ساپالى دامۋعا شوعىرلاندىرعان قوس باعىتتاعى ۇمتىلىس _ 49 ورتالىق كاسىپورنى مەن اۆتونوميالى رايوننىڭ، بيڭتۋاننىڭ جەر ـ جەرىندەگى، تاراۋلارىنداعى جاۋاپتى جولداستار ٴبىر اراعا باس قوسىپ، جوعارى ساپالى دامۋ سىندى ماڭداي الدى مىندەتتى ارقاۋ ەتىپ، سەلبەستىك ناتيجەسىن اڭگىمەلەپ، سەلبەستىك اياسىن كەڭەيتىپ، سەلبەستىك بولاشاعىن ايگىلەپ، ٴوزارا پايدا جەتكىزىپ، تەڭ يگىلىككە كەنەلە وتىرىپ دامۋدىڭ جاڭا پاراعىن بىرگە اشتى.
بۇل ٴبىر رەتكى ورتالىق كاسىپورىندارى مەن جەرگىلىكتى ورىنداردىڭ سەلبەستىك نىسانىن جۇمىس باسىندا ىلگەرىلەتۋى _ ٴماجىلىس ٴتۇيىندى نىسان قۇرىلىسىنىڭ جۇمىس باسىمەن بەينە ەكران ارقىلى بايلانىس جاسادى: شينجياڭنىڭ ەلەكترىن سىرتقا جەتكىزۋ، تازا ەنەرگيا، بيولوگيالىق ىدىرايتىن ماتەريال سياقتى قاتىستى نىساندار ورنىقتى، جەدەل ىلگەرىلەتىلدى. بەينە ەكراننان سىرت، تيانشان الابىنا ورنالاسقان ورتالىق كاسىپورىندارى مەن جەرگىلىكتى ورىنداردىڭ سەلبەستىك نىسان قۇرىلىسى ۋاقىت كۇتىپ تۇرمايدى دەگەن رۋحپەن قاۋىرت جۇمىس جۇرگىزۋدە.
بۇل ٴبىر رەتكى باسىمدىقتار ارقىلى ٴوزارا تولىقتاۋدى كۇشەيتەتىن قول ۇستاسا العا ىلگەرىلەۋ ساپارى _ ورتالىق كاسىپورىندارىنىڭ قارجى، تەحنيكا، كاسىپ سالاسى، دارىندىلار سياقتى كوپتەگەن باسىمدىقتارى شينجياڭنىڭ اسا قوردالى بايلىعى، وزگەشە وڭىرلىك ورنى سياقتى باسىمدىقتارىمەن ٴوزارا ساي كەلىپ، ورتالىق كاسىپورىندارى مەن جەرگىلىكتى ورىندار سەلبەستىگىنىڭ دەرەۋ قابىسىپ، ىڭعايى كەلىپ تەرەڭدەۋىنە مۇمكىندىك جاسالدى.
”ورتالىق كاسىپورىندارىنىڭ كاسىپ سالاسى ارقىلى شينجياڭدى گۇلدەندىرۋدى ىلگەرىلەتۋ ٴماجىلىسى، ٴسوز جوق، ورتالىق كاسىپورىندارى مەن جەرگىلىكتى ورىنداردىڭ جاڭا كەزەكتى سەلبەستىگىن پارمەندى ىلگەرىلەتەدى“.
”جاڭا ٴداۋىردىڭ جاڭا جورىعىندا شينجياڭ ورتالىق كاسىپورىندارىنا وراسان زور دامۋ ورايىن ازىرلەدى“.
”شينجياڭ _ كوركەيۋدىڭ، ەسىك اشۋدىڭ قۇتتى مەكەنى، سونداي ـ اق ٴىس تىندىرىپ، شارۋاشىلىق قۇرۋدىڭ شات ـ شادىمان ورتاسى“.
”ٴتۇيىندى تۇردە وڭتۇستىك شينجياڭدا ٴبىر توپ كەلەلى كاسىپ سالاسى نىساندارىن جوسپارلاپ اتقارامىز“.
...
