اۆتونوميالى رايوندىق پارتكومنىڭ تۇراقتى مۇشەلەرى وزدەرى جاۋاپتى بولعان سالالاردا پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن جەتكىزدى، ۇيرەندى، دايەكتىلەندىردى
ٴتۇرلى رەفورما ورنالاستىرۋلارىنىڭ تياناقتانىپ، ونىمدىلىك كورسەتۋىن بار كۇشپەن ىلگەرىلەتۋ كەرەك
انار بۇلت \ شينجياڭ گازەتىنىڭ ٴتىلشىسى جاڭ يانفاڭ 7 ـ ايدىڭ 27 ـ كۇنى ۇرىمجىدەن حابارلايدى. تاياۋدا اۆتونوميالى رايوندىق پارتكومنىڭ تۇراقتى مۇشەلەرى وزدەرى جاۋاپتى بولعان سالالاردا پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ٴسوزىنىڭ رۋحىن جەتكىزىپ، ۇيرەنىپ، ٴىس جۇزىندىكپەن بىرلەستىرىپ ۇيرەنۋ، ۇگىتتەۋ، دايەكتىلەندىرۋ قىزمەتىن ورنالاستىرىپ، رەفورما رۋحى ارقىلى قامال الىپ قيىندىقتاردى جەڭىپ، ٴتۇرلى ورنالاستىرۋلاردىڭ تياناقتانىپ، ونىمدىلىك كورسەتۋىن بار كۇشپەن ىلگەرىلەتتى.
چىن ميڭگو اۆتونوميالى رايوندىق پارتكوم ساياسي ـ زاڭ كوميتەتى نازاريا ۇيرەنۋ وزەكتى گرۋپپاسىنىڭ كەڭەيتىلگەن ۇيرەنۋ ماجىلىسىندە بىلاي دەپ باسا دارىپتەدى: ساياسي ـ زاڭ جۇيەسى يدەيا مەن ارەكەتتى باس شۋجي شي جينپيڭنىڭ ماڭىزدى ٴسوزىنىڭ رۋحىمەن جانە جالپى ٴماجىلىستىڭ ستراتەگيالىق ورنالاستىرۋىمەن بىرلىككە كەلتىرىپ، رەفورمانى ونان ارى جاپپاي تەرەڭدەتۋدىڭ ساياسي جاۋاپكەرشىلىك سەزىمىن جانە تاريحي بورىشتىلىق سەزىمىن كۇشەيتىپ، شينجياڭنىڭ ساياسي ـ زاڭ قىزمەتىنىڭ وسىزاماندانۋىن ەكپىندەي ىلگەرىلەتۋدىڭ ٴىس جۇزىندىك ارەكەتى ارقىلى ”ەكىنى تۇراقتاندىرۋدى“ تاباندىلىقپەن قولداۋ، ”ەكىنى قورعاۋدى“ باتىل ورىنداۋ كەرەك. جالپى ٴماجىلىستىڭ رۋحىن ۇيرەنۋدى، دايەكتىلەندىرۋدى كەزەكتەگى ساياسي ـ زاڭ، ورنىقتىلىقتى قورعاۋ قىزمەتىمەن تىعىز بىرلەستىرىپ، شي جينپيڭ زاڭمەن باسقارۋ يدەياسىن جاپپاي تياناقتاندىرىپ، جالپى تۇلعالىق مەملەكەت حاۋىپسىزدىگى كوزقاراسىن تاباندىلىقپەن دايەكتىلەندىرىپ، لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن ۇزدىكسىز ىلگەرىلەتىپ، زاڭمەن باسقارۋ وي جەلىسى جانە زاڭمەن باسقارۋ تاسىلىنەن پايدالانۋعا تاباندى بولىپ حاۋىپ ـ قاتەرلەردەن ساقتانۋ، قىلمىسقا سوققى بەرۋ، ماسەلەلەردى ٴبىر جاقتى ەتۋ، قايشىلىقتى جويۋ كەرەك. نازاردى قوعام ورنىقتىلىعىن قورعاۋ جاۋاپكەرشىلىك ٴتۇزىمىن تياناقتاندىرۋ، زاڭمەن باسقارىلاتىن شارۋاشىلىق ـ ساۋدا ورتاسىن ساپالىلاندىرۋ سياقتى تۇيىندەرگە شوعىرلاندىرىپ، حاۋىپ ـ قاتەردەن ساقتانۋ، حاۋىپسىزدىككە كەپىلدىك ەتۋ، ورنىقتىلىقتى قورعاۋ، دامۋدى جەبەۋ سىندى ٴتۇرلى قىزمەتتەردى بار كۇشپەن ويداعىداي ىستەۋ كەرەك. ساياسي ـ زاڭ قوسىنىن تاربيەلەۋدى، باسقارۋدى، باقىلاۋدى ىلگەرىلەتۋدى كورنەكتىلەندىرىپ، پارتيانى جاپپاي قاتاڭ باسقارۋ، ساقشىلاردى جونگە سالۋ جۇيەسىن كەمەلدەندىرىپ، ادال، كىرشىكسىز، جاۋاپكەرشىلىك ارقالايتىن ساياسي ـ زاڭ قۇرىش قوسىنىن كۇش سالا تۇلعالاپ، ساياسي ـ زاڭ قىزمەتىن وسىزامانداندىرۋ ارقىلى شينجياڭنىڭ جوعارى ساپالى دامۋىنا، جوعارى دەڭگەيدەگى حاۋىپسىزدىگىنە تىرەك بولۋ جانە قىزمەت وتەۋ كەرەك.
قادەن كابەن اۆتونوميالى رايوندىق پارتكوم كەڭسەسىنىڭ كەڭسە ىستەرى ماجىلىسىندە بىلاي دەپ باسا دارىپتەدى: پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە بۇدان بىلايعى ٴبىر مەزگىلدەگى كەلەلى ساياسي مىندەت ەتىپ، قىزمەتتى ٴبىر تۇتاس جوسپارلاۋدى كۇشەيتىپ، دايەكتىلەندىرۋدى، تياناقتاندىرۋدى ويداعىداي يگەرۋ كەرەك. ”ٴبىرىنشى كەڭەستىك تاقىرىپ“ ٴتۇزىمىن قاتاڭ تياناقتاندىرىپ، ٴار دارەجەلى، ٴارقايسى تاراۋلاردىڭ ٴتۇرلى ۇيرەنۋ مەحانيزمىنەن ويداعىداي پايدالانۋىنا جەتەكشىلىك ەتىپ، ۇيرەنۋدىڭ تەرەڭدەۋىن، ناقتىلانۋىن ىلگەرىلەتۋ كەرەك. اۆتونوميالى رايوندىق پارتكوم جالپى ٴماجىلىسىنىڭ دايىندىق قىزمەتىن مۇقيات ويداعىداي ىستەپ، كەڭسەنىڭ ماڭىزدى حۇجاتتاردى بىرلەسىپ تەكسەرۋ مەحانيزمى رولىن ويداعىداي ساۋلەلەندىرىپ، اۆتونوميالى رايوندىق پارتكومنىڭ ٴبىر توپ ”بىرەۋى ارقىلى ٴبارىن اتتانىسقا كەلتىرەتىن“ كەلەلى رەفورما شارالارىن ورنالاستىرۋىنا بەلسەندى سايكەسۋ كەرەك. رەفورما جاساۋ، جاڭالىق اشۋ رۋحىن اسقاقتاتىپ، جالپى ٴماجىلىستىڭ ورنالاستىرۋ تالابى بويىنشا، اۆتونوميالى رايوندىق پارتكومنىڭ ەلەۋلى حاۋىپ ـ قاتەردەن ساقتانۋ، جويۋ، قازىنا ـ ەكونوميكا سالاسى قىزمەتىنىڭ ناقتى ونىمدىلىگىن جوعارىلاتۋ، تۇتاس رايون ورگاندارىن سيفرلاندىرۋ قۇرىلىسىن جەدەلدەتۋ سياقتى قىزمەتتەردى ويداعىداي ىستەۋىنە قىزمەت وتەپ، قامتاماسىز ەتىپ، ماسەلەنى شەشۋدى قۇلشىنا جۇزەگە اسىرۋ كەرەك. رەفورما جاساۋدى، جاڭالىق اشۋدى قوزعاۋشى كۇش ەتىپ، پارتكوم كەڭسەسى قىزمەتىندەگى ”وزگەرىس ەنگىزەتىن تۇيىندەر“ مەن ”ساپالىلاندىراتىن تۇيىندەردى“ ٴدال تاۋىپ، ٴتارتىپتىڭ قايتا جاسالۋىن جانە ٴتۇرلى ٴتۇيىندى مىندەتتەردىڭ تياناقتاندىرىلۋىن ۇزدىكسىز ىلگەرىلەتىپ، ”ۇشكە قىزمەت وتەۋدىڭ“ ساپاسىن، ونىمدىلىگىن ۇزدىكسىز جوعارىلاتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە پارتكوم كەڭسەسىنىڭ اناعۇرلىم زور ۇلەسىن قوسۋ كەرەك.
