اۆتونوميالى رايوندىق پارتكوم قاشقاردا پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ىشكەرىلەي ۇيرەنۋ، دايەكتىلەندىرۋ، تياناقتاندىرۋ، رەفورمانى ونان ارى جاپپاي تەرەڭدەتىپ، وڭتۇستىك شينجياڭنىڭ جوعارى ساپالى دامۋىن ىلگەرىلەتۋ قىزمەت ٴماجىلىسىن اشتى
رەفورما ادىسىنەن پايدالانىپ كورنەكتى ماسەلەلەردى جانە بوگەتتىك شەكتەمەلەردى شەشۋگە تاباندى بولىپ، وڭتۇستىك شينجياڭنىڭ جوعارى ساپالى دامۋىن ىلگەرىلەتۋدە تىڭ ونىمدىلىككە قول جەتكىزۋ، تىڭ سەرپىلىستى جۇزەگە اسىرۋ كەرەك
ما شيڭرۇي ٴسوز سويلەدى
ەركىن تۇنياز باسقاردى، حى جۇڭيوۋ، جاڭ جۋ قاتىناستى
7 ـ ايدىڭ 28 ـ كۇنى اۆتونوميالى رايوندىق پارتكوم قاشقاردا وڭتۇستىك شينجياڭنىڭ جوعارى ساپالى دامۋىن ىلگەرىلەتۋ قىزمەت ٴماجىلىسىن اشتى. اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ٴبىرىنشى شۋجيى، ٴبىرىنشى جىڭۋيى ما شيڭرۇي ماجىلىسكە قاتىناستى ٴارى ٴسوز سويلەدى.
□ سۋرەتتى انار بۇلت \ شينجياڭ گازەتىنىڭ ٴتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، ليۋ شياڭ 7 ـ ايدىڭ 28 ـ كۇنى قاشقاردان حابارلايدى. پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ىشكەرىلەي ۇيرەنۋ، دايەكتىلەندىرۋ، باس شۋجي شي جينپيڭنىڭ جانە پارتيا ورتالىق كوميتەتىنىڭ شينجياڭ قىزمەتى، اسىرەسە، وڭتۇستىك شينجياڭ قىزمەتى جونىندەگى ماڭىزدى ورنالاستىرۋلارىن، تالاپتارىن مۇقيات دايەكتىلەندىرۋ، تياناقتاندىرۋ ٴۇشىن، اۆتونوميالى رايوندىق پارتكوم 7 ـ ايدىڭ 28 ـ كۇنى قاشقاردا وڭتۇستىك شينجياڭنىڭ جوعارى ساپالى دامۋىن ىلگەرىلەتۋ قىزمەت ٴماجىلىسىن اشىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋمەن تىعىز ساباقتاستىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، رەفورما ادىسىنەن پايدالانىپ وڭتۇستىك شينجياڭنىڭ جوعارى ساپالى دامۋىنا تۇساۋ بولىپ وتىرعان كورنەكتى ماسەلەلەردى شەشۋدى ىشكەرىلەي اقىلداستى، جوسپارلادى. اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ٴبىرىنشى شۋجيى، ٴبىرىنشى جىڭۋيى ما شيڭرۇي ماجىلىسكە قاتىناستى ٴارى ٴسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ٴماجىلىستى باسقاردى. اۆتونوميالى رايوندىق پارتكومنىڭ ورىنباسار شۋجيى، بيڭتۋان پارتكومىنىڭ شۋجيى حى جۇڭيوۋ، اۆتونوميالى رايوندىق پارتكومنىڭ ورىنباسار شۋجيى جاڭ جۋ ماجىلىسكە قاتىناستى.
ماجىلىستە وڭتۇستىك شينجياڭداعى 5 ايماق، وبلىستىڭ جانە ارال قالاسىنىڭ، تيەمىنگۋان قالاسىنىڭ، تۇمسىق قالاسىنىڭ، كۇنيۇي قالاسىنىڭ نەگىزگى جاۋاپتى جولداستارى ىلگەرىندى ـ كەيىندى ٴسوز سويلەپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇيرەنۋدى، دايەكتىلەندىرۋدى ارقاۋ ەتىپ، اۆتونوميالى رايوندىق پارتكومنىڭ وڭتۇستىك شينجياڭنىڭ جوعارى ساپالى دامۋىن ىلگەرىلەتۋ جونىندەگى جەلىلەس ورنالاستىرۋلارىن، تالاپتارىن تياناقتاندىرىپ، قىزمەت اياق الىسىنىڭ جاعدايى، ورىن تەپكەن ماسەلەلەر جانە كەلەسى قادامداعى قىزمەت وي جەلىسى جونىندە مالىمەت بەردى.