ٴماجىلىس الاڭىندا كاسىپ سالاسى ارقىلى شينجياڭدى گۇلدەندىرۋ جانە ورتالىق كاسىپورىندارى مەن جەرگىلىكتى ورىندار سەلبەستىگىنىڭ ٴتۇيىندى مىندەتتەرى ارقاۋ ەتىلىپ، ورتاق تانىم ۇيىستىرىلىپ، كۇش ـ قۋات توپتالدى، جىگەر ـ قايرات قاۋلادى.
ورتاق تانىم جانە كۇش ـ قۋات ورتالىق پەن جەرگىلىكتى ورىن ەكى جاعىنىڭ ٴوزارا پايدا جەتكىزۋ سەلبەستىگىن ۇزدىكسىز تەرەڭدەتۋدەگى كۇشتى تىلەگىنەن تۋىنداعان.
وسى 2 جىلدا شينجياڭنىڭ ورتالىق كاسىپورىندارىمەن اۋىس ـ كۇيىسى كۇن سايىن جيىلەپ، سەلبەستىگى بارعان سايىن نىعايا ٴتۇستى. 2022 ـ جىلى ەكى جاق بەيجيڭدە كاسىپ سالاسى ارقىلى شينجياڭدى گۇلدەندىرۋ جونىندە كەڭەس ٴماجىلىسىن وتكىزدى. بيىل جىل باسىندا ەكى جاق بەيجيڭدە كاسىپ سالاسى ارقىلى شينجياڭعا كومەكتەسۋ ارقىلى جۇمىستانۋدى جەبەۋ قىزمەتىن ىلگەرىلەتۋ ٴماجىلىسىن اشتى. ورتالىق پەن جەرگىلىكتى ورىننىڭ وسى رەت بىرگە اقىلداسۋ سەلبەستىگى قاشقارعا جەتتى، بۇل ەكى جاقتىڭ ستراتەگيالىق سەلبەستىگىنىڭ تاعى دا تىڭ قادام تاستاعاندىعىنان دەرەك بەرەدى.
ورتاق تانىم مەن كۇش ـ قۋات ورتالىق كاسىپورىندارىنىڭ شينجياڭدا قارجى قوسۋ، دامۋ جونىندە ۇزدىكسىز تاپسىرعان كورنەكتى جاۋابىنان كەلگەن.
وتكەن 2 جىلدا مۇناي ـ تابيعي گاز، كومىر، كەن ونىمدەرى سياقتى شينجياڭنىڭ باسىمدىققا يە سالالارىن ارقاۋ ەتە وتىرىپ، ورتالىق كاسىپورىندارى شينجياڭدا ٴبىر توپ كەلەلى نىسانداردى اتقارىپ، شينجياڭنىڭ مەملەكەتتىڭ ەنەرگيا حاۋىپسىزدىگىن قامتاماسىز ەتۋدەگى، ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋدەگى تىرەكتى كۇشكە اينالدى.
ورتاق تانىم جانە كۇش ـ قۋات شينجياڭ مەن ورتالىق كاسىپورىندارى سەلبەستىگى كومەسكى كۇشىنىڭ تاعى ٴبىر رەت پارمەندى جارىققا شىعۋىنان باستاۋ العان.
وسى رەتكى ىلگەرىلەتۋ ماجىلىسىندە اۆتونوميالى رايون مەن بيڭتۋان ورتالىقتاعى 25 كاسىپورىنمەن نىسان سەلبەستىك نيەتناماسىنا قول قويدى، بۇل 183 سەلبەستىك نىسانىنا سايادى، 2028 ـ جىلدىڭ سوڭىنان ىلگەرى شينجياڭدا كاسىپ سالاسىنا 939 ميلليارد 571 ميلليون يۋان قارجى قوسىلادى دەپ مەجەلەنۋدە. ايقىن ۋاقىت ٴتۇيىنى، ٴبىر تريلليون يۋانعا جۋىق جالپى قارجى قوسۋ سوماسى وڭتۇستىك شينجياڭنىڭ جاڭا دامۋ بولاشاعىنان ٴۇمىت بايقاتتى.