ۋاڭ لين اۆتونوميالى رايوندىق پارتكوم ۇيىمداستىرۋ بولىمىندە پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن جەتكىزۋ، ۇيرەنۋ، دايەكتىلەندىرۋ ماجىلىسىندە بىلاي دەپ باسا دارىپتەدى: تۇتاس رايونداعى ۇيىمداستىرۋ جۇيەسى جالپى ٴماجىلىستىڭ رۋحىن تەرەڭ ۇيرەنۋ، ەگجەي ـ تەگجەيلى ۇعىنۋ بارىسىندا ”ەكىنى تۇراقتاندىرۋدى“ باتىل قولداۋدىڭ، ”ەكىنى قورعاۋدى“ تاباندىلىقپەن ورىنداۋدىڭ ساياسي سانالىلىعىن اناعۇرلىم كۇشەيتىپ، ۇيىمداستىرۋ قىزمەتىنىڭ ورنىن ٴدال تاۋىپ، بەلسەندىلىكپەن، ىرىقتىلىقپەن جاۋاپكەرشىلىك ارقالاپ، ىسكەرلىك كورسەتۋ كەرەك. اۆتونوميالى رايوندىق پارتكومنىڭ ورنالاستىرۋى بويىنشا، ۇيرەنۋدىڭ قىزۋ ورلەۋىن دەرەۋ كوتەرىپ، پارتيالى باسشى كادرلاردىڭ ۇيرەنۋىن كورنەكتى يگەرىپ، اۋدان ـ باسقارما دارەجەلىدەن جوعارى باسشى كادرلاردىڭ بارلىعىن كەزەكپەن تاربيەلەۋ جانە پارتيالى كادرلاردى جۇيەلى تاربيەلەۋ قىزمەتىن دەن قويا ۇيىمداستىرىپ، نەگىزگى ساتى پارتيا ۇيىمدارىن فورمانى، دانەكەردى بايىتۋعا جەتەكشىلىك ەتىپ، پارتيا مۇشەلەرىنىڭ ۇيرەنۋ تاربيەسىن ناقتى يگەرىپ، جالپى ٴماجىلىس رۋحىنىڭ ساناعا، جۇرەككە ۇيالاۋىن ىلگەرىلەتۋ كەرەك. جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋدى تىعىز ارقاۋ ەتە وتىرىپ، پارتيا قۇرىلىسى ٴتۇزىم رەفورماسى، دارىندىلاردى دامىتۋ ٴتۇزىلىس ـ مەحانيزم رەفورماسى سياقتى مىندەتتەردى نىسانالى تۇردە تياناقتاندىرىپ، نازاريامەن قارۋلانۋ، جارامدىلارىن تاڭداپ، قابىلەتتىلەرىن تاعايىنداۋ، نەگىزدى كۇشەيتىپ، تاعاندى بەكەمدەۋ، دارىندىلاردى باۋلۋ، دارىندىلاردى توپتاۋ قىزمەتتەرىن ٴبىر تۇتاس جوسپارلاپ ويداعىداي ىستەپ، تۇتاس رايونداعى ٴار دارەجەلى پارتيا ۇيىمدارىنىڭ جانە قالىڭ پارتيا مۇشەلەرىنىڭ، كادرلاردىڭ رەفورمانى يگەرۋ، دامۋدى جەبەۋ بەلسەندىلىگىن، ىرىقتىلىعىن، جاسامپازدىعىن اتتانىسقا كەلتىرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتۋگە تەلەگەي كۇش ۇيىستىرۋ كەرەك.