اۆتونوميالى رايوننىڭ قاتىستى باسشىلارى لەبىز ٴبىلدىرىپ، پىكىر اۋىستىرىپ، قايتكەندە رەفورمانى ونان ارى جاپپاي تەرەڭدەتۋ ارقىلى وڭتۇستىك شينجياڭنىڭ جوعارى ساپالى دامۋىن ىلگەرىلەتۋگە بولاتىندىعى جونىندە پىكىر ـ ۇسىنىس بەردى.
كوپشىلىكتىڭ ٴسوزىن تىڭداعاننان كەيىن، ما شيڭرۇي بىلاي دەپ اتاپ كورسەتتى: پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى رەفورمانى ونان ارى جاپپاي تەرەڭدەتۋدىڭ ايبىندى جوباسىن كەسكىندەپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە العا باسۋ بەتالىسىن كورسەتتى ٴارى شينجياڭنىڭ، اسىرەسە، وڭتۇستىك شينجياڭنىڭ باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتىپ، باياندى تىنىشتىققا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى ىلگەرىلەتۋگە ٴتۇبىرلى بويسۇنۋ ولشەمىن ازىرلەدى. پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن مۇقيات ۇيرەنىپ، دايەكتىلەندىرىپ، رەفورمانى ونان ارى جاپپاي تەرەڭدەتۋدىڭ شينجياڭ قىزمەتىن ويداعىداي ىستەۋدىڭ ماڭىزدى اسىلى، اسىرەسە، وڭتۇستىك شينجياڭداعى كورنەكتى ماسەلەلەردى شەشۋدىڭ، وڭتۇستىك شينجياڭ ”شاحمات كوزىن“ جانداندىرۋدىڭ شەشۋشى شاراسى ەكەندىگىن جەتە تانىپ، جۇڭگو ۇلگىسىندەگى وسىزامانداندىرۋ نىساناسىن كوزدەپ، شەشۋشى تۇيىندەر مەن قامال الۋ تۇيىندەرىن ٴداپ باسىپ تاۋىپ، داعدىلى كۇيدى تالقانداپ، ەرەكشە ىستەردى ەرەكشە جولمەن ٴبىتىرىپ، رەفورمانى ونان ارى جاپپاي تەرەڭدەتۋ ارقىلى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋدىڭ ٴونىمدى ادىسىنە ىزدەنىس جاساپ، وڭتۇستىك شينجياڭداعى كورنەكتى ماسەلەلەر مەن ٴتۇزىلىس ـ مەحانيزمدىك كەدەرگىلەردى كۇشتى شوعىرلاندىرا وتىرىپ شەشىپ، جۇڭگو ۇلگىسىندەگى وسىزامانداندىرۋ بارىسىندا قوسىننان قالماۋعا، قاتاردان قالماۋعا شىنايى كەپىلدىك ەتۋ كەرەك.