ورتالىق پەن جەرگىلىكتى ورىننىڭ ٴوزارا پايدا جەتكىزىپ، تەڭ يگىلىككە كەنەلۋىنىڭ جارقىن بولاشاعىنا كوز جىبەرگەندە، ورتالىق كاسىپورىندارى مەن شينجياڭ سەلبەستىگىندەگى قارجى قوسۋ كەستەلەرى، جوسپارنامالار، قۇرىلىس چەرتوجدارى جاڭا باستامادا بىرتىندەپ ايقىندالا ٴتۇستى.
شينجياڭ _ جۇڭگو مۇناي ـ تابيعي گاز توبىنىڭ قوردى مولايتىپ، ٴونىمدى ارتتىرۋداعى، مەملەكەتتىڭ ەنەرگيا حاۋىپسىزدىگىن قامتاماسىز ەتۋدەگى نەگىزگى شايقاس مايدانى. وسى رەتكى ىلگەرىلەتۋ ٴماجىلىسىن وراي ەتىپ، جۇڭگو مۇناي توبى سەرىكتەستىگى الداعى 3 جىلدا شينجياڭدا 24 كەلەلى نىسان قۇرىلىسىن ىلگەرىلەتۋدى جوسپارلاپ وتىر، بۇل مۇناي ـ تابيعي گاز بارلاۋ ـ اشۋ، مۇناي ايىرۋدا تيبىن وزگەرتىپ، دارەجەسىن جوعارىلاتۋ، جاڭا ەنەرگيانى دامىتۋ سياقتى سالالاردى قامتيدى.
جۋىق جىلدارى شينجياڭ جاسىل ەنەرگيانى دامىتىپ، جاڭاشا ەلەكتر قۋاتى جۇيەسىن جەدەل قۇرۋ اياق الىسىن ۇزدىكسىز جەدەلدەتتى. 2022 ـ جىلدان بەرى جۇڭگو حۋاديان توبى شينجياڭدا جالپى 40 ميلليارد يۋاننان استام قارجى قوستى، وسى رەت تاعى سەلبەستىك نيەتناماسىنا قول قويدى. توپتىڭ القا باستىعى جياڭ ي مىنالاردى ٴبىلدىردى: شينجياڭنىڭ مەملەكەتتىڭ ەنەرگيا بايلىعى جاعىنداعى ستراتەگيالىق قامتاماسىزدىق بازاسىن تۇلعالاۋىن جانە ”سەگىز ٴىرى كاسىپ سالاسى شوعىرى“ قۇرىلىسىن مىقتاپ ارقاۋ ەتىپ، اۆتونوميالى رايوننىڭ دامۋ كەلەلى جاعدايىمەن تەرەڭ توعىسامىز جانە قىزمەت وتەيمىز.
”وسى رەتكى ٴماجىلىستىڭ ورنالاستىرۋلارىن جاپپاي تياناقتاندىرىپ، مەملەكەتتىڭ ٴىرى ىستەرىن كوكەيدە ساقتاپ، ورتالىق كاسىپورىندارىنىڭ جاۋاپكەرشىلىگىن باتىلدىقپەن ارقالاپ، كاسىپ سالاسى ارقىلى شينجياڭدى گۇلدەندىرۋ ارەكەتىن اناعۇرلىم زور سەرپىنمەن، اناعۇرلىم جوعارى ساپامەن ورىستەتىپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن قۇلشىنا جازۋعا تىڭ دا اناعۇرلىم زور ۇلەس قوسامىز“، ـ دەدى جۇڭگو جاسىل دامۋ قارجى قوسۋ توبىنىڭ القا باستىعى ليۋ يۇي.
جاڭا جورىق ادامدى ەكپىندەي ىلگەرىلەۋگە جەبەيدى. شينجياڭنىڭ ورايى شەكسىز، ورتالىق كاسىپورىندارى مەن جەرگىلىكتى ورىن قول ۇستاسا تاعى دا ساپارعا اتتاندى.