ما شيڭرۇي بىلاي دەپ باسا دارىپتەدى: پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ ورنالاستىرۋلارىن، تالاپتارىن مىقتاپ ارقاۋ ەتىپ، دامۋ مەن حاۋىپسىزدىكتى، ەسىك اشۋ مەن ورنىقتىلىقتى اناعۇرلىم ويداعىداي ٴبىر تۇتاس جوسپارلاپ، ”بىرەۋى ارقىلى ٴبارىن اتتانىسقا كەلتىرەتىن“ ٴتۇيىندى قىزمەتتەردى مىقتى يگەرىپ، كۇش ـ قۋاتتى قامال الۋعا شوعىرلاندىرىپ، ٴتۇيىندى قامال الۋ ارقىلى جالپى تۇلعالىق جوعارىلاتۋعا جەتەكشىلىك ەتۋ كەرەك. ەرەكشە ساقتىق پەن قىراعىلىقتى باستان ـ اياق ساقتاپ، وڭتۇستىك شينجياڭنىڭ قوعام ورنىقتىلىعىن باتىل قورعاۋ كەرەك. لاڭكەستىككە قارسى تۇرىپ ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن ىشكەرىلەي ىلگەرىلەتىپ، ”ٴۇش ٴتۇرلى كۇشكە“ زاڭ بويىنشا قاتاڭ سوققى بەرۋ تەگەۋرىندى كۇيىن ساقتاۋدان اۋىتقىماي، ورنىقتىلىقتى قورعاۋ كۇشتەرىنىڭ نەگىزگى ساتىعا ويىسۋىن ىلگەرىلەتىپ، تۋ باستان جونگە سالۋدى ۇزدىكسىز كۇشەيتۋ؛ جۇڭحۋا ۇلتى ورتاق تۇلعا تانىمىن ناقتى، جاندى، ٴونىمدى تۇردە بەكەمدەپ، ٴدىن ىستەرىن باسقارۋدىڭ زاڭمەن باسقارىلۋىن ىلگەرىلەتۋ؛ نەگىزگى ساتىنى بارىنشا يگەرۋ بەتالىسىن بەرىك ورناتىپ، نەگىزگى ساتى پارتيا ۇيىمدارىن وڭتۇستىك شينجياڭنىڭ قوعام ورنىقتىلىعىنىڭ بەرىك ىرگە تاسى ەتىپ شىن مانىندە قۇرىپ شىعۋ كەرەك. بايلىق ارتىقشىلىعىن، كومەسكى كۇشتى تولىق اشىپ، وڭتۇستىك شينجياڭنىڭ ەرەكشەلىگى مەن باسىمدىعىن ايگىلەيتىن وسىزاماندانعان كاسىپ سالاسى جۇيەسىن جەدەل قۇرۋ كەرەك. نازاردى مەملەكەتتىڭ كەلەلى ستراتەگياسىنا قىزمەت وتەۋگە شوعىرلاندىرىپ، اۆتونوميالى رايوننىڭ ”سەگىز ٴىرى كاسىپ سالاسى شوعىرى“ قۇرىلىسىمەن ىرىقتى تۇردە توعىسىپ، تىزبەكتى ۇزارتۋدى، تىزبەكتى تولىقتاۋدى، تىزبەكتى كۇشەيتۋدى ارقاۋ ەتىپ، تارتۋ كۇشى، جەتەكتەۋ كۇشى زور ٴبىر توپ نىساندى ىشكەرىلەي جوسپارلاپ، اتقارۋ؛ بۇقارانى جۇمىستاندىرىپ كىرىسىن ارتتىرۋعا باستاۋدى كوزدە ۇستاپ، بايلىق شوعىرلانعان، ەڭبەك شوعىرلانعان كاسىپ سالالارىن زورايتىپ، كۇشەيتىپ، ستراتەگيالىق جاڭادان گۇلدەنگەن كاسىپ سالالارىن، ەرەكشەلىككە يە ساياحات كاسىبىن جانە ەگىن، مال شارۋاشىلىعىن جەدەل دامىتۋ كەرەك. ٴار ۇلت بۇقاراسىنىڭ ارالاسۋىن، ىشتەسۋىن، توعىسۋىن جەبەۋدى نىسانا ەتىپ، ادامدى وزەك ەتكەن جاڭاشا قالا ـ قالاشىقتاندىرۋدى تىڭعىلىقتى ىلگەرىلەتۋ كەرەك. ٴوزارا كىرىكپەلى قوعامدىق قۇرىلىم مەن الەۋمەتتىك اۋماق ورتاسىن جەدەل قۇرىپ، ۇلتتاردىڭ كەڭىستىك، مادەنيەت، ەكونوميكا، قوعام، پسيحولوگيا سياقتى جاقتاردا جان ـ جاقتى كىرىگۋىن جەبەۋ؛ كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەپ، كەڭەيتىپ، اۋىل ـ قىستاق قۇرىلىسى ارەكەتىن ىشكەرىلەي اتقارىپ، اۋىل ـ قىستاقتىڭ جاپپاي گۇلدەنۋىن ىلگەرىلەتۋ؛ وڭتۇستىك شينجياڭ وڭىرىندەگى ٴتۇيىندى قالا ـ قالاشىقتاردى جوبالاۋ قۇرىلىسىن جوعارى ولشەممەن ىلگەرىلەتىپ، جان سانى مەن كاسىپ سالاسىنىڭ شوعىرلانۋ دەڭگەيىن جوعارىلاتىپ، جوعارى دارەجەلى وقۋ ـ اعارتۋدى زور كۇشپەن دامىتىپ، قالا ـ قالاشىقتاردىڭ كوتەرىمدىلىك قۋاتىن، باۋراۋ قۋاتىن، شارپۋ قۋاتىن ۇزدىكسىز كۇشەيتۋ كەرەك. وڭتۇستىك شينجياڭنىڭ باتىسقا ەسىك اشۋداعى وزگەشە باسىم ورنىن جەتە تانىپ، مەملەكەتتىڭ باتىسقا ەسىك اشۋ ستراتەگياسىمەن بەلسەنە توعىسۋ كەرەك. سەنىمدى بەكەمدەپ، ورايدى يگەرىپ، توڭىرەكتەگى ەلدەرمەن ناقتى ىستەر سەلبەستىگىن ىرىقتىلىقپەن كۇشەيتىپ، كاسىپورىنداردىڭ ”سىرتقا شىعۋىن“ بەلسەنە ىلگەرىلەتىپ، شەكارا اتتاعان كاسىپ سالاسى مەن ەكونوميكا ـ ساۋدانىڭ توعىسۋ دەڭگەيىن جوعارىلاتۋ؛ شەكارا وتكەلدەرىنىڭ نەگىزدىك قۇرىلعى قۇرىلىسىن جەدەلدەتىپ، ەركىن ساۋدا سىناق رايونى سياقتى ٴتۇرلى ەسىك اشۋ تۇعىرلارىنىڭ رولىن ساۋلەلەندىرىپ، حالىقارالىق سەلبەستىكتى كەڭەيتۋ بارىسىندا ەسىك اشۋ قابىلەتىن جوعارىلاتۋ كەرەك. ”ٴبىر تۇتاس جۇيە“، ”ٴبىر ٴۇيلى جان“ ۇستانىمىن بەرىك ورناتىپ، بيڭتۋان مەن جەرگىلىكتى ورىننىڭ توعىسپالى دامۋىن ىلگەرىلەتىپ، تىڭ ناتيجەلەرگە قول جەتكىزۋدى جۇزەگە اسىرۋ كەرەك. باسىمدىققا يە بايلىقتاردى بيڭتۋانعا بەيىمدەپ ورنالاستىرۋ سەرپىنىن ارتتىرىپ، بيڭتۋان مەن جەرگىلىكتى ورىننىڭ جان ـ جاقتى، ٴار سالادا ىشكەرىلەي توعىسپالى دامۋىن بىرگە ىلگەرىلەتۋ كەرەك.
ما شيڭرۇي بىلاي دەپ باسا دارىپتەدى: اۆتونوميالى رايوننىڭ ٴارقايسى تاراۋلارى، وڭتۇستىك شينجياڭداعى بيڭتۋان مەن جەرگىلىكتى ورىننىڭ ٴار دارەجەلى باسشى كادرلارى رەفورمانى ونان ارى جاپپاي تەرەڭدەتۋ ارقىلى وڭتۇستىك شينجياڭنىڭ جوعارى ساپالى دامۋىن ىلگەرىلەتۋدەگى ساياسي جاۋاپكەرشىلىك سەزىمىن كۇشەيتۋى كەرەك، ماسەلە كۇردەلى دەپ سوقتىعۋعا باتىلدىق ەتپەۋگە، قايشىلىق كورنەكتى دەپ اينالىپ وتۋگە بولمايدى. دامۋدىڭ ارتتا قالۋىنا بولا قول قۋسىرىپ قاراپ وتىرۋعا بولمايدى. يدەيانى ونان ارى ازات ەتىپ، داعدىلى ويلاۋدان، ادىسكە يەك سۇيەۋدەن باتىل ارىلىپ، شىن سويلەۋگە، ناقتى امال قاراستىرۋعا، ناقتى ٴىس ىستەۋگە تاباندى بولىپ، شىندىققا جۇگىنىپ ناقتى ٴىس ىستەي وتىرىپ قيىن ماسەلەلەردى شەشىپ، توقىراۋلى كۇيدى بۇزىپ، جاڭا جاعداي اشۋ كەرەك. ورتالىقتىڭ وڭتۇستىك شينجياڭنىڭ دامۋىن قولداۋداعى ٴتۇرلى ساياساتتارىنان ويداعىداي پايدالانىپ، ورتالىق كاسىپورىندارى مەن شينجياڭعا كومەكتەسەتىن ولكە، قالالاردىڭ بەلسەندى رولىن ساۋلەلەندىرىپ، شينجياڭ ىشىندەگى ىستەستىك سەرپىنىن ارتتىرىپ، ٴار جاق وڭتۇستىك شينجياڭنىڭ جوعارى ساپالى دامۋىن كۇش بىرىكتىرە قولدايتىن قىزمەت جاعدايىن قالىپتاستىرۋ كەرەك.
ەركىن تۇنياز ٴماجىلىستى باسقارعاندا بىلاي دەپ اتاپ كورسەتتى: اۆتونوميالى رايوندىق پارتكومنىڭ وڭتۇستىك شينجياڭ قىزمەتىن الدىمەن جاقسى ىستەۋ بەكىمى باستان ـ اياق بەرىك، وڭتۇستىك شينجياڭنىڭ جوعارى ساپالى دامۋىن ىلگەرىلەتۋ ۇستانىمى، وي جەلىسى باستان ـ اياق دايەكتى بولىپ كەلەدى. جەر ـ جەر، تاراۋلار قىزمەت تاباندىلىعىن ساقتاپ، وي جەلىسىن اناعۇرلىم ايقىنداپ، شارالاردى ايقىنداپ، تياناقتاندىرۋدى تاباندىلىقپەن ويداعىداي يگەرۋى كەرەك. يدەيانى، كوزقاراستى ۇزدىكسىز ازات ەتىپ، ٴتۇزىلىس ـ مەحانيزمدە جاڭالىق اشىپ، جەرگىلىكتى جاعدايعا قاراي قىزمەت جوباسىن جاساپ، جوعارى ساپالى دامۋدى ىلگەرىلەتۋدە تىڭعىلىقتى ناتيجەگە قول جەتكىزۋ كەرەك. وڭتۇستىك شينجياڭداعى ايماقتار، وبلىستار جانە بيڭتۋاننىڭ شى، قالالارى تۇلعالىق رولىن ساۋلەلەندىرىپ، شىنايى، ناقتى شارالاردى العا قويىپ، باتىلدىقپەن جاۋاپكەرشىلىك ارقالاپ، ىسكەرلىك كورسەتۋى، اۆتونوميالى رايوننىڭ قاتىستى تاراۋلارى ”ٴىستى جوعارى ونىمدىلىكپەن ٴبىتىرۋدى“ ارقاۋ ەتىپ، ەرەكشە ٴىستى ەرەكشە ٴبىتىرىپ، جوعارى ونىمدىلىكپەن تەكسەرىپ بەكىتۋى كەرەك. دامۋ مەن حاۋىپسىزدىكتى شىن مانىندە ٴبىر تۇتاس ويداعىداي جوسپارلاپ، حاۋىپ ـ قاتەردەن ساقتانۋ قىزمەتىن ۇزدىكسىز ويداعىداي يگەرۋ كەرەك.
تيان شياڭلي، چىن ۋيجۇن، ٴيۇسۇپجان مامەت، ەلزات احمەتجان، قادەن كابەن، اۆتونوميالى رايوندىق ۇكىمەتتىڭ، ساياسي كەڭەستىڭ، بيڭتۋاننىڭ قاتىستى باسشىلارى، اۆتونوميالى رايوندىق سوت مەكەمەسىنىڭ، پروكۋراتۋرانىڭ نەگىزگى جاۋاپتى جولداستارى، اۆتونوميالى رايوننىڭ جانە بيڭتۋاننىڭ قاتىستى ورىندارىنىڭ، ايماقتاردىڭ، وبلىستاردىڭ، قالالاردىڭ جانە بيڭتۋاننىڭ ٴارقايسى شىلارىنىڭ، قالالارىنىڭ جاۋاپتى جولداستارى ماجىلىسكە قاتىناستى. اۆتونوميالى رايوندىق پارتكومنىڭ ورگانىندا، بيڭتۋان ورگانىندا، وڭتۇستىك شينجياڭداعى قاتىستى ايماق، وبلىستاردا جانە بيڭتۋاننىڭ قاتىستى شىلارىندا، قالالارىندا، سونداي ـ اق قاراستى اۋدان، قالالاردا، تۋان ـ الاڭداردا بولىمشە ٴماجىلىس الاڭى ورنالاستىرىلدى.
